05/10/2026
*ریسکیو سروس 1122 مانسہرہ |فائر سیفٹی ٹریننگ*
مانسہرہ: ڈائریکٹر جنرل خیبر پختونخوا شاہ فہد،ریجنل ڈائریکٹر نارتھ ارشد اقبال اور ڈسٹرکٹ ایمرجنسی آفیسر مانسہرہ ابرار علی کی ہدایات پر ریسکیو 1122 مانسہرہ کی ٹریننگ ونگ ٹیم کی جانب سے کامرس کالج کے طلبہ و طالبات اور اسٹاف کے لیے فائر سیفٹی کے حوالے سے خصوصی تربیتی سیشن کا انعقاد کیا گیا۔
تربیتی سیشن کے دوران ریسکیو ٹریننگ ونگ نے شرکاء کو آگ لگنے کی وجوہات، آگ سے بچاؤ کی احتیاطی تدابیر، فائر ایمرجنسی کی صورت میں فوری اقدامات، محفوظ انخلاء اور ہنگامی صورتحال سے نمٹنے کے بنیادی اصولوں کے حوالے سے تفصیلی لیکچر دیا۔
لیکچر کے ساتھ ساتھ شرکاء کو فائر فائٹنگ آلات اور فائر ایکسٹنگوشر کے درست استعمال کے حوالے سے عملی تربیت بھی فراہم کی گئی، تاکہ کسی بھی ممکنہ آتشزدگی کی صورت میں وہ گھبراہٹ کے بجائے محفوظ اور مؤثر انداز میں ابتدائی اقدامات کر سکیں۔
تربیت کا مقصد طلبہ اور کالج اسٹاف میں فائر سیفٹی سے متعلق شعور اجاگر کرنا، ہنگامی صورتحال سے نمٹنے کی صلاحیت بہتر بنانا اور جانی و مالی نقصان کے خطرات کو کم کرنا ہے۔
ترجمان:
ریسکیو 1122 مانسہرہ
