Jeay Sindh Students Federation - Sindh Agriculture University

Directions

Jeay Sindh Students Federation - Sindh Agriculture University Jeay Sindh Students` Federation - Distt: Sindh Agriculture University

جيئي سنڌوديشجيئي سائين جي. ايم. سيدجيئي سنڌ اسٽوڊنٽس فيڊريشن (جساف) ضلعو سنڌ زرعي يونيورسٽي ٽنڊوڄام، سنڌ زرعي يونيورسٽي ...
21/09/2026

جيئي سنڌوديش
جيئي سائين جي. ايم. سيد

جيئي سنڌ اسٽوڊنٽس فيڊريشن (جساف) ضلعو سنڌ زرعي يونيورسٽي ٽنڊوڄام، سنڌ زرعي يونيورسٽي انتظاميا پاران هاسٽل فيس ۾ ڪيل تازي واڌ جي سخت لفظن ۾ مذمت ڪري ٿي.

سنڌ زرعي يونيورسٽي جي هاسٽل فيس، جيڪا اڳ 13,000 رپيا هئي، سا وڌائي 18,000 رپيا ڪئي وئي آهي، جيڪا سڌي ريت شاگردن سان ناانصافي آهي. يونيورسٽي انتظاميا پنهنجي ڪرپشن واري روش برقرار رکندي شاگردن تي معاشي بار وڌائي رهي آهي.

زرعي يونيورسٽي جا باشعور شاگرد جڏهن پنهنجي جائز حقن لاءِ آواز اٿارين ٿا ته انهن کي شوڪاز نوٽيس موڪلي حراسان ڪرڻ جي ڪوشش ڪئي وڃي ٿي. جڏهن شاگرد انتظاميا جي اهڙين ڪارروائين کان نه ڊڄندي پنهنجي جدوجهد جاري رکن ٿا ته انهن خلاف ملڪ سان بغاوت جا ڪيس داخل ڪري کين جيل حوالي ڪيو وڃي ٿو، جڏهن ته شاگردن خلاف انتظامي ڪارروائيون ڪري يونيورسٽي اچڻ تي پابنديون پڻ لڳايون وڃن ٿيون.

جيئي سنڌ اسٽوڊنٽس فيڊريشن (جساف) واضح ڪري ٿي ته زرعي يونيورسٽي انتظاميا پنهنجو قبلو درست ڪري ۽ شاگردن جي حق جي آواز کي دٻائڻ جي ڪوشش نه ڪري،ھاسٽل فيس ۾ واڌ وارو نوٽيفڪيشن واپس وٺي، ٻي صورت ۾ انتظاميا کي سخت احتجاجي ردعمل کي منهن ڏيڻ لاءِ تيار رهڻو پوندو. ۽ شاگردن جي مستقبل سان هٿ چراند نه ڪئي وڃي.

جيئي سنڌ اسٽوڊنٽس فيڊريشن (جساف)
ضلعو سنڌ زرعي يونيورسٽي ٽنڊوڄام

جيئي سنڌوديشجيئي سائين جي. ايم. سيدجيئي سنڌ اسٽوڊنٽس فيڊريشن (جساف) ضلعو سنڌ زرعي يونيورسٽي ٽنڊوڄام پاران سنڌ زرعي يونيو...
17/09/2026

جيئي سنڌوديش
جيئي سائين جي. ايم. سيد

جيئي سنڌ اسٽوڊنٽس فيڊريشن (جساف) ضلعو سنڌ زرعي يونيورسٽي ٽنڊوڄام پاران سنڌ زرعي يونيورسٽي ۾ داخلا وٺندڙ 2027ع جي نئين بيچ جي شاگردن ۽ شاگردياڻين کي انٽري ٽيسٽ ۽ داخلا جي طريقيڪار بابت مڪمل رهنمائي ۽ معلومات فراهم ڪئي ويندي.

جساف ضلعو سنڌ زرعي يونيورسٽي ٽنڊوڄام جا اڳواڻ ۽ ڪارڪن نئين بيچ جي اميدوارن سان هر ممڪن سهڪار ۽ رهنمائي لاءِ موجود رهندا.

رابطو:
ايم ڪي جروار
03700840292
ساگر سنڌي
03277011509

شاگردياڻيون ايميل تي رابطو ڪري سگھن ٿيون.
[email protected]

جيئي سنڌ اسٽوڊنٽس فيڊريشن
جساف ضلعو سنڌ زرعي يونيورسٽي ٽنڊوڄام

جيئي سنڌوديشجيئي سائين جي. ايم. سيدادي سورٺ سنڌو، ڊاڪٽر محبوب جتوئي ۽ ايڊووڪيٽ عمار دايو سان سنڌ زرعي يونيورسٽي ٽنڊوڄام ...
05/09/2026

جيئي سنڌوديش
جيئي سائين جي. ايم. سيد

ادي سورٺ سنڌو، ڊاڪٽر محبوب جتوئي ۽ ايڊووڪيٽ عمار دايو سان سنڌ زرعي يونيورسٽي ٽنڊوڄام ۾ جيئي سنڌ اسٽوڊنٽس فيڊريشن (جساف) ضلعي زرعي يونيورسٽي جي اڳواڻن ۽ ڪارڪنن سان ملاقات ٿي، جنهن دوران زرعي يونيورسٽي جي موجوده مسئلن ۽ شاگردن کي درپيش مختلف معاملن تي سياسي گفتگو ڪئي وئي.

جيئي سنڌ اسٽوڊنٽس فيڊريشن (جساف)
ضلعو سنڌ زرعي يونيورسٽي ٽنڊوڄام

03/09/2026
جيئي شاگرد سياست جيئي شاگرد جدوجهد سڏ شاگرد جدوجهد اتحاد سنڌ زرعي يونيورسٽي ٽنڊوڄام پاران تحريڪ جي چوٿين ڏينهن بہ اڄ شام...
03/09/2026

جيئي شاگرد سياست
جيئي شاگرد جدوجهد

سڏ

شاگرد جدوجهد اتحاد سنڌ زرعي يونيورسٽي ٽنڊوڄام پاران تحريڪ جي چوٿين ڏينهن بہ اڄ شام 06:00 ھاسٽل جي مک گيٽ آڏو ڌرڻو لڳايو ويندو، اوھان سڀني باشعور شاگردن کي شرڪت جي دعوت ڏجي ٿي.

ھنڌ : ھاسٽل جو مک گيٽ
وقت : شام 06:00 وڳي
تاريخ : 03/09/2026

(شاگرد جدوجهد اتحاد سنڌ زرعي يونيورسٽي ٽنڊوڄام)

پريس ريليز (02/09/2026) زرعي يونيورسٽيسنڌ زرعي يونيورسٽي ٽنڊوڄام، شاگرد جدوجهد اتحاد پاران شاگردن کي رسٽيگٽ ڪرڻ ۽ شاگردن...
02/09/2026

پريس ريليز
(02/09/2026) زرعي يونيورسٽي

سنڌ زرعي يونيورسٽي ٽنڊوڄام، شاگرد جدوجهد اتحاد پاران شاگردن کي رسٽيگٽ ڪرڻ ۽ شاگردن جي بنيادي مسئلن جي اڻهوند خلاف هلايل تحريڪ جي ٽئين ڏينهن ھاسٽل جي مک گيٽ آڏو ڌرڻو ھنيو ويو جنھن ۾ اداري جي باشعور شاگردن شرڪت ڪئي.

انتظاميا جو شاگردن سان اھو رويو بيحد گھڻو غير اخلاقي، غير آئيني آهي، شاگرد ئي اداري جا وارث آهن ۽ شاگردن سان ئي ادارو ھلي رھيو آھي، جيڪر شاگردن سان ئي اھڙو رويو رکيو ويو تہ شاگرد روڊن ڪي احتجاج ئي ڪندا نڪي خاموش ٿي ويھي رھندا.

شاگرد جدوجهد اتحاد پاران پاران شروع ڪيل ھي تحريڪ اداري جي مسئلن حل ٿيڻ تائين جاري رهندي.

(شاگرد جدوجهد اتحاد سنڌ زرعي يونيورسٽي ٽنڊوڄام)

پريس ريليز 01/09/2026شاگرد جدوجهد اتحاد زرعي يونيورسٽي ٽنڊوڄام پاران شاگردن کي بلاجواز رسٽيگيٽ ڪرڻ خلاف ۽ بنيادي مسئلن ج...
02/09/2026

پريس ريليز
01/09/2026

شاگرد جدوجهد اتحاد زرعي يونيورسٽي ٽنڊوڄام پاران شاگردن کي بلاجواز رسٽيگيٽ ڪرڻ خلاف ۽ بنيادي مسئلن جي حل لاء ھلندڙ جدوجھد جي سلسلي ۾ انفارميشن ٽيڪنالاجي(آي ٽي) ۽ سوشل سائنس (ايس ايس) احتجاج رڪارڊ ڪرايو ويو.

انتظاميا جي شاگرد دشمن پاليسي شاگردن جي مستقبل ۽ اداري جي ساک کي نقصان پھچائي رھي آھي، شاگردن سان بي بنياد ناانصافي بند ڪئي وڃي.

شاگرد جدوجهد اتحاد پاران شروع ڪيل احتجاجي تحريڪ جي اڄ ٽئين ڏينھن ھاسٽل گيٽ آڏو اڄ شام احتجاجي ڌرڻو ھنيو ويندو جنھن ۾ پڻ شاگردن کي شرڪت جو سڏ ڏجي ٿو

(شاگرد جدوجهد اتحاد سنڌ زرعي يونيورسٽي ٽنڊوڄام)

01/09/2026

جيئي شاگرد سياست
جيئي شاگرد جدوجهد

اڄ شاگرد جدوجهد اتحاد پاران ھنگامي بنيادن تي پريس ڪانفرنس ڪوٺائڻ جو مقصد اداري جي موجوده صورتحال، انتظاميا جو شاگرد دشمن عمل ۽ بلاجواز تدريسي عمل کي معطل ڪرڻ جي متعلق آھي.

زرعي يونيورسٽي انتظاميا پاران امن قائم ڪرڻ جو جواز ڄاڻائي مڪمل طور ڪلاسس آف ڪيا ويا آهن، جيڪو باقاعده تعليم دشمن عمل آھي.

اداري اندر شاگردن جا جھيڙا ٿيندا رھندا آھن جو حل ڪڍڻ اداري جي انتظاميا جي اھم ذميواري آهي. اسين سمجھون ٿا اداري جو ماحول ھٿ وٺي خراب ڪيو پيو وڃي، اداري اندر آئي ڏينهن انتظاميا شاگرد دشمن ڪردار ادا ڪندي اھڙا معاملا ڪرائيندي رھي آھي.

تازو ئي شاگردن کي بلاجواز رسٽيگيٽ ڪرڻ، اداري جي بنيادي مسئلن، سھولتن جي اڻهوند ۽ انتظاميا جي شاگرد دشمن عمل خلاف 31 آگسٽ 2026 تي ھڪ تحريڪ جو آغاز ڪيو ويو. جنھن کي ڪائونٽر ڪرڻ لاءِ زرعي يونيورسٽي انتظاميا اھڙا فيصلا وٺي رھي آھي، زرعي يونيورسٽي انتظاميا شاگردن کي حراسان ڪرڻ لاءِ مختلف طريقا استعمال ڪري چڪي آھي.

31 آگسٽ 2026 تي شاگرد جدوجهد اتحاد پاران اعلانيل احتجاج ۾ زرعي يونيورسٽي جي انتظاميا اداري ۾ پوليس جا اٽالا گھرائي ڪيمپس کي ٿاڻي جو روپ ڏئي ڇڏيو، ڪيمپس کي مڪمل طور سيل ڪيو ويو ۽ سڀئي ڪينٽينون پڻ بند ڪرايون ويون، جنھن سان شاگرد بيحد گھڻو تڪليف ۽ خوف جو شڪار ٿيا.

اڄ پڻ شاگردن جي جھيڙي جو جواز ڄاڻائي ڪيمپس کي مڪمل طور سيل ڪيو ويو ۽ پوائنٽ ٽرانسپورٽ بند ڪئي وئي ۽ ھلندڙ ليڪچر ڪلاسن کي اوچتو بند ڪرايو ويو، جنھن سبب شاگرد توڙي شاگردياڻيون بيحد گھڻو پريشان جو شڪار ٿيون، جيڪو پڻ شاگرد دشمن عمل آھي.

شاگرد جدوجهد اتحاد، زرعي يونيورسٽي انتظاميا کي اھو چتاَُ ٿو ڏئي تہ شاگردن توڙي شاگردياڻين جي بنيادي مسئلن خلاف ھلندڙ تحريڪ کي ڌڪ رسائڻ لاءِ اداري جي تدريسي عمل معطل ڪرڻ ڪنھن بہ صورت ۾ برداشت نہ ڪيو ويندو، شاگرد جدوجهد اتحاد، زرعي يونيورسٽي انتظاميا کي اھو واضح چئي چوي ٿو تہ شاگردن جا ڪلاس مڪمل طور بحال ڪيا وڃن ۽ اداري کي کوليو وڃي.

شاگردن جي احتجاج ڪرڻ تي زرعي يونيورسٽي انتظاميا شاگرد دشمن ڪردار ادا ڪندي اداري جي مک گيٽ، ھاسٽل گيٽ ۽ مختلف ھنڌن تي ڪندي شاگردن جي تذليل ڪرڻ لاءِ سندن ڪتاب، ڪپڙا، رکڻ وارا ٿھيلا ۽ کيسا پڻ چيڪ ڪيا وڃن ٿا.

پر يونيورسٽي اندر ڪلاشن کڻي گهمندڙ ماڻهن تي ڪنھن بہ قسم جي ڪارروائي نٿي ڪئي وڃي، پر شاگردن جو آواز بلند ڪرڻ تي سياسي شاگرد تنظيمن جي اڳواڻن تي شوڪاز، رسٽيگيشن ۽ ڪوڙا ڪيس ڪرائڻ جھڙا عمل ڪيا وڃن ٿا.

شاگرد جدوجهد اتحاد پاران پوليس کي اھو پيغام ڏيون ٿا تہ اداري اندر شاگردن جو جھيڙو شاگردن جو معاملو آھي، جنھن کي اداري اندر حل ڪيو وڃي تہ اھو بھتر عمل آھي، پوليس جو اداري ۾ دخل اندازي ڪرڻ شاگردن کي خوف ڏياريندڙ عمل آھي.

شاگرد جدوجهد اتحاد، علائقي واسين ۽ ڀر پاسي جي رھاڪن کي اھا اپيل ٿو ڪري تہ شاگردن جي جھيڙن ۾ دخل اندازي نہ ڪئي وڃي ڇاڪاڻ تہ ان عمل سان اداري جي ساک کي نقصان پھچي ٿو ۽ شاگرد خوف ۾ مبتلا ٿين ٿا.

شاگرد جدوجهد اتحاد ۾ شامل تنظيمون جنهن ۾ جساف آريسر، سنڌ شاگرد سڀا، جساف شھيد بشير خان، جساف، پي آر ايس ايف ۽ (BSAC) بلوچ اسٽوڊنٽس ايڪشن ڪميٽي شامل آهن.

اھا ڳالھ واضح آهي تہ اداري اندر ھلندڙ سمورن مسئلن جو بنياد زرعي يونيورسٽي انتظاميا وڌو ۽ ان جو واحد ڪارڻ پڻ انتظاميا آھي.

(شاگرد جدوجهد اتحاد زرعي يونيورسٽي ٽنڊوڄام)

01/09/2026

جيئي سنڌوديش
جيئي سائين جي. ايم. سيد

مذمتي بيان

سنڌ زرعي يونيورسٽي ٽنڊوڄام ۾ اڄ پيش آيل واقعي جي جيئي سنڌ اسٽوڊنٽس فيڊريشن (جساف) ضلعو سنڌ زرعي يونيورسٽي ٽنڊوڄام پاران سخت لفظن ۾ مذمت ڪئي وڃي ٿي.

سنڌ زرعي يونيورسٽي ٽنڊوڄام جي انتظاميا جو سيڪيورٽي نظام مڪمل طور تي نااهل ۽ ناڪام بڻجي چڪو آهي، جنهن سبب ٻاهريان ماڻهو آسانيءَ سان ڪيمپس اندر داخل ٿي هٿيارن جي نمائش ڪري شاگردن ۾ خوف ۽ حراس پکيڙين ٿا. ڪيمپس اندر فائرنگ جا واقعا پيش اچن ٿا، شاگرد زخمي ٿين ٿا، پر انتظاميا طرفان انهن واقعن ۾ ملوث ماڻهن خلاف ڪو به اثرائتو قدم نه کنيو وڃي ٿو.

ٻئي طرف، جڏهن زرعي يونيورسٽي جا سياسي ۽ باشعور شاگرد پنهنجي جائز مسئلن ۽ بنيادي حقن لاءِ پرامن احتجاج ڪن ٿا ته انتظاميا انهن خلاف ڪوڙيون ايف آءِ آرون داخل ڪرائڻ، شاگردن کي ريسٽيڪيٽ ڪرڻ ۽ شوڪاز نوٽيس جاري ڪرڻ جهڙا انتقامي قدم کڻي ٿي.

جساف اهو پڻ واضح ڪري ٿي ته ڪجهه ڏينهن اڳ ڪيمپس اندر شاگردن تي فائرنگ جو واقعو پيش آيو، جنهن ۾ شاگردن جي تحفظ بابت سنگين سوال اٿيا، پر ان باوجود انتظاميا طرفان ذميوارن خلاف ڪا خاطرخواهه ڪارروائي نه ڪئي وئي.

جساف سمجهي ٿي ته شاگردن جي پرامن سياسي سرگرمين کي دٻائڻ لاءِ انتظاميا جو اهڙو ٻٽو معيار انتهائي ڳڻتي جوڳو آهي. اسان انتظاميا کي خبردار ڪريون ٿا ته شاگردن جي سياسي حقن کي دٻائڻ ۽ يونيورسٽي اندر سياست کي ختم ڪرڻ جون ڪوششون ڪنهن به صورت ۾ قبول نه ڪيون وينديون.

جيئي سنڌ اسٽوڊنٽس فيڊريشن انتظاميا کي واضع ڪري ٿي ته ڪيمپس جو سيڪيورٽي نظام فوري طور تي بهتر بڻايو وڃي، ٻاهريان هٿياربند ماڻهن جي داخلا روڪي وڃي، شاگردن کي مڪمل تحفظ فراهم ڪيو وڃي ۽ شاگردن خلاف انتقامي ڪارروايون بند ڪيون وڃن.

سنڌ زرعي يونيورسٽي ٽنڊوڄام جي انتظاميا کي چتاءُ ڏجي ٿو ته پنهنجو قبلو درست ڪري ۽ شاگردن جي جان، مال ۽ عزت جي تحفظ کي يقيني بڻائي. ٻي صورت ۾ شاگرد پنهنجي حقن لاءِ وڌيڪ ڀرپور احتجاجي جدوجهد جو رستو اختيار ڪندا.

جيئي سنڌ اسٽوڊنٽس فيڊريشن (جساف)
ضلعو سنڌ زرعي يونيورسٽي ٽنڊوڄام

Address

Tando Jam

Website

Alerts

Be the first to know and let us send you an email when Jeay Sindh Students Federation - Sindh Agriculture University posts news and promotions. Your email address will not be used for any other purpose, and you can unsubscribe at any time.

Shortcuts

Share