District Administration of Usta Muhammad

Call Directions Contact the organization

District Administration of Usta Muhammad Welcome to the official District Administration Usta Muhammad page! Stay updated on services and progress.

Committed to transparent governance, boosting agriculture via Khirthar Canal, and advancing education & health for our community.

گنداخہ: گوٹھ فیضل فقیر کے مسافر خانے میں جدید ہیوی سولر سسٹم نصبحکومتِ بلوچستان کی جانب سے عوام کو بنیادی سہولیات کی فرا...
12/09/2026

گنداخہ: گوٹھ فیضل فقیر کے مسافر خانے میں جدید ہیوی سولر سسٹم نصب

حکومتِ بلوچستان کی جانب سے عوام کو بنیادی سہولیات کی فراہمی اور دور دراز علاقوں میں عوامی فلاح و بہبود کے منصوبوں پر خصوصی توجہ دی جا رہی ہے۔ اسی سلسلے میں میونسپل کمیٹی گنداخہ کے ترقیاتی فنڈ سے گوٹھ فیضل فقیر کے مسافر خانے میں جدید ہیوی سولر سسٹم نصب کر دیا گیا ہے۔

سولر سسٹم کی تنصیب کا مقصد مسافر خانے میں بجلی کی سہولت فراہم کرنا اور دور دراز علاقوں سے آنے والے مسافروں کو بنیادی سہولیات کی فراہمی میں بہتری لانا ہے۔ سولر سسٹم کی بدولت خصوصاً شدید گرمی کے دوران مسافروں کو بجلی کی سہولت میسر آئے گی اور انہیں درپیش مشکلات میں نمایاں کمی آئے گی۔

حکومتِ بلوچستان کے عوام دوست اقدامات کے تحت مقامی اداروں کے ذریعے عوامی ضروریات کو مدنظر رکھتے ہوئے بنیادی سہولیات کی فراہمی اور عوامی فلاح کے منصوبوں پر عملی پیش رفت جاری ہے۔

اُستا محمد میں نکاسی آب کے مسئلے کے حل کی جانب اہم پیش رفتاُستا محمد میں نکاسی آب کے نظام کی بہتری کے لیے 15 کروڑ روپے م...
12/09/2026

اُستا محمد میں نکاسی آب کے مسئلے کے حل کی جانب اہم پیش رفت

اُستا محمد میں نکاسی آب کے نظام کی بہتری کے لیے 15 کروڑ روپے مالیت کے تین اہم ترقیاتی منصوبوں کے ٹینڈر جاری کر دیے گئے ہیں۔

یہ منصوبے اُن اہم شہری مسائل میں سے ایک کے حل کی جانب عملی پیش رفت ہیں جو مسلسل کھلی کچہریوں میں شہریوں کی جانب سے اٹھائے جاتے رہے ہیں۔ ضلعی انتظامیہ کی جانب سے عوامی مسائل کے حل کے لیے متعلقہ محکموں کے ساتھ مسلسل رابطہ اور پیروی کی جا رہی ہے۔

بلوچستان سوشل ڈویلپمنٹ انیشی ایٹو، فیز تھری (BSDI Phase-III) کے تحت:

🔹 اُستا محمد شہر سے آر بی او ڈی تھری ڈرین تک کچے نالے کی تعمیر، تخمینہ لاگت 5 کروڑ روپے۔

🔹 خانپور ڈسٹری کے شہری علاقے کے بائیں جانب آر سی سی ڈرین کی تعمیر، تخمینہ لاگت 5 کروڑ روپے۔

🔹 خانپور ڈسٹری کے شہری علاقے کے دائیں جانب آر سی سی ڈرین کی تعمیر، تخمینہ لاگت 5 کروڑ روپے۔

ان تینوں منصوبوں کی مجموعی تخمینہ لاگت 15 کروڑ روپے ہے۔

دونوں اطراف تعمیر ہونے والے آر سی سی ڈرینز سے اُستا محمد شہر کے وسط سے گزرنے والی خانپور ندی کو سیوریج کے پانی سے محفوظ بنانے اور نکاسی آب کے نظام کو بہتر کرنے میں مدد ملے گی۔

یہ منصوبے اُن سوالات کا بھی عملی جواب ہیں کہ کھلی کچہریاں صرف نام کی ہوتی ہیں۔ کھلی کچہریوں میں شہریوں کی جانب سے اٹھائے جانے والے مسائل کو متعلقہ محکموں کے ساتھ اٹھا کر ان کے حل کے لیے عملی اقدامات کیے جا رہے ہیں۔ نکاسی آب کے یہ منصوبے اسی سلسلے کی ایک واضح مثال ہیں۔

07/09/2026

کھیرتھر کینال کے بیرون پر غیر قانونی واٹر کورسز کے خلاف آپریشن

ڈپٹی کمشنر اُستا محمد محمد رمضان پلال کی موجودگی اور نگرانی میں، ایگزیکٹو انجینئر کھیرتھر کینال غلام محمد بادینی کی سربراہی میں خانکی سے لے کر باغ ہیڈ تک کھیرتھر کینال کے بیرون پر غیر قانونی واٹر کورسز کے خلاف آپریشن کیا گیا۔

کارروائی کے دوران درج ذیل 22 غیر قانونی پانی چور واٹر کورسز/بیرون میں بند کر دیے گئے:

1. ولی محمد بروہی
2. محمد رمضان ناوڑہ
3. مٹھل ناوڑہ
4. غلام فرید عمرانی
5.میر عمر خان جمالی
6. لعل بخش ناوڑہ
7. حاجی شاہمیر رند
8. ہیبت خان لہڑی
9. لعل بخش لہڑی
10. سیف اللہ چانڈیو
11. میر خان محمد جمالی
12. قبولہ ربیع چینل ( صادق عمرانی)
13.میر تاج محمد خان جمالی
14. سفر خان جتک
15. کیٹل فارم
16. غلام حسین عمرانی
17. حمزہ پلال
18. کیڈٹ کالج
19. الطاف حسین بروہی
20. مٹھری مائنر بیرون (میر محمد صلاح شہلیانی)
21. میر صابر پندرانی بیرون
22. میر عمر خان جمالی بیرون، ہیڈ باغ

آپریشن میں اسسٹنٹ کمشنر اُستا محمد رمضان اشتیاق، ایس ڈی او اپر کینال زیشان جمالی، ایس ڈی او لوئر کینال سلمان مینگل، ایس ایچ او صدر حضور بخش اور پولیس ٹیم نے حصہ لیا۔

کارروائی رات 2 بجے تک جاری رہی۔ اس دوران غیر قانونی پانی کے اخراج کو روکنے کے لیے مذکورہ واٹر کورسز اور بیرون بند کیے گئے۔

ڈپٹی کمشنر اُستا محمد نے موقع پر کارروائی کی نگرانی کرتے ہوئے متعلقہ افسران کو ہدایت کی کہ کھیرتھر کینال کے پانی کی منصفانہ تقسیم اور ٹیل کے علاقوں تک پانی کی فراہمی کو یقینی بنانے کے لیے کارروائیاں بلا تعطل جاری رکھی جائیں۔

اُستامحمد۔۔ ڈپٹی کمشنر اُستامحمد محمد رمضان پلال کی خصوصی ہدایت پر ڈپٹی ڈائریکٹر ایگریکلچر ایکسٹینشن اُستامحمد عمران احم...
06/09/2026

اُستامحمد۔۔ ڈپٹی کمشنر اُستامحمد محمد رمضان پلال کی خصوصی ہدایت پر ڈپٹی ڈائریکٹر ایگریکلچر ایکسٹینشن اُستامحمد عمران احمد لاشاری نے شہر اور مضافاتی علاقوں میں قائم کھاد Fertilizer اور پیسٹی سائیڈ Pesticide ڈیلرز کی دکانوں کا اچانک اور تفصیلی معائنہ کیا اس موقع پر انہوں نے مختلف زرعی ادویات و کھاد فروخت کرنے والے ڈیلرز کے کاروباری مراکز کا دورہ کرکے وہاں موجود اسٹاک قانونی دستاویزات لائسنس رجسٹریشن اور دیگر متعلقہ ریکارڈ کا باریک بینی سے جائزہ لیا
معائنے کے دوران تمام رجسٹرڈ ڈیلرز کو ہدایت کی گئی کہ وہ زرعی ادویات اور کھاد کی خرید و فروخت کے سلسلے میں حکومتی قواعد و ضوابط پر مکمل عملدرآمد یقینی بنائیں اور صرف حکومت بلوچستان سے رجسٹرڈ و منظور شدہ کمپنیوں کی زرعی ادویات اور کھاد کی خرید و فروخت کریں انہیں سختی سے تنبیہ کی گئی کہ کسی بھی غیر رجسٹرڈ غیر قانونی یا مشکوک کمپنی کی مصنوعات نہ خریدیں اور نہ ہی انہیں کسانوں کو فروخت کیا جائے کیونکہ غیر معیاری اور جعلی زرعی ادویات و کھاد کے استعمال سے نہ صرف کسانوں کو مالی نقصان کا سامنا کرنا پڑ سکتا ہے بلکہ فصلوں کی پیداوار اور معیار بھی متاثر ہوتا ہے ڈپٹی ڈائریکٹر ایگریکلچر ایکسٹینشن نے موقع پر موجود ڈیلرز کے لیجر Ledger خرید و فروخت کا ریکارڈ انوائسز Invoices اسٹاک رجسٹر اور دیگر متعلقہ دستاویزات بھی چیک کیے۔ انہوں نے ڈیلرز کو ہدایت کی کہ تمام زرعی ادویات و کھاد کے اسٹاک کی مکمل تفصیلات خریداری کی انوائسز اور لیجرز میں درج ریکارڈ کو باقاعدگی سے اپ ڈیٹ اور دستخط شدہ حالت میں محفوظ رکھا جائے تاکہ محکمہ زراعت کی جانب سے کسی بھی وقت معائنے کے دوران تمام ضروری دستاویزی ثبوت دستیاب ہوں
انہوں نے مزید واضح کیا کہ زرعی ادویات اور کھاد کی فروخت میں کسی بھی قسم کی بے ضابطگی غیر قانونی کاروبار غیر رجسٹرڈ کمپنی کی مصنوعات کی خرید و فروخت یا ریکارڈ میں تضاد کو ہرگز برداشت نہیں کیا جائے گا اور خلاف ورزی کی صورت میں متعلقہ ڈیلرز کے خلاف مروجہ قوانین کے تحت کارروائی عمل میں لائی جائے گی
اس موقع پر ڈپٹی ڈائریکٹر ایگریکلچر ایکسٹینشن نے کہا کہ حکومت بلوچستان کی ہدایات اور ضلعی انتظامیہ کی نگرانی میں محکمہ زراعت کی جانب سے زرعی ادویات و کھاد کے معیار اور دستیابی کو یقینی بنانے کے لیے نگرانی کا عمل مزید مؤثر بنایا جا رہا ہے انہوں نے کہا کہ ان اچانک معائنوں کا بنیادی مقصد ضلع اُستامحمد کے کسانوں کو معیاری اصل اور رجسٹرڈ زرعی ادویات و کھاد کی فراہمی یقینی بنانا غیر معیاری و جعلی مصنوعات کی حوصلہ شکنی کرنا اور غیر رجسٹرڈ کمپنیوں کے ذریعے زرعی شعبے کو نقصان پہنچانے کی کوششوں کا مکمل سدباب کرنا ہے
انہوں نے ڈیلرز پر زور دیا کہ وہ کسانوں کے وسیع تر مفاد کو مدنظر رکھتے ہوئے ذمہ داری کا مظاہرہ کریں اور زرعی ادویات و کھاد کی خرید و فروخت میں تمام قانونی تقاضوں اور محکمہ زراعت کے مقررہ اصول و ضوابط کی مکمل پابندی کریں۔

05/09/2026

اُستا محمد: دھان کی فصل میں زرعی ادویات کے محفوظ استعمال سے متعلق آگاہی

ڈپٹی کمشنر اُستا محمد کی ہدایت پر ڈپٹی ڈائریکٹر زراعت ایکسٹینشن عمران احمد لاشاری کی زیر نگرانی محکمہ زراعت کی جانب سے ضلع اُستا محمد کے کاشتکاروں کو دھان (چاول) کی فصل میں زرعی زہروں اور جڑی بوٹی مار ادویات کے محفوظ اور مؤثر استعمال کے حوالے سے رہنمائی فراہم کی جا رہی ہے۔

اس سلسلے میں گوٹھ میر شمیر خان رند، یونین کونسل خانپور میں منعقدہ کھلی کچہری کے دوران یہ معاملہ سامنے آیا کہ دھان کی فصل میں زرعی ادویات کے استعمال کے حوالے سے کاشتکاروں کو مزید آگاہی اور عملی رہنمائی کی ضرورت ہے۔

محکمہ زراعت کی جانب سے کاشتکاروں کو ہدایت کی جا رہی ہے کہ زرعی زہروں اور جڑی بوٹی مار ادویات کے استعمال کے دوران حفاظتی دستانے، ماسک، چشمہ اور مکمل حفاظتی لباس استعمال کریں۔ ادویات کا محلول کھلی اور ہوادار جگہ پر تیار کیا جائے، صاف پانی استعمال کیا جائے اور شدید دھوپ کے اوقات میں سپرے سے گریز کیا جائے۔

کاشتکاروں کو ادویات کی درست فارمولیشن، ہدف، مقدار اور استعمال کے مناسب طریقہ کار کے بارے میں بھی رہنمائی فراہم کی جا رہی ہے، جبکہ زرعی ادویات کے خالی ڈبوں ا

انفارمیشن ڈیپارٹمنٹ نصیرآباد، 5 ستمبر 2026ءاُستا محمد۔۔ دھان کی فصل میں زرعی ادویات کے محفوظ اور مؤثر استعمال کے حوالے س...
05/09/2026

انفارمیشن ڈیپارٹمنٹ نصیرآباد، 5 ستمبر 2026ء

اُستا محمد۔۔ دھان کی فصل میں زرعی ادویات کے محفوظ اور مؤثر استعمال کے حوالے سے کاشتکاروں کو آگاہی اور عملی رہنمائی فراہم کی جا رہی ہے ڈپٹی کمشنر اُستا محمد محمد رمضان پلال کی ہدایت پر ڈپٹی ڈائریکٹر زراعت ایکسٹینشن عمران احمد لاشاری کی زیر نگرانی محکمہ زراعت کی جانب سے ضلع اُستا محمد کے مختلف علاقوں میں دھان کے کاشتکاروں کو زرعی زہروں کیڑے مار ادویات اور جڑی بوٹی مار ادویات کے مناسب محفوظ اور مؤثر استعمال کے حوالے سے آگاہی فراہم کرنے کا سلسلہ جاری ہے اس سلسلے میں گوٹھ میر شمیر خان رند یونین کونسل خانپور میں منعقدہ کھلی کچہری کے دوران کاشتکاروں کی جانب سے دھان کی فصل میں زرعی ادویات کے استعمال سے متعلق مسائل اور مشکلات کی نشاندہی کی گئی جس پر محکمہ زراعت کے ماہرین نے کاشتکاروں کو ضروری رہنمائی فراہم کرتے ہوئے اس امر پر زور دیا کہ زرعی ادویات کا استعمال ماہرین زراعت کی سفارشات ادویات کے لیبل پر درج ہدایات اور مقررہ مقدار کے مطابق کیا جائے تاکہ فصل کو نقصان سے بچانے کے ساتھ ساتھ انسانی صحت اور ماحول کو بھی محفوظ رکھا جا سکے
محکمہ زراعت کے ماہرین نے کاشتکاروں کو بتایا کہ زرعی زہروں اور جڑی بوٹی مار ادویات کے استعمال کے دوران حفاظتی دستانے ماسک، چشمہ اور مکمل حفاظتی لباس کا استعمال ضروری ہے ادویات کا محلول تیار کرتے وقت براہِ راست ہاتھ لگانے، ادویات کو سونگھنے یا منہ کے قریب لے جانے سے گریز کیا جائے جبکہ محلول ہمیشہ کھلی اور ہوادار جگہ پر صاف پانی کے ذریعے تیار کیا جائے سپرے کے دوران ہوا کی سمت کا خاص خیال رکھا جائے اور تیز ہوا یا شدید دھوپ کے اوقات میں سپرے کرنے سے گریز کیا جائے کاشتکاروں کو مزید آگاہ کیا گیا کہ دھان کی فصل کے لیے کسی بھی زرعی دوا کا انتخاب فصل جڑی بوٹی، کیڑے یا بیماری کی نوعیت کو مدنظر رکھتے ہوئے کیا جائے دوا کی درست فارمولیشن، مقدار پانی کی مناسب مقدار سپرے کا وقت اور طریقہ کار فصل کی بہتر حفاظت اور مؤثر نتائج کے لیے انتہائی اہم ہیں ضرورت سے زیادہ یا کم مقدار میں دوا کا استعمال نہ صرف فصل کو متاثر کر سکتا ہے بلکہ زمین پانی اور ماحول پر بھی منفی اثرات مرتب کر سکتا ہے محکمہ زراعت کی جانب سے کاشتکاروں کو یہ بھی ہدایت کی گئی کہ زرعی ادویات کے خالی ڈبوں بوتلوں اور پیکنگ کو دوبارہ گھریلو استعمال میں نہ لایا جائے اور انہیں نہروں کھالوں آبپاشی کے ذرائع کھیتوں یا عام راستوں پر پھینکنے سے مکمل طور پر گریز کیا جائے کیونکہ ان میں موجود کیمیائی اجزا انسانی صحت، مویشیوں آبی حیات اور ماحول کے لیے نقصان دہ ثابت ہو سکتے ہیں ماہرین زراعت نے اس بات پر بھی زور دیا کہ سپرے کے دوران بچوں، مویشیوں اور غیر متعلقہ افراد کو متاثرہ علاقے سے دور رکھا جائے اور سپرے کے بعد ہاتھ چہرہ اور استعمال ہونے والے حفاظتی سامان کو اچھی طرح صاف کیا جائے اسی طرح زرعی ادویات کو بچوں کی پہنچ سے دور، محفوظ اور مناسب جگہ پر رکھا جائے محکمہ زراعت کے افسران نے کہا کہ کاشتکار کسی بھی زرعی دوا کے استعمال سے قبل متعلقہ فیلڈ اسٹاف یا ماہرین زراعت سے مشورہ ضرور کریں تاکہ بیماری، کیڑے یا جڑی بوٹی کی درست تشخیص کے بعد مناسب دوا اور اس کی مقررہ مقدار تجویز کی جا سکے محکمہ زراعت کی جانب سے کہا گیا کہ دھان ضلع اُستا محمد کی اہم زرعی فصلوں میں شامل ہے اور کاشتکاروں کو بہتر پیداوار کے حصول کے لیے جدید زرعی طریقوں سے روشناس کرانے کے ساتھ ساتھ زرعی ادویات کے محفوظ استعمال سے متعلق مسلسل آگاہی فراہم کی جا رہی ہے اس اقدام کا مقصد فصلوں کی پیداوار اور معیار میں بہتری لانے کے ساتھ ساتھ کاشتکاروں زرعی مزدوروں، مویشیوں آبی وسائل اور ماحول کو زرعی زہروں کے ممکنہ مضر اثرات سے محفوظ رکھنا ہے۔

05/09/2026

انفارمیشن ڈیپارٹمنٹ نصیرآباد، 5 ستمبر 2026ء

گنداخہ۔۔ ڈپٹی کمشنر اُستا محمد محمد رمضان پلال کی خصوصی ہدایت پر گنداخہ واٹر سپلائی اسکیم کے لیے پانی کی لفٹنگ کا عمل جاری ہے جس کا مقصد شہریوں کو پینے کے صاف پانی کی فراہمی کو یقینی بنانا اور انہیں درپیش مشکلات کا فوری ازالہ کرنا ہے اس سلسلے میں نائب تحصیلدار گنداخہ بلال جمالی موقع پر موجود رہ کر پانی کی لفٹنگ اور فراہمی کے عمل کی مسلسل نگرانی کر رہے ہیں نائب تحصیلدار گنداخہ نے متعلقہ عملے کو ہدایات جاری کرتے ہوئے کہا کہ واٹر سپلائی اسکیم کے لیے پانی کی لفٹنگ ترسیل اور تقسیم کے تمام مراحل کو مؤثر انداز میں جاری رکھا جائے تاکہ شہریوں کو پانی کی فراہمی میں کسی قسم کی دشواری کا سامنا نہ کرنا پڑے انہوں نے کہا کہ پانی کی دستیابی اور سپلائی کے نظام کی باقاعدہ نگرانی کی جائے اور کسی بھی فنی یا انتظامی مسئلے کی صورت میں فوری اقدامات اٹھائے جائیں
اس موقع پر متعلقہ عملے کو اس امر کا بھی پابند کیا گیا کہ شہریوں کو پانی کی مسلسل اور بلاتعطل فراہمی کے لیے تمام دستیاب وسائل بروئے کار لائے جائیں اور واٹر سپلائی نظام میں پیدا ہونے والی خرابیوں کو ترجیحی بنیادوں پر دور کیا جائے
ڈپٹی کمشنر اُستا محمد محمد رمضان پلال نے کہا ہے کہ شہریوں کو بنیادی سہولیات کی فراہمی ضلعی انتظامیہ کی اولین ترجیحات میں شامل ہے خصوصاً پینے کے صاف پانی کی دستیابی ایک بنیادی ضرورت ہے، جس کے لیے ضلعی انتظامیہ تمام ممکنہ اقدامات اٹھا رہی ہے انہوں نے متعلقہ افسران اور اہلکاروں کو ہدایت کی کہ عوامی مشکلات کے حل، بنیادی سہولیات کی فراہمی اور شہریوں کی شکایات کے فوری ازالے کے لیے فیلڈ میں اپنی ذمہ داریاں مؤثر اور فعال انداز میں ادا کریں
ضلعی انتظامیہ کی جانب سے شہریوں کو درپیش مسائل کے فوری حل اور بنیادی سہولیات کی فراہمی کے لیے اقدامات کا سلسلہ جاری ہے جبکہ متعلقہ اداروں کو عوامی سہولیات کی بہتری اور پانی کی فراہمی کے نظام کو مزید مؤثر بنانے کے لیے ضروری اقدامات کی بھی ہدایات دی گئی ہیں

Address

Deputy Commmissioner Usta Muhammad
Usta Muhammad

Telephone

+923437926236

Website

Alerts

Be the first to know and let us send you an email when District Administration of Usta Muhammad posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to District Administration of Usta Muhammad:

Shortcuts

Share

Category