حالاتِ مظفرگڑھ

اسلام آباد فیڈرل یونین آف جرنلسٹس کنونشن میں مظفرگڑھ پریس کلب کی نمائندگی

مظفرگڑھ(نمائندہ خصوصی) پاکستان فیڈرل یونین آف جرنلسٹس (PFUJ) کے زیر اہتمام منعقدہ اہم کنونشن میں مظفرگڑھ پریس کلب مظفرگڑھ رجسٹرڈ کی جانب سے صدر اے بی مجاہد کی ہدایت پر جنرل سیکرٹری ماجد رحیم خانزادہ اور دیگر سینئر عہدیداران کی مشاورت سے عثمان خان خٹک نے بطور نمائندہ شرکت کی کنونشن میں ملک بھر سے صحافتی تنظیموں کے نمائندگان، سینئر صحافیوں اور میڈیا شخصیات نے شرکت کی۔ اس موقع پر ناصر عباس (ڈپٹی چیف رپورٹر، اے پی پی اردو سروس اسلام آباد)،صوفیہ صدیقی سینئیر صحافی و اینکر پرسن، ناذیہ آصف (سینئر جرنلسٹ و چیف ایگزیکٹو آفیسر برج کور انٹرنیشنل)، عائشہ ناز (ممبر گورننگ باڈی نیشنل پریس کلب) اور جمشید رضوانی (سینئر اینکر) سمیت متعدد نمایاں شخصیات موجود تھیں کنونشن کے میزبانوں میں پاکستان فیڈرل یونین آف جرنلسٹس کے مرکزی صدر افضل بٹ، مرکزی سیکرٹری جنرل ارشد انصاری، چیئرمین ایف ای سی علی رضا علوی اور مرکزی نائب صدر شہزادہ ذوالفقار جمشید رضوانی شامل تھےجنہوں نے شرکاء کا خیرمقدم کیا۔ کنونشن کے دوران آزادی صحافت، صحافیوں کے حقوق، میڈیا کو درپیش چیلنجز اور فلاحی امور پر تفصیلی تبادلۂ خیال کیا گیامقررین نے اس عزم کا اظہار کیا کہ صحافیوں کے حقوق کے تحفظ، آزادیٔ اظہار کے فروغ اور پیشہ ورانہ معیار کی بہتری کے لیے جدوجہد جاری رکھی جائے گی۔ شرکاء نے کنونشن کے کامیاب انعقاد کو صحافتی برادری کے اتحاد اور یکجہتی کی علامت قرار دیاتاھم مظفرگڑھ پریس کلب مظفرگڑھ رجسٹرڈ کے صدر اے بی مجاہد نے کنونشن کے کامیاب انعقاد پر میزبان قیادت کو مبارکباد پیش کرتے ہوئے کہا کہ ایسے پلیٹ فارم صحافیوں کے مسائل اجاگر کرنے اور ان کے حل کیلئے مؤثر کردار ادا کرتے ہیں۔ انہوں نے کہا کہ مظفرگڑھ پریس کلب صحافیوں کے حقوق اور آزادی صحافت کے لیے ہر سطح پر اپنا کردار ادا کرتا رہے گا۔

حکیم شہزاد کا ایم پی اے ثاقب چدھڑ کو اپنے دواخانہ پر دعوت کی پیشکش ذرائع

جنوبی پنجاب میں آج اندھی کے ساتھ۔۔بارش کا بھی سلسلہ شروع ہونے والا ہے۔۔

مظفرگڑھ(رپورٹ+عثمان خٹک)وزیراعلیٰ مریم نواز کے ستھرا پنجاب ویژن کے تحت عیدالاضحیٰ پر صفائی کے تاریخی انتظامات، 5500 ٹن کوڑا کرکٹ تلف،ایڈیشنل ڈپٹی کمشنر ریونیو عوید ارشاد اور ایڈیشنل ڈپٹی کمشنر جنرل یوسف چھینہ کی قیادت میں ضلعی انتظامیہ اور ستھرا پنجاب کی ٹیم نے کڑی دھوپ میں فیلڈ میں متحرک رہ کر عید آپریشن کامیابی سے مکمل کیا، عوامی حلقوں کا خراجِ تحسین تفصیل کے مطابق وزیراعلیٰ پنجاب مریم نواز شریف وژن کے ستھرا پنجاب نے عیدالاضحیٰ کے مبارک موقع پر ضلع مظفرگڑھ میں صفائی ستھرائی کے تاریخی اور بے مثال انتظامات کئے گئےایڈیشنل ڈپٹی کمشنر ریونیو عوید ارشاد اور ایڈیشنل ڈپٹی کمشنر جنرل و ایم ڈی ستھرا پنجاب یوسف چھینہ کی دن رات کی ذاتی کاوشوں اور فیلڈ میں مسلسل متحرک رہنے کی بدولت ستھرا پنجاب ویژن کو مظفرگڑھ میں حقیقی اور عملی شکل دکھائی دی ضلعی انتظامیہ اور ستھرا پنجاب کے افسران و ورکرز نے عید کے ایام میں سخت گرمی اور کڑی دھوپ کی پروا کیے بغیر ضلع بھر کو صاف ستھرا رکھنے کے مشن کو انتہائی قابل تعریف انداز میں پایہ تکمیل تک پہنچایاجس پر انہیں عوامی و سرکاری سطح پر بھرپور شاباش اور خراجِ تحسین پیش کیا جا رہا ہےسرکاری سطح پر جاری کردہ میڈیا بریفنگ کی رپورٹ کے مطابق عیدالاضحیٰ کے 3 دنوں کے دوران چلائے جانے والے اس گرینڈ صفائی آپریشن کے اہم اور حیرت انگیز اعداد و شمار درج ذیل ہیں عید کے تینوں دن ضلع بھر سے ریکارڈ 5,500 ٹن کوڑا کرکٹ اور آلائشیں جمع کر کے محفوظ طریقے سے تلف کی گئیں آپریشن کو تیز تر بنانے کیلئے855 گاڑیوں کا فلیٹ تعینات کیا گیا جبکہ مزید 33 اضافی گاڑیاں بھی آپریشن کا حصہ بنائی گئیں اس پورے عمل کو سرانجام دینے کے لیے 4,686 ہیومن ریسورس اہلکار فیلڈ میں دن رات مامور رہے جبکہ ضلع بھر میں 1,198 مساجد اور 20 مخصوص کردہ قربان گاہوں میں صفائی کے خصوصی انتظامات مینیج کیے گئےجبکہ165 قبرستانوں میں بھی شہریوں کی سہولت کے لیے صفائی یقینی بنائی گئی آلائشوں کو ٹھکانے لگانے کے لیے 41 پرائمری کلیکشن پوائنٹس قائم کیے گئے اور 33 ڈسپوزل ٹرینچز استعمال کی گئیں جبکہ صفائی کے اس میگا آپریشن میں مجموعی طور پر 4,795 مختلف آلات استعمال میں لائے گئےتعفن اور بیماریوں کو پھیلنے سے روکنے کے لیے 85,000 کلو گرام چونااستعمال کیا گیاعلاوہ ازیں صفائی کے بعد ماحول کو معطر کرنے اور جراثیم کشی کے لیے 276,500 ویسٹ کلیکشن بیگز تقسیم کیے گئے، 1,250 لیٹر فینائل اور 850 لیٹر عرقِ گلاب کا خصوصی چھڑکاؤ کیا گیا شدید گرمی میں کام کرنے والے محنتی عملے کی فلاح و بہبود کے لیے عید کے دوران 15,000 لنچ باکسز تقسیم کیے گئے۔ صفائی کے اس وسیع آپریشن کے دوران گاڑیوں نے مجموعی طور پر 98,552 کلومیٹر کا فاصلہ طے کیاضلع مظفرگڑھ کے تمام مکتبہ فکر سے تعلق رکھنے والے زندہ دلان، سماجی تنظیموں اور شہریوں نے ان مثالی اور تاریخی انتظامات پر وزیراعلیٰ پنجاب مریم نواز شریف، ضلعی انتظامیہ مظفرگڑھ اور ستھرا پنجاب کی پوری ٹیم کو دل کھول کر مبارکباد پیش کی ہے اور امید ظاہر کی ہے کہ مستقبل میں بھی ضلع کی خوبصورتی اور صفائی کا یہ معیار برقرار رکھا جائے گا۔

مظفرگڑھ:منیٹینس میں غفلت واپڈا مظفرگڑھ سرکل سمیت کوٹ ادو کے متعدد ٹرانسفارمر کی لائنیں ٹرپ کرگئی جبکہ متعدد ٹرانسفارمر جل گئےگزشتہ تین روز سے سنانواں کے علاقے موضع ڈوگر والا کلاسرہ کا ٹرانسفارمر جلنے کی شکایات بےسود ثابت کثیرتعداد میں علاقہ مکینوں نے ٹرانسفارمر فعال کروانے کا مطالبہ کیا ہے