ANP Tehsil Takht Bhai Social Media

25/10/2026

عوامی نیشنل پارٹی یونین کونسل جہانگیر آباد کا تنظیمی اجلاس، تینوں ویلج کونسلوں کی تنظیم سازی مکمل

عوامی نیشنل پارٹی تحصیل تخت بھائی کی یونین کونسل جہانگیر آباد کا تنظیمی اجلاس منعقد ہوا، جس میں یونین کونسل کے تینوں ویلج کونسلوں جہانگیر آباد، چھیل-1 اور چھیل-2 کی تنظیم سازی مکمل کر لی گئی۔

اجلاس میں ضلعی جنرل سیکرٹری الحاج فضل الرحمان بن یامین، مرکزی رہنما فاروق اکرم خان، تحصیل صدر میاں نصراللہ، جنرل سیکرٹری ڈاکٹر اختر اقبال یوسفزئی، ضلعی نائب صدر جواد ٹکر، ایوب خان، توقیر خان اور دیگر پارٹی رہنماؤں نے شرکت کی۔

اس موقع پر رہنماؤں نے تنظیمی استحکام، کارکنوں کے اتحاد اور عوامی رابطوں کو مزید مضبوط بنانے پر زور دیتے ہوئے کہا کہ پارٹی کو نچلی سطح پر منظم اور فعال بنانا وقت کی اہم ضرورت ہے۔ انہوں نے باچا خان کے فلسفۂ عدم تشدد، جمہوریت، امن اور عوامی حقوق کی جدوجہد جاری رکھنے کے عزم کا اعادہ کیا۔

عوامی نیشنل پارٹی کی یہ تنظیمی پیش رفت اس عزم کا اظہار ہے کہ باچا خان اور خان عبدالولی خان کے سیاسی فلسفے کی روشنی میں عوامی حقوق، جمہوریت، امن اور صوبے کے حقیقی اختیار کی جدوجہد ہر گاؤں، ہر محلے اور ہر گھر تک پہنچائی جائے گی۔ ہمارا راستہ امن، ہماری طاقت عوام اور ہمارا مقصد ایک باوقار، خوشحال اور بااختیار پختون معاشرے کا قیام ہے۔

عوامی نیشنل پارٹی میدانِ سیاست میں عوام کی آواز بن کر کھڑی تھی، کھڑی ہے اور آئندہ بھی اپنے نظریے، جدوجہد اور قربانیوں کے ساتھ عوام کے حقوق کی جنگ لڑتی رہے گی.

23/10/2026

عوامی نیشنل پارٹی ضلع مردان کی ورکنگ کمیٹی کا اجلاس!

عوامی نیشنل پارٹی ضلع مردان کی ورکنگ کمیٹی کا اجلاس گزشتہ روز سابق وزیراعلیٰ خیبر پختونخوا امیر حیدر خان ہوتی کی زیرِ صدارت تحصیل رورل کے صدر سبزعلی خان کے حجرے میں منعقد ہوا۔

اجلاس میں ضلعی صدر عمران ماندوری ضلعی جنرل سیکرٹری الحاج فضل الرحمان بن آمین سمیت تمام تحصیلوں کے صدور اور سیکرٹریز نے شرکت کی۔

اجلاس کے دوران تنظیمی امور، گزشتہ ایک ماہ کی کارکردگی اور آئندہ کے لائحۂ عمل پر تفصیلی تبادلۂ خیال کیا گیا۔ اس موقع پر تنظیم کو مزید فعال اور مضبوط بنانے اور پارٹی سرگرمیوں کو مؤثر انداز میں آگے بڑھانے پر بھی غور کیا گیا۔

عوامی نیشنل پارٹی — باچا خان کے فکر و فلسفے، اصولی سیاست اور عوامی خدمت کا تسلسل!

21/10/2026

اے این پی بلوچستان کے صدر اصغر خان اچکزئی کی گرفتاری انصاف کے تقاضوں پر سنگین سوالیہ نشان ہے۔عوامی نیشنل پارٹی پختونخوا کے ایم پی اے نثار باز خان کی مذمت !
مقدمے کے مدعی کی جانب سے حلف نامہ جمع کرانے اور عدالت میں پیش ہو کر اصغر خان اچکزئی کی نامزدگی سے انکار کے باوجود ضمانت منسوخ کرکے گرفتاری عمل میں لانا انتہائی قابلِ مذمت ہے۔
اگر مقتول کا والد خود اصغر خان اچکزئی کو اس مقدمے سے لاتعلق قرار دے رہا ہے تو پھر انہیں گرفتار کرنے پر اصرار کیوں؟ کیا سیاسی اختلافات کا بدلہ اب مقدمات اور گرفتاریوں کے ذریعے لیا جائے گا؟
عدالتوں کا کام انصاف فراہم کرنا ہوتا ہے۔ بدقسمتی سے یہاں انصاف کا نظام مفلوج ہے اور منصف بھی کنٹرولڈ ہیں۔
کیس کا مدعی بیانِ حلفی کے ذریعے تصدیق کر رہا ہے کہ اس نے اصغر خان اچکزئی کو اپنی درخواست میں نامزد نہیں کیا اور اس واقعے سے ان کا کوئی تعلق نہیں۔
مدعی نے یہ الزام بھی عائد کیا ہے کہ بعض بااثر شخصیات نے سیاسی مخالفت کی آڑ میں انہیں اس مقدمے میں نامزد کیا۔
مدعی نے نہ صرف بیانِ حلفی جمع کرایا بلکہ عدالت کے روبرو پیش ہو کر بھی اصغر خان اچکزئی کا کیس سے کسی بھی قسم کا تعلق نہ ہونے کی تصدیق کی۔
تمام حقائق کے باوجود گرفتاری انصاف کے تقاضوں اور عدالتی کارروائی کے پس منظر پر سنگین سوالات اٹھاتی ہے۔
اگر مقتول کا والد ہی اصغر خان اچکزئی کی نامزدگی سے انکار کر رہا ہے تو پھر انہیں اس مقدمے میں پھنسانے پر اصرار کیوں کیا جا رہا ہے؟
قانون کو سیاسی انتقام کا ہتھیار بنانا کسی صورت قابلِ قبول نہیں۔ اصغر خان اچکزئی کی گرفتاری کے پسِ پردہ محرکات سامنے لائے جائیں اور واضح کیا جائے کہ مدعی کے حلف نامے اور عدالتی بیان کو کیوں نظرانداز کیا گیا۔
عوامی نیشنل پارٹی نے ہمیشہ مشکل حالات کا جرأت سے مقابلہ کیا ہے۔ اس قسم کی ہتھکنڈوں اور جھوٹے مقدمات اور گرفتاریوں سے مرعوب نہیں ہوگی۔

| |

21/10/2026

اے این پی تحصیل تخت بھائی کی کابینہ کا ماہانہ اجلاس۔
عوامی نیشنل پارٹی تحصیل تخت بھائی کی کابینہ کا ماہانہ اجلاس صدر میاں نصراللہ کی زیرِ صدارت میاں فارم ہاؤس تخت بھائی میں منعقد ہوا، جس میں کابینہ اراکین نے بھرپور شرکت کی۔

اجلاس کا آغاز تلاوتِ قرآن پاک سے ہوا، جس کی سعادت حاجی غلام رسول نے حاصل کی۔

اجلاس میں جنرل سیکرٹری ڈاکٹر اختر اقبال یوسفزئی نے گزشتہ دو ماہ کی تنظیمی و سیاسی کارکردگی پر روشنی ڈالی۔
اراکین نے پارٹی کو مزید فعال اور منظم بنانے کے لیے اپنی تجاویز پیش کیں، جبکہ ویلج کونسل کی سطح پر سوشل میڈیا اور یوتھ افیئرز کی تنظیموں کو مزید فعال بنانے پر اتفاق کیا گیا۔

آخر میں صدر میاں نصراللہ نے اراکین کی آراء کا خیرمقدم کرتے ہوئے اسے پارٹی کے لیے نیک شگون قرار دیا اور تنظیمی اتحاد و عوامی رابطوں کو مضبوط بنانے پر زور دیا۔

اے این پی تحصیل تخت بھائی نے عوامی حقوق، جمہوریت اور تنظیمی استحکام کے لیے جدوجہد جاری رکھنے کے عزم کا اظہار کیا۔

21/10/2026

21/10/2026

21/10/2026

خیبرپختونخوا میں گذشتہ 11 سالوں کے دوران ایم ٹی آئی ایکٹ کے تحت ہسپتالوں کا کباڑا بنادیا گیا جس کا ذمہ دار صرف ایک شخص ہے اور وہ ہے عمران خان کا کزن ڈاکٹر نوشیروان برکی، جو امریکا سے واٹس ایپ کے ذریعے صحت کا نظام چلا رہا ہے۔ کیا ہسپتالوں کے دی جانے والی رقم، خرچ، ہسپتال کے اندر کی گئی مبینہ کرپشن کی تحقیقات ہوں گی؟
2013 سے اب تک پختونخوا کو این ایف سی ایوارڈ کے مد میں 6400 ارب روپے ملے ہیں، عمران خان کے دور میں صرف صحت کارڈ میں 28ارب 61 کروڑ کی بے ضابطگیاں ہوئیں، من پسند ہسپتالوں کو غیرضروری طور پر شامل کیا گیا، 10اضلاع کے ایسے ہسپتال بھی تھے جو رجسٹر ہی نہیں تھے لیکن پھر بھی عوام کے کروڑوں لے اڑیں۔ اس کا حساب کب ہوگا؟

ارسلان خان ناظم
ترجمان عوامی نیشنل پارٹی پختونخوا

|

20/10/2026

عوامی نیشنل پارٹی پی کے 61، ویلج کونسل ہاتھیان 2 کی تنظیم سازی مکمل

عوامی نیشنل پارٹی تحصیل تخت بھائی، پی کے 61، ویلج کونسل ہاتھیان 2 کی تنظیم سازی کے سلسلے میں اجلاس ہاتھیان میں سابقہ ایم پی اے حاجی بہادر خان کی زیرِ صدارت منعقد ہوا، جس میں ویلج کونسل ہاتھیان 2 کی تنظیم سازی مکمل کر لی گئی۔

اجلاس میں ضلعی جنرل سیکرٹری الحاج فضل الرحمان بن یامین، اے این پی کے مرکزی رہنما فاروق اکرم خان، تحصیل جنرل سیکرٹری ڈاکٹر اختر اقبال یوسفزئی، ضلعی ڈپٹی جنرل سیکرٹری اسفندیار خان، صوبائی کونسل ممبر ایوب خان، کمال ناظم سمیت دیگر تنظیمی عہدیداران اور کارکنان نے شرکت کی۔

اجلاس سے ضلعی جنرل سیکرٹری الحاج فضل الرحمان بن یامین، مرکزی رہنما فاروق اکرم خان، ڈاکٹر اختر اقبال یوسفزئی اور سابق ایم پی اے حاجی بہادر خان نے خصوصی خطاب کیا۔ اس موقع پر ملکی مجموعی سیاسی صورتحال اور پارٹی کو نچلی سطح پر مزید فعال اور منظم بنانے کے امور پر تفصیلی تبادلۂ خیال کیا گیا۔

رہنماؤں نے تنظیمی استحکام، عوامی رابطوں کے فروغ اور عوامی حقوق کے تحفظ کے لیے جدوجہد جاری رکھنے کے عزم کا اظہار کیا۔

عوامی نیشنل پارٹی باچا خان کے عدم تشدد، جمہوریت اور قومی حقوق کے فلسفے پر کاربند رہتے ہوئے پختون قوم کے حقوق، امن اور خوشحال مستقبل کے لیے اپنی جدوجہد جاری رکھے گی۔

اتحاد، تنظیم اور جدوجہد — پختون حقوق پر کوئی سمجھوتہ نہیں!

حزیفہ یار
سوشل میڈیا سیکرٹری اے این پی تحصیل تحت بھائی

19/10/2026

اے این پی اپنی سیاست اپنی ہی حکمت عملی اور نظریات کی بنیاد پر کرتی چلی آرہی ہے۔ پی ٹی آئی کے وہ لوگ جو عمران خان کی قید و بند اور حکومت و اسمبلی کی معطلی پر وہ مطلوبہ کردار ادا نہ کرسکے، اے این پی پر تنقید سے گریز کرے۔ اے این پی کی اپنی سیاست ہے، جو اے این پی کے مشران بہتر سمجھتی ہے۔ عوامی نیشنل پارٹی جمہوریت اور جمہوری، سیاسی اور انسانی حقوق، آئین و قانون کی بالادستی کیلئے جدوجہد کسی کو خوش و ناراض کرنے کیلئے نہیں کرہی ہے، بلکہ اے این پی کی اساس ان اُصولوں پر ہے۔ اے این پی نے ایمرجنسی اور گورنر راج کی نفاذ کو عوام اور پارلیمنٹ کے فلور پر کھلے عام مسترد کی ہے، وفاقی حکومت کی بیانیہ کا متضاد بیانیہ عوامی نیشنل پارٹی کا ہی ہے۔

لیکن اگر پی ٹی آئی گورنر راج اور ایمرجنسی کی نفاذ کی آڑ میں 13 سالہ پی ٹی آئی حکومتوں کی نااہلیت، کرپشن اور غیر زمہ دارانہ رویوں اور طرز عمل کو چھپائے گی کوشش کرے گی، تو یہ منافقت اور چوری کی اوپر چوری ہے۔ عوام کی آنکھیں کھلی ہے اور سب حس روبہ کار ہے، گورنر راج اور ایمرجنسی انکی کرتوتوں کو شہادت میں نہیں بدلے گی، کیونکہ گورنر راج اور ایمرجنسی بھی انکی نااہلیت کی وجہ سے نافذ ہوئی ہے۔ پی ٹی آئی کی کورکمیٹی کی اجلاس کی روداد اور چند پی ٹی آئی رہنماؤں کی کھلی میڈیا اور محفلوں میں گفتگوٹھوس ثبوت ہے، کہ پی ٹی آئی کی قیادت اور وزیراعلی کی نااہلی کی وجہ سے مطالبات کو بھی منوا نہ سکے اور حکومت بھی کھو دی۔

حمایت اللہ مایار
رکن مرکزی ورکنگ کمیٹی، عوامی نیشنل پارٹی