25/10/2026
ڄامشورو: سنڌ جي وڏي وزير جي هدايت تي حيدرآباد جي ڪمشنر ۽ ڄامشوري جي ڊپٽي ڪمشنر پاران سينيئر صحافي جي اين مغل جي عيادت، جلد صحتيابي لاءِ نيڪ تمنائن جو اظهار
ڄامشورو (ه آ): سنڌ جي وڏي وزير جي هدايت تي حيدرآباد جي ڪمشنر فياض حسين عباسي، ڄامشوري جي ڊپٽي ڪمشنر غضنفر علي قادري سان گڏ لياقت يونيورسٽي آف ميڊيڪل اينڊ هيلٿ سائنسز (لمس) اسپتال ۾ علاج هيٺ سينيئر صحافي غلام نبي مغل (جي اين مغل) جي عيادت ڪئي ۽ سندس خيريت معلوم ڪئي. ان موقعي تي هنن سينيئر صحافي کي گلدستو پڻ پيش ڪيو.
حيدرآباد جي ڪمشنر ڊاڪٽرن کان جي اين مغل جي طبيعت ۽ جاري علاج بابت معلومات حاصل ڪئي ۽ سندس جلد صحتيابي لاءِ دعا ڪندي نيڪ خواهشن جو اظهار ڪيو.
هن اسپتال انتظاميا کي هدايت ڪئي ته سينيئر صحافي جي علاج ۽ سار سنڀال ۾ ڪا به ڪسر نه ڇڏي وڃي ۽ کيس سموريون ضروري طبي سهولتون فراهم ڪيون وڃن.