09/09/2026
د مندېش چشمه — زموږ د مشرانو ژوندی یاد
زموږ د کلي ماندېش چشمه یوازې د اوبو یوه چشمه نه ده، بلکې زموږ د کلي د تاریخ، دودونو، کلتور او د تېرو نسلونو یوه ژوندۍ نښه ده. دا چشمه زموږ د مشرانو له هغو ارزښتمنو یادګارونو څخه ده چې تر نن ورځې پورې یې نښه ژوندۍ پاتې ده.
زموږ مشرانو به د دې چینې له یخو، صافو او خوږو اوبو څخه ګټه اخیسته، او د کلي خلکو به یې د ساتنې او پاکوالي لپاره تل هڅې کولې. تر نن ورځې پورې د سیمې خلک له لرې لرې ځایونو څخه د دې چینې اوبه وړي او ترې ګټه اخلي.
د خوښۍ او مننې وړ خبره دا ده چې زموږ د کلي د TMA کارکوونکي هم د دې تاریخي چینې د لا ښه کېدو لپاره هڅې کوي. ابوبکر، سلمان او عمر په دې هڅه کې دي چې د چینې د اوبو لپاره لاره جوړه او برابره کړي، څو د اوبو بهیر لا زیات او روان شي. د دوی دا هڅې د ستاینې او مننې وړ دي.
موږ هیله لرو چې د دې کار په بشپړېدو سره به د مندېش چینې د اوبو جریان لا پیاوړی شي او د کلي خلک به ترې لا ډېرې ګټې واخلي.
دا چشمه زموږ لپاره یوازې اوبه نه دي؛ دا زموږ د مشرانو امانت، زموږ د کلي ویاړ، زموږ د طبیعي ښکلا برخه او زموږ د تاریخ یوه ژوندۍ نښه ده.
راځئ چې په ګډه دا تاریخي چشمه وساتو، پاکه یې وساتو، د هغې د اوبو قدر وکړو او راتلونکو نسلونو ته یې په هماغه مینه، درناوي او پاملرنې سره وسپارو.
ماندېش چشمه — د تېر وخت یاد، د نن ورځې ویاړ او د راتلونکو نسلونو امانت.
لکھ : انصار شاہ
