10/10/2026
بسم اللہ الرحمن الرحیم
”جس نے ایک انسان کی جان بچائی، گویا اس نے پوری انسانیت کو بچا لیا۔“
(القرآن)
اعلانِ تقرری|
سفینۂ نجات سیت پور کی طرف سے باضابطہ اعلان
سفینۂ نجات سیت پور (2024ء) سے انسانیت کی خدمت اور خون کے عطیات کا ایک مضبوط اور منظم نیٹ ورک (Blood Donation Ecosystem) قائم کرنے کے لیے دن رات کوشاں ہے۔ اس مشن کو گلی محلے اور دیہی سطح تک مؤثر انداز میں پہنچانے کے لیے نوجوانوں کو وارڈ اور یونین کونسل سطح پر ذمہ داریاں سونپی جا رہی ہیں، تاکہ وہ فلاحی کاموں کا ہراول دستہ بن کر اپنے وسیب کی خدمت کر سکیں۔
ہمیں یہ بتاتے ہوئے دلی مسرت ہو رہی ہے کہ سفینۂ نجات کے پلیٹ فارم سے برادر عزیز جناب "گل حسن" کو باضابطہ طور پر ولیج / موضع کوآرڈینیٹر (بستی غریب شاہ والا، سیت پور) نامزد کر دیا گیا ہے۔ ہم انہیں اس نئی اور مقدس ذمہ داری پر دل کی اتھاہ گہرائیوں سے مبارکباد پیش کرتے ہیں اور دعا گو ہیں کہ اللہ تعالیٰ انہیں اس نیک مقصد میں سرخرو فرمائے۔
نامزدگی کا پس منظر اور ہماری حکمتِ عملی:
دیہاتی اور دور دراز علاقوں میں خون کی فوری ضرورت کے وقت لواحقین کو شدید پریشانی اور بروقت رابطے کے فقدان کا سامنا کرنا پڑتا ہے۔ اس مسئلے کے مستقل اور آسان حل (One-Window Solution) کے تحت ہم نے گاؤں کی سطح پر فعال نوجوانوں کو یہ ذمہ داریاں سونپی ہیں تاکہ:
مریض اور خون کے عطیہ دہندگان کے درمیان بغیر کسی تعطل کے فوری رابطہ ممکن ہو سکے۔
ہر بستی کا اپنا ایک فعال اور متحرک بلڈ نیٹ ورک تیار ہو۔
ہمارے نوجوان مثبت سماجی خدمات سے وابستہ ہو کر اپنے علاقے کی فلاح میں کردار ادا کریں۔
برادر عزیز "گل حسن" کی بنیادی ذمہ داریاں:
ڈونرز ڈیٹا مینجمنٹ: "گل حسن" کے پاس علاقے کے رضاکار ڈونرز کا ریکارڈ موجود ہوگا جسے وہ مسلسل اپ ڈیٹ اور مینج کریں گے۔
فوری مدد کی فراہمی: بستی غریب شاہ والا اور گرد و پیش کی تمام بستیوں میں جب بھی کسی مریض کو ایمرجنسی خون کی ضرورت پڑے گی، وہ بروقت انتظام کے لیے سفینۂ نجات کے ساتھ مل کر اپنا بھرپور کردار ادا کریں گے۔ اور متعلقہ ڈونرز تک مستحق مریض کا ممکنہ طور آسان ترین رابطے کے لیے کردار ادا کریں گے۔
بلڈ کیمپس کا انعقاد: آئندہ دنوں میں سفینۂ نجات کے زیر اہتمام بستیوں میں خون کے عطیات کے کیمپ اور آگاہی سیشنز منعقد کروائیں گے۔ جس کے لیے سفینہ نجات کی کور کمیٹی کی طرف ہر ممکن تعاون کیا جائے گا۔
اہلیانِ بستی غریب شاہ اور گرد و نواح کے معزز مکینوں سے گزارش ہے کہ خون کے عطیہ کے اندراج (بطور ڈونر) یا ہنگامی ضرورت کی صورت میں درج ذیل نمبر پر برادر علی رضا سے رابطہ فرمائیں:
نام: گل حسن
عہدہ: ولیج / موضع کوآرڈینیٹر
(بستی غریب شاہ، سیت پور)
موبائل / واٹس ایپ:
0305 7556074
آئیے! آگے بڑھیں، اس کارِ خیر کا حصہ بنیں اور کسی کی زندگی کا چراغ بجھنے سے بچائیں۔
منجانب:
انتظامیہ سفینۂ نجات سیت پور
خون کے عطیات کا نیٹ ورک — انسانیت کی بقا کی طرف ایک قدم
Saffina E Nijjat Seet Pur