Pakistan People Party Youth Wing Wana STWD

Pakistan People Party Youth Wing Wana STWD Contact information, map and directions, contact form, opening hours, services, ratings, photos, videos and announcements from Pakistan People Party Youth Wing Wana STWD, Political Party, Wana.

جنوبی وزیرستان لوئر کے معزز والدین اور عوام سے گزارش ہے کہ اپنی بچیوں کی صحت کے تحفظ اور مستقبل میں سرویکل کینسر جیسے خط...
11/11/2026

جنوبی وزیرستان لوئر کے معزز والدین اور عوام سے گزارش ہے کہ اپنی بچیوں کی صحت کے تحفظ اور مستقبل میں سرویکل کینسر جیسے خطرناک مرض سے بچاؤ کے لیے HPV ویکسینیشن مہم کو کامیاب بنانے میں محکمہ صحت کا ساتھ دیں۔ اس حوالے سے پھیلائی جانے والی غیر مصدقہ خبروں اور افواہوں سے گریز کریں اور مستند طبی معلومات کو ترجیح دیں۔ اپنی بچیوں کی بہتر صحت اور محفوظ زندگی کے لیے بروقت ویکسینیشن کو یقینی بنائیں۔

احمد وزیر
سابق صدر ، وانا چیئرمینز اتحاد

02/11/2026

جمعیت سے تعلق رکھنے والے فاٹا چیئرمین ہلال احمر کو توسیع کس بنیاد پر دی گئی؟۔دوست رہنمائی فرمائے۔۔

اپر وزیرستان میں مانیٹرنگ کمیٹی قائم، لوئر وزیرستان کے لیے یہ اقدام کب ہوگا؟ — احمد وزیرجنوبی وزیرستان اپر میں ترقیاتی م...
29/10/2026

اپر وزیرستان میں مانیٹرنگ کمیٹی قائم،
لوئر وزیرستان کے لیے یہ اقدام کب ہوگا؟ — احمد وزیر

جنوبی وزیرستان اپر میں ترقیاتی منصوبوں کی نگرانی، تعمیراتی معیار، شفافیت اور بروقت تکمیل کو یقینی بنانے کے لیے ضلعی مانیٹرنگ کمیٹی کا قیام خوش آئند اقدام ہے، تاہم جنوبی وزیرستان لوئر، خصوصاً وانا کے عوام یہ سوال کرنے میں حق بجانب ہیں کہ ان کے ضلع میں ایسی کمیٹی کب قائم کی جائے گی؟
وانا کونسلرز اتحاد کے صدر اور پاکستان پیپلز پارٹی ویلج غلجہ کے سابقہ چیئرمین احمد وزیر نے اپنے بیان میں کہا کہ ترقیاتی منصوبے عوام کے ٹیکسوں اور سرکاری وسائل سے مکمل کیے جاتے ہیں، اس لیے ان کے معیار، شفافیت اور بروقت تکمیل کی نگرانی بھی ناگزیر ہے۔ ترقیاتی اسکیموں میں فنی خامیوں کی نشاندہی، فنڈز کے درست استعمال اور تعمیراتی کاموں کے معیار کو یقینی بنانے کے لیے مؤثر مانیٹرنگ کا نظام ہونا چاہیے۔
انہوں نے کہا کہ اگر جنوبی وزیرستان اپر میں ترقیاتی منصوبوں کی نگرانی کے لیے ضلعی مانیٹرنگ کمیٹی قائم کی جا سکتی ہے تو جنوبی وزیرستان لوئر کو اس عمل سے محروم رکھنے کی وجہ بھی واضح کی جانی چاہیے۔ لوئر وزیرستان کے عوام بھی معیاری ترقیاتی منصوبوں، شفافیت اور مساوی انتظامی توجہ کے حق دار ہیں۔
احمد وزیر نے ضلعی انتظامیہ، ضلعی پلاننگ آفیسر اور متعلقہ اعلیٰ حکام سے مطالبہ کیا کہ جنوبی وزیرستان لوئر میں بھی فوری طور پر ضلعی مانیٹرنگ کمیٹی قائم کی جائے، جس میں متعلقہ تکنیکی ماہرین کو شامل کرکے جاری ترقیاتی منصوبوں کے باقاعدہ فیلڈ معائنے، پیش رفت کی رپورٹس اور تعمیراتی معیار کی جانچ کو یقینی بنایا جائے۔
انہوں نے مزید کہا کہ ترقیاتی منصوبوں کی نگرانی کسی ایک ضلع تک محدود نہیں ہونی چاہیے۔ دونوں اضلاع کے عوام کو یکساں انتظامی توجہ اور ترقیاتی منصوبوں میں شفافیت فراہم کرنا متعلقہ حکام کی ذمہ داری ہے۔

احمد وزیر نے مطالبہ کیا کہ جنوبی وزیرستان لوئر میں بھی مانیٹرنگ کمیٹی کے قیام کے لیے فوری عملی اقدامات کیے جائیں، تاکہ عوامی فنڈز کے مؤثر استعمال اور ترقیاتی منصوبوں کی بروقت و معیاری تکمیل کو یقینی بنایا جا سکے۔

منجانب:
صدر، وانا کونسلرز اتحاد
سابقہ چیئرمین ویلج غلجہ رہنما پاکستان پیپلز پارٹی لوئر وزیرستان
Deputy Commissioner South Waziristan Lower
Deputy Commissioner South Waziristan Lower
Dera News Point ڈیرہ نیوز پوینٹ
Chief Secretary Khyber Pakhtunkhwa
Wana Press Club News
Wana Times / وانا ٹائمز
Waziristan Khabernama
Wana express News
Faisal Karim Kundi
Governor Khyber Pakhtunkhwa
Amanullah Wazir
SHah Zad Khan
AD Adnan Wazir


#خیبرپختونخوا

پاکستان پیپلز پارٹی مرج اضلاع کے صدور، جنرل سیکریٹریز اور انفارمیشن سیکریٹریز کا اہم اجلاسپاکستان پیپلز پارٹی مرج اضلاع ...
28/10/2026

پاکستان پیپلز پارٹی مرج اضلاع کے صدور، جنرل سیکریٹریز اور انفارمیشن سیکریٹریز کا اہم اجلاس

پاکستان پیپلز پارٹی مرج اضلاع کے صدور، جنرل سیکریٹریز اور انفارمیشن سیکریٹریز کا ایک اہم اجلاس جنرل سیکریٹری پاکستان پیپلز پارٹی ضلع مہمند وحید مومند کے حجرے پر منعقد ہوا، جس میں ایریا ریپریزنٹیٹو کونسل کے حوالے سے شدید تحفظات کا اظہار کیا گیا۔

اجلاس میں متفقہ طور پر فیصلہ کیا گیا کہ اگر پارٹی قیادت کی جانب سے مرج اضلاع کے کارکنان کے تحفظات دور نہ کیے گئے تو اپنے مطالبات کے حصول کے لیے آخری حد تک جائیں گے۔

اجلاس میں چیئرمین پاکستان پیپلز پارٹی بلاول بھٹو زرداری سے پُرزور مطالبہ کیا گیا کہ خیبرپختونخوا کے دیگر اضلاع اور مرج اضلاع کے مسائل اور زمینی حقائق میں فرق ہے، لہٰذا مرج اضلاع کے لیے الگ کابینہ تشکیل دی جائے تاکہ ان علاقوں کے مسائل کو مؤثر انداز میں حل کیا جا سکے اور کارکنان کو مناسب نمائندگی مل سکے۔

اجلاس میں یہ بھی فیصلہ کیا گیا کہ مرج اضلاع کے مسائل، تنظیمی امور اور کارکنان کے تحفظات سے چیئرمین بلاول بھٹو زرداری اور محترمہ فریال تالپور کو آگاہ کرنے کے لیے جلد ملاقات کی جائے گی۔

اجلاس کے شرکاء نے اس عزم کا اظہار کیا کہ مرج اضلاع کے کارکنان کے حقوق، تنظیمی نمائندگی اور جائز مطالبات کے لیے مشترکہ طور پر آواز بلند کی جائے گی۔
Asifa Bhutto Zardari Parliament
Pakistan Peoples Party - PPP
Bilawal Bhutto Zardari
Ahmad Karim Kundi
Faisal Karim Kundi
Asif Ali Zardari
PPP - People's Pioneer Party

گورنر راج کے بعد عوام کو ریلیف دینا بھی گورنر کی ذمہ داری ہے!صوبے میں گورنر راج نافذ کرنا اگر ناگزیر تھا، تو اب عوامی مش...
27/10/2026

گورنر راج کے بعد عوام کو ریلیف دینا بھی گورنر کی ذمہ داری ہے!
صوبے میں گورنر راج نافذ کرنا اگر ناگزیر تھا، تو اب عوامی مشکلات کا خاتمہ اور انہیں عملی ریلیف فراہم کرنا بھی گورنر صاحب کی اولین ذمہ داری ہونی چاہیے۔
تجاوزات کے خلاف آپریشن خوش آئند ہے، لیکن سوال یہ ہے کہ کیا عوام کو صرف تجاوزات سے پاک سڑکیں درکار ہیں؟ حقیقت یہ ہے کہ مہنگائی، بے روزگاری اور بدامنی نے عام آدمی کی زندگی اجیرن بنا دی ہے۔ اطلاعات کے مطابق ایل پی جی کی قیمت 650 روپے فی کلو تک پہنچ چکی ہے، جبکہ آٹے اور دیگر ضروری اشیائے خورونوش کی بڑھتی قیمتیں غریب عوام کی قوتِ خرید ختم کر رہی ہیں۔
عوام کو انتظامی کارروائیوں کے ساتھ عملی ریلیف بھی چاہیے۔ سرکاری دفاتر میں سفارش کے بغیر جائز کاموں کی انجام دہی، رشوت اور اقربا پروری کا خاتمہ، بلاامتیاز انصاف اور عوامی مسائل کا فوری حل یقینی بنانا بھی انتظامیہ کی بنیادی ذمہ داری ہے۔ عام شہری کو اپنے جائز کام کے لیے سفارشیں تلاش کرنے اور دفاتر کے چکر لگانے پر مجبور نہیں ہونا چاہیے۔
گورنر صاحب! عوام کو ریلیف دیں، صرف دعوے نہیں!
تجاوزات کے خلاف آپریشن کے ساتھ مہنگائی پر قابو پانے، ایل پی جی اور آٹے کی قیمتوں میں مناسب کمی، روزگار کے مواقع پیدا کرنے، امن و امان کی بحالی اور سرکاری اداروں میں کرپشن کے خاتمے کے لیے بھی ٹھوس اقدامات کیے جائیں۔
یاد رکھیے! گورنر راج کی کامیابی کا معیار صرف انتظامی کارروائیاں نہیں، بلکہ عوام کی زندگیوں میں آنے والی مثبت تبدیلی ہے۔ جب غریب کو سستی اشیائے ضروریہ، نوجوان کو روزگار، شہری کو تحفظ اور ہر شخص کو انصاف ملے گا، تب ہی عوام محسوس کریں گے کہ حکومتی اقدامات سے انہیں حقیقی فائدہ پہنچا ہے۔
عوام کو صرف تجاوزات سے پاک سڑکیں نہیں، بلکہ مہنگائی سے نجات، روزگار، امن، انصاف اور باعزت زندگی بھی چاہیے۔

منجانب: احمد وزیر رہنما پاکستان پیپلز پارٹی، لوئر وزیرستان، وانا
Asifa Bhutto Zardari Parliament
Pakistan Peoples Party - PPP
Bilawal Bhutto Zardari
Faisal Karim Kundi
Ahmad Karim Kundi

پشاور پاکستان پیپلز پارٹی خیبرپختونخوا کے صوبائی صدر منتخب ہونے پر محمد علی شاہ باچا صاحب کو بہت بہت مبارک ہو میں چیئرمی...
27/10/2026

پشاور
پاکستان پیپلز پارٹی خیبرپختونخوا کے صوبائی صدر منتخب ہونے پر محمد علی شاہ باچا صاحب کو بہت بہت مبارک ہو
میں چیئرمین بلاول بھٹو زرداری صاحب کا بھی شکریہ ادا کرتا ہوں جنہوں نے ایک دفعہ پھر سے محمد علی شاہ باچہ صاحب پر اعتماد کرکے پیپلز پارٹی کی صوبائی صدر کا نوٹیفکیشن جاری کیا
محمد علی شاہ باچہ صاحب ایک دلیر عیرت مند نظریاتی جیالہ کے ساتھ ساتھ ورکرز کلاس لیڈر بھی یے ہمیں آمید ہے کہ محمد علی شاہ باچہ صاحب کے زیر قیادت خیبرپختونخوا میں پیپلز پارٹی عوام کی خدمت جاری رکھے گے
Bilawal Bhutto Zardari
Pakistan Peoples Party - PPP
Asifa Bhutto Zardari Parliament

جنوبی وزیرستان لوئر کے طلبہ کے مستقبل سے کھیلنا بند کیا جائے، سابق وانا چیئرمینز اتحاد صدر احمد وزیروانا : سابق وانا چیئ...
11/10/2026

جنوبی وزیرستان لوئر کے طلبہ کے مستقبل سے کھیلنا بند کیا جائے، سابق وانا چیئرمینز اتحاد صدر احمد وزیر

وانا : سابق وانا چیئرمینز اتحاد صدر احمد وزیر نے اپنے ایک بیان میں کہا ہے کہ ڈپٹی کمشنر جنوبی وزیرستان لوئر مسرت زمان کے مطابق صرف اُن طلبہ کے پروفارموں پر دستخط کیے جائیں گے جنہوں نے گورنمنٹ ڈگری کالج وانا سے ایف ایس سی کیا ہو۔

احمد وزیر نے کہا کہ خدارا، خدا کا خوف کریں اور طلبہ کے مستقبل پر رحم کریں! گورنمنٹ ڈگری کالج وانا میں ایم ڈی کیٹ پاس کرنے والے طلبہ کی تعداد نہ ہونے کے برابر ہے۔ ایسے میں جنوبی وزیرستان لوئر کے اُن طلبہ کو نظرانداز کرنا، جنہوں نے خیبرپختونخوا کے دیگر سرکاری و نجی کالجوں سے ایف ایس سی مکمل کیا اور ایم ڈی کیٹ پاس کیا ہے، اُن کے ساتھ ناانصافی ہوگی۔

انہوں نے کہا کہ جنوبی وزیرستان لوئر کے طلبہ بھی اسی علاقے کے باشندے ہیں اور انہیں اپنے جائز تعلیمی حقوق سے محروم نہیں کیا جانا چاہیے۔ محض اس بنیاد پر کہ کسی طالب علم نے دوسرے کالج سے ایف ایس سی کیا ہے، اُس کے مستقبل کی راہ میں رکاوٹیں کھڑی کرنا مناسب نہیں۔

احمد وزیر نے ڈپٹی کمشنر جنوبی وزیرستان لوئر مسرت زمان اور متعلقہ حکام سے مطالبہ کیا کہ اس فیصلے پر نظرثانی کی جائے اور جنوبی وزیرستان لوئر کے تمام اہل طلبہ کے پروفارموں پر متعلقہ قواعد کے مطابق دستخط اور کارروائی یقینی بنائی جائے۔

انہوں نے مزید کہا کہ یہ نوجوانوں کے مستقبل کا معاملہ ہے، اس لیے کسی کے ساتھ امتیازی سلوک نہ کیا جائے اور طلبہ کو میرٹ اور قواعد کے مطابق اپنے تعلیمی حقوق حاصل کرنے کا پورا موقع دیا جائے۔ طلبہ کا مستقبل بچائیں، اُن کے تعلیمی راستے بند نہ کریں!

ڈسٹرکٹ پریس کلب وانا کے صدر قسمت اللہ وزیر اور وانا کی صحافی برادری علاقائی مسائل کو موثر انداز میں اجاگر کرنے کے لئے مح...
15/09/2026

ڈسٹرکٹ پریس کلب وانا کے صدر قسمت اللہ وزیر اور وانا کی صحافی برادری علاقائی مسائل کو موثر انداز میں اجاگر کرنے کے لئے محدود وسائل اور مختلف مشکلات کے باوجود گراؤنڈ پر اپنی ذمہ داریاں احسن طریقے سے انجام دے رہی ہے۔ حکومت کیجانب سے عدم تعاون کے باوجود وانا کے صحافی عوامی مسائل کو اجاگر کرنے اور متعلقہ اداروں تک عوام کی آواز پہنچانے میں اپنا کردار ادا کر رہے ہیں۔

ملک یار محمد کیجانب سے وائس میسج میں صحافی برادری کے حوالے سے استعمال کئے گئے غیر ذمہ دارانہ اور نامناسب الفاظ کی بھرپور مذمت کرتا ہوں۔ خدارا اپنے علاقے اور یہاں کے لوگوں کی خدمات اور کردار کی قدر کریں۔ اگر کسی کی حوصلہ افزائی یا حمایت نہیں کر سکتے تو کم از کم بے بنیاد الزامات اور غیر ذمہ دارانہ گفتگو سے گریز کرنا چاہیے۔

میں بحیثیت جنرل سیکرٹری پاکستان پیپلز پارٹی جنوبی وزیرستان لوئر وانا کی صحافی برادری کی خدمات کو قدر کی نگاہ سے دیکھتا ہوں۔ جب بھی ہم نے عوامی مسائل کے حل کے لئے احتجاجی دھرنے دیے یا کسی معاملے پر مذمت کی، وانا کے صحافیوں نے ذمہ داری کا مظاہرہ کرتے ہوئے ان سرگرمیوں کو بھرپور کوریج دی اور عوامی آواز کو اجاگر کیا۔ وانا ایک پسماندہ اور مشکلات سے دوچار علاقہ ہے، جہاں سیاست اور صحافت دونوں ہی آسان کام نہیں۔ ایسے حالات میں جو لوگ عوامی مسائل کو سامنے لانے کے لئے گراؤنڈ پر کردار ادا کر رہے ہیں، ان کی حوصلہ افزائی ہونی چاہیے، نہ کہ ان کی تضحیک یا کردار کشی۔

محکمہ جنگلات سے بھی گزارش ہے کہ وہ اپنی ذمہ داریاں مؤثر اور شفاف انداز میں ادا کرے، عوامی شکایات کا ازالہ کرے ۔

عمران مخلص وزیر
جنرل سیکرٹری پاکستان پیپلز پارٹی جنوبی وزیرستان لوئر

وانا : پاکستان پیپلز پارٹی جنوبی وزیرستان لوئر کے ضلعی صدر امان اللہ وزیر نے ڈیرہ اسماعیل خان میں سندھ انسٹی ٹیوٹ آف یور...
09/07/2026

وانا : پاکستان پیپلز پارٹی جنوبی وزیرستان لوئر کے ضلعی صدر امان اللہ وزیر نے ڈیرہ اسماعیل خان میں سندھ انسٹی ٹیوٹ آف یورولوجی اینڈ ٹرانسپلانٹیشن (SIUT) کے طرز پر جدید گردوں کے ہسپتال کے قیام کو صحت کے شعبے میں ایک تاریخی اور انقلابی پیش رفت قرار دیتے ہوئے کہا ہے کہ یہ منصوبہ نہ صرف ڈیرہ اسماعیل خان بلکہ جنوبی اضلاع اور پورے خیبرپختونخوا کے عوام کے لیے ایک بڑی خوشخبری ہے۔

انہوں نے کہا کہ اس جدید طبی مرکز کے قیام سے گردوں کے امراض میں مبتلا ہزاروں مریضوں کو معیاری، بروقت اور جدید طبی سہولیات اپنے ہی خطے میں دستیاب ہوں گی، جس سے انہیں علاج کی غرض سے دور دراز شہروں کے سفر، اضافی اخراجات اور مشکلات سے نجات ملے گی۔

امان اللہ وزیر نے اس عوامی فلاحی منصوبے پر وزیراعلیٰ سندھ مراد علی شاہ، گورنر خیبرپختونخوا فیصل کریم کنڈی اور چیئرمین پاکستان پیپلز پارٹی کا دلی شکریہ ادا کرتے ہوئے کہا کہ ان رہنماؤں نے عوام کو بہتر طبی سہولیات کی فراہمی کے لیے قابلِ تحسین کردار ادا کیا ہے۔

انہوں نے کہا کہ اس منصوبے کو عملی شکل دینے میں گورنر خیبرپختونخوا فیصل کریم کنڈی کی مسلسل کاوشیں، ذاتی دلچسپی اور مؤثر کردار انتہائی اہم رہا، جس پر وہ خراجِ تحسین کے مستحق ہیں۔

ضلعی صدر امان اللہ وزیر نے امید ظاہر کی کہ یہ جدید ہسپتال گردوں کے مریضوں کے لیے معیاری علاج کی فراہمی میں اہم کردار ادا کرے گا اور جنوبی وزیرستان سمیت ملحقہ اضلاع کے عوام کو صحت کی جدید سہولیات ان کی دہلیز پر میسر آئیں گی۔

انہوں نے کہا کہ ایسے فلاحی منصوبے عوام کی زندگیوں میں مثبت تبدیلی لانے اور صحت کے نظام کو مزید مضبوط بنانے میں سنگِ میل ثابت ہوں گے۔

وانا : سابق صدر وانا چیئرمینز اتحاد اور پاکستان پیپلز پارٹی جنوبی وزیرستان لوئر کے سینئر رہنما احمد وزیر نے مطالبہ کیا ہ...
08/07/2026

وانا : سابق صدر وانا چیئرمینز اتحاد اور پاکستان پیپلز پارٹی جنوبی وزیرستان لوئر کے سینئر رہنما احمد وزیر نے مطالبہ کیا ہے کہ ڈسٹرکٹ ہیڈکوارٹر ہسپتال وانا کے لاجسٹک آفیسر بابر اور اسسٹنٹ لاجسٹک آفیسر کے خلاف سامنے آنے والے الزامات کی غیر جانبدارانہ، شفاف اور فوری تحقیقات کرائی جائیں۔

انہوں نے کہا کہ مختلف شکایات کے مطابق ہسپتال میں بعض ڈاکٹروں کو مبینہ طور پر ہراساں کیا جاتا ہے، جس کے باعث متعدد ڈاکٹر اپنی خدمات ترک کرنے پر مجبور ہوئے۔

انہوں نے مزید کہا کہ یہ الزامات بھی سامنے آئے ہیں کہ سرکاری رہائش گاہیں قواعد و ضوابط کے برعکس غیر متعلقہ افراد اور بعض پولیس اہلکاروں کے حوالے کی گئی ہیں، جس سے انتظامی بے ضابطگیوں اور سیکیورٹی سے متعلق خدشات جنم لے سکتے ہیں۔

احمد وزیر نے کہا کہ متعلقہ افسران پر کرپشن، اختیارات کے ناجائز استعمال اور انتظامی بدعنوانی کے الزامات بھی عائد کیے جا رہے ہیں، جن کی مکمل اور شفاف تحقیقات ناگزیر ہیں۔

انہوں نے مطالبہ کیا کہ اگر تحقیقات میں الزامات درست ثابت ہوں تو ذمہ دار افراد کے خلاف قانون کے مطابق سخت کارروائی عمل میں لائی جائے، جبکہ الزامات بے بنیاد ثابت ہونے کی صورت میں حقائق عوام کے سامنے لائے جائیں تاکہ تمام شکوک و شبہات کا خاتمہ ہو سکے۔

انہوں نے زور دیا کہ عوام کو شفاف، محفوظ اور معیاری طبی سہولیات کی فراہمی ریاست اور متعلقہ اداروں کی بنیادی ذمہ داری ہے۔

Address

Wana

Website

Alerts

Be the first to know and let us send you an email when Pakistan People Party Youth Wing Wana STWD posts news and promotions. Your email address will not be used for any other purpose, and you can unsubscribe at any time.

Shortcuts

Share