Assistant Commissioner Vehari

07/10/2026

وہاڑی () اسسٹنٹ کمشنر وہاڑی انعم اکرم کی زیر صدارت انسداد ڈینگی کے حوالے سے جائزہ اجلاس منعقد ہوا۔ اجلاس میں انسداد ڈینگی سرگرمیوں، احتیاطی تدابیر کی خلاف ورزی پر جاری کیے گئے نوٹسز، مقدمات کے اندراج اور مختلف مقامات کو سیل کرنے کے اقدامات بارے بریفنگ دی گئی۔

اسسٹنٹ کمشنر انعم اکرم نے انسداد ڈینگی سرگرمیوں کا مؤثر انداز میں تسلسل جاری رکھنے اور ڈینگی لاروا کی افزائش کے ممکنہ مقامات کی باقاعدگی سے نگرانی کی ہدایت کی۔ انہوں نے تمام متعلقہ محکموں کو انسداد ڈینگی اقدامات میں بہترین کوارڈینیشن کے ساتھ کام کرنے اور ذمہ داریاں بھرپور انداز میں ادا کرنے کی ہدایت کرتے ہوئے کہا کہ ڈینگی کے تدارک کیلئے احتیاطی تدابیر پر سختی سے عملدرآمد یقینی بنایا جائے۔اور ڈینگی ٹیمیں متحرک ہو کر سرویلنس کریں

07/10/2026

وہاڑی () اسسٹنٹ کمشنر وہاڑی انعم اکرم نے اراضی ریکارڈ سنٹر کا دورہ کیا اور سروس ڈیلیوری کا تفصیلی جائزہ لیا۔ اس موقع پر انہوں نے گرین پراپرٹی سرٹیفیکیٹس کے اجراء، کھیوٹ میوٹیشن کے مسائل کے حل اور ڈی سی ویلیوایشن ٹیبل کے حوالے سے پیش رفت کا جائزہ لیا۔

اسسٹنٹ کمشنر انعم اکرم نے اراضی ریکارڈ سنٹر میں شہریوں کو فراہم کی جانے والی سہولیات اور مختلف ریونیو امور پر عملدرآمد کا بھی معائنہ کیا۔ انہوں نے متعلقہ عملے کو ہدایت کی کہ گرین پراپرٹی سرٹیفیکیٹس کے اجراء اور کھیوٹ میوٹیشن سے متعلق مسائل کو ترجیحی بنیادوں پر حل کیا جائے اور سائلین کو بروقت ریلیف فراہم کیا جائے۔

انہوں نے کہا کہ اراضی ریکارڈ سے متعلق امور میں شفافیت، میرٹ اور بہترین سروس ڈیلیوری کو یقینی بنایا جائے، جبکہ شہریوں کو بلاوجہ انتظار اور مشکلات کا سامنا نہ کرنا پڑے۔

07/10/2026

باتسلیمات ڈپٹی ڈائریکٹر پبلک ریلیشنز حکومت پنجاب، وہاڑی
میاں نعیم عاصم
7 اکتوبر 2026ء
ہینڈ آؤٹ831

وہاڑی () عالمی یوم کپاس کے موقع پر ریجنل ایگریکلچر اکنامک ڈویلپمنٹ سنٹر (RAEDC) اور ریڈز پاکستان کے زیر اہتمام سیمینار منعقد ہوا۔ اسسٹنٹ کمشنر وہاڑی انعم اکرم تقریب کی مہمان خصوصی تھیں۔ سیمینار میں کاشتکاروں کو کپاس کی کاشت، ضروریات، پیداوار، افادیت اور ملکی معیشت میں اس کی اہمیت کے حوالے سے آگاہی فراہم کی گئی جبکہ کپاس سے تیار ہونے والی اشیاء کا سٹال بھی لگایا گیا

اس موقع پر اسسٹنٹ کمشنر وہاڑی انعم اکرم نے خطاب کرتے ہوئے کہا کہ عالمی یوم کپاس منانے کا مقصد کپاس کی اہمیت، پیداوار، ٹرانسفارمیشن اور زرمبادلہ کے حصول کے حوالے سے کسانوں کو آگاہی دینا ہے۔ پاکستان ہمیشہ سے ایکسپورٹ کوالٹی کی کپاس پیدا کرتا رہا ہے کپاس کی ایکسپورٹ سے زرمبادلہ حاصل ہوتا ہے جس سے ملکی معیشت مضبوط اور روپے کو استحکام ملتا ہے۔ کپاس اور ٹیکسٹائل مصنوعات کی برآمد سے فارن ایکسچینج میں اضافہ ہوتا ہے۔

انہوں نے کہا کہ کپاس ایک نقد آور فصل ہے جو کسانوں کیلئے منافع بخش اور ملکی معیشت کیلئے کلیدی اہمیت رکھتی ہے، اس کی پیداوار میں اضافہ وقت کا تقاضا ہے۔ کاشتکار زیادہ سے زیادہ رقبہ پر کپاس کاشت کریں جبکہ ضلعی انتظامیہ اور متعلقہ محکمے کپاس کے فروغ اور کسانوں کی معاونت کیلئے ہمہ وقت کوشاں ہیں۔ محکمہ زراعت ہر سال پائلٹ پلاٹس لگاتا ہے جن سے فصلوں کی پیداوار میں نمایاں اضافہ ہوتا ہے، کاشتکار محکمہ زراعت کی رہنمائی اور تجویز کردہ طریقہ کار کے مطابق فصلیں کاشت کریں۔

اے سی انعم اکرم نے کہا کہ زراعت کے شعبہ میں خواتین کا کردار بھی مثالی ہے۔ ضلع وہاڑی میں تقریباً ایک ہزار خواتین کسان رجسٹرڈ ہیں، خواتین کو تقریب میں مدعو کرنے کا مقصد ان کی خدمات کا اعتراف اور حوصلہ افزائی کرنا ہے۔ اس موقع پر خواتین و مرد کسانوں کو ملکی معیشت میں اہم کردار ادا کرنے پر خراج تحسین پیش کیا گیا جس پر شرکاء نے تالیوں سے بھرپور داد دی۔

ڈپٹی ڈائریکٹر زراعت توسیع رانا محمد عارف نے کپاس کی پیداوار بڑھانے کیلئے اقدامات پر روشنی ڈالتے ہوئے کہا کہ پاکستان دنیا میں کپاس پیدا کرنے والا پانچواں بڑا ملک ہے۔ کپاس کو دنیا بھر میں ’’وائٹ گولڈ‘‘ کہا جاتا ہے اور ملکی و عالمی معیشت میں اس کی اہمیت مسلمہ ہے۔ پاکستان سمیت دنیا بھر میں معیشت کا انحصار کپاس پر بہت زیادہ ہے اور ملکی معیشت کو چلانے میں کپاس کا اہم کردار ہے۔

انہوں نے کہا کہ حکومت پنجاب کا کپاس کی فصل پر مکمل فوکس ہے جبکہ ضلع وہاڑی کپاس کی پیداوار میں اب بھی لیڈ کر رہا ہے۔ کاشتکاروں نے اگیتی کپاس سے فی ایکڑ 40 سے 50 من تک پیداوار حاصل کی ہے۔ کپاس واحد فصل ہے جس سے غریب اور امیر دونوں طبقات کا روزگار وابستہ ہے، اس فصل سے کثیر زرمبادلہ حاصل ہوتا ہے اور یہ ملکی معیشت کیلئے انتہائی اہم ہے۔

ڈائریکٹر پیسٹ وارننگ محفوظ الحق نے کاشتکاروں کو کپاس کی فصل کو نقصان دہ حشرات سے بچانے کے حوالے سے آگاہی فراہم کی۔

ڈسٹرکٹ کوآرڈینیٹر ریڈز پاکستان رابعہ انور نے کہا کہ ریڈز پاکستان ’’بہترین کپاس انیشیٹو‘‘ کے ذریعے کپاس کی پائیدار اور ماحول دوست کاشتکاری کو فروغ دے رہا ہے۔ عالمی یوم کپاس کا مقصد کپاس کی اہمیت کو اجاگر کرنا ہے۔ انہوں نے ریڈز کی بہترین زرعی طریقہ کار کو اپنانے اور رویوں میں تبدیلی کیلئے کام کرنے والے کسانوں کو خراج تحسین پیش کرتے ہوئے کہا کہ مختلف محکمے اور سٹیک ہولڈرز ریڈز کے ساتھ مل کر کام کر رہے ہیں۔

رابعہ انور نے کہا کہ ریڈز زمین کی بہتری، واٹر مینجمنٹ اور دیگر اقدامات پر کام کر رہا ہے جبکہ کسانوں کو وسائل کے کم سے کم استعمال سے پیداوار بڑھانے کی تربیت دی جا رہی ہے۔ کسان فصل کاشت کرنے سے قبل زمین کا معائنہ لازمی کرائیں۔

ڈائریکٹر کمیونیکیشن ریڈز میاں فہد احسان نے کہا کہ 1988ء میں ضلع وہاڑی نے پورے سندھ سے زیادہ کپاس کی پیداوار حاصل کی تھی۔ ریڈز تمام سٹیک ہولڈرز کی استعداد کار بڑھانے کیلئے کام کر رہا ہے اور کپاس کی فصل کے حوالے سے کسانوں کو چھ مرتبہ تربیت فراہم کی جا چکی ہے۔

ریجنل ہیڈ بینک آف پنجاب بلال احمد نے کہا کہ بینک آف پنجاب کاشتکاروں کی مالی معاونت کیلئے قرضہ جات فراہم کر رہا ہے۔ پاکستان کی ترقی کپاس کی کاشت کے فروغ سے ممکن ہے۔

سیمینار میں ایوب ایگریکلچر ریسرچ انسٹی ٹیوٹ کے ڈاکٹر نواز نے بھی کاشتکاروں کو کپاس کی جدید کاشت اور پیداواری ٹیکنالوجی کے حوالے سے تربیت فراہم کی۔ تقریب کے اختتام پر اسسٹنٹ کمشنر انعم اکرم کی قیادت میں آگاہی واک بھی کی گئی

تقریب میں ڈپٹی ڈائریکٹر زراعت رانا محمد عارف، ڈائریکٹر زرعی شماریات عمر بشیر، ڈائریکٹر کمیونیکیشن ریڈز میاں فہد احسان، ڈپٹی ڈائریکٹر انفارمیشن اینڈ پبلک ریلیشنز میاں نعیم عاصم، اسسٹنٹ ڈائریکٹر پیسٹ وارننگ زرناب صابر، دیگر افسران، خواتین و مرد کسانوں کی کثیر تعداد نے شرکت کی۔

07/10/2026

وہاڑی () اسسٹنٹ کمشنر وہاڑی انعم اکرم نے ڈسٹرکٹ ہیڈ کوارٹر ہسپتال وہاڑی کا اچانک دورہ کیا اور ہسپتال میں فراہم کی جانے والی طبی سہولیات، سروس ڈیلیوری، ادویات کی دستیابی، صفائی ستھرائی اور ڈاکٹرز و دیگر سٹاف کی حاضری کا جائزہ لیا۔ اسسٹنٹ کمشنر نے مختلف شعبوں کا معائنہ کرتے ہوئے ہسپتال میں مریضوں کو فراہم کی جانے والی سہولیات کا تفصیلی جائزہ لیا۔

اس موقع پر اسسٹنٹ کمشنر انعم اکرم نے زیر علاج مریضوں اور ان کے لواحقین سے ملاقات کی اور علاج معالجہ، ادویات کی فراہمی اور دیگر طبی سہولیات کے بارے میں دریافت کیا۔ مریضوں نے ہسپتال میں فراہم کی جانے والی طبی سہولیات اور علاج معالجہ پر اطمینان کا اظہار کیا۔

اسسٹنٹ کمشنر انعم اکرم نے کہا کہ وزیر اعلیٰ پنجاب مریم نواز شریف کے وژن کے مطابق سرکاری ہسپتالوں میں عوام کو بہترین علاج معالجہ اور معیاری سروس ڈیلیوری کی فراہمی یقینی بنانے کیلئے مانیٹرنگ وزٹس کا سلسلہ جاری ہے۔ ہسپتالوں میں صفائی ستھرائی، ادویات کی دستیابی، ڈاکٹرز و طبی عملے کی حاضری اور مریضوں کو بروقت طبی سہولیات کی فراہمی پر کسی قسم کی غفلت برداشت نہیں کی جائے گی۔

07/10/2026

وہاڑی() اسسٹنٹ کمشنر وہاڑی انعم اکرم کی زیرِ صدارت ماچھیوال میں نمبرداران کنونشن کا انعقاد کیا گیا۔ کنونشن میں نمبرداران نے شرکت کی، جبکہ اس موقع پر مختلف ریونیو امور، گرین پراپرٹی سرٹیفکیٹس کے اجراء اور شجرکاری مہم کے حوالے سے تفصیلی تبادلہ خیال کیا گیا۔

اسسٹنٹ کمشنر انعم اکرم نے نمبرداران کو ہدایت کی کہ نمبرداری گرانٹ کے رقبہ پر بھرپور شجرکاری کی جائے اور لگائے گئے درختوں کی نگہداشت کو بھی یقینی بنایا جائے۔ انہوں نے کہا کہ گرین پراپرٹی سرٹیفکیٹس کے اجراء کے عمل میں بھی نمبرداران اپنا مؤثر کردار ادا کریں، کیونکہ گرین پراپرٹی سرٹیفکیٹ زمین کی ملکیت اور قبضہ کی تصدیق کا ضامن ہے۔

انہوں نے مزید ہدایت کی کہ آبیانہ، زرعی انکم ٹیکس اور دیگر ریونیو واجبات کی وصولی کے لیے نمبرداران ضلعی انتظامیہ اور محکمہ مال کے ساتھ بھرپور تعاون کریں اور ریکوری کے عمل کو مزید مؤثر بنایا جائے۔ اسسٹنٹ کمشنر انعم اکرم نے کہا کہ ریونیو معاملات میں عوام کو سہولت کی فراہمی اور سرکاری واجبات کی بروقت وصولی انتظامیہ کی ترجیحات میں شامل ہے۔

06/10/2026

03/10/2026

وہاڑی () اسسٹنٹ کمشنر وہاڑی انعم اکرم نے اراضی ریکارڈ سنٹر کا دورہ کیا اور گرین پراپرٹی سرٹیفیکیٹس کے اجراء، ویلیو ایشن ٹیبل، کھیوٹ میوٹیشن ایشوز اور ریونیو سروسز کی فراہمی کا جائزہ لیا۔ اس موقع پر انہوں نے متعلقہ عملہ سے مختلف امور پر بریفنگ لی اور شہریوں کو فراہم کی جانے والی سہولیات کا معائنہ کیا۔

اسسٹنٹ کمشنر انعم اکرم نے گرین پراپرٹی سرٹیفیکیٹس کے اجراء کا عمل تیز کرنے کی ہدایت کرتے ہوئے کہا کہ زیر التوا درخواستوں کو جلد نمٹایا جائے۔ انہوں نے ویلیو ایشن ٹیبل مکمل کرنے اور کھیوٹ میوٹیشن سے متعلق مسائل کو ترجیحی بنیادوں پر جلد حل کرنے کی ہدایت بھی کی۔

اسسٹنٹ کمشنر انعم اکرم نے کہا کہ شہریوں کو ریونیو سے متعلق خدمات کی بروقت اور شفاف فراہمی یقینی بنائی جائے اور ریکارڈ کی درستگی سمیت تمام امور میں مقررہ ضوابط پر عملدرآمد کیا جائے۔

03/10/2026

باتسلیمات ڈپٹی ڈائریکٹر پبلک ریلیشنز حکومت پنجاب وہاڑی
میاں نعیم عاصم
3اکتوبر2026
ہینڈآؤٹ نمبر821

وہاڑی ()اسسٹنٹ کمشنر وہاڑی انعم اکرم نے مریم نواز ہیلتھ کلینک چک نمبر 1 ڈبلیو بی کا وزٹ کیا انہوں نے مریضوں کی آمد کے ریکارڈ، طبی سہولیات، سروس ڈیلیوری، ادویات کی دستیابی اور صفائی کا جائزہ لیا۔ اسسٹنٹ کمشنر نے مجموعی صفائی کی صورتحال کو غیر تسلی بخش قرار دیتے ہوئے صفائی ستھرائی کو یقینی بنانے کی ہدایت کی۔اور کہا کہ وزیراعلیٰ پنجاب مریم نواز شریف کے وژن پر ہسپتالوں میں معیاری علاج معالجہ اور بہترین سروس ڈیلیوری کی فراہمی کیلئے مانیٹرنگ وزٹ جاری ہیں ڈاکٹرز و سٹاف مریضوں سے حسن سلوک سے پیش آئیں اور مریضوں کو علاج معالجہ کی فراہمی میں کسی قسم کی پریشانی نہیں ہونی چاہیے۔

03/10/2026

باتسلیمات ڈپٹی ڈائریکٹر پبلک ریلیشنز حکومت پنجاب وہاڑی
میاں نعیم عاصم
3اکتوبر2026
ہینڈآؤٹ نمبر820,

وہاڑی() اسسٹنٹ کمشنر وہاڑی انعم اکرم کی زیر صدارت چک نمبر575 ای بی میں نمبرداران کا جلسہ عام منعقد ہوا۔اسسٹنٹ کمشنر انعم اکرم نے نمبرداروں کو ہدایت کی کہ اپنی زیر کاشت اراضی پر زیادہ سے زیادہ درخت لگائیں اور شجرکاری کو فروغ دیں۔ انہوں نے کہا کہ درخت لگانا ماحول کو صاف ستھرا اور صحت مند بنانے کے ساتھ ساتھ آنے والی نسلوں کے بہتر مستقبل کی ضمانت ہے۔اسسٹنٹ انعم اکرم نے کہا کہ نمبردار اپنے علاقوں میں شجرکاری کے حوالے سے عوام میں شعور اجاگر کریں اور زیادہ سے زیادہ افراد کو درخت لگانے کی ترغیب دیں۔ انہوں نے ہدایت کی کہ لگائے گئے پودوں کی حفاظت اور مناسب نگہداشت بھی یقینی بنائی جائے تاکہ شجرکاری مہم کے مثبت نتائج حاصل ہو سکیں۔اسسٹنٹ کمشنر نے کہا کہ حکومت پنجاب ماحولیاتی بہتری اور سرسبز پنجاب کے فروغ کے لیے عملی اقدامات کر رہی ہے، جس میں عوامی تعاون بنیادی اہمیت رکھتا ہے۔