20/08/2026
سرکارِ دو عالم حضرت محمد مصطفیٰ صلی اللہ علیہ وآلہ وسلم کی آلِ پاک اور صحابہ کرام رضوان اللہ علیہم اجمعین کی محبت و مودت ہمارے ایمان کا بنیادی حصہ ہے۔ ان مقدس ہستیوں کی توہین اور گستاخی کسی صورت قابلِ قبول نہیں۔
ہمیں انتہائی افسوس اور شدید غم و غصے کے ساتھ اطلاع ملی ہے کہ الراشدون نامی گروپ سے منسلک ایک شخص نے اہلبیتِ اطہار اور اصحابِ رسول صلی اللہ علیہ وآلہ وسلم کی شانِ اقدس میں نازیبا اور گستاخانہ کلمات کہے ہیں، جس کی ہم دل کی اتھاہ گہرائیوں سے شدید مذمت کرتے ہیں۔
ہم واضح کرنا چاہتے ہیں کہ ایسی گستاخانہ سوچ کا کسی مذہب، مسلک اور مہذب معاشرے سے کوئی تعلق نہیں۔ یہ عمل بین المسالک ہم آہنگی اور معاشرتی امن کو خراب کرنے کی مذموم کوشش ہے۔
اطلاعات کے مطابق مذکورہ گستاخ قانون کی گرفت میں ہے۔ ہم ضلعی انتظامیہ اور قانون نافذ کرنے والے اداروں سے پرزور مطالبہ کرتے ہیں کہ ایسے بے ادب اور گستاخ عناصر کو قرار واقعی اور عبرتناک سزا دی جائے تاکہ آئندہ کوئی شخص مقدس ہستیوں کی توہین کا سوچ بھی نہ سکے اور معاشرے میں احترامِ مقدسات کا تحفظ یقینی بنایا جا سکے۔
منجانب: کرین پارٹی ضلع مانسہرہ
