PML-N Narowal

08/10/2026

🌹 دعوتِ محفلِ میلادِ مصطفیٰ ﷺ 🌹

تمام عاشقانِ رسول ﷺ کو محفلِ میلادِ مصطفیٰ ﷺ میں شرکت کی دعوت دی جاتی ہے۔

📅 11 اکتوبر، بروز اتوار
🕖 شام 7 بجے
📍 اقبال منزل، بالمقابل رینجرز ہیڈکوارٹر، جسڑ بائی پاس، نارووال

تشریف لائیے اور محفلِ میلادِ مصطفیٰ ﷺ میں شرکت فرما کر فیوض و برکات حاصل کیجیے۔

🌹 آپ کی شرکت باعثِ سعادت ہوگی۔ 🌹

07/10/2026

05/10/2026

‏نارووال پبلک سکول اینڈ کالج میں روبوٹکس لیب کا افتتاح نوجوانوں کو مستقبل کے لیے تیار کرنے کے میرےعزم کا عملی اظہار ہے۔ ہمارا مقصد ایسی نسل تیار کرنا ہے جو ٹیکنالوجی استعمال کرنے کے ساتھ نئی ٹیکنالوجی تخلیق بھی کر سکے۔ جو سوال پوچھے، تجربہ کرے، مسائل کے حل تلاش کرے اور اپنے علم سے پاکستان کی ترقی میں حصہ ڈالے۔
‏یہ لیب طلبہ کو روبوٹکس کی دنیا سے جوڑنے، ان کی تخلیقی صلاحیتیں نکھارنے اور مل کر کام کرنے کا سلیقہ سکھانے کا ذریعہ بنے گی۔ مستقبل اُن قوموں کا ہے جو آج اپنے بچوں کو سوچنے، سیکھنے اور ایجاد کرنے کے مواقع دیتی ہیں۔
‏اس موقع پر میں مرحوم جناب محفوظ الرحمٰن کو دلی خراجِ عقیدت پیش کرتا ہوں، جنہوں نے اپنے ابدالین طلبہ کے تعاون سے اس وژن کو حقیقت بنانے کی بنیاد رکھی۔ افسوس کہ وہ اپنی زندگی میں اس کی تکمیل نہ دیکھ سکے، لیکن اس لیب میں سیکھنے والا ہر بچہ اور جنم لینے والا ہر نیا خیال اُن کی علم دوستی اور محنت کی زندہ گواہی ہوگا۔ اللہ تعالیٰ اُن کے درجات بلند فرمائے۔آمین۔
‏میں نئے پرنسپل جناب شوکت محمود کو مبارک باد دیتا ہوں، جنہوں نے اس کام کو پایۂ تکمیل تک پہنچایا۔ بالخصوص میں جناب بلال مشرف کا تہِ دل سے شکر گزار ہوں، جنہوں نے لیب کے لیے دس لیپ ٹاپ عطیہ کیے۔ یہ تعاون ہمارے بچوں کی صلاحیتوں اور پاکستان کے مستقبل میں ایک قیمتی سرمایہ کاری ہے۔
‏میرے عزیز طلبہ! بڑے خواب دیکھیں، سوال پوچھنے سے نہ گھبرائیں اور ناکامی کو سیکھنے کا موقع بنائیں۔ اس لیب کو اپنی تخلیقی صلاحیتوں کی تجربہ گاہ بنائیں۔ مجھے یقین ہے کہ نارووال کے ان کلاس رومز سے پاکستان کے مستقبل کے سائنس دان، انجینئر اور موجد اُبھریں گے۔

05/10/2026

وفاقی وزیر منصوبہ بندی و ترقی پروفیسر احسن اقبال کی نارووال پبلک سکول میں اساتذہ کے عالمی دن کے موقع پر منعقدہ تقریب میں شرکت۔

05/10/2026

نارووال: پروفیسر احسن اقبال، وفاقی وزیر ترقی و منصوبہ بندی، سلام ٹیچرز ڈے کے موقع پر اساتذہ سے اپنے خیالات کا اظہار کر رہے ہیں۔

05/10/2026

🚀 اسپیس ڈے کے موقع پر نارووال پبلک اسکول میں خصوصی تقریب

پروفیسر احسن اقبال، وفاقی وزیر ترقی و منصوبہ بندی، نے نارووال پبلک اسکول میں Robotics Lab کا افتتاح کیا۔

اس موقع پر طلبہ کی جانب سے تیار کیے گئے مختلف روبوٹک اور سائنسی ماڈلز کا معائنہ کیا اور طلبہ کی تخلیقی صلاحیتوں اور محنت کو سراہا۔

وفاقی وزیر نے طلبہ کی جانب سے لگائی گئی سائنسی اور تصویری نمائش کا بھی دورہ کیا اور ان کی شاندار کارکردگی پر حوصلہ افزائی کی۔