Industries, Commerce and Investment Department, Government of Punjab

صوبائی وزیر صنعت و تجارت چوہدری شافع حسین سے داروغہ والا اور سگیاں ایریا کے صنعتکاروں کے وفد کی ملاقات۔
وفد نے روڈا کی جانب سے عائد چارجز پرتحفظات سے آگاہ کیا جبکہ صوبائی وزیر نے یقین دہانی کرائی کہ صنعتکاروں کے مسائل ترجیحی بنیادوں پر حل کیے جائیں گے اور کسی صورت صنعت کا پہیہ رکنے نہیں دیا جائے گا۔
وزیراعلیٰ پنجاب مریم نواز شریف کی قیادت میں پنجاب میں نئی انڈسٹریل اسٹیٹس قائم ہو رہی ہیں اور صنعتی ترقی کیلئے سازگار ماحول فراہم کیا جا رہا ہے۔
چوہدری شافع حسین

داروغہ والا اور سگیاں کی انڈسٹری ڈیڑھ لاکھ افراد کو روزگار فراہم کر رہی ہے، اس لیے باہمی مشاورت سے ایسا حل نکالا جائے گا جو صنعت اور روزگار دونوں کے تحفظ کو یقینی بنائے۔
چوہدری شافع حسین

جب تک روڈا چارجز کے حوالے سے حتمی فیصلہ نہیں ہو جاتا کسی فیکٹری کے خلاف کارروائی نہیں ہوگی، تاہم ماحولیاتی تحفظ کے اصولوں پر سختی سے عملدرآمد یقینی بنایا جائے گا۔
چوہدری شافع حسین

سی ای او روڈا عمران امین وڈیو لنک کے ذریعے شریک ہوئے۔سپیشل سیکرٹری انڈسٹریز نوشین ملک،ڈائریکٹر روڈا محمد عثمان اور متعلقہ افسران بھی اس موقع پر موجود تھے

صوبائی وزیر صنعت و تجارت چوہدری شافع حسین کا پنجاب تیانجن یونیورسٹی آف ٹیکنالوجی لاہور کا تفصیلی دورہ، تدریسی عمل، لیبز، آئی ٹی پروگرامز اور طلبا کی تیار کردہ مصنوعات کا جائزہ لیا۔

صوبائی وزیر نے یونیورسٹی میں کیپسٹی بلڈنگ پروگرام، نالج ایکسچینج سینٹر اور دیگر پروگراموں کا افتتاح بھی کیا جبکہ مختلف آئی ٹی کمپنیوں کے حکام سے ملاقات میں نئے آئی ٹی اور اے آئی کورسز کے اجراء پر تبادلہ خیال کیا گیا۔

چوہدری شافع حسین نے کہا کہ پنجاب تیانجن یونیورسٹی کے امور، کورسز اور تعلیمی معیار کو مزید بہتر بنایا جائے گا، لیبز کو اپ گریڈ کیا جائے گا اور رواں سال ستمبر میں اے آئی کورسز کا آغاز کیا جا رہا ہے۔

انہوں نے کہا کہ ای وی سیکٹر پاکستان کا مستقبل ہے اور پنجاب میں ای وی چارجنگ اسٹیشنز، مینوفیکچرنگ اور اسمبلنگ پلانٹس میں سرمایہ کاری کے وسیع مواقع موجود ہیں۔

صوبائی وزیر نے طلبا کی صلاحیتوں کو سراہتے ہوئے انہیں شاباش دی اور انٹرن شپ پروگراموں کیلئے انڈسٹریل اسٹیٹس کے ساتھ مزید اشتراک بڑھانے کی ہدایت کی۔


ptut.official

صوبائی وزیر صنعت و تجارت چوہدری شافع حسین سے ای وی سیکٹر سے وابستہ چین کی سرمایہ کار کمپنی کے حکام کی ملاقات

پیسک ہاؤس میں ہونے والی ملاقات میں پنجاب کے ای وی سیکٹر میں سرمایہ کاری کے مواقع پر بات چیت

چین کی سرمایہ کار کمپنی کا الیکٹرک وہیکلز ، ای وی چارجنگ اسٹیشنز اور لیتھم بیٹریوں کے اسیمبلنگ پلانٹ لگانے میں اظہار دلچسپی

چین کے سرمایہ کار گروپ کا ٹیکنالوجی ٹرانسفر اور مقامی لیبر کو ای وی سیکٹر کی تربیت کی فراہمی میں تعاون کا بھی عندیہ

گروپ پہلے مرحلے میں ای وی رکشہ ،لیتھیم بیٹریوں اور دوسرے مرحلے میں 4 ویلر چھوٹی الیکٹرک گاڑیوں کے اسیمبلنگ پلانٹ لگائے گا

کمپنی پنجاب میں کوالٹی ٹیسٹنگ سینٹر بھی بنائے گی

صوبائی وزیر نے پنجاب کے ای وی سیکٹر میں سرمایہ کاری کے مواقع اور دستیاب سہولیات سے آگاہ کیا

پارلیمانی سیکرٹری کامرس ڈاکٹر ذوالفقار علی بھٹی ،سپیشل سیکریٹری انڈسٹریز اور بزنس کمیونٹی کے نمائندے بھی ملاقات میں موجود تھے ۔

وزیر اعلیٰ پنجاب مریم نواز شریف نے ای وی سیکٹر کے فروغ کو اپنی پہلی ترجیح بنایا ہے ،صوبائی وزیر صنعت و تجارت چوہدری شافع حسین