Deputy Commissioner Sargodha

سرگودھا (4 جون 2026)
ڈپٹی کمشنر حسین احمد رضا چوہدری کی زیر صدارت مون سون سیزن سے قبل نالوں، گٹروں اور ڈرینج سسٹم کی ڈی سلٹنگ اور صفائی کے حوالے سے ایک اہم اجلاس منعقد ہوا۔ اجلاس میں منیجنگ ڈائریکٹر واسا، کنٹونمنٹ بورڈ، سپرنٹنڈنگ انجینئر، ایگزیکٹو انجینئر ڈرینیج اور دیگر متعلقہ افسران نے شرکت کی۔اجلاس میں شہر بھر میں نکاسی آب کے نظام، نالوں اور گٹروں کی صفائی کے جاری آپریشن اور مون سون بارشوں سے نمٹنے کیلئے کیے گئے انتظامات کا تفصیلی جائزہ لیا گیا۔متعلقہ افسران نے ڈپٹی کمشنر کو مختلف علاقوں میں جاری ڈی سلٹنگ مہم، دستیاب مشینری، افرادی قوت اور اب تک ہونے والی پیش رفت کے بارے میں بریفنگ دی۔ڈپٹی کمشنر نے حکومت پنجاب کی ہدایات کے مطابق مون سون سیزن سے قبل تمام بڑے اور چھوٹے نالوں، گٹروں اور ڈرینز کی مکمل اور بروقت ڈی سلٹنگ یقینی بنانے کی ہدایت کی۔ انہوں نے یونیورسٹی روڈ سمیت شہر کے اہم مقامات پر واقع نالوں اور گٹروں کی فوری صفائی کے احکامات جاری کرتے ہوئے کہا کہ نکاسی آب کے نظام کو ہر صورت فعال رکھا جائے تاکہ بارشوں کے دوران پانی جمع ہونے اور شہریوں کو درپیش مشکلات سے بچا جا سکے۔انہوں نے کہا کہ عوام کو بہترین شہری سہولیات کی فراہمی اور بارشوں کے دوران مؤثر نکاسی آب ضلعی انتظامیہ کی اولین ترجیحات میں شامل ہے۔ اس مقصد کے حصول کیلئے تمام متعلقہ ادارے باہمی رابطے اور مؤثر کوآرڈینیشن کے ساتھ کام کریں اور صفائی کے عمل کو مقررہ مدت میں مکمل کریں۔ Govt of Punjab Team MNS

سرگودھا (3 جون 2026)
ڈپٹی کمشنر حسین احمد رضا چوہدری نے ریسکیو 1122 سرگودھا کی شاندار کارکردگی کو سراہتے ہوئے محکمہ کے افسران و اہلکاروں میں نقد انعامات و تعریفی سرٹیفکیٹس تقسیم کیے جبکہ ڈسٹرکٹ ایمرجنسی آفیسر مظہر شاہ کو پنجاب بھر کے ڈسٹرکٹ ایمرجنسی آفیسرز کی سالانہ درجہ بندی میں پہلی پوزیشن حاصل کرنے پر شیلڈ اور تعریفی سند سے نوازا۔ اس موقع پر ڈپٹی کمشنر نے کہا کہ ریسکیو 1122 عوام کی جان و مال کے تحفظ اور ہنگامی حالات میں فوری امداد فراہم کرنے والا ایک مثالی ادارہ ہے۔انہوں نے کہا کہ پنجاب بھر میں پہلی پوزیشن کا حصول ڈسٹرکٹ ایمرجنسی آفیسر اور ان کی پوری ٹیم کی محنت، پیشہ ورانہ صلاحیتوں اور عوامی خدمت کے جذبے کا مظہر ہے۔ ڈپٹی کمشنر نے ریسکیو اہلکاروں کی خدمات کو خراج تحسین پیش کرتے ہوئے کہا کہ ہنگامی حالات، حادثات اور قدرتی آفات کے دوران ریسکیو 1122 کے جوان اپنی جانوں کی پروا کیے بغیر عوام کی مدد کے لیے ہر وقت تیار رہتے ہیں۔انہوں نے امید ظاہر کی کہ ریسکیو 1122 سرگودھا آئندہ بھی اپنی بہترین کارکردگی کا تسلسل برقرار رکھتے ہوئے عوامی خدمت کے نئے معیار قائم کرے گا۔
ڈسٹرکٹ ایمرجنسی آفیسر ریسکیو 1122 نے اس اعزاز کو پوری ٹیم کی اجتماعی کاوشوں کا نتیجہ قرار دیتے ہوئے اس عزم کا اظہار کیا کہ شہریوں کو بروقت اور معیاری ایمرجنسی خدمات کی فراہمی کے لیے تمام وسائل بروئے کار لائے جائیں گے۔ Govt of Punjab

TEHSIL SAHIWAL