Counselor Abdul Wakeel Afridi

28/09/2026

08/09/2026

إِنَّا لِلّٰهِ وَإِنَّا إِلَيْهِ رَاجِعُونَ

نیاز مین ابدال خیل، شیرے خیل کے چھوٹے بھائی جعفر آفریدی طویل علالت کے بعد اس فانی دنیا سے رخصت ہو گئے۔

مرحوم کی نمازِ جنازہ آج شام 8:00 بجے ادا کی جائے گی۔

اللہ تعالیٰ مرحوم کی مغفرت فرمائے۔ آمین۔

05/04/2026

حاجی عبداللہ کے بھتیجے اور حاجی اسمۃ اللہ کے بیٹے کو نئی زندگی کی شروعات مبارک ہو ❤️
اللہ تعالیٰ اس جوڑے کو خوشیوں، محبتوں اور بے شمار برکتوں سے نوازے 🤲
یہ خوبصورت رشتہ ہمیشہ قائم و دائم رہے، ڈھیروں دعائیں

16/03/2026

بسم اللہ الرحمٰن الرحیم

میرے پیارے علاقے علی مسجد VC-16 کے معزز عوام!

آج جب یوتھ چیئرمین کی حیثیت سے میرا دور ختم ہو چکا ہے تو میں دل کی گہرائیوں سے آپ سب کا شکریہ ادا کرنا چاہتا ہوں۔ آپ لوگوں نے مجھ پر اعتماد کیا، مجھے ووٹ دیا اور مجھے اپنے علاقے کی خدمت کا موقع دیا۔ یہ میرے لیے بہت بڑا اعزاز تھا۔

میں نے چار پانچ سال تک اپنی پوری کوشش کی کہ اپنے علاقے کے لوگوں کے مسائل میں ان کے ساتھ کھڑا رہوں۔ ہم نے یہ الیکشن اس امید کے ساتھ لڑا تھا کہ حکومت ہمیں اختیارات دے گی تاکہ ہم عوام کے مسائل بہتر طریقے سے حل کر سکیں، لیکن بدقسمتی سے ہمیں وہ اختیارات اور وسائل نہیں دیے گئے جن کی ہمیں ضرورت تھی۔

اس کے باوجود میں نے اپنی استطاعت کے مطابق، اور کئی بار اپنی جیب سے بھی، خاموشی کے ساتھ اپنے علاقے کے لوگوں کی مدد کرنے کی کوشش کی کیونکہ میں اسے اپنا فرض سمجھتا تھا۔

اگر حکومت کی طرف سے بھی مکمل اختیارات اور تعاون مل جاتا تو یقیناً ہم اپنے علاقے میں مزید بہتر اور بڑے کام کر سکتے تھے۔

میں ایک بار پھر اپنے تمام بھائیوں، بزرگوں اور نوجوانوں کا دل سے شکریہ ادا کرتا ہوں جنہوں نے ہر مشکل وقت میں میرا ساتھ دیا۔ میری دعا ہے کہ اللہ تعالیٰ آپ سب کو ہمیشہ خوش اور آباد رکھے۔

ان شاء اللہ اگر مستقبل میں دوبارہ خدمت کا موقع ملا تو پہلے سے بھی زیادہ خلوص، محنت اور جذبے کے ساتھ اپنے علاقے اور اپنی عوام کی خدمت کروں گا۔

آپ کا بھائی
عبدالوکیل

22/01/2026

میں بحیثیتِ نمائندہ الحاج فیملی و گروپ، معزز الحاج شاہ جی گل اور حاجی تاج محمد سے دل کی گہرائیوں سے اپیل کرتا ہوں کہ ہمارے افریدی بھائی، رشتہ دار اور ہم علاقہ لوگ جو تیراہ سے نقل مکانی کر کے آ رہے ہیں، انتہائی کٹھن حالات سے گزر رہے ہیں۔

یہ ہمارے اپنے لوگ ہیں، ہمارے مہمان ہیں۔ اس مشکل گھڑی میں ان کا ساتھ دینا کسی عہدے کی بنیاد پر نہیں بلکہ خالص انسانیت کے ناطے ہم سب کی مشترکہ ذمہ داری ہے۔

میں خود بھی ان کی مدد کے لیے تیار ہوں، اور اپنے معزز مشیران، گروپ لیڈرز، دوستوں، پارٹی ورکرز، ناظمین، کونسلرز اور تمام ساتھیوں—خصوصاً بحیثیتِ یوتھ چیئرمین—سب سے گزارش کرتا ہوں کہ ہم سب آگے بڑھیں، مدد کے لیے میدان میں ہوں، اور آپ ہمارے پیچھے ہمارا ساتھ دیں۔

اللہ تعالیٰ ہم سب کو اس نیکی کی توفیق عطا فرمائے۔ آمین۔