Deputy Commissioner Kohistan Lower

07/10/2026

ڈپٹی کمشنر کوہستان لوئر جناب ذوہیب حیات صاحب کی زیرِ صدارت سروائیکل کینسر سے بچاؤ اور آگاہی سے متعلق ضلعی اسٹیئرنگ کمیٹی کا ایک اہم اجلاس منعقد ہوا۔ اجلاس میں ڈسٹرکٹ ہیلتھ آفیسر (DHO)، ای پی آئی (EPI) کوآرڈینیٹر اور دیگر متعلقہ محکمہ جات کے نمائندوں نے شرکت کی۔

اجلاس کے دوران ضلع میں سروائیکل کینسر سے بچاؤ تدابیر، ویکسینیشن مہم، عوامی آگاہی اور دیگر حفاظتی اقدامات کا تفصیلی جائزہ لیا گیا۔

اس موقع پر گفتگو کرتے ہوئے ڈپٹی کمشنر ذوہیب حیات صاحب نے تمام متعلقہ اداروں کو باہمی رابطہ کاری مزید مضبوط بنانے کی ہدایت کی۔ انہوں نے زور دیا کہ مؤثر اقدامات اور مربوط حکمتِ عملی کے ذریعے اس حفاظتی پروگرام کو کامیاب بنایا جائے تاکہ عام عوام تک اس موذی مرض سے بچاؤ کی ضروری آگاہی اور سہولیات کی فراہمی یقینی ہو سکے۔

Chief Minister Khyber Pakhtunkhwa
Chief Secretary Khyber Pakhtunkhwa
Commissioner Hazara
PMRU Khyber Pakhtunkhwa
Directorate General Information & PRs, KP

07/10/2026

ڈپٹی کمشنر کوہستان لوئر جناب ذوہیب حیات صاحب نے آج ڈسٹرکٹ پولیس آفیسر (ڈی پی او) کولئی پالس کوہستان کی ریٹائرمنٹ کے سلسلے میں منعقدہ ایک پروقار تقریب میں خصوصی شرکت کی۔

​تقریب کے دوران ڈپٹی کمشنر کوہستان لوئر جناب ذوہیب حیات نے ریٹائر ہونے والے ڈی پی او کی محکماتی و عوامی خدمات کو زبردست الفاظ میں خراجِ تحسین پیش کیا اور علاقے میں امن و امان کے قیام، قانون کی بالادستی اور عوام کے تحفظ کے لیے ان کی گراں قدر کوششوں کو سراہا۔

​تقریب کے اختتام پر ڈپٹی کمشنر کوہستان لوئر نے ان کی شاندار خدمات کے اعتراف میں انہیں اعزازی شیلڈ پیش کی اور ان کی مستقبل کی زندگی کے لیے نیک خواہشات اور سلامتی کی دعا کی۔

Chief Minister Khyber Pakhtunkhwa
Chief Secretary Khyber Pakhtunkhwa
Commissioner Hazara
PMRU Khyber Pakhtunkhwa
Directorate General Information & PRs, KP

07/10/2026

ڈپٹی کمشنر آفس کوہستان لوئر میں محمد اقبال (پرائیوٹ سیکرٹری ٹو ڈپٹی کمشنر) کی ضلع شانگلہ میں بطور سیکٹری ڈسٹرکٹ پبلک سیفٹی کمیشن شانگلہ تبادلے کے موقع پر ایک پروقار الوداعی تقریب کا انعقاد کیا گیا۔

تقریب میں مختلف محکمہ جات کے سربراہان اور سرکاری اہلکاروں نے بڑی تعداد میں شرکت کی۔ ایس پی ریٹائر بحر الدین خان چیئر مین DRC شانگلہ نے خصوصی طور پر اس تقریب میں شرکت کی۔

اجلاس سے ڈپٹی کمشنر کوہستان لوئر جناب ذوہیب حیات اور دیگر شرکاء نے خطاب کرتے ہوئے محمد اقبال کی پیشہ ورانہ خدمات، حسنِ اخلاق اور بہترین کارکردگی کو بھرپور خراجِ تحسین پیش کیا، اور ان کے نئے عہدے و مستقبل کے لیے نیک خواہشات کا اظہار کیا۔

Chief Minister Khyber Pakhtunkhwa
Chief Secretary Khyber Pakhtunkhwa
Commissioner Hazara
PMRU Khyber Pakhtunkhwa
Directorate General Information & PRs, KP

07/10/2026

آج رانولیاء کے ایک نمائندہ وفد نے ڈپٹی کمشنر کوہستان لوئر جناب ذوہیب حیات صاحب سے ان کے دفتر میں ملاقات کی اور رانولیاء روڈ کی کی بحالی و مرمت سے متعلق درپیش مسائل اور علاقائی عوام کی مشکلات سے آگاہ کیا۔
ملاقات کے دوران ڈپٹی کمشنر نے وفد کے مسائل کو توجہ سے سنتے ہوئے موقع پر ہی متعلقہ حکام کو رانولیاء روڈ کی جلد از جلد بحالی کے واضح احکامات جاری کیے۔ انہوں نے وفد کو یقین دہانی کرائی کہ سڑک کی بحالی کے کام کو ترجیحی بنیادوں پر جلد سے جلد مکمل کیا جائے گا تاکہ علاقے کے عوام کو درپیش آمدورفت کی مشکلات کا خاتمہ ہو سکے۔

Chief Minister Khyber Pakhtunkhwa
Chief Secretary Khyber Pakhtunkhwa
Commissioner Hazara
PMRU Khyber Pakhtunkhwa
Directorate General Information & PRs, KP

06/10/2026

ڈپٹی کمشنر کوہستان لوئر جناب ذوہیب حیات صاحب کی ہدایت پر عوام کی سہولت، صاف ستھرے ماحول اور محفوظ خیبر پختونخوا کے عزم کے تحت ایک اہم اجلاس ایڈیشنل ڈپٹی کمشنر جنرل کوہستان لوئر جناب عبدالولی خان صاحب کی زیر صدارت منعقد ہوا، جس میں ویسٹ کلیکشن پوائنٹس اور ڈمپنگ سائٹس ویلیج کونسلز (VCs) میں کچرا جمع کرنے کے مخصوص پوائنٹس (Waste Collection Points) کے حوالے سے اسسٹنٹ ڈائریکٹر لوکل گورنمنٹ اور نمائندہ تحصیل میونسپل ایڈمنسٹریشن پٹن و بنکڈ رانولیاء نے بریفنگ دی۔

ایڈیشنل ڈپٹی کمشنر جنرل کوہستان لوئر نے کوڑے دانوں کی تنصیب اور ڈمپنگ سائٹس (Dumping Sites) کا سائنسی و ماحولیاتی اصولوں کے مطابق انتظام یقینی بنانے کی ہدایات جاری کیں
علاوہ ازیں کوہستان لوئر میں ناگہانی آفات اور حادثات سے بچاؤ کے لیے لوئر کوہستان میں پرانے، بوسیدہ اور غیر محفوظ (Vulnerable) مکانات کا جامع سروے شروع کرنے کی ہدایات جاری کیں

اس سروے کا مقصد خطرے سے دوچار مکانات کی نشان دہی کرنا اور عوامی تحفظ کے لیے بروقت حفاظتی تدابیر اختیار کرنا ہے۔

آئیے مل کر اپنے علاقے کو صاف ستھرا، پاک اور محفوظ بنائیں۔

Chief Minister Khyber Pakhtunkhwa
Chief Secretary Khyber Pakhtunkhwa
Commissioner Hazara
PMRU Khyber Pakhtunkhwa
Directorate General Information & PRs, KP

05/10/2026

05/10/2026

ڈپٹی کمشنر آفس کوہستان لوئر میں عالمی یومِ اساتذہ کی مناسبت سے "سلام استاد" تقریب کا انعقاد

صوبائی حکومت کی ہدایات کی روشنی میں عالمی دن برائے اساتذہ کے موقع پر ڈپٹی کمشنر آفس کوہستان لوئر میں "سلام استاد" کے عنوان سے ایک پروقار اور شاندار تقریب کا انعقاد کیا گیا۔ تقریب کا بنیادی مقصد تعلیمی میدان میں گراں قدر خدمات سرانجام دینے والے اساتذہ کرام کو خراجِ تحسین پیش کرنا تھا۔
اس سلسلے میں ضلع کوہستان لوئر سے منتخب شدہ 15 بہترین اساتذہ کرام کو خصوصی طور پر ڈپٹی کمشنر آفس مدعو کیا گیا۔ تقریب کی صدارت ایڈیشنل ڈپٹی کمشنر (جنرل) کوہستان لوئر جناب عبدالولی خان صاحب نے کی۔
تقریب میں درج ذیل افسران نے شرکت کی:

جناب شاہد اللہ شاہد — اسسٹنٹ کمشنر (ہیڈکوارٹر) پٹن
جناب اول خان صاحب، ایڈیشنل اسسٹنٹ کمشنر ریونیو کوہستان لوئر
جناب مظفر علی خان — ڈسٹرکٹ ایجوکیشن آفیسر (مردانہ) کوہستان لوئر
جناب اورنگزیب — ڈپٹی ڈسٹرکٹ ایجوکیشن آفیسر کوہستان لوئر

تقریب سے خطاب کرتے ہوئے ایڈیشنل ڈپٹی کمشنر (جنرل) جناب عبدالولی خان صاحب نے منتخب اساتذہ سمیت ضلع بھر کے تمام اساتذہ کرام کو ان کی انتھک محنت اور تعلیمی خدمات پر بھرپور خراجِ تحسین پیش کیا۔ انہوں نے کہا کہ اساتذہ ہی معاشرے کے معمار ہیں جو نسلوں کی آبیاری میں بنیادی کردار ادا کرتے ہیں۔
دیگر ضلعی افسران نے بھی اپنے اپنے خطاب میں اساتذہ کی کاوشوں کو سراہا اور بچوں کی کردار سازی، تعلیم و تربیت اور روشن مستقبل کی نشوونما میں اساتذہ کے مرکزی کردار پر مفصل روشنی ڈالی۔

تقریب کے اختتام پر تعلیمی میدان میں نمایاں اور بہترین کارکردگی کا مظاہرہ کرنے والے منتخب اساتذہ کرام میں اعزازی سرٹیفکیٹس اور شیلڈز تقسیم کی گئیں۔

Chief Minister Khyber Pakhtunkhwa
Chief Secretary Khyber Pakhtunkhwa
Commissioner Hazara
PMRU Khyber Pakhtunkhwa
Directorate General Information & PRs, KP

30/09/2026

ڈپٹی کمشنر کوہستان لوئر جناب ذوہیب حیات صاحب نے آج سگلو اور ریسٹ ہاؤس ایریا میں زیرِ تعمیر حفاظتی بند کا موقع پر دورہ کیا۔ دورے کے دوران انہوں نے حفاظتی بند کی تعمیراتی پیش رفت اور کام کے معیار کا باریک بینی سے جائزہ لیا۔

موقع پر موجود متعلقہ محکمہ کے حکام اور ٹھیکیداروں کو ہدایات جاری کرتے ہوئے ڈپٹی کمشنر ذوہیب حیات نے واضح کیا کہ تمام حفاظتی و تعمیراتی اقدامات کو پیشِ نظر رکھتے ہوئے کام کی کوالٹی پر کوئی سمجھوتہ نہ کیا جائے۔ انہوں نے سخت تنبیہ کی کہ تعمیراتی کام مقررہ اعلیٰ معیار کے مطابق ہی مکمل ہونا چاہیے، اور غیر معیاری یا ناقص کام کو کسی بھی صورت برداشت نہیں کیا جائے گا۔

ڈپٹی کمشنر نے متعلقہ افسران کو ہدایت کی کہ وہ جاری کام کی باقاعدگی سے نگرانی یقینی بنائیں تاکہ عوامی مفاد کا یہ اہم منصویہ پائیدار اور وقتِ مقررہ پر مکمل ہو سکے۔

Chief Minister Khyber Pakhtunkhwa
Chief Secretary Khyber Pakhtunkhwa
Commissioner Hazara
PMRU Khyber Pakhtunkhwa
Directorate General Information & PRs, KP