Jamiat Ulma E Islam Murree

08/10/2026

جے ۔ یو ۔ آئ ضلع مری آمدہ بلدیاتی انتخابات میں بھرپور حصہ لے گی ، تحصیل وضلع کے مشترکہ اجلاس میں اہم فیصلے کرلیے گئے ، الیکشن میں تمام یوسیز سے بھرپور شرکت ہوگی ، اجلاس امیر جےیوآئ ضلع مری قاری سیف اللہ سیفی ، جنرل سیکرٹری ندیم اخلاص عباسی ، امیر تحصیل مری قاری راشد نواز عباسی جنرل سیکرٹری مولانا فرید عباسی سمیت جماعتی ذمہ داران نے بھرپور شرکت کی ، مختلف یوسیز کے صدور ، جنرل سکیرٹریز اور متعدد اراکین جماعت نے بھی شرکت کی ،

04/10/2026

بسم اللہ الرحمن الرحیم

دعوت نامہ

برائے مشترکہ اجلاس

جمعیت علماء اسلام تحصیل و ضلع مری

منجانب:
امیر محترم جمعیت علماء اسلام ضلع مری
مولانا قاری سیف اللہ سیفی صاحب مدظلہ

و

امیر محترم جمعیت علماء اسلام تحصیل مری
قاری راشد نواز عباسی صاحب

السلام علیکم ورحمۃ اللہ وبرکاتہ

جمعیت علماء اسلام تحصیل و ضلع مری کے تمام ذمہ داران و اراکین کو مطلع کیا جاتا ہے کہ مجالسِ عاملہ، یوسیز کے امراء و نظماء کا ایک اہم مشترکہ اجلاس طلب کیا گیا ہے۔

📅 تاریخ

08 اکتوبر 2026ء، بروز جمعرات

🕐 وقت

بعد از نمازِ ظہر

📍 مقام

جامعہ فاروق اعظم مری
جنرل بس اسٹینڈ، مری شہر

📋 ایجنڈا

1۔ بلدیاتی انتخابات کے حوالے سے لائحۂ عمل کی تشکیل
2۔ دیگر جماعتی امور

تمام احباب سے گزارش ہے کہ اجلاس میں بروقت شرکت فرما کر جماعتی بیداری، نظم و اتحاد کا ثبوت دیں۔

والسلام

ندیم اخلاص عباسی
جنرل سیکرٹری جے یو آئی ضلع مری

مولانا فرید احمد عباسی
جنرل سیکرٹری جے یو آئی تحصیل مری

---

جاری کردہ

شعبہ نشر و اشاعت
جمعیت علماء اسلام تحصیل و ضلع مری

28/09/2026

*جمعیت علماء اسلام ضلع مری لوئر ٹوپہ کے مقام پر رات کی تاریکی میں انتظامیہ کی جانب سے غریب تاجروں کے کیبنز اور کھوکھوں کو بغیر کسی متبادل اور معاوضہ کی فراہمی کے گرانے کی شدید الفاظ میں مذمت کرتی ہے۔ جمعیت علماء اسلام مری وزیر اعلیٰ پنجاب سے مطالبہ کرتی ہے کہ وہ ان غریب کیبنز مالکان کو فوری طور پر متبادل جگہ فراہم کرے اور ان کیبنز کا معقول معاوضہ ادا کرے۔*
*از: جمعیت علماء اسلام ضلع مری*

19/09/2026

ختم نبوت سیمینار جامع مسجد صدیق اکبر مال روڈ مری میں بائیس ستمبر بروز منگل بعد از نماز ظھر ہوگا ۔۔۔

مرکزی رہنماء شاہین ختم نبوت مولانا اللہ وسایا صاحب مہمان خصوصی ہوں گے ۔۔۔

مولانا قاری سیف اللہ سیفی صدارت جبکہ مفتی خالد حسین عباسی سیمینار کی نگرانی فرمائیں گے ، پہلی نشست صبح دس بجے دارالعلوم مری میں ہوگی ۔۔۔

عظیم الشان ختم نبوت سیمینار مرکزی جامع مسجد صدیق اکبر مال روڈ مری میں بائیس ستمبر بروز منگل بعد از نماز ظھر ہوگا جبکہ پہلی نشست صبح دس بجے دارالعلوم مری میں ہوگی ۔۔۔

سیمینار میں علماء ،طلبہ کرام ،تاجر برادری اور وکلاء سمیت ہر شعبہ زندگی سے تعلق رکھنے والے حضرات شرکت کریں گے ۔۔۔

سیمینار سے خصوصی خطاب شاہین ختم نبوت ،مرکزی رہنماء مجلس تحفظ ختم نبوت پاکستان مولانا اللہ وسایا صاحب مدظلہ فرمائیں گے جبکہ خطیب کوہسار حضرت مولانا قاری سیف اللہ سیفی صاحب اور مفتی مری مفتی خالد حسین عباسی سمیت مقامی علماء کرام بھی خطابات فرمائیں گے ۔۔۔۔

سیمینار کا فیصلہ عالمی مجلس تحفظ ختم نبوت ضلع مری کی مجلس عاملہ کے پہلے اور انتہائی اہم اجلاس میں کیا گیا ۔۔۔

اجلاس میں امیر محترم مولانا قاری سیف اللہ سیفی ،نائب امیر محترم مفتی خالد حسین عباسی ، معاون ناظم مفتی ظفر الاسلام سیفی ، ناظم نشر واشاعت مولانا وقاص شبیر اور ناظم تبلیغ مفتی عبداللہ سعید نے شرکت کی ۔۔۔

اجلاس میں فیصلہ کیا گیا کہ ختم نبوت سیمینار میں شرکت کے لیے ہر شعبہ زندگی سے تعلق رکھنے والے حضرات کو دعوت دی جائے گی ۔۔۔۔

اجلاس میں حکومت پاکستان کی جانب سے نبیل منیر کےاقوام متحدہ میں بطورمندوب تعیناتی پر تشویش کا اظہارکرتےہوئے حکومت وقت سے اس حوالے سے واضح موقف سامنے لانے کا مطالبہ کیا گیا ۔۔۔

از:
شعبہ نشرو اشاعت
عالمی مجلس تحفظ ختم نبوت ضلع مری

18/09/2026

*عالمی مجلس تحفظ ختم نبوت ضلع مری کے زیر اہتمام*

*عظیم الشان ختم نبوت سیمینار*

*بمقام:* مرکزی جامع مسجد صدیق اکبرؓ مال روڈ مری

*مورخہ:* 22 ستمبر بروز منگل بعد از نماز ظہر

*زیر سرپرستی:*
خطیب کوہسار، یادگار اسلاف
*حضرت مولانا قاری سیف اللہ سیفی صاحب زید مجدہ*
امیر عالمی مجلس تحفظ ختم نبوت ضلع مری

*زیر صدارت:*
مفتی مری
*حضرت مولانا مفتی خالد حسین عباسی صاحب دام ظلہ*
نائب امیر عالمی مجلس تحفظ ختم نبوت ضلع مری

*مہمان خصوصی:*
فاتح مرزائیت، وکیل ختم نبوت
*حضرت مولانا اللہ وسایا صاحب دام ظلہ*
مرکزی رہنما عالمی مجلس تحفظ ختم نبوت

*نوٹ:*
مورخہ 22 ستمبر بروز منگل صبح 10 بجے دارالعلوم مری میں ختم نبوت کے عنوان پر علماء و طلباء کے ساتھ خصوصی نشست بھی ہوگی، جس میں حضرت مولانا اللہ وسایا صاحب دام ظلہ علماء و طلباء سے خصوصی خطاب فرمائیں گے۔

*منجانب:* عالمی مجلس تحفظ ختم نبوت ضلع مری

*رابطہ نمبرز:*
0314-5464614
0301-5511761

11/09/2026

10/09/2026

جمعیۃ علماء اسلام یوسی پوٹھہ شریف کا بلدیاتی انتخابات میں بھرپور حصہ لینے کا فیصلہ
امیدواروں کے انتخاب اور انتخابی حکمتِ عملی کے لیے 8 رکنی کمیٹی قائم، عوامی رابطہ مہم شروع کرنے کا اعلان
علیوٹ مری، 10 ستمبر 2026ء: جمعیۃ علماء اسلام یونین کونسل پوٹھہ شریف کا اہم مشاورتی اجلاس جامع مسجد صدیق اکبرؓ علیوٹ مری میں منعقد ہوا، جس میں آئندہ بلدیاتی انتخابات میں بھرپور حصہ لینے، موزوں امیدواروں کے انتخاب، عوامی رابطہ مہم کو منظم کرنے اور انتخابی حکمتِ عملی کے حوالے سے تفصیلی مشاورت کی گئی۔
اجلاس کا آغاز مولانا قاری عتیق الرحمن کی تلاوتِ کلامِ پاک سے ہوا، جبکہ مولانا آصف محمود نے تمہیدی کلمات اور اجلاس کا ایجنڈا پیش کیا۔ اجلاس کی صدارت امیر جمعیۃ علماء اسلام تحصیل مری مولانا قاری راشد نواز عباسی نے کی۔ اجلاس میں علماء کرام، ذمہ داران اور کارکنان نے کثیر تعداد میں شرکت کی۔
اجلاس سے خطاب کرتے ہوئے مولانا قاری راشد نواز عباسی نے جمعیۃ علماء اسلام کی دینی، آئینی اور جمہوری جدوجہد پر روشنی ڈالتے ہوئے کہا کہ جمعیۃ علماء اسلام نے ہمیشہ ملک میں اسلامی تشخص کے تحفظ، آئینِ پاکستان میں موجود اسلامی دفعات کے دفاع اور جمہوری و آئینی جدوجہد کے ذریعے اپنا مؤثر کردار ادا کیا ہے۔
انہوں نے کہا کہ بلدیاتی انتخابات عوام کے ساتھ براہِ راست رابطے اور خدمت کا اہم ذریعہ ہیں، اس لیے جمعیۃ علماء اسلام یوسی پوٹھہ شریف کے کارکنان بھرپور تیاری کے ساتھ میدانِ عمل میں اتریں اور عوامی مسائل کے حل، خدمتِ خلق اور جماعت کے منشور کو گھر گھر پہنچانے کے لیے منظم رابطہ مہم کا آغاز کریں۔
اجلاس میں امیدواروں کے انتخاب، نوجوان اور فعال قیادت کو آگے لانے، یونین کونسل کی سطح پر تنظیم کو مزید مضبوط بنانے، جماعتی منشور کو عوام تک پہنچانے اور دیگر دینی جماعتوں کے ساتھ انتخابی تعاون کے امکانات پر بھی تفصیلی غور و خوض کیا گیا۔
طویل مشاورت کے بعد امیدواروں کے انتخاب، انتخابی امور اور آئندہ کی حکمتِ عملی مرتب کرنے کے لیے 8 رکنی کمیٹی قائم کردی گئی، جس میں قاری عرفان عباسی، مولانا آصف محمود، ماسٹر عبدالقادر، قاری ادریس عباسی، قاری عبدالواجد، عاطف محمود، زاہد محمود اور قاری عبدالقادر شامل ہیں۔
اجلاس میں فیصلہ کیا گیا کہ مذکورہ کمیٹی یونین کونسل پوٹھہ شریف میں بلدیاتی انتخابات کے لیے موزوں امیدواروں کے انتخاب، انتخابی حکمتِ عملی اور دیگر امور پر مشاورت مکمل کرکے امیدواروں کے حتمی ناموں کی فہرست جلد جاری کرے گی۔
اس موقع پر کارکنان کو ہدایت کی گئی کہ وہ بھرپور عوامی رابطہ مہم شروع کریں، عوام کے مسائل معلوم کریں اور جمعیۃ علماء اسلام کے منشور، دینی و سیاسی مؤقف اور خدمت کے پیغام کو مؤثر انداز میں عوام تک پہنچائیں۔
کمیٹی کا اگلا اجلاس 24 ستمبر 2026ء، بعد نمازِ ظہر، جامع مسجد صدیق اکبرؓ علیوٹ مری میں منعقد ہوگا، جس میں انتخابی پیش رفت اور امیدواروں کے حوالے سے مزید اہم فیصلے کیے جائیں گے۔
از: میڈیا سیل جمعیۃ علماء اسلام، یوسی پوٹھہ شریف

09/09/2026

جامع مسجد بنیان مرصوص کلڈنہ المعروف مسجد سیدنا امیر معاویہ میں علماء مری کی شاندار افتتاحی تقریب ۔۔۔

خطیب کوہسار وممبر ڈویژنل امن کمیٹی حضرت مولانا قاری سیف اللہ سیفی زیدمجدہ نے افتتاحی خطاب فرمایا ، علماء مری اور معززین علاوہ کی بڑی تعداد میں شرکت ۔۔۔۔

جامع مسجد بنیان مرصوص کلڈنہ المعروف مسجد سیدنا امیر معاویہ میں معززین علاقہ اور علماء مری کے زیرنگرانی عظیم الشان افتتاحی تقریب ۔۔۔

علماء مری اور معززین علاقہ نے بڑی تعداد میں شرکت کی ۔۔۔

ممبر ڈویژنل امن کمیٹی وخطیب کوہسار حضرت مولانا قاری سیف اللہ سیفی نے افتتاحی خطاب فرماتے ہوئے مسجد کے قیام میں خصوصی دلچسپی لینے پر جی او سی مری ، سابق اسٹیشن کمانڈر برگیڈئیر ذاکر اللہ ، موجودہ برگیڈئیر مری اور سی او کینٹ کی کوششوں کو سراہا ،جبکہ دیگر علماء کرام مفتی خالد حسین عباسی، مولانا فرید احمد آزاد، قاری راشد نواز عباسی ، قاری اسماعیل عباسی ، مولانا فیصل اعجاز عباسی ، مولانا زاھد محمود عباسی اور ممتاز سیاسی شخصیت طاھر محمود عباسی سمیت بڑی تعداد میں علماء وعوام نے شرکت کی اور اس توقع کا اظہار کیا کہ مسجد کے آئندہ کے انتظامی معاملات میں بھی انتظامیہ اسی دلچسپی کا اظہار اور خصوصی کاوشوں کو بروئے کار لائے گی ۔۔۔۔

علماء کرام نے اپنے خطاب میں مسجد کی اہمیت پر خطاب کرتے ہوئے مسجد کو آباد کرنے کی ضرورت پرزور دیا ۔۔۔

اہل علاقہ نے مسجد امیر معاویہ کی شہادت کے ایک طویل عرصے بعد نئی مسجد کے قیام کو علاقہ بھر کے لیے خوش آئند قرار دیا اور مسجد کے قیام کی کوششیں کرنے والے تمام علماء کرام و جی او سی مری ، سابق اسٹیشن کمانڈر برگیڈئیر ذاکر اللہ ، موجودہ اسٹیشن کمانڈر برگیڈئیر مری اور سی او کینٹ کا خصوصی شکریہ بھی ادا کیا ۔۔۔

از :
میڈیا سیل علماء مری

05/09/2026

جے یو آئی ضلع مری کے امیر مولانا قاری سیف اللہ سیفی زیدمجدہ کی یوسی گہل کاکڑائی میں شکیل عباسی کی بچیوں کے ساتھ پیش آنے والے واقعے سے متعلق خصوصی گفتگو ۔۔۔۔۔۔