Safe City Sargodha

السلام علیکم! صبح بخیر۔
گمشدہ شناختی دستاویزات کی رپورٹ اب چند کلکس کی دوری پر! پنجاب پولیس پاکستان ایپ کے ذریعے شناختی کارڈ، ڈرائیونگ لائسنس اور دیگر اہم دستاویزات کی گمشدگی فوری طور پر رپورٹ کریں۔ اب پولیس اسٹیشن یا خدمت مرکز جانے کی ضرورت نہیں، گھر بیٹھے آسان، محفوظ اور تیز سہولت سے فائدہ اٹھائیں۔ شہری سہولت اور جدید ٹیکنالوجی کے ذریعے عوامی خدمت پنجاب پولیس کی ترجیح ہے۔

وزیراعلیٰ پنجاب مریم نواز شریف کی خصوصی ہدایات پر پنجاب سیف سٹیز اتھارٹی نے بیرونِ ملک اور پاکستان کے دیگر صوبوں میں مقیم شہریوں کیلئے خصوصی ایمرجنسی ہیلپ لائن متعارف کروا دی ہے۔

شہری جو پنجاب سے باہر یا بیرونِ ملک رہتے ہیں لیکن ان کے اہلِ خانہ، گھر یا جائیداد پنجاب میں موجود ہے، کسی بھی ایمرجنسی کی صورت میں براہِ راست پنجاب سیف سٹیز اتھارٹی سے رابطہ کر سکتے ہیں۔

دیگر صوبوں سے: 042-111-111-015
بیرونِ ملک سے: +92-42-111-111-015

مدد اب صرف ایک کال کی دوری پر ہے۔

یونیورسٹی آف لاہور کے شعبہ کمپیوٹر سائنس کے طلباء کے ایک وفد نے آج سیف سٹی سرگودھا کا دورہ کیا۔

دورے کے دوران مینیجر سیف سٹی سرگودھا نے طلباء کو پنجاب سیف سٹیز اتھارٹی (PSCA) کے طریقہ کار اور مختلف اقدامات کے بارے میں تفصیلی بریفنگ دی۔ طلباء کو سیف سٹی کے مختلف آپریشنل یونٹس بشمول پولیس 15، VCCS اور VWPS کا معائنہ بھی کروایا گیا تاکہ وہ ان کے کام کرنے کے انداز اور جدید ترین فنکشنز کو قریب سے سمجھ سکیں۔

وفد نے پبلک سیفٹی کے لیے استعمال ہونے والی جدید ترین ٹیکنالوجی میں گہری دلچسپی کا اظہار کیا اور سیف سٹی سرگودھا اور پنجاب سیف سٹیز اتھارٹی کی شاندار کارکردگی کو بھرپور انداز میں سراہا۔

سیف سٹی سرگودھا کے تحت شہر کے 31 اہم پوائنٹس پر CM مریم نواز فری وائی فائی سروس فعال ہے۔آپ کسی بھی ایمرجنسی میں ان پوائنٹس سے فائدہ اٹھا سکتے ہیں -اب انٹرنیٹ تک رسائی ہوگی اور بھی آسان۔

واللہ المستعان
یہ کہانی ہے زینب طالب کی، ایک معصوم بچی کی جو سال 2022 میں تھانہ اے ڈویژن شیخوپورہ کے علاقے سے لاوارث حالت میں ملی تھی۔
ابتدائی طور پر بچی اپنی مکمل شناخت، گھر یا اہلِ خانہ کے بارے میں واضح معلومات فراہم کرنے سے قاصر تھی۔ بچی کی حفاظت اور بہتر دیکھ بھال کے لیے اسے ایدھی سینٹر لاہور منتقل کر دیا گیا، جہاں وہ محفوظ ماحول میں رہی، مگر اپنے گھر اور پیاروں سے دوری کا درد اس کے ساتھ رہا۔ اسی دوران “میرا پیارا” ٹیم نے اس کیس کو لیا۔ ٹیم نے ابتدائی طور پر مختلف ذرائع سے ورثاء کی تلاش شروع کی،
وقت گزرتا گیا، مگر ٹیم کی کوششیں جاری رہیں۔ بچی سے تفصیلی بات چیت کی گئی اور اس کی فراہم کردہ معمولی معلومات کو بھی انتہائی باریکی سے جانچا گیا۔ انہی کوششوں کے دوران بچی کی بتائی گئی معلومات کی بنیاد پر ٹیم اسے تھانہ اے ڈویژن شیخوپورہ کے علاقے میں لے کر گئی، جہاں مزید تحقیقات اور فیلڈ ورک کیا گیا۔ میرا پیارا ٹیم نے بچی کی دی گئی معلومات سے اس کے ورثاء کی تلاش جاری رکھی۔
اور پھر اللہ تعالیٰ نے اپنا خاص کرم فرمایا… دن رات کی محنت، مختلف ذرائع اور مسلسل رابطوں کے بعد آخرکار بچی کے اہلِ خانہ تک رسائی حاصل کر لی گئی۔ تصدیق کے بعد یہ واضح ہو گیا کہ یہ بچی زینب طالب ہی ہے، جو 2022 سے اپنے خاندان سے بچھڑی ہوئی تھی۔ یہ خبر اس کے خاندان کے لیے کسی معجزے سے کم نہ تھی۔ برسوں کی بے چینی، انتظار اور دعاوں کے بعد امید ایک بار پھر حقیقت میں بدل گئی۔ آخرکار وہ دن آیا جب زینب کو اس کے ورثاء کے حوالے کیا گیا۔ ملاقات کا لمحہ انتہائی جذباتی تھا.
یہ صرف ایک بچی کی واپسی نہیں تھی بلکہ ایک گھر کی مکمل ہونے والی کہانی تھی، ایک خاندان کی بکھری ہوئی دنیا کے دوبارہ جڑنے کا لمحہ تھا۔
یہ سب اللہ تعالیٰ کے فضل، “میرا پیارا” ٹیم کی مسلسل محنت اور انسانیت کی خدمت کے جذبے کا نتیجہ ہے۔
الحمدللہ!

سرگودھا سے خوشاب جانے اور وہاں سے آنے والے تمام مسافروں کو مطلع کیا جاتا ہے کہ اس وقت سرگودھا خوشاب روڈ پر ٹریفک کی روانی آہستہ ہے

سرگودھا میں فری وائی فائی اب ایمرجنسی میں رہے رابطہ برقرار

فری وائی فائی استعمال کرنے کے لیے دی گئی ہدایات پر عمل کریں

سرگودھا کے شہریوں کی سہولت اور ڈیجیٹل رسائی کو ممکن بنانے کے لیے، سیف سٹی سرگودھا کے زیرِ اہتمام شہر کے 31 اہم پوائنٹس پر CM مریم نواز فری وائی فائی (Free Wi-Fi) کی سہولت فعال ہے

ماشااللہ لا قوۃ الا باللہ