03/10/2026
S3 of Bloody Love 🔥
By
Episode 32.. 3rd generation of executioners ❤️
وائیٹ پیلس کے لان میں جھولے کی پشت سے ٹیک لگائے وہ آنکھیں موندے ٹیک لگائے بیٹھا تھا۔ منہ میں سنیمن چبا کر اس کی تلخیاں اپنے اندر اتاریں۔ اس سنیمن کے ذائقے کی طرح اس کی زندگی بھی بہت تلخ ہو گئی تھی۔ چہرے پر حزن و ملال تھا۔ کل شام خضر نے اسے چند میسجز بھیجے تھے اور ابراہیم ہاؤس میں کچھ اسپیشل ارینج کرنے کو بولا تھا۔ اس کے آدمی تقریباً آدھے گھنٹے کے اندر اندر وہ اسپیشل ارینجمنٹس کر آئے تھے۔ وہ خود وہاں نہیں گیا تھا۔ دل سے ہر خواہش مر چکی تھی جیسے۔
جب خواہشات مر جاتی ہیں تب صرف سمجھوتے رہ جاتے ہیں پھر آپ خوش ہو یا اداس کوئی فرق نہیں پڑتا۔ اسی لئے اب اسے بھی کسی چیز سے کوئی فرق نہیں پڑ رہا تھا۔ اسے صبر آیا تھا دل سے ہر ارمان کا جنازہ بڑی سج دھج سے نکلا تھا۔ تبھی کسی بھی چیز کی تمنا باقی نہیں رہی تھی۔
وائیٹ پیلس میں آج غیر معمولی سی ہلچل تھی۔ پاشا ابراہیم ، سوہم خان اور کبیر کے ساتھ دیا وائٹ پیلس کے طویل وعریض لاونج میں داخل ہوئی تو دیا کی بڑی بڑی سبز نگاہیں حیرت سے پھیل گئیں تھیں۔
ایسا نہیں تھا کہ خیل حویلی میں ٹی وی موجود نہیں تھا۔ وہ بڑے بڑے اسلامی چینلز پر اسلام کے بڑے بڑے علماء اور سکالرز کے بیانات سنا کرتی تھی۔ اور آج وہ بڑی بڑی چار شخصیات وائیٹ پیلس میں اس کے سامنے موجود تھیں۔ ان میں ڈاکٹر محمد صالح ، ڈاکٹر محمد فاخر نائیک ، قاری محمد طیب، مولانا سید حفیظ شامل تھے۔
سوہم خان اس کا ہاتھ تھام کر ان کے سامنے لایا تھا۔ دیا پر حیرتوں کے پہاڑ ٹوٹے تھے۔ وہ گھبرائی ہوئی سی ان کے قریب آئی تو انھوں نے اس کے سر پر ہاتھ پھیرا۔
جیتی رہو بیٹی،، بیٹھو یہاں سامنے بیٹھو،،، ڈاکٹر صالح نے بہت شیریں لہجے میں کہا تو وہ ان کے سامنے صوفے پر بیٹھ گئی۔ دیا کو ان اتنی بڑی شخصیات کا وائیٹ پیلس میں آ کر اس سے ملنے کا مقصد ابھی تک سمجھ نہیں آیا تھا۔
کیا نام ہے تمھارا بیٹی،،،؟
ڈاکٹر فاخر نے میٹھے سے لہجے میں پوچھا۔
نن،،،،،،،،،نورِ ایماں،،، میرا مطلب ہے دیا،،،
دیا نے بتایا۔ انھوں نے مسکرا کر اس کی جانب دیکھا۔
ہمیں جانتی ہو بیٹی،،،
ایک سوال پھر آیا تو دیا نے اثبات میں سر ہلا دیا۔
جو تمھیں تمھارا اصلی نام لگتا ہے وہ بتاؤ بیٹی جو تمھیں لگتا ہے تمھاری پہچان ہے،،
پھر سوال پوچھا گیا۔
نور پاک بی بی،،،
دیا نے نگاہیں جھکا لیں۔
تمھارا مذہب کیا ہے،،؟ جناب قاری طیب کی جانب سے کافی سخت سا سوال آیا تو وہ بلبلا کر رہ گئی۔
اسلام،،،
بلا جھجھک جواب دیا گیا۔
تم اپنی پہچان نور پاک بی بی بتاتی ہو جسے قرآن مجید کی نسبت سے تمھارا نام رکھا گیا نعوذباللہ،، تم اپنے آپ کو قرآن مجید کی بیوی سمجھتی ہو ،، ہمارے مزہب اسلام میں تو ایسا کچھ تصور بھی نہیں،، تو تم کونسے اسلام کی بات کر رہی ہو بیٹی،،؟ اگر خواتین میں سے کسی کو یہ درجہ ملتا تو انھیں پیغمبر یا رسول بھی بنا کر بھیجا جاتا،، مگر ان کے دین میں نقص ہے،، ( سات دن کی ناپاکی) انھیں پیغمبر یا رسول نہیں بنایا گیا ہاں اپنے شوہر کی فرمانبرداری کے بعد اولاد پیدا کرنے کی عظمت پر جنت ان کے پیروں تلے بچھا دی گئی،،، تو جب کسی خاتون کو پیغمبر یا رسول نہیں بنایا گیا تو اس خاتون کو قرآن مجید کی بیوی کا درجہ کیسے مل سکتا ہے جبکہ آج سے صدیوں پہلے ہمارا دین مکمل ہو چکا ہے،، نا قرآن مجید میں نا حدیث میں کہیں بھی اس کفر و بدعت کی رسم کا ذکر نہیں ہے تو تم کیسے کہہ سکتی ہو کہ تم قرآن مجید کی بیوی نور پاک بی بی ہو،،،؟
ایک سوال، اور دیا میڈم چاروں شانے چت۔ آنکھیں پانیوں سے بھر آئیں اور وہ پٹھی پھٹی نگاہیں لیے اپنے خالی ہاتھوں کو گھورتی رہی تھی۔ اتنے بڑے علماء کرام اسے صاف صاف بتا رہے تھے کہ قرآن و حدیث میں ایسا کوئی تصور نہیں ہے تو زندگی کے اتنے برس کیا اس نے پرہیز گاری کی زندگی گزارنے کی بجائے کفر و بدعت کی زندگی گزاری تھی؟
اَشْهَدُ اَنْ لاَّ اِلٰهَ اِلاَّ اﷲُ وَحْدَهُ لَا شَرِيْکَ لَهُ وَاَشْهَدُ اَنَّ مُحَمَّدًا عَبْدُهُ وَرَسُوْلُهُ.
’’میں گواہی دیتا ہوں کہ اللہ کے سوا کوئی عبادت کے لائق نہیں، وہ اکیلا ہے، اس کا کوئی شریک نہیں اور میں گواہی دیتا ہوں کہ بیشک محمد ( صلی اللہ علیہ وآلہ وسلم ) اللہ کے بندے اور رسول ہیں‘‘
بس یہ ہے ہمارا مکمل اسلام، باقی ارکان اسلام تو آپ اچھی طرح جانتی ہوں گی،، اس کے علاؤہ اور کچھ نہیں،، ہمارا آسان ترین دین کلمے اور اراکین پر ممکل ہے،، ہمیں ہمارے اولیاء کرام سے عقیدت و محبت سکھائی گئی ہے،، اس کے علاوہ باقی تمام چیزیں کفر و بدعت ہیں،، اللہ تعالیٰ نے حوا کی بیٹی کو بہت عظمت و حرمت عطا کی ہے،،
پیغمبر اور رسول نا ہونے کے باوجود مرد کی جنت اس کے قدموں میں رکھ دی،، اس سے بڑھ کر ایک خاتون کی شان اور کیا ہو سکتی ہے،،
محمد صالح میٹھے سے لہجے میں بولتے گئے اور دیا کے آنسو ٹپ ٹپ اس کے ہاتھوں پر گرتے رہے۔
بیٹی ابھی آپ نے بتایا آپ خود کو نورِ ایماں بول رہی تھی مگر آپ کے والدین نے تو آپ کا نام دیا رکھا ہے،، اور آپ کی اصل پہچان وہ ہے جو آپ کو آپ کے والدین نے عطا کی ہے،، تو اس لحاظ سے تو آپ دیا ہی ہوئیں،،
محمد صالح صاحب نے اسے پھر سمجھایا۔ اب کی بار محمد حفیظ صاحب اس کی جانب متوجہ ہوئے تھے۔
بیٹی ہم نے سنا کہ آپ کا نکاح کافی برسوں پہلے ہو گیا تھا،، حوا کی بیٹی ہونے کی حیثیت سے اسلام میں آپ کے اوپر آپ کے شوہر کے کیا حقوق ہیں وہ جانتی ہیں آپ؟ حضور اکرم صلی اللہ علیہ وسلم کے ارشاد کا مفہوم ہے کہ اگر روئے زمین پر کسی انسان کو کسی انسان کو سجدہ کرنے کا حکم دیتا تو وہ حکم بیوی کے لیے ہوتا کہ وہ اپنے شوہر کو سجدہ کرے،، روایت ہے کہ رسول اﷲ صلی اللہ علیہ وسلم نے فرمایا’’ عورت پر سب سے بڑا حق اس کے شوہر کا ہے اور مرد پر سب سے بڑا حق اس کی ماں کا ہے‘‘ (مستدرک حاکم) ایک اور حدیث میں حضرت ابوہریرہ رضی اﷲ عنہ سے روایت ہے کہ رسول اﷲ صلی اللہ علیہ وسلم نے فرمایا’’ اگر میں کسی کو کسی مخلوق کے لئے سجدے کا حکم دیتا تو عورت کو حکم دیتا کہ وہ اپنے شوہر کو سجدہ کرے‘‘ (ترمذی)۔ کسی مخلوق پر کسی دوسری مخلوق کا زیادہ سے زیادہ حق بیان کرنے کے لئے اس سے زیادہ بلیغ اور مؤثر کوئی دوسرا عنوان نہیں ہوسکتا جو رسول اﷲ صلی اللہ علیہ وسلم نے اس حدیث میں بیوی پر شوہر کا حق بیان فرما کر اختیار فرمایا ہے،، اس حدیث کا مطلب اور مدعا یہی ہے کہ کسی کے نکاح میں آجانے اور اس کی بیوی بن جانے کے بعد عورت پر اللہ تعالیٰ کے بعد سب سے بڑا حق اس کے شوہر کا ہوجاتا ہے،، اس لئے اسے چاہئے کہ اس کی فرمانبرداری اور رضا جوئی میں کوئی کمی نہ کرے ،اور ہمہ وقت اس کی خدمت کو عبادت سمجھے،، ہمارے سمجھانے کا یہ مقصد ہے عبادات اپنی جگہ مگر شوہر کا وہ مرتبہ ہے دین اسلام میں کہ اس کی مرضی اور خواہش کے بغیر یا اس کی نافرمانی کرتے ہوئے تو خاتون کو نفلی عبادت کرنے کا بھی حکم نہیں ہے،،
محمد حفیظ صاحب بول کر خاموش ہوئے تھے۔ دیا مسلسل روئے جا رہی تھی۔
اور اب آتے ہیں اس قبیح عمل پر جو وہ لوگ اتنے برسوں تک آپ سے کرواتے رہے ہیں،،، ہمیں اس بارے میں کچھ زیادہ علم نہیں کہ آپ کس قسم کی نوعیت کا دم درود کرتی رہیں ہیں مگر کیا آپ کو معلوم ہے کہ تعویذ گنڈے کرنے اور کروانے والے کو دائرے اسلام سے خارج ہو جانے کی سخت وعید سنائی گئی ہے،،
ڈاکٹر فاخر نائیک صاحب کے کہنے کی دیر تھی کہ وہ اب پھوٹ پھوٹ کر رونے لگی تھی۔ وہ لوگ جو جان بوجھ کر اس لیکچر کے دوران ادھر ادھر ہو گئے تھے سوہم خان نے آ کر اسے اپنے حصار میں لیا۔ سوہم اسے اب اس کے کمرے میں لے گیا تھا۔۔ تمام علماء کرام نے کافی وقت وائیٹ پیلس میں دیا کے ساتھ ہلکی پھلکی گفتگو کرتے ہوئے گزارا۔ شاندار دعوت کا اہتمام کیا گیا۔
ان کے رخصت ہونے کے وقت پاشا ابراہیم خود انھیں وائیٹ پیلس کے باہر گیٹ تک چھوڑنے آئے۔
آپ لوگوں کا بہت شکریہ کہ آپ نے ہمیں اپنے اتنے قیمتی وقت سے نوازا،،
پاشا ابراہیم نے عقیدت سے ڈاکٹر صالح صاحب کا ہاتھ چوما۔
بلکل نہیں بلکہ یہ تو خوش قسمتی ہے ہماری کہ ہم اس نیک بچے کے خاندان سے ملے جس قاری کی تلاوت کی آواز ہمیں سات سمندر پار اس سرزمین تک کھینچ لائی،، اب ہم اسی سے ہی ملیں گے،، آپ امن کے دادا ہیں تو بہت خوش قسمت ہیں،، آپ کے پوتے نے پورے یورپ میں آپ کا نام روشن کیا ہے،، اور ویسے بھی جس نوعیت کے کام کی شروعات آپ نے پاکستان میں شروع کی ہے،، جس چیز کی بنیاد آپ نے ڈالی ہے وہ تو ہے ہی قابل تعریف،، لیکن اگر اسے آسمان کی بلندیوں تک پہنچایا ہے تو وہ آپ کا پوتا ہے،، جزا ٹرسٹ اس کی جیتی جاگتی مثال ہے،، ہمیں فخر ہے اس بچے پر جس کی تلاوت کی آواز پورے یورپ میں گونجتی ہے اور دلوں میں ایمان تازہ کر دیتی ہے،،،
ڈاکٹر صالح صاحب کے ایک ایک قیمتی لفظ پر پاشا ابراہیم کا سینا چوڑا ہوا تھا۔ آنکھیں رشک و فخر کے احساس سے نم ہو گئیں۔
آپ لوگ جزا ٹرسٹ جا رہے ہیں،،
پاشا ابراہیم آج اس پوتے کے لیے تڑپ اٹھا جس نے ان کا سر فخر سے بلند کر دیا تھا۔
جی ہم وہیں جا رہے ہیں،، بچے نے ایک کانفرنس منعقد کروائی ہے،، جس میں ہم شامل ہوں گے اس کی تلاوت سنیں گے،، اور پھر واپسی کے لیے رخت سفر باندھے گیں،،،
ڈاکٹر فاخر کے کہنے پر پاشا ابراہیم کو دھچکا سا لگا۔ کیا وہ اتنا ناراض ہے کہ اس نے انھیں اس کانفرنس میں شمولیت اختیار کرنے کو کہا تک نہیں۔
ہم بھی آپ کے ساتھ چلتے ہیں،،،
پاشا ابراہیم نے خود کو کہتے سنا۔ ڈاکٹر صالح صاحب مسکرا کر اثبات میں سر ہلایا وہ لوگ کانفرنس کے لیے نکلے تھے۔ ______________________________
علیزے کی آنکھ تقریباً آدھی دوپہر کو کھلی تھی۔ اس کے پہلو سے لگا وہ شخص گہری نیند میں تھا۔ اور وہ جس حال میں جس کے حصار میں تھی سر تا پیر سرخ پڑتی آہستگی سے اس کا حصار توڑ کر واش روم گئی۔ خضر جبران کبیر بہت تیز رہا اس معاملے میں۔ پہلے سے ہی تمام انتظامات مکمل کر کے بیٹھا تھا جیسے پہلے ہی سوچ رکھا ہو کہ رخصتی ہونی ہی ہے تبھی علیزے کے بہت خوبصورت ڈریسز اور ہر چیز پہلے سے یہاں موجود تھی۔
وہ فریش ہو کر باہر آئی۔ میرون کلر کی مخملی (ویلوٹ)کی کرتی کے ساتھ ویلوٹ کا ہی ٹراؤزر پہنے وہ ڈریسنگ تک آئی۔ خضر ہنوز گہری نیند میں تھا۔ گیلے بالوں پر ٹاول باندھے وہ بیڈ کے قریب آئی اور اس کے سرہانے بیٹھی۔
خضر،،، خضر،، اٹھو یار پلیز،،،
علیزے نے اسے پکارا تو وہ جو گہری نیند میں تھا مندی مندی آنکھیں کھولیں۔ اور اس کی جانب کروٹ لی۔ جو پھر سے تازہ گلاب بنی مہکی کھِلی کھِلی سی اس کے قریب بیٹھی تھی۔ خضر نے کروٹ بدل کر اس کی گود میں سر رکھ لیا اور اس کے پہلو میں منہ چھپا دیا تو علیزے بری طرح بوکھلائی۔ کچھ رات کی خماری نیم وا آنکھوں میں سرخ ڈوروں نے اب تک ڈیرے ڈالے ہوئے تھے۔
خضر،،،
جی خضر کی جان،،،
اس نے جس انداز سے کہا تو علیزے اچھی طرح سمجھ گئی کہ وہ جاگ گیا ہے اور یونہی اس کو تنگ کر رہا ہے تو علیزے نے اپنے ناخن اس کے کسرتی بازو میں گاڑھے۔ مگر وہ یوں لیٹا رہا جیسے اس پر پھول برسائے جا رہے تھے۔
اچھی کوشش ہے،، ایک مرتبہ پھر کریں،، مزا آیا تھا،، اس نے اطمینان سے کہا تو علیزے کلس کر رہ گئی۔
خضر،،،
اس نے پھر جھلا کر پکارا۔
ہمممم،،،
پہلو سے آواز آئی۔
مجھے ہاسپٹل جانا ہے خضر،، ڈیڈ سے ملنا ہے ،، وہ ناراض ہوں گے انھیں منانا ہے،، اور اپنا سسپینش بھی کینسل کروانا ہے،، خضر اٹھو اور مجھے ہاسپٹل لے کر چلو،، پلیز،،
اس کی روہانسی سی آواز پر وہ شرٹ لیس گھنے بالوں میں ہاتھ پھیرتا اٹھ بیٹھا۔
وصل کا دن اور اتنا مختصر
دن گِنے جاتے تھے اس دن کے لیے
خضر نے سرد آہ بھر کر شعر پڑھا تو علیزے متحیر سی اسے دیکھے گئی۔ اس آدمی نے ساری رات اسے پل بھر کو بھی سکون کا سانس نہیں لینے دیا اور ابھی وہ یہ پل مختصر بتا رہا تھا۔
تم خضر،، تم انتہائی فضول آدمی ہو،،
علیزے نے دانت پیس کر کہا تو وہ گہرا مسکرا دیا۔ ہاتھ بڑھا کر مہکے بھیگے بالوں سے ٹاول کھینچ لیا۔
کیوں مجھ معصوم سے کیا خطا سرزد ہو گئی،،،
اسے اپنے پرتپش حصار میں لیتے اس نے پھر گھمبیر لہجہ اختیار کیا۔
بس بہت دیکھ لی تمھاری معصومیت،، اب جو میں کہہ رہی ہوں اس پر عمل کرو،،
وہ حسب معمول اب اسے گھورتی حکمیہ بولی تو خضر نے اس کی آنکھوں میں جھانکا۔
اتنی مشقت کرنے سے آپ تھک گئیں ہوں گی تو آج کے دن آپ آرام کریں،، کل کو چلیں گے ہاسپٹل،،
اس نے شرارتی لہجہ اختیار کر کے اسے ٹالنا چاہا مگر علیزے کسی صورت نہیں بہل رہی تھی۔
نہیں مجھے آج ہی ڈیڈ سے ملنا ہے خضر،،
وہ روہانسی ہوئی۔
چھوٹے پاپا آپ سے بہت ناراض ہیں علیزے اور انھوں نے مجھے سختی سے کہا ہے کہ جب تک اس ڈوز کا اثر آپ کے جسم سے ختم نہیں ہو جاتا آپ کو یہاں سے باہر نکلنے ہی ناں دوں،،،
خضر نے اب کی بار رسانیت سے اسے سمجھایا تو وہ اپنے ڈیڈ کی ناراضگی کا سن پھر سے رو پڑی۔ خضر اس کے آنسو دیکھ تڑپ گیا۔ اور اسے کھینچ کر اپنے سینے میں بھینچا۔
آپ فکر مت کریں نا علیزے،، کچھ تو وقت دیجیۓ مجھے،، میں سب ٹھیک کر دوں گا،،،
خضر نے اس کی کمر سہلائی۔
خضر،، میں ڈیڈ کی ناراضگی برداشت نہیں کر سکتی،،، وہ آنسو بہائے گئی۔
تو آپ کو کیا لگتا ہے چھوٹے پاپا سکون میں ہوں گے،، کتنی تکلیف پہنچائی علیزے آپ نے انھیں،، وہ کتنی تکلیف میں ہوں گے جانتی ہیں ناں آپ،،
خضر کے کہنے کی دیر تھی اس کے رونے میں اضافہ ہی ہوا۔
خضر پلیز مجھے ڈیڈ کے پاس لے جاؤ،،،
اس نے اس کے کندھوں پر ہاتھ رکھ کر ملتجی لہجہ اختیار کیا۔ خضر نے نرمی اور عقیدت سے اس کے ماتھے پر اپنے لب رکھے۔ اور وہ قیمتی موتی اپنے لبوں سے چنے۔
علیزے آپ رونا بند کریں،، یہ آنسو آپ کے چہرے پر نہیں مجھے اپنے دل پر گرتے محسوس ہوتے ہیں،، تو آنسو بہانہ بند کیجئے،، میں کرتا ہوں چھوٹے پاپا سے بات،، اگر مزید انھیں ناراض نہیں کرنا تو اب آپ کو ان کی بات ماننی ہی پڑے گی،، ان کی پرمیشن کے بغیر آپ ادھر سے باہر نہیں نکلیں گی،، آئی بات سمجھ میں،،،
خضر نے اسکا چہرہ ہاتھوں کے پیالے میں بھرا تو وہ اثبات میں سر ہلا گئی۔
چلیں اب اچھی بچی کی طرح اپنے شوہر کو مارننگ کس دیں،، غریب کی دعا لگے گی آپ کو،، اور آپ کے تمام مسائل چٹکیوں میں حل ہو جائیں گے عامل بابا کی دعا سے،،
اسنے گردن اکڑا کر کہا تو روتے روتے علیزے کی بے اختیار ہنسی چھوٹ گئی۔ خضر نے بغور وہ ہنسی کی جلترنگ سے اپنی روح میں کلیوں کو چٹختے محسوس کیا۔
جہڑا رنگ پتاسے دا
اوہی رنگ تیرے ہاسے دا
خضر مسکرایا۔ اور شعر پڑھتے خمار آلود نگاہوں سے اسے تکتے اپنے انگوٹھے سے اس کا نچلا لب رب کیا۔
مارننگ کس نہیں مارننگ مکے کی کمی ہے اس عامل بابا کو،،،
وہ اس کے پہلو میں مکا رسید کرتی بولی تو اپنی جگہ سے اچھلا۔ مگر پھر بھی زبان کے جوہر دکھانے سے باز نہیں آیا۔
میرے من کے سنہری دھاگے
اے میری تابناک رُوح کے اہم جزو
میرے تخیل کی دھیمی
خوشبو میں تو اندر کہیں مہکتا ہے
تجھے کیا خبر اے عطرِ پاش
تیرے مسحور کن رویے کی پاداش میں
جانے کتنی دیر میری آنکھیں تجھے
دیکھنے کی چاہ میں سُلگتی رہتی ہیں
اے میرے تخیل کی خوشنما بہار
تُو میرے تخیل کیطرح میرے قریب رہا کر
تیرے ہونے سے میرے ہونے کا وجود قائم ہے
خضر نے جزب کے عالم میں نظم پڑھ کر اسے اپنا حال دل سنا ڈالا۔ علیزے نے نگاہیں جھکائیں اور یہ لہجہ یہ الفاظ ان الفاظ میں چھپا جنون پوری شدت سے محسوس کیا۔ اس کا لہجہ، لمس، قربت اور جنون نے علیزے کو بھی اس سے محبت کرنے پر اکسا دیا تھا۔ تبھی پہلی پیش قدمی کرتے اس نے اس کے گال پر اپنے لب رکھے تھے۔ خضر گہرا مسکرایا۔ علیزے نے اس کا ایک ایک وجاہت بھرا نقش چوم لیا۔ وہ سکون سے بیٹھا یہ پیش قدمی قبول کیے گیا۔
مگر جب لبوں کی باری آئی تو وہ گھبرا کر پیچھے ہٹنے لگی مگر خضر نے اسے یہ گستاخی کرنے نہیں دی۔
ادھورا کام مکمل کریں مسز،، نہیں تو ناں آج آپ کہیں جا پائیں گی اور نا میں یہاں سے ہل پاؤں گا،،
خضر نے اطمینان سے کہا تو علیزے کی گھبراہٹ میں اضافہ ہی ہوا۔
خضر تنگ مت کرو اور اٹھو پلیز،،
وہ روہانسی ہوئی۔
بلکل نہیں مارننگ کس،،،
وہ ڈھیٹ بنا۔ علیزے بری طرح جھنجھلائی۔ تب اس کی آنکھوں پر ہاتھ رکھ کر اس نے نرمی سے ان عنابی لبوں کو چھوا اور فورا پیچھے ہٹی۔ مگر خضر نے اسے پیچھے ہٹنے نہیں دیا اور ایک مرتبہ پھر اس کی سانسوں پر دسترس حاصل کی۔
آ بیل مجھے مار کے مترادف علیزے اس کے قریب آ کر ہی پچھتائی تھی تب سیراب ہو کر وہ پیچھے ہٹا تھا۔
علیزے نے اس کے سینے پر مکے برسائے تو وہ قہقہ لگا کر ہنس پڑا۔
اب اٹھو فریش ہو جاؤ،،،
وہ تلملائی۔
میں تو فریش ہو کر ہی دوبارا لیٹا تھا مسز ،، اب اس سے پہلے میری دوبارا آپ پر نیت خراب ہو کچن میں جائیے کچھ کھانے پینے کا بندوبست کیجئے میں اتنا چھوٹے پاپا سے بات کر لوں،،
وہ لاپروائی سے بولا تو علیزے کا دل کیا اس کا سر پھاڑ دے۔ جو اتنی دیر سے اسے بس پریشان کر رہا تھا مطلب وہ اس سب پہلے کا جاگا ہوا تھا اور ابھی کچھ دیر پہلے ہی دوبارا آنکھ لگی ہو گی اس کی۔ علیزے نے اس کے گھنے بال مٹھی میں جکڑ کر کھینچے اور کچن میں بھاگ گئی۔
وہ پہلے تو بوکھلایا مگر پھر دل میں اس بات کا بھی بدلا لینے کا ارادہ کرتا ایشان کا نمبر ڈائل کرنے لگا۔۔
____________________________
مس فریال نے اسے فون کر کے بلایا تھا۔ وہ اپنے کمرے میں تیار ہو رہی تھی۔ ہلکا سا دروازہ کھول کر شفا اندر داخل ہوئی تو اسے سر تا پا دیکھا۔ عجیب پھیکا سا حلیہ تھا۔ ہاف وائیٹ سادہ سے ٹراؤزر شرٹ میں ہاف وائیٹ ہی دوپٹے کے اوپر بلیک شال۔ شفا اندر داخل ہوئی تھی۔
کیا کر رہی ہو معجزا،،؟
ڈاکٹر فریال نے بلایا ہے مما،، ہاسپٹل جا رہی ہو،،، ہاتھوں پر لوشن لگاتے وہ مصروف سے انداز میں بولی۔
جو سمیع بابا نے کپڑے دئیے تھے رحاب مما نے بھیجے تھے وہ سب کدھر ہیں معجزا،،
شفا اس کے قریب چلی آئی۔
وہ تو ڈریسنگ میں پڑے ہیں،، میں بابا سے ناراض ہو گئی تو وہ تو کھول کر بھی نہیں دیکھے،،،
وہ نگاہیں جھکا کر شرمندہ سی بولی۔
اچھا مجھے بتاؤ کدھر ہیں،،؟ شفا نے آگے بڑھ کر اس کی ڈریسنگ کھولی۔ تو دیوار گیر ڈریسنگ کے ایک کونے میں وہ ڈھیر سارے شاپنگ بیگز پڑے تھے۔ شفا نے انھیں کھول کر دیکھا اور چھوٹتے ہی اس میں سے ایک سرخ رنگ کی فراک نکالی۔
معجزا جاؤ یہ پہن کر آؤ بیٹا،،،
شفا نے اس کی جانب وہ ڈریس بڑھایا تو معجزا وحشت زدہ سی ہو کر ایک قدم پیچھے ہٹی۔
مما مجھے یہ رنگ نہیں پسند،، مجھے وحشت ہوتی ہے اس رنگ سے،،،
وہ لب بھینچ کر بولی۔
بیٹا سب رنگ اللہ تعالیٰ نے بنائے ہیں،، کوئی بھی برا یا وحشت زدہ نہیں ہوتا،، کتنی بری بات ہے کہ ہم اللہ تعالیٰ کی تخلیق شدہ چیز میں چاہے وہ رنگ ہی کیوں نا ہو نقص نکالتے پھریں،،
شفا نے اسے سمجھایا تو اس نے چپ چاپ وہ فراک تھام لی۔ واش روم گئی اور وہ لباس زیب تن کر کے آئی۔
شارٹ سی فراک کے نیچے چست پاجامہ اور گلے پر سلور ہلکا سا کام، اس کے ساتھ کی سرخ شال پر سلور رنگ کی بہت خوبصورت لیس لگی ہوئی تھی۔ وہ کنفیوز سی تھی۔ شفا نے دیکھا اس کے ڈریسنگ پر سنگھار نام کی کوئی چیز تھی ہی نہیں۔ صرف لوشن، ہئیر برش پیٹرولیم جیلی کے علاؤہ کچھ تھا ہی نہیں۔ شفا نے افسوس سے سر ہلایا اور آخر انھیں شاپنگ بیگز کو ہی کھول کھال کے چیک کیا۔
صد شکر کہ کچھ تو سامان میسر آ ہی گیا۔
شفا نے اس کے سادہ شفاف چہرے پر کریم لگا کر چاکلیٹ براؤن بڑی بڑی آنکھوں میں ہلکا سا کاجل ڈالا۔ جب ہونٹوں کی باری آئی تو وہ مچل گئی۔
مما پلیز،، مجھے یہ سب اچھا نہیں لگتا،،
لگنے لگے گا انشاء اللہ،،، مجھے تو اپنی بہو کو بنے سنورے دیکھنا ہے ناں،،
شفا نے اس کے نا نا کہنے کے باجود ہلکا سا پنک گلوز اس کے لبوں پر سجا دیا۔ بس اتنی سی تیاری میں ہی وہ چاند اور چاکلیٹ مکس ٹکڑا لگ رہی تھی۔ تیاری مکمل تھی وہ اس سادگی میں بھی آسمان سے اتری اپسرا لگ رہی تھی یا شاید شفا اسے اپنے بیٹے کی نگاہ سے دیکھ رہی تھی۔ وہ جلدی سے شال اوڑھ کر باہر نکلی۔ وہ کنفیوز سی تھی مگر پھر بھی جزا ٹرسٹ کا گراؤنڈ پار کر کے ہاسپٹل کے طویل وعریض ہال میں داخل ہوئی۔
سامنے سے ڈاکٹر انعم آتی دکھائی دیں تو اسے دیکھ کر اپنی جگہ پر قدم منجمد ہوئے تھے۔
ڈاکٹر انعم کیا آپ نے میم فریال کو کہیں دیکھا ہے،،؟ معجزا نے سامنے سے آتی ڈاکٹر انعم سے ہی پوچھ لیا مگر وہ تو ٹکٹکی باندھے آج اسے دیکھنے میں مصروف تھی
(یہ آج ہر کوئی اسے اس شخص کی نگاہوں سے کیوں دیکھ رہا تھا۔)
وہ کانفرنس روم کی جانب گئی ہیں،،،
ڈاکٹر انعم نے جان بوجھ کر اسے کانفرنس روم کی جانب بھیجا۔ ڈاکٹر انعم کی سوچ کے مطابق آج اس شخص کی محبت کو وہ کچھ دیکھنا ہی چاہیے جس کی وجہ سے سامنے کھڑی نازک دل لڑکی کے دل سے اس کا خوف ہمیشہ کے لیے جاتا رہے گا۔
بہت شکریہ،،
معجزا کہتی اپنی بکس اور نوٹ بکس لیے کانفرنس روم کی جانب گئی۔ کوریڈور سے گزرتے وہ بری طرح ٹھٹھکی تھی۔ وہ تلاوت کی روح پرور آواز تھی۔ وہ جانتی تھی یہ وہی ہے جو تلاوت کر رہا ہے۔ مگر اس کے قدم پھر بھی رکے نہیں تھے۔ وہ کانفرنس روم تک آئی تھی اور وہاں بڑی گلاس وال کے پار ایک عجیب اور حیرت انگیز نظارا دیکھنے کو ملا۔
وہ اسلام کے عظیم الشان علماء کرام اور سکالرز تھے جو ڈائس کے پاس پڑے ٹیبل کی چئیرز پر بیٹھے اس کی تلاوت آنکھیں بند کر کہ پوری وجدانیت سے سن رہے تھے۔ سورت محمد کی تلاوت کی جا رہی تھی۔ وہ چپکے سے کانفرنس روم میں داخل ہو کر کرسیوں کی سب سے پچھلی رو میں بیٹھ گئی۔ معجزا کی آنکھیں بھی خود بخود بند ہو گئیں تھیں۔ اور وہ لوگ تلاوت یوں سن رہے تھے جیسے ان کی زندگی کے آخری لمحات ہوں اور وہ یہ تلاوت اپنی روح میں بسا کر آخری رخت سفر باندھنا چاہتے تھے۔ پہلی رو میں بیٹھے پاشا ابراہیم کی آنکھوں سے مسلسل آنسو بہہ رہے تھے۔ رقت آمیز تلاوت قرآن پاک تھی۔ سورت محمد مکمل ہوئی تو فضا سبحان اللہ ماشااللہ کی صدائوں سے مہک گئی۔
امن نے مسکرا کر اپنے استاد محترم جناب ڈاکٹر محمد صالح کی جانب دیکھا۔ بلیک ڈنر سوٹ میں سرخ و سفید رنگت مردانہ وجاہت کا شہکار نورانی چہرہ، اور سر پر آج گرے کلر کی جالی دار ٹوپی پہنے ہوئے وہ عام دنوں سے بہت بہت خاص لگ رہا تھا۔
ماتھے پر محراب بڑی شان سے ایستادہ اپنی پاکیزہ چھب دکھلا رہا تھا۔
اب سب علماء کرام باری باری امن کے بارے میں کوئی نا کوئی دلچسپ بات یا واقع سنا رہے تھے۔ ڈاکٹر محمد صالح نے بتایا کہ وہ ان کا چہیتا طالب علم رہا ہے۔ ڈاکٹر فاخر نے بتایا کہ کس طرح علم کی تلاش میں وہ ان کے ساتھ ملکوں ملکوں پھرا سفر کیا۔۔ سب اس کے اخلاق و کردار اور پرہیز گاری سے متعلق تعریفوں میں رطب اللسان تھے۔
تب قاری محمد طیب نے امن کی جانب دیکھ کر اپنے مائیک میں کہا۔
یار دیر تو بہت ہو رہی ہے،، مگر کیا کریں خوبصورتی ہی اتنی ہے کہ دل نہیں بھرتا،، اب یہاں آئیں ہیں اور تمھاری آواز میں آذان نہیں سنیں،، ایسا تو ہو نہیں سکتا،، ایک بس میری فرمائش پر آذان سنا دو،، پھر بس رخصت لیں گے،،،
اتنے میٹھے لہجے میں فرمائش کی گئی تھی کہ سب مسکرا دئیے امن نے دھیمے سے اثبات میں سر ہلایا اور گلا کنکھار کر ایک نگاہ اپنے قارئین پر دوڑائی۔ اس کا دل دھک سے رہ گیا جب پہلی رو میں پاشا ابراہیم پر نظر پڑی اور انھیں کے پیچھے آخری قطار میں سر تقریباً بہت نیچے جھکائے اس معصوم وجود پر۔
امن کی اپنی آنکھیں نم ہوئیں تھیں۔ تب بہت ہی زیادہ رقت آمیز لہجے میں اس نے اذان دینا شروع کی۔ ایسا روح پرور محفل تھی کہ سب کے رونگٹے سے کھڑے ہو گئے تھے اور سب کے دل کی دھڑکن تیز ہو گئی تھی۔
اذان مکمل ہوئی۔ سب نے بے اختیار ماشاءاللہ کہا تھا۔ اور درود وسلام پڑھا۔
کانفرنس اختتام پزیر ہوئی۔ سب علماء کرام آپس میں خوش گفتاری میں مصروف تھے۔ آہستہ آہستہ سب ڈاکٹرز نرسز جنھوں نے کانفرنس میں شمولیت اختیار کی تھی واپس جانے لگے۔
معجزا جیسے اپنی سیٹ پر ہی ساکت ہو گئی تھی۔ حیرت در حیرت تھی۔ اگر صرف تلاوت کی بات ہوتی تو وہ اس دن سے اس بات کو جان بوجھ کر قبول ہی نہیں کر پا رہی تھی کہ وہ جو اس کا گناہ گار تھا وہ اتنا متقی و پرہیز گار ہو سکتا تھا کہ اس کی تلاوت کی آواز سے ہی وہ عشق کر بیٹھے۔ مگر اب جو آپنی آنکھوں سے دیکھا اور سنا تھا معجزا تو یوں گویا کاٹو تو بدن میں لہو نہیں والا حساب تھا۔
پاشا ابراہیم اپنی جگہ سے اٹھا تو نظر سر جھکائے بیٹھی معجزا پر پڑی۔ وہ تیزی سے اٹھ کر معجزا تک آیا تھا۔۔
گڑیا،،، پاشا نے پکارا۔
بڑے پاپا،،، وہ بوکھلائی تھی۔
تب پاشا نے اس کا ہاتھ تھاما اور اسے لے کر چھوٹے سے سٹیج کی جانب آیا۔
امن نے پاشا ابراہیم اور ان کے پیچھے آتی اس رگ جاں کو ملاحظہ کیا۔ جس کا رنگ و روپ آج اسے چاروں خانے چت کر گیا تھا۔ وہ جانتا تھا وہ اس سے ڈرتی ہے اسی لیے اپنی نگاہوں کو کنٹرول میں کیے رکھتا مگر آج اس پر سے نگاہیں ہٹانا امن آریان پاشا کو دنیا کا مشکل ترین کام لگ رہا تھا۔
پاشا ابراہیم اسے لئے علماء کرام تک آئے جو سٹیج سے نیچے اتر کر اب واپسی کے لیے امن سے الوداعی کلمات ادا کر رہے تھے۔
اس سے ملیں ڈاکٹر صالح صاحب،، یہ آپ کے چہیتے شاگرد کی بیوی ہے،، آپ کی بہو،،، دعا دے دیجئے کہ یہ ہمیشہ خوش رہے،،
پاشا ابرہیم نے کہا تو سب اس کی جانب متوجہ ہوئے جو حجاب سٹائل سرخ دوپٹہ لیے نگاہیں جھکائے پاشا ابراہیم کے پہلو میں کھڑی تھی۔ سب علماء نے اس کے سر پر ہاتھ رکھا اور خوش رہنے کی دعا دی۔
بہت خوش قسمت ہو بیٹی جو اتنا پرہیز گار شوہر نصیب ہوا ہے،، تم تو روز ہی اس سے تلاوت سن لیتی ہوگی ہمیں دیکھو یہ موقع کبھی کبھار ہی ملتا ہے،، ڈاکٹر صالح نے کہا تو معجزا نے پہلو بدلا۔ قاری طیب نے اس کے سر پر ہاتھ رکھا۔
اللہ نصیب اچھے کرے،، نیک اولاد سے نوازے،، اور بیٹی ہر نماز میں دعا مانگا کریں کہ آپ کے بچے بلکل اپنے والد جیسے بنیں،،
سب نے یک زبان ہو کر آمین کہا تھا۔ امن بلیک ڈنر سوٹ میں اپنی پینٹ کی پاکٹس میں ہاتھ ڈالے اپنے بوٹ کو گھورے گیا۔
آئیے میں آپ کو باہر تک چھوڑ دوں،،
پاشا، سوہم خان اور کبیر ان کے ساتھ باہر کی جانب بڑھے۔ ۔
معجزا کو سمجھ نا آیا وہ کیا کرے۔ وہ وہیں کھڑی اپنے ہاتھوں کی انگلیاں چٹخاتی رہی اس انتظار میں کہ شاید وہ وہاں سے خود چلا جائے۔ وہ کہاں جائے؟ آخر کہاں
کیا اس دنیا کا کوئی ایسا کونہ کھدرا تھا جہاں پہ جا کر وہ اس ہولناک واقع کو بھول جاتی جس نے اس کی پوری زندگی برباد کر دی تھی۔ اسے مکمل طور پر تباہ و برباد کر ڈالا تھا۔ کاش کوئی ایسی جگہ ہوتی۔ اس کے گلے میں ایک پھندا سا اٹکا تھا۔ وہ خود کو دنیا کی نگاہوں سے اوجھل کر لینا چاہتی تھی۔
مگر اس دیوانے کی پھر نگاہیں بے اختیار ہوئیں تھیں۔ وہ اس دشمن جان کا دایاں رخ دیکھ سکتا تھا۔
کوکومو،، کیا تم یہ دعا مانگو گی کہ ہمارے بچے،،،
امن کی روانی سے چلتی زبان کو یک دم بریک لگی۔
"میرا مطلب ہے کہ کوئی انسان میرا جیسا ہو،،
(امن اس کے گلابی ہاتھوں کی بے چین سی حرکت پر نگاہیں جمائے ہوئے سنجیدگی سے پوچھ بیٹھا۔ امن نے اس کی روح پر لگے ٹانکوں کا ایک سرا پکڑا اور تمام بخیے ادھیڑ ڈالے تھے۔) معجزا کی آنکھوں کے سامنے دھند سی چھائی تھی۔ اب یہاں ٹہر پانا عذاب تھا تبھی وہ وہاں سے تیزی سے نکلی تھی۔ مگر آنکھوں کے سامنے چھائی دھند کے باعث بے ترتیب ہوئی کرسیوں میں الجھ کر زمین پر گری۔ پاؤں کی چھوٹی انگلی پر اس شدت کی ٹھوکر لگی تھی کہ خون بہنے لگا تھا۔
معجزا،،،،،،
امن نے بے چین ہو کر پکارا۔ بغیر سوچے سمجھے آج اس کی کمر کے گرد بازو حمائل کر کے اسے زمین سے اٹھایا تھا۔
چچ،،چھوڑہں مجھے،،،،،
معجزا خوف سے سفید پڑ گئی۔ امن نے اذیت کی انتہا سے اپنے جبڑے بھینچ لیے۔
جاری ہے۔۔۔