Shahpur Kanjra Mandi Lahore

شدید گرمی اور حبس نے جہاں انسانوں کی زندگی اجیرن بنا دی ہے، وہیں جانور بھی اس موسمی شدت کا شکار ہونے لگے ہیں۔ Jhelum کی مویشی منڈی میں افسوسناک واقعہ پیش آیا جہاں ٹنڈوالہیار سے فروخت کے لیے لائے گئے 25 بکرے گرمی، بھوک اور طویل سفر کی اذیت برداشت نہ کرتے ہوئے ہلاک ہو گئے۔

رپورٹس کے مطابق بکروں کو لانے والا ٹرک راستے میں خراب ہو گیا تھا، جس کے باعث سفر غیر معمولی طور پر طویل ہو گیا۔ گاڑی نے مسلسل 3 دن اور 4 راتیں سفر کیا، جبکہ شدید گرمی اور مناسب خوراک و پانی نہ ملنے کے باعث جانوروں کی حالت بگڑتی چلی گئی۔

جب ٹرک جہلم کی جادہ مویشی منڈی پہنچی اور بکروں کو اتارنے کے لیے گاڑی کا پچھلا حصہ کھولا گیا تو 25 بکرے مردہ حالت میں پائے گئے۔ مالک کے مطابق ہلاک ہونے والے جانوروں کی مجموعی مالیت تقریباً 30 لاکھ روپے تھی، جنہیں بعد ازاں دریا برد کر دیا گیا۔

یہ پہلا واقعہ نہیں، اس سے قبل بھی شدید گرمی اور حبس کے باعث گاڑی کی ڈگی میں 9 بکروں کی ہلاکت کا واقعہ رپورٹ ہو چکا ہے، جس نے جانوروں کی منتقلی کے دوران حفاظتی اقدامات پر سنجیدہ سوالات کھڑے کر دیے ہیں۔