22/07/2026
ڈاکٹر یاسر شاہوانی، سینٹرل کمیٹی بی این پی عوامی
کویٹہ شہر میں پانی کا بحران دن بدن سنگین صورت اختیار کرتا جا رہا ہے۔ ایک طرف حکومت شہریوں کو صاف پینے کے پانی کی بنیادی سہولت فراہم کرنے میں ناکام نظر آتی ہے، جبکہ دوسری جانب عوام اپنی مدد آپ کے تحت نجی ٹینکروں کے ذریعے پانی حاصل کرنے پر مجبور ہیں۔
افسوس کی بات یہ ہے کہ گورنمنٹ واٹر سپلائی کی جانب سے نجی پانی کے ٹینکروں کو پکڑ کر تھانوں میں بند کیا جا رہا ہے، جس کے نتیجے میں شہر بھر میں پانی کی شدید قلت پیدا ہو گئی ہے۔ اس صورتحال نے شہریوں کی مشکلات میں مزید اضافہ کر دیا ہے، جبکہ شدید گرمی کے موسم میں پانی جیسی بنیادی ضرورت سے عوام کو محروم کرنا انتہائی افسوسناک اور قابلِ مذمت عمل ہے۔
ہم حکومت بلوچستان اور متعلقہ حکام سے مطالبہ کرتے ہیں کہ عوام کو فوری طور پر پانی کی فراہمی یقینی بنائی جائے، نجی پانی کے ٹینکروں کے خلاف کارروائیاں بند کی جائیں، اور اگر کسی قسم کی بے ضابطگی موجود ہے تو اسے قانون کے مطابق حل کیا جائے، نہ کہ پورے شہر کے عوام کو پانی جیسی بنیادی سہولت سے محروم کیا جائے۔
بی این پی عوامی ہمیشہ عوام کے بنیادی حقوق کے تحفظ کے لیے آواز بلند کرتی رہے گی اور اس سنگین مسئلے کے فوری اور مستقل حل کا مطالبہ کرتی ہے۔
