22/06/2026
*مذمتي بيان*
شھيد بينظير ڀٽو يونيورسٽي، نوابشاھ جي انتظاميا طرفان
ايم ايس ايف فنڪشنل سبو يونيورسٽي جي صدر عاشق ڏاهري سميت ٻين شاگردن جي خلاف جاري ڪيل تازي نوٽيفڪيشن کي سخت لفظن ۾ رد ۽ مذمت ڪجي ٿو.
تعليمي ادارو علم، انصاف، برداشت ۽ مڪالمي جو گهر هوندو آهي. شاگردن کي پنهنجن جائز تعليمي مسئلن، حقن ۽ ڀلائي لاءِ آواز اٿارڻ جو آئيني ۽ قانوني حق حاصل آهي. جيڪڏهن شاگرد پنهنجا مسئلا ڳالهين ذريعي حل ڪرائڻ چاهين ٿا ته انهن جي آواز کي دٻائڻ ۽ سخت ڪاررواين سان جواب ڏيڻ علم جي راهه جي خلاف آهي.
اسان سمجهون ٿا ته شاگرد ڪنهن به يونيورسٽي جو بنياد آهن. انهن جي تحفظن کي نظرانداز ڪرڻ بدران، انهن سان کليل دل سان ڳالهه ٻولهه ڪري، شفاف تحقيق ذريعي مسئلا حل ڪرڻ گهرجن. اهڙا قدم جيڪي شاگردن ۾ خوف، بيچيني ۽ عدم تحفظ پيدا ڪن، اهي يونيورسٽي جي تعليمي ماحول ۽ وقار لاءِ نقصانڪار آهن.
مطالبو ڪجي ٿو ته:
1. متاثر شاگردن کي پنهنجو موقف پيش ڪرڻ جو مڪمل ۽ عزت وارو موقعو ڏنو وڃي.
2. متنازعه نوٽيفڪيشن تي فوري نظرثاني ڪري ان کي واپس ورتو وڃي.
3. سڀني مسئلن کي پرامن، مڪالمي ۽ انصاف جي بنياد تي حل ڪيو وڃي.
يونيورسٽي جو ماحول شاگرد دوست، پرامن ۽ سازگار رهڻ گهرجي. تشدد، ڊپ ۽ دٻاءُ جي سياست جي ڪا جاءِ ناهي.
*جاري ڪندڙ: پاڪستان مسلم ليگ فنڪشنل تعلقه قاضي احمد