08/06/2026
راولا کوٹ اور پورے آزاد کشمیر میں جاری وحشیانہ کریک ڈاؤن، نہتے شہریوں پر فورسز کے تشدد اور اس ظلم کو چھپانے کے لیے کیے گئے انٹرنیٹ بلیک آؤٹ کے خلاف اب عالمی ایوانوں سے بھی شدید احتجاج اٹھ کھڑا ہوا ہے۔ زمین پر عوامی حقوق کی اس جدوجہد اور ہمارے ساتھ ہونے والے ظلم کی گونج اب برطانوی پارلیمنٹ میں دگنی طاقت سے گونج رہی ہے، جہاں پچھلی بار آواز اٹھانے والے 21 سے 22 اراکین کے مقابلے میں اب 50 سے زائد برطانوی اراکینِ پارلیمنٹ اور لارڈز نے متحد ہو کر برطانیہ کی وزیرِ خارجہ کو ہنگامی خط لکھ دیا ہے۔ برطانوی ایم پی عمران حسین کی قیادت میں بھیجے گئے اس سرکاری خط میں فورسز کے بدترین لاک ڈاؤن کے خاتمے، انٹرنیٹ کی فوری بحالی اور جوائنٹ عوامی ایکشن کمیٹی (JAAC) کے جائز مطالبات کو طاقت کے بجائے پرامن مذاکرات سے حل کرنے کا سخت مطالبہ کیا گیا ہے۔ راولا کوٹ کے شہیدوں کا خون اور عوام کی قربانیاں ضائع نہیں جائیں گی؛ راستے روک کر یا گولیاں چلا کر بیدار عوام کا راستہ اب نہیں روکا جا سکتا کیونکہ عالمی برادری اب ہمارے ساتھ ہونے والے اس ظلم کو دیکھ رہی ہے!
