Ahl e zaoq اہل ذوق

ساقی مجھے شراب کی تہمت نہیں پسند
مجھ کو ، تِری نگاہ کا الزام چاہیئے

”عبدالحمید عدمؔ“

اِس راہ محبت میں ، تو ساتھ اگر ھوتا
ھر گام پہ گُل کھِلتے ، خوشبو کا سفر ھوتا

”عالمتاب تشنہ“

قتیل شفائی بھی کمال کا شاعر تھا۔ عشق اور محبت سے لبالب بَھرا ھُوا۔

اپنے ھونٹوں پر ، سجانا چاھتا ھُوں
آ ، تجھے میں گنگنانا چاھتا ھُوں

کوئی آنسو ، تیرے دامن پر گِرا کر
بُوند کو ، موتی بنانا چاھتا ھُوں

تھک گیا میں ، کرتے کرتے یاد تجھ کو
اب تجھے میں ، یاد آنا چاھتا ھُوں

چھا رھا ھے ، ساری بستی میں اندھیرا
روشنی کو ، گھر جلانا چاھتا ھُوں

آخری ھِچکی ، تیرے زانو پہ آئے
موت بھی میں ، شاعرانہ چاھتا ھُوں

"قتیل شفائی"

🥀:وہ پھول جِسے بہاروں کی فراوانی ہو
پھِر وہ ہم جیسے خرابوں کو کہاں دیکھے گا
روبرو حُسن ہو اور حُسن بھی تیرے جیسا
پِھر وہ دِل کے خساروں کو کہاں دیکھے گا

ھم نے جِس طرح سبُو توڑا ھے ، ھم جانتے ھیں
ھم نے جِس طرح تجھے چھوڑا ھے ، ھم جانتے ھیں

دل پُر خُوں کی ، مئے ناب کا قطرہ قطرہ
جُوئے الماس تھا ، دریائے شب ِنیساں تھا
ایک اک بُوند کے دامن میں تھی ، موجِ کوثر
اِک اِک عکس ، حدیثِ حَرمِ اِیماں تھا

ایک ھی راہ پہنچتی تھی ، تَجلّی کے حضُور
ھم نے اُس راہ سے مُنھ موڑا ھے ، ھم جانتے ھیں

❞مُصطفیٰ زیدی❝

کوئی ملا ھی نہیں ، جس سے حالِ دل کہتے
ملا تو رہ گئے لفظوں کے انتخاب میں ھم

”علینا عترت“

ماضی چاھے جیسا ھو اُس کی یاد ھمیشہ خوشگوار ھوتی ھے۔

”پریم چند“

اب شُغل ھے یہی ، دل ایذا پسند کا
جو زخم بھر گیا ھے ، نشاں اُس کا دیکھنا

”احمّد مشتاق“

اداسیوں کے خد و خال سے جو واقف ھو
اِک ایسے شخص کو ، اکثر تلاش کرنا ھے

”اسعد بدایونی“