MIA Dhoke Bharthal

02/10/2026

15/09/2026

السلامُ علیکم ورحمۃ اللہ وبرکاتہ

🌹 عنوان: حوصلہ افزائی کرنا، بھلائی پھیلانے کا پہلا زینہ ہے 🌹

کسی بھی کام کے بارے میں رائے دیتے وقت ضروری ہے کہ اس کے مجموعی پہلوؤں کو سامنے رکھتے ہوئے غیر جانب دارانہ اور مثبت انداز میں جائزہ لیا جائے۔ اگر کسی کام میں کوئی کمی یا خامی نظر آئے تو پہلے اس کے اچھے اور مثبت پہلوؤں کو سراہا جائے، پھر جو کمی محسوس ہو اسے محبت، خلوص اور خیرخواہی کے ساتھ اجاگر کیا جائے۔

اس طرح کام کرنے والوں کا حوصلہ بڑھتا ہے اور اچھے کام کو مزید بہتر انداز میں آگے بڑھانے کا جذبہ پیدا ہوتا ہے۔ اگر ہم صرف خامیاں نکالیں اور مثبت پہلوؤں کو نظر انداز کر دیں تو اس سے حوصلہ شکنی ہوتی ہے، جو کسی بھی اجتماعی کام کے لیے اچھا رجحان نہیں۔

آئیے! دوسروں کے اچھے کاموں کی حوصلہ افزائی کرنے کی عادت بنائیں، تاکہ اچھائی کرنے والوں میں مزید اضافہ ہو اور یہ مثبت عمل پھلتا پھولتا رہے۔

اگر ہمیں اپنے جائز اور نیک مقاصد حاصل کرنے ہیں تو ہمیں ایک دوسرے کی حوصلہ افزائی، مثبت تعاون اور خیرخواہانہ تنقید کو فروغ دینا ہوگا۔

اللہ تعالیٰ ہم سب کو اخلاص کے ساتھ ایک دوسرے کا ساتھ دینے، حق و انصاف کے لیے آواز بلند کرنے اور نیک مقاصد کے حصول میں کامیابی عطا فرمائے۔ آمین۔

شکریہ

06/09/2026

06/09/2026