PMML Quetta

مسلم یوتھ لیگ کے زیر اہتمام دعوت افطار

شہر بھر سے کارکنان، عہدیداران نے شرکت کی۔

صدر مرکزی مسلم لیگ خالد مسعود سندھو، سیکرٹری اطلاعات تابش قیوم، صدر کوئٹہ حافظ ادریس، صدر مسلم یوتھ لیگ بلوچستان انجینئر طارق حسین، و دیگر نے خطاب کرتے ہوئے کہا کہ بلوچستان میں بدامنی کی سازش کامیاب نہیں ہونے دیں گے، خدمت کی سیاست کے ساتھ بلوچستان کو بہتر بنائیں گے اور نوجوانوں کے لیے کورسز کا آغاز کریں گے.

خدمت اور محبت سے بلوچستان کے مسائل حل کریں گے، “خدمت بلوچستان” پراجیکٹ کا آغاز: خالد مسعود سندھو
مرکزی مسلم لیگ کے صدر خالد مسعود سندھو نے کوئٹہ میں صحافیوں کے اعزاز میں افطار ڈنر سے خطاب کرتے ہوئے کہا کہ بلوچستان میں ترقی، خوشحالی اور امن ہر پاکستانی کی خواہش ہے۔ دشمن کی سازشوں کا مقابلہ اتحاد، محبت اور خدمت سے کیا جائے گا۔
انہوں نے اعلان کیا کہ مرکزی مسلم لیگ “خدمت بلوچستان” پراجیکٹ کے تحت نوجوانوں کو آئی ٹی تربیت، صحت، صاف پانی اور روزگار کے مواقع فراہم کرے گی۔ اس موقع پر تابش قیوم، حافظ محمد ادریس اور حنظلہ عماد سمیت دیگر رہنما بھی موجود تھے۔

کوئٹہ میں مرکزی مسلم لیگ کے زیرِ اہتمام فائر سیفٹی و کمیونٹی ڈویلپمنٹ ورکشاپ کا انعقاد، نوجوانوں کی بڑی تعداد میں شرکت

مسلم یوتھ لیگ کی جانب سے نوجوانوں کو آگ لگنے کے واقعات اور دیگر ہنگامی حالات سے نمٹنے کی عملی تربیت اور آگاہی دی گئی۔

صدر مسلم یوتھ لیگ پاکستان انجینئر حارث ڈار کا کہنا تھا کہ مسلم یوتھ لیگ اس ملک کو تعمیر کرے گی اور نوجوانوں کو خدمتِ خلق کے لیے تیار کر رہی ہے۔

صدر کوئٹہ ڈویژن مرکزی مسلم لیگ حافظ ادریس نے کہا کہ مرکزی مسلم لیگ نوجوانوں کی صلاحیتوں میں اضافے اور انہیں ہنگامی حالات سے نمٹنے کی تربیت دینے کا سلسلہ جاری رکھے گی۔
صدر مسلم یوتھ لیگ کوئٹہ حافظ خلیل الرحمن بڑیچ نے عزم ظاہر کیا کہ مرکزی مسلم لیگ کے ساتھ مل کر معاشرے کو محفوظ بنانے میں بھرپور کردار ادا کریں گے۔

عمران ریاض کا مرکزی مسلم لیگ کی خدمات پر تبصرہ

کوئٹہ:پاکستان مرکزی مسلم لیگ کے رہنماؤں کی شاہوانی اسٹیڈیم دھماکے میں زخمی والوں کی عیادت، نیک تمناؤں کا اظہار
پاکستان مرکزی مسلم لیگ کے رہنما حافظ محمد ادریس نے شاہوانی اسٹیڈیم دھماکے میں زخمی سابق ممبر صوبائی اسمبلی احمد نواز و دیگر کی تیمارداری کی، زخمیوں کے لیے نیک تمناؤں کا اظہار کیا، حافظ ادریس کے ہمراہ میر شکر خان رئیسانی، بابر مغل و دیگر رہنما بھی موجود تھے۔ احمد نواز کی عیادت کرتے ہوئے حافظ محمد ادریس نے کہا کہ دشمن اپنے بزدلانہ حملوں کے ذریعے ہمارے حوصلے پست کرنا چاہتا ہے، لیکن بلوچستان کے عوام بلند حوصلہ ہیں، ان بزدلانہ کاروائیوں سے ڈرنے والے نہیں ہیں۔ بی این پی کے جلسے میں ہونے والے دھماکے کی مذمت کرتے ہوئے حافظ ادریس کا کہنا تھا کہ مرکزی مسلم لیگ امن کے لیے اپنی کاوشوں کو مزید تیز کرے گی ۔حکومت سے مطالبہ کرتے ہیں کہ اس دھماکے کے ملزمان کو جلد کٹہرے میں لایا جائے اور انہیں نشان عبرت بنایا جائے۔ حافظ ادریس کا مزید کہنا تھا کہ حکومت محض الزام تراشیوں سے باہر نکل کر اپنی ذمہ داری قبول کرے، سیاسی جلسے میں دھماکہ ہونا سیکیورٹی کی ناکامی ہے۔ جمہوری جدوجہد کرنے والوں پر حملے بلوچستان کو کمزور کرنے کی سازش ہے۔
جاری کردہ
حنظلہ عماد
ترجمان مرکزی مسلم لیگ بلوچستان