02/11/2026
🚨 سٹی ٹریفک پولیس مری کی عوامی خدمت کا سلسلہ جاری
مری کے نواحی علاقے اوسیاہ بازار مری میں موبائل پولیس اسٹیشن اینڈ ریسکیو یونٹ شہریوں کو مختلف سہولیات فراہم کر رہا ہے۔
سٹی ٹریفک پولیس مری کی جانب سے شہریوں کو ان کی دہلیز پر پولیس اور ریسکیو سے متعلق سہولیات فراہم کرنے کے لیے موبائل پولیس اسٹیشن اینڈ ریسکیو یونٹ آج اوسیہ بازار مری میں موجود ہے، جہاں مقامی شہریوں اور سیاحوں کو مختلف خدمات فراہم کی جا رہی ہیں۔
اس اقدام کا بنیادی مقصد عوام کو تھانہ اور متعلقہ دفاتر کے غیر ضروری چکر لگانے سے بچانا، ان کے مسائل کا فوری ازالہ کرنا اور پولیس سروسز تک آسان رسائی ممکن بنانا ہے۔
موبائل پولیس اسٹیشن کے ذریعے شہریوں کو پولیس سے متعلق مختلف سہولیات، رہنمائی اور ضروری معاونت فراہم کی جا رہی ہے، جبکہ ریسکیو یونٹ کسی بھی ہنگامی صورتحال میں فوری مدد کے لیے دستیاب ہے۔
چیف ٹریفک آفیسر مری منیر احمد ہاشمی کی ہدایات پر سٹی ٹریفک پولیس مری عوامی خدمت، شہریوں کی سہولت اور محفوظ سفر کے لیے عملی اقدامات جاری رکھے ہوئے ہے۔
شہریوں سے گزارش ہے کہ اس سہولت سے بھرپور فائدہ اٹھائیں اور اپنے مسائل کے حل کے لیے موبائل پولیس اسٹیشن اینڈ ریسکیو یونٹ سے رجوع کریں۔
سٹی ٹریفک پولیس مری — آپ کی خدمت، آپ کی حفاظت، ہمارا عزم۔
ترجمان سٹی ٹریفک پولیس مری
Traffic Police Punjab
