04/03/2026
کوئٹہ پاکستان پیپلز پارٹی کے مرکزی رہنما وہ چیئرمین پیرزادہ کاکڑ قومی اتحاد چیئرمین حاجی ظفر اللہ پیرزادہ نے ممتاز قبائلی شخصیت میر شفیق الرحمن مینگل کو پاکستان پیپلز پارٹی میں شمولیت اختیار کرنے پر دلی مبارکباد پیش کی ہے۔
اپنے ایک بیان میں انہوں نے کہا کہ میر شفیق الرحمن مینگل کی پارٹی میں شمولیت ایک خوش آئند اقدام ہے اور اس سے نہ صرف پارٹی کو تقویت ملے گی بلکہ بلوچستان کی سیاست پر بھی مثبت اثرات مرتب ہوں گے۔ انہوں نے کہا کہ میر شفیق مینگل ایک بااثر اور سنجیدہ قبائلی رہنما ہیں جن کی سیاسی بصیرت اور عوامی خدمات سے پارٹی کو بھرپور فائدہ پہنچے گا۔
چیئرمین حاجی ظفر اللہ پیرزادہ کا کہنا تھا کہ پاکستان پیپلز پارٹی ہمیشہ عوامی حقوق، جمہوریت کے استحکام اور صوبے کی ترقی کے لیے جدوجہد کرتی آئی ہے، اور میر شفیق مینگل جیسے رہنماؤں کی شمولیت سے پارٹی بلوچستان میں مزید مضبوط اور مستحکم ہوگی۔ انہوں نے اس عزم کا اعادہ کیا کہ صوبے کے عوام کی فلاح و بہبود، روزگار کے مواقع اور بنیادی سہولیات کی فراہمی کے لیے مشترکہ کوششیں جاری رکھی جائیں گی۔
انہوں نے امید ظاہر کی کہ میر شفیق الرحمن مینگل اپنی سیاسی و قبائلی اثر و رسوخ کو بروئے کار لاتے ہوئے پارٹی پیغام کو گھر گھر پہنچانے میں اہم کردار ادا کریں گے اور بلوچستان میں مثبت سیاسی ماحول کے فروغ میں معاون ثابت ہوں گے۔
ترجمان ۔۔
پیرزادہ ہاؤس
14/01/2026
22/12/2025