Shah Public School And Inter College Wahgay

میں بندۂ عاصی ہوں خطا کار ہوں مولا
لیکن تری رحمت کا طلب گار ہوں مولا

وابستہ ہے امید مری تیرے کرم سے
تیرا ہوں فقط تیرا پرستار ہوں مولا

اک سوت کی انٹی مرے سانسوں کا اثاثہ
اور یوسف ہستی کا خریدار ہوں مولا

باہر کے اجالے مجھے کیا راہ سجھائیں
اندر کے اندھیروں میں گرفتار ہوں مولا

تاریخ بھی میری نہیں پہچانتی مجھ کو
کیسا میں یہ جغرافیہ بردار ہوں مولا

جن سے میں گزر جاؤں وہ در کھول دے مجھ میں
خود اپنے ہی رستے کی میں دیوار ہوں مولا

یہ نقطۂ اسود بھی مرے دل سے مٹا دے
سینے میں چھپے چور سے بیزار ہوں مولا

پھر تو مرے ایمان کو توانائی عطا کر
برسوں نہیں صدیوں سے میں بیمار ہوں مولا

پستی سے ابھرنے کی اگر شرط ہے سولی
سولی پہ بھی چڑھنے کو میں تیار ہوں مولا

اتنا ہی ڈبو دے مجھے دریائے عمل میں
جتنا بھی میں اب تشنۂ کردار ہوں مولا

اک تیرا اشارہ ہو اور آسان ہو مشکل
اک لہر اٹھے اور میں اس پار ہوں مولا

ایک بات سچ مان لو!

وقت کی پابندی صرف بڑوں کا مسئلہ نہیں۔ جو بچہ وقت پر کام کرے، وہ زندگی میں کبھی پیچھے نہیں رہتا۔

حیدر سلطانی، پری نائنتھ، حضور اقدس صلی اللہ علیہ وآلہ وسلم کے حضور عقیدت کے پھول نچھاور کرتے ہوئے۔

بچوں کے آس پاس رہتے ہوئے فونز کا استعمال ہرگز نہ کریں۔
اس سے جو چیز سب سے زیادہ متاثر ہوگی وہ آپ کا آپ کے بچے سے تعلق ہے۔
اس ویڈیو میں آپ ایک موازنہ دیکھ سکتے ہیں کیسے فون کی موجودگی میں بچہ عدم توجہی کا شکار ہورہا ہے۔
اور فون کی غیر موجودگی میں اپنے والد سے کتنے اچھے سے اٹیچ ہورہا ہے۔
ایک تحقیق کے مطابق جو بچے 10 سال سے کم عمری میں فون استعمال کرتے ہیں ان کی بول چال اور ذہنی صلاحیتیں عام بچوں سے کئی گنا کم ہوتی ہے۔
بچوں کو آپ کی ضرورت ہے۔ آپ ہی انہیں پورا وقت دیں۔

ہمیں اپنے بچوں پر محنت کرنے کی ضرورت ہے کہ انسانی اقدار اور اخلاقیات کے اعلیٰ معیار تک پہنچنے کے قابل ہوسکیں

ہم جب کبھی اپنے چھوٹے بچوں کسی ذرا سی مشکل میں بھی دیکھتے ہیں تو فوراً مدد کے لیے بھاگ کھڑے ہوتے ہیں، اور خود کو ایک بہتر ماں یاباپ تصور کرتے ہیں، اور زیادہ تر تو ہم بچوں کو غلطیاں بھی نہیں کرنے دیتے، بچوں کو ان کے حصے کی غلطی کرنے دیں اور اس نتائج سے سیکھنے کا موقع دیں۔ اور جب وہ کامیاب ہوجائیں تو ان کی حوصلہ افزائی بھی کریں۔
A parents awareness message from SPS

محتاط رویے اختیار کریں، اپنے اور اپنے بچوں کے محفوظ مستقبل کے لیے۔