Deputy Commissioner Shangla

08/10/2026

08 اکتوبر 2026
اسسٹنٹ کمشنر بشام سید جاوید اقبال کی درخواست پر ڈپٹی کمشنر شانگلہ محمد عبداللہ شاہ نے آج یونین کونسل کوڑمنگ تحصیل بشام کا خصوصی دورہ کیا۔
کوڑمنگ پہنچنے پر عمائدین علاقہ کی جانب سے ڈپٹی کمشنر شانگلہ اور اسسٹنٹ کمشنر بشام کا انتہائی پُرتپاک اور والہانہ استقبال کیا گیا۔ بچوں اور بڑوں نے مختلف انداز میں اپنی محبت، عقیدت اور خوشی کا اظہار کیا۔
👈 دورے کے دوران گرلز کمیونٹی سکول شنئی کوڑمنگ کا بھی معائنہ کیا گیا۔ ڈپٹی کمشنر اور اسسٹنٹ کمشنر نے سکول کے بچوں سے گھل مل کر محبت و شفقت سے گفتگو کی، ان کی تعلیمی سرگرمیوں کے بارے میں دریافت کیا اور انہیں محنت، تعلیم اور روشن مستقبل کے حوالے سے حوصلہ افزا اور سبق آموز باتیں کیں۔
سکول میں موجودہ جگہ کو نامناسب قرار دیتے ہوئے ڈپٹی کمشنر شانگلہ نے فوری طور پر عارضی متبادل انتظام کے طور پر ٹینٹ فراہم کرنے کی ہدایت جاری کی، تاکہ بچوں کی تعلیمی سرگرمیاں بلا تعطل جاری رہ سکیں۔
👈 حالیہ بارشوں سے متاثرہ سڑکوں پر محکمہ سی اینڈ ڈبلیو کی جانب سے جاری ملبہ ہٹانے اور بحالی کے کام کا بھی موقع پر معائنہ کیا۔ متعلقہ سی اینڈ ڈبلیو انجینئر کو ہدایت کی گئی کہ سڑک سے ملبہ مکمل طور پر ہٹانے اور راستہ ہر قسم کی رکاوٹ سے کلیئر ہونے تک بحالی کا کام بلا تعطل جاری رکھا جائے تاکہ عوام کو آمدورفت میں مزید مشکلات کا سامنا نہ کرنا پڑے۔
👈 اس موقع پر عمائدینِ علاقہ اور مقامی افراد نے کھلی کچہری کے انداز میں اپنے مسائل اور عوامی مشکلات سے ڈپٹی کمشنر شانگلہ کو آگاہ کیا۔ ڈپٹی کمشنر نے عوامی مسائل غور سے سنے اور ان کے جلد از جلد حل کے لیے متعلقہ محکموں کو ضروری ہدایات جاری کرتے ہوئے عملی اقدامات کی یقین دہانی کرائی۔
ٹیلی نار سگنلز سے متعلق شکایت پر ڈپٹی کمشنر شانگلہ نے ٹیلی نار انتظامیہ کو فوری طور پر ٹیکنیکل ٹیم کوڑمنگ روانہ کرنے، سگنل کے مسئلے کا موقع پر جائزہ لینے اور اسے حل کرنے کی ہدایت بھی کی۔
👈 ڈپٹی کمشنر شانگلہ کی ہدایت پر کوڑمنگ کے عوام کو مفت طبی سہولیات کی فراہمی کے لیے جلد از جلد ایک روزہ فری میڈیکل کیمپ منعقد کیا جائے گا۔
ضلعی انتظامیہ شانگلہ تحصیل انتظامیہ بشام
عوامی خدمت، فوری رسپانس اور مسائل کے عملی حل کے لیے کوشاں۔

07/10/2026

“اوپن ڈور پالیسی”
‎(گُڈ گورننس- عوام دوست اقدامات)
‎
ڈپٹی کمشنر شانگلہ محمد عبداللہ شاہ شہریوں سے ملاقات کرتے ہوئے مسائل کے حل کے حوالے سے متعلقہ محکمہ جات کو ہدایات جاری کر رہے ہیں

07/10/2026

امن، سلامتی اور قومی استحکام کے موضوع پر ایک روزہ سیمینار

امن، سلامتی اور قومی استحکام کے موضوع پر ایک روزہ سیمینار کا انعقاد کیا گیا، جس میں معاشرے میں امن و امان کے فروغ، قومی یکجہتی، ملکی سلامتی اور نوجوان نسل کے کردار کے حوالے سے اہم امور پر تفصیلی گفتگو کی گئی۔

سیمینار میں ڈپٹی کمشنر شانگلہ محمد عبداللہ شاہ اور ڈی پی او شانگلہ اکرم اللّٰہ (PSP )نے خصوصی شرکت کی، جبکہ یونیورسٹی کے معزز اساتذہ، طلباء و طالبات اور دیگر معزز شخصیات بھی سیمینار میں شریک ہوئیں۔

تقریب کے دوران مقررین نے امن و سلامتی، قومی استحکام، قانون کی پاسداری، برداشت، رواداری، بھائی چارے اور قومی یکجہتی کی اہمیت پر روشنی ڈالی۔ اس موقع پر اس بات پر زور دیا گیا کہ ایک مضبوط، پرامن اور مستحکم معاشرے کے قیام کے لیے ریاستی اداروں کے ساتھ ساتھ تعلیمی اداروں، اساتذہ، طلباء اور معاشرے کے ہر فرد کو اپنا مثبت کردار ادا کرنا ہوگا۔

ڈپٹی کمشنر شانگلہ محمد عبداللہ شاہ نے اپنے خطاب میں امن و امان کے قیام اور قومی استحکام کے لیے اجتماعی ذمہ داری کی اہمیت اجاگر کرتے ہوئے کہا کہ نوجوان کسی بھی قوم کا قیمتی سرمایہ ہوتے ہیں۔ نوجوان نسل کو مثبت سوچ، علم، برداشت، نظم و ضبط اور حب الوطنی کے جذبے سے آراستہ کرنا وقت کی اہم ضرورت ہے۔

انہوں نے کہا کہ تعلیمی ادارے صرف تعلیم کے حصول کے مراکز نہیں بلکہ ایسے ادارے بھی ہیں جہاں نوجوانوں کی شخصیت، کردار اور مستقبل کی بنیاد رکھی جاتی ہے۔ نوجوان اگر اپنی صلاحیتوں کو مثبت اور تعمیری سرگرمیوں میں بروئے کار لائیں تو وہ معاشرے میں امن، ترقی اور خوشحالی کے فروغ میں اہم کردار ادا کر سکتے ہیں۔

سیمینار میں ڈی پی او شانگلہ نے بھی امن و امان کے قیام، قانون کی حکمرانی اور عوام و اداروں کے درمیان باہمی تعاون کی اہمیت پر روشنی ڈالی۔ انہوں نے کہا کہ پائیدار امن کے لیے عوام، انتظامیہ، پولیس، تعلیمی اداروں اور دیگر تمام طبقات کا باہمی تعاون ناگزیر ہے۔

شرکاء نے سیمینار کو موجودہ دور کے اہم تقاضوں کے حوالے سے انتہائی مفید قرار دیتے ہوئے کہا کہ ایسے پروگرامز نوجوانوں میں قومی شعور، ذمہ داری اور مثبت سوچ کو فروغ دینے میں اہم کردار ادا کرتے ہیں۔

اس موقع پر طلباء اور اساتذہ کی جانب سے بھی امن، قومی یکجہتی اور ملکی استحکام سے متعلق اپنے خیالات کا اظہار کیا گیا۔ مقررین نے اس عزم کا اظہار کیا کہ امن، اتحاد، برداشت اور باہمی احترام کو فروغ دے کر ایک مضبوط، خوشحال اور مستحکم پاکستان کی بنیاد مزید مضبوط کی جا سکتی ہے۔

ڈسٹرکٹ ایڈمنسٹریشن شانگلہ امن و امان، قومی یکجہتی، نوجوانوں کی مثبت تربیت اور معاشرے میں برداشت و رواداری کے فروغ کے لیے اپنی کاوشیں جاری رکھنے کے عزم کا اعادہ کرتی ہے۔

امن ہمارا عزم، اتحاد ہماری طاقت اور قومی استحکام ہماری مشترکہ ذمہ داری ہے۔

06/10/2026

06/10/2026

ڈپٹی کمشنر شانگلہ محمد عبداللہ شاہ کا بیت المال یتیم خانہ و سکول، کالج روڈ کا دورہ

ڈپٹی کمشنر شانگلہ محمد عبداللہ شاہ نے کالج روڈ پر قائم بیت المال یتیم خانہ و سکول کا دورہ کیا، جہاں انہوں نے ادارے میں زیرِ تعلیم بچوں سے ملاقات کی اور ان کے ساتھ وقت گزارا۔

اس موقع پر بچوں نے ڈپٹی کمشنر شانگلہ کا پرتپاک استقبال کیا اور اپنی محبت و عقیدت کے اظہار کے طور پر مختلف اشیاء انہیں پیش کیں۔ ڈپٹی کمشنر نے بچوں سے گھل مل کر ان کی تعلیمی سرگرمیوں، ضروریات اور مسائل کے بارے میں دریافت کیا اور ان کی حوصلہ افزائی کی۔

ڈپٹی کمشنر شانگلہ نے بچوں میں گرم کمبل بھی تقسیم کیے تاکہ سرد موسم میں انہیں ضروری سہولت اور تحفظ فراہم کیا جا سکے۔ انہوں نے ادارے کی انتظامیہ کو بچوں کی بہتر نگہداشت، تعلیم و تربیت اور بنیادی ضروریات کا خصوصی خیال رکھنے کی ہدایت کی۔

اس موقع پر ڈپٹی کمشنر محمد عبداللہ شاہ نے کہا کہ یتیم اور بے سہارا بچوں کی کفالت، تعلیم اور بہتر مستقبل کے لیے اقدامات ہماری اجتماعی ذمہ داری ہیں۔ ضلعی انتظامیہ ایسے بچوں کی فلاح و بہبود اور انہیں معاشرے کا باصلاحیت اور مفید فرد بنانے کے لیے ہر ممکن تعاون جاری رکھے گی۔

دورے کے اختتام پر ڈپٹی کمشنر نے بچوں کے ساتھ خوشگوار لمحات گزارے اور ان کے روشن مستقبل، کامیابی اور خوشحالی کے لیے نیک خواہشات کا اظہار کیا۔

ضلعی انتظامیہ شانگلہ — عوامی خدمت، فلاح و بہبود اور احساسِ ذمہ داری کے عزم کے ساتھ۔

06/10/2026

ایڈیشنل اسسٹنٹ کمشنر چکیسر نے چکیسر بازار کا اچانک دورہ کیا۔ دورے کے دوران پولٹری، جنرل اسٹورز اور بیکریوں میں موجود اشیائے خوردونوش کے معیار اور زائد المیعاد اشیاء کا تفصیلی جائزہ لیا گیا۔

معائنے کے دوران غیر معیاری اور زائد المیعاد اشیائے خوردونوش رکھنے والے دکانداروں کے خلاف قانونی کارروائی عمل میں لائی گئی۔ اس موقع پر ایڈیشنل اسسٹنٹ کمشنر نے دکانداروں کو ہدایت کی کہ عوام کو معیاری اور حفظانِ صحت کے اصولوں کے مطابق اشیائے خوردونوش کی فراہمی یقینی بنائی جائے، جبکہ زائد المیعاد اور غیر معیاری اشیاء کی فروخت کسی صورت برداشت نہیں کی جائے گی

06/10/2026

اطلاع عام

05/10/2026

صوبائی حکومت کے احکامات کی روشنی میں اور ڈپٹی کمشنر شانگلہ کی خصوصی ہدایت پر اسسٹنٹ کمشنر ریونیو نے آج عالمی یومِ اساتذہ کی مناسبت سے گورنمنٹ ہائی سکول کروڑہ، گورنمنٹ ہائی سکول کوز کانا اور گورنمنٹ ہائر سیکنڈری سکول شاہپور میں پروقار تقاریب کا انعقاد کیا۔

اس موقع پر اسسٹنٹ کمشنر ریونیو نے اساتذہ کرام کی گراں قدر تعلیمی و تربیتی خدمات، طلباء کی اخلاقی و فکری کردار سازی اور ایک مہذب و ترقی یافتہ معاشرے کی تشکیل میں ان کے ناقابلِ فراموش کردار کو زبردست خراجِ تحسین پیش کیا۔ انہوں نے کہا کہ استاد علم و آگہی کا سرچشمہ اور قوم کے مستقبل کا حقیقی معمار ہے، جس کی شبانہ روز محنت، خلوصِ نیت، جذبہِ فرض شناسی اور لگن سے ہی نسلِ نو پروان چڑھتی ہے۔

تقاریب کے اختتام پر اساتذہ کرام کی انتھک محنت، مثالی حاضری، پیشہ ورانہ لگن اور شاندار تعلیمی خدمات کے اعتراف میں انہیں تعریفی اسناد اور اعزازی ایوارڈز سے نوازا گیا، جبکہ اس عزم کا اعادہ کیا گیا کہ اساتذہ کی خدمات کو ہمیشہ قدر و منزلت کی نگاہ سے دیکھا جائے گا۔

05/10/2026

🌹 عالمی یومِ اساتذہ کے موقع پر GCMHS الپوری میں پروقار تقریب

عالمی یومِ اساتذہ (World Teachers’ Day) کے موقع پر گورنمنٹ سینٹینئل ماڈل ہائی سکول (GCMHS) الپوری، شانگلہ میں ایک پروقار تقریب کا انعقاد کیا گیا۔

تقریب میں ڈپٹی کمشنر شانگلہ محمد عبداللہ شاہ، ڈی پی او شانگلہ محمد اکرم، PSP، اور اسسٹنٹ کمشنر الپوری نے خصوصی شرکت کی۔ اس موقع پر سکول کے اساتذہ، طلباء، سکول انتظامیہ اور دیگر متعلقہ افراد بھی موجود تھے۔

تقریب سے خطاب کرتے ہوئے ڈپٹی کمشنر شانگلہ محمد عبداللہ شاہ نے اساتذہ کو خراجِ تحسین پیش کیا اور ان کی محنت، لگن اور خدمات کو سراہا۔ انہوں نے کہا کہ اساتذہ کسی بھی معاشرے کی ترقی اور نئی نسل کے روشن مستقبل کی بنیاد رکھتے ہیں۔ ایک استاد کا کردار صرف کتابی علم تک محدود نہیں بلکہ وہ طلباء کی کردار سازی، تربیت اور انہیں ایک ذمہ دار شہری بنانے میں بھی اہم کردار ادا کرتا ہے۔

ڈی پی او شانگلہ محمد اکرم، PSP نے بھی اساتذہ کی خدمات کو سراہتے ہوئے کہا کہ معیاری تعلیم اور بہترین تربیت کے ذریعے ہی ایک مضبوط، پرامن اور ترقی یافتہ معاشرہ تشکیل دیا جا سکتا ہے۔

اس موقع پر اسسٹنٹ کمشنر الپوری نے بھی اساتذہ کی تعلیمی خدمات اور سکول میں طلباء کی بہترین تربیت کے لیے ان کی کاوشوں کو سراہا۔

🏆 اساتذہ میں ایوارڈز اور تعریفی اسناد کی تقسیم

تقریب کے اختتام پر ڈپٹی کمشنر شانگلہ محمد عبداللہ شاہ نے اپنی جانب سے اساتذہ میں ایوارڈز اور تعریفی اسناد تقسیم کیں اور ان کی بہترین کارکردگی، محنت اور تعلیمی خدمات کو خراجِ تحسین پیش کیا۔

ڈپٹی کمشنر شانگلہ نے اساتذہ کی حوصلہ افزائی کرتے ہوئے کہا کہ ان کی محنت اور خلوص طلباء کے مستقبل کو سنوارنے میں اہم کردار ادا کر رہا ہے، اور معاشرے میں اساتذہ کا مقام ہمیشہ قابلِ احترام رہے گا۔

🌹 ضلع انتظامیہ شانگلہ کی جانب سے تمام اساتذہ کو عالمی یومِ اساتذہ پر خراجِ تحسین اور دلی مبارکباد۔

“استاد وہ چراغ ہے جو خود جل کر دوسروں کی زندگیوں کو علم کی روشنی سے منور کرتا ہے۔”