Archives & Libraries Wing

قائداعظم لائبریری میں 42nd بک سلیکشن کمیٹی (BSC) کا اجلاس

محترمہ قدسیہ رحیم کی زیر صدارت قائداعظم لائبریری میں 42nd بک سلیکشن کمیٹی (BSC) کا اجلاس منعقد ہوا۔ اجلاس میں ڈائریکٹر جنرل پبلک لائبریریز پنجاب و سیکرٹری بورڈ آف گورنرز قائداعظم لائبریری جناب کاشف منظور، محترمہ زوبیہ رشید (نمائندہ پی آئی ٹی بی)، محترم کامران صاحب، چیف لائبریرین محترم عبدالرحیم اور دیگر لائبریری عملے نے شرکت کی۔

اجلاس میں محترمہ عائشہ سبحانی نے ایجنڈا پیش کیا اور لائبریری کے اہم امور پر تفصیل سے گفتگو کی گئی۔

ڈیجیٹل وسائل کی ترقی کے لیے اہم قدم

ڈائریکٹر جنرل پبلک لائبریریز پنجاب جناب کاشف منظور اور چیف لائبریرین قائداعظم لائبریری جناب عبدالرحیم نے برٹش کونسل لائبریری کا دورہ کیا، جہاں انچارج برٹش کونسل لائبریری محترمہ سارہ صاحبہ نے ان کا پرتپاک استقبال کیا اور لائبریری کے مختلف شعبہ جات کا معائنہ کروایا۔

اس دورے کا مقصد برٹش کونسل لائبریری کے ڈیجیٹل وسائل، ای-جرنلز، آئی ٹی انفراسٹرکچر اور جدت کے منصوبوں کا جائزہ لے کر پنجاب کی پبلک لائبریریز میں ان جدید سہولتوں کو نافذ کرنے کے لیے ایک مفاہمتی یادداشت پر دستخط کرنا تھا۔ یہ اقدام پنجاب کی لائبریریز کو جدید دور کے تقاضوں سے ہم آہنگ کرنے اور لائبریری صارفین کو جدید ترین معلوماتی ذرائع تک رسائی فراہم کرنے کے لیے اہم قدم ہے۔

یہ دورہ پنجاب کی پبلک لائبریریز میں جدید ڈیجیٹل سہولتوں کے آغاز کی راہ ہموار کرے گا، جس سے طلبہ، محققین اور عام قارئین کو عالمی معیار کی تعلیمی اور تحقیقی سہولتیں حاصل ہوں گی۔ برٹش کونسل لائبریری کے ترقی یافتہ انفراسٹرکچر سے استفادہ کرتے ہوئے، پنجاب کی لائبریریوں کو جدید ڈیجیٹل وسائل سے لیس کیا جائے گا، تاکہ تمام افراد تک بروقت، درست، اور تیز معلومات پہنچ سکے۔

یومِ پاکستان کی پروقار تقریب قائداعظم لائبریری میں

آج قائداعظم لائبریری میں یومِ پاکستان کے موقع پر ایک شاندار تقریب کا انعقاد کیا گیا، جس کی صدارت چیف لائبریرین جناب عبدالرحیم نے کی۔ تقریب کا آغاز تلاوتِ قرآن پاک سے ہوا، جس کے بعد لائبریری اسٹاف، صارفین اور دیگر معزز شرکاء نے بھرپور شرکت کی۔

اس تقریب کا مقصد نئی نسل کو قیامِ پاکستان کی تاریخ، تحریکِ آزادی کے رہنماؤں کی جدوجہد، اور مسلمانوں کی ایک علیحدہ ریاست کے قیام کے لیے دی جانے والی قربانیوں سے آگاہ کرنا تھا۔

یومِ پاکستان کے حوالے سے لائبریری میں اردو اور انگریزی کُتب کی نمائش کا بھی اہتمام کیا گیا، جسے شرکاء نے بہت سراہا۔ شرکاء نے اس قسم کی تقریبات کو نئی نسل کی فکری و نظریاتی آبیاری کے لیے نہایت مفید قرار دیا۔

تقریب کے اختتام پر شرکاء کی گروپ فوٹو بنائی گئی اور پاکستان کی ترقی، خوشحالی، اور سلامتی کے لیے خصوصی دعا کی گئی۔

🇵🇰 Pakistan Resolution Day Celebrated at Punjab Public Library, Lahore 🇵🇰

Government Punjab Public Library, Lahore, proudly commemorated Pakistan Resolution Day with patriotic fervor and enthusiasm. The event saw heartfelt participation from both library staff and readers.

A special book exhibition was curated, showcasing rare and insightful literature on the Pakistan Movement, offering a glimpse into the sacrifices and vision that led to the creation of our beloved homeland.

The celebration not only honored the spirit of 23rd March but also ignited a deep sense of patriotism, inspiring attendees to reflect on the significance of this historic day and the enduring legacy of our forefathers.

📚✨ Let’s continue to preserve and promote the values that laid the foundation of Pakistan.

بحریہ یونیورسٹی لاہور کے طلباء کا قائداعظم لائبریری کا معلوماتی دورہ

بحریہ یونیورسٹی، لاہور کے طلباء و طالبات نے محترمہ اقراء آفتاب (لائبریری آفیسر) کی زیرِ سرپرستی قائداعظم لائبریری، لاہور کا ایک معلوماتی و تعلیمی دورہ کیا۔
اس موقع پر چیف لائبریرین جناب عبدالرحیم نے لائبریری کے عملے کے ہمراہ مہمانوں کا پرتپاک استقبال کیا۔

طلباء کو لائبریری کے نظام، خدمات اور مختلف سرگرمیوں سے متعلق تفصیلی بریفنگ دی گئی، جس میں انہوں نے گہری دلچسپی کا مظاہرہ کیا۔
دورے کے دوران شرکاء کو لائبریری کے مختلف سیکشنز، نایاب کتب کے ذخیرے اور جدید ڈیجیٹل سہولیات سے متعارف کروایا گیا۔ طلباء نے نہ صرف لائبریری کے علمی ماحول سے استفادہ کیا بلکہ اس کی تاریخی عمارت کے دلکش فنِ تعمیر کو بھی خوب سراہا۔

ڈائریکٹر جنرل پبلک لائبریریز پنجاب جناب کاشف منظور نے طلباء سے خصوصی گفتگو کی۔ انہوں نے لائبریریوں کی عصری اہمیت، ارتقائی سفر اور ٹیکنالوجی کے ساتھ انضمام پر سیر حاصل بات کی۔ ان کا کہنا تھا:
"لائبریریاں معاشرتی ترقی کی بنیاد ہیں، اور نوجوانوں میں کتب بینی کا فروغ وقت کی اہم ضرورت ہے۔"

دورے کے اختتام پر قائداعظم لائبریری اور بحریہ یونیورسٹی کے مابین یادگاری شیلڈز کا تبادلہ ہوا، جو اس تعلیمی تعاون کا خوبصورت مظہر تھا۔
معزز مہمانوں نے اس علمی سفر کو ایک شاندار اور یادگار تجربہ قرار دیا اور لائبریری انتظامیہ کی کاوشوں کو بھرپور سراہا۔

یہ دورہ نوجوانوں کے لیے نہ صرف تعلیمی لحاظ سے مفید ثابت ہوا بلکہ علم و ادب سے ان کی دلچسپی کو بھی نئی جہت عطا کر گیا۔

عالمی یومِ خواتین — خواتین کی عظمت کو سلام

پنجاب پبلک لائبریری، لاہور میں عالمی یومِ خواتین کے موقع پر ایک باوقار تقریب کا انعقاد کیا گیا، جس کی صدارت محترم چیف لائبریرین عبدالرحیم نے کی۔ تقریب کا آغاز تلاوتِ کلامِ پاک سے ہوا، جس نے فضا کو روحانی نور سے منور کر دیا۔

چیف لائبریرین عبدالرحیم نے خواتین کے مثالی کردار کو خراجِ تحسین پیش کرتے ہوئے کہا:
"عورت معاشرے کی ریڑھ کی ہڈی ہے۔ اسلام نے عورت کو بے پناہ عزت اور مقام عطا کیا ہے، اور تعلیم اس کا بنیادی حق ہے۔ تعلیم یافتہ عورت معاشرتی ترقی کی بنیاد رکھتی ہے۔"

لائبریرین محمد آصف وحید نے بھی تقریب سے خطاب کرتے ہوئے ایک خوشحال معاشرے کے لیے عورت کے مثبت کردار کو ناگزیر قرار دیا۔

تقریب میں لائبریری کی خواتین ممبران نے اپنے خیالات کا اظہار کرتے ہوئے عورت کی عظمت، حوصلے اور معاشرتی کردار پر روشنی ڈالی۔ شرکاء نے اس بات پر زور دیا کہ خواتین کو ہر میدان میں مساوی مواقع دیے جائیں تاکہ وہ اپنی صلاحیتوں کو بروئے کار لا کر معاشرے کا روشن مستقبل بن سکیں۔

کتب نمائش:
اس موقع پر اردو اور انگریزی کتب پر مشتمل ایک خصوصی نمائش کا اہتمام بھی کیا گیا، جسے شرکاء نے خوب سراہا۔

واک فار ویمن:
پروگرام کے اختتام پر ایک شاندار واک کا انعقاد کیا گیا، جس میں شرکاء نے بھرپور شرکت کی۔ یہ واک خواتین کی عظمت، مساوات اور یکجہتی کے عزم کی علامت تھی — ایک ایسے معاشرے کے خواب کی تجدید جہاں ہر عورت عزت، وقار اور اپنے حقوق کے ساتھ زندگی گزار سکے۔

عورت کا مقام، عظمت کا پیغام — قائداعظم لائبریری میں عالمی یومِ خواتین کی تقریب

قائداعظم لائبریری، لاہور کے اقبال ہال میں عالمی یومِ خواتین کے موقع پر ایک پروقار تقریب کا انعقاد کیا گیا، جس کی صدارت محترم چیف لائبریرین عبدالرحیم نے کی۔ تقریب کا آغاز تلاوتِ کلامِ پاک سے ہوا، جس نے فضا کو روحانی نور سے معطر کر دیا۔

چیف لائبریرین نے اپنی گفتگو میں عورت کے عظیم کردار کو خراجِ تحسین پیش کرتے ہوئے کہا:
"عورت کسی بھی معاشرے کی ریڑھ کی ہڈی ہے۔ اسلام نے اسے بے مثال عزت اور مقام دیا ہے، اور تعلیم اس کا بنیادی حق ہے۔ ایک تعلیم یافتہ عورت مہذب معاشرے کی بنیاد رکھتی ہے۔"

اس موقع پر لائبریری کی خواتین ممبران نے بھی اپنے خیالات کا اظہار کیا اور عورت کے حوصلے، کردار اور معاشرتی اہمیت پر روشنی ڈالی۔ شرکاء نے اس بات پر زور دیا کہ خواتین کو ترقی کے مساوی مواقع فراہم کیے جائیں تاکہ وہ معاشرے کی تعمیر میں فعال کردار ادا کر سکیں۔

تقریب میں اردو اور انگریزی کتب کی خصوصی نمائش بھی کی گئی، جسے شرکاء نے بے حد سراہا۔

پروگرام کے اختتام پر "واک فار ویمن" کا انعقاد کیا گیا، جس میں شرکاء نے بھرپور شرکت کرتے ہوئے خواتین کی عظمت اور یکجہتی کو سلام پیش کیا۔ یہ واک ایک روشن، مہذب اور مساوات پر مبنی معاشرے کے عزم کی تجدید تھی۔

"یادِ غالب" — ایک بامقصد علمی نشست

قائداعظم لائبریری، لاہور اور ادارۂ زبان و ادبیاتِ اردو، پنجاب یونیورسٹی کے اشتراک سے اقبال ہال، قائداعظم لائبریری میں *مرزا غالب* کی یاد میں ایک روزہ سیمینار کا انعقاد کیا گیا۔ اس فکری نشست میں طلبہ و طالبات نے بھرپور جوش و جذبے سے شرکت کی۔

معزز مقررین نے اردو ادب میں غالب کی لافانی حیثیت، ان کی شاعری کی فکری گہرائی، ندرتِ بیان اور اردو ادب کو نئی جہت دینے میں ان کے انقلابی کردار پر سیر حاصل گفتگو کی۔

معزز مہمانانِ گرامی:
- جناب کاشف منظور (ڈائریکٹر جنرل، پبلک لائبریریز پنجاب)
- ڈاکٹر بصیرہ عنبرین (ڈائریکٹر، ادارۂ زبان و ادبیاتِ اردو)
- عبد الرحیم (چیف لائبریرین، قائداعظم لائبریری)
- ڈاکٹر عطیہ سید
- جناب سجاد میر
- ڈاکٹر نجیب جمال
- ڈاکٹر فخرالحق نوری

قائداعظم لائبریری کی جانب سے معزز مہمانوں کو اعزازی شیلڈز پیش کی گئیں۔

Enhancing Digital Learning & Publishing!

M. Khan Ranjha (PAS-20), Secretary Archives & Libraries Wing, S&GAD, held a productive meeting with the Oxford University Press team to explore collaborations for the Punjab E-Library Project and Digital Publishing. This partnership aims to expand access to knowledge and promote digital learning across Punjab.



Govt of Punjab Oxford University Press Pakistan

Consultation Session for Publishers/Authors

Vision of the Chief Minister, Punjab Free State-of-the-Art Libraries.

Maryam Nawaz Sharif Punjab Information Technology Board (PITB) Govt of Punjab