Deputy Commissioner Ziarat

07/10/2026

زیارت خبرنامہ7اکتوبر 2026
ڈپٹی کمشنر زیارت عبدالقدوس اچکزئی، اسسٹنٹ کمشنر زیارت حبیب الرحمن کاکڑ اور چیئرمین میونسپل کمیٹی سنجاوی حاجی خان محمد دمڑ نے عبدالستار کاکڑ کی رہائش گاہ پر حاضری دی اور ان کے بھائی کے انتقال پر گہرے رنج و غم اور دلی تعزیت کا اظہار کیا۔
اس موقع پر ڈپٹی کمشنر عبدالقدوس اچکزئی اور دیگر نے مرحوم کے ایصالِ ثواب کے لیے فاتحہ خوانی کی اور دعا کی کہ اللہ تعالیٰ مرحوم کو اپنی جوارِ رحمت میں جگہ عطا فرمائے، ان کے درجات بلند فرمائے اور سوگوار خاندان کو یہ صدمہ صبر و حوصلے کے ساتھ برداشت کرنے کی توفیق عطا فرمائے۔ڈپٹی کمشنرعبدالقدوس اچکزئی نے سوگوار خاندان سے اظہارِ ہمدردی کرتے ہوئے کہا کہ غم کی اس گھڑی میں ضلعی انتظامیہ ان کے ساتھ ہے اور دکھ کی اس گھڑی میں ان کے غم میں برابر کی شریک ہے۔

07/10/2026

سنجاوی خبرنامہ — 7 اکتوبر 2026
*ڈپٹی کمشنر عبدالقدوس اچکزئی اور سپرنٹینڈنٹ آف پولیس زیارت عبدالمالک درانی کی ہدایت پر، سنجاوی میں پاک فوج سے اظہارِ یکجہتی کے لیے شاندار ریلی کا انعقاد*
ڈپٹی کمشنر زیارت عبدالقدوس اچکزئی اور سپرنٹینڈنٹ آف پولیس زیارت عبدالمالک درانی کی ہدایات پر سنجاوی میں پاک فوج سے اظہارِ یکجہتی اور قومی اتحاد کے عزم کے اظہار کے لیے ایک شاندار ریلی کا انعقاد کیا گیا۔ ریلی کی نگرانی اسسٹنٹ کمشنر سنجاوی شیر شاہ غلزئی، ڈی ایس پی محبوب علی اور ایس ایچ او تھانہ سنجاوی امجد علی نے کی۔ریلی کا آغاز اسسٹنٹ کمشنر آفس سنجاوی سے ہوا، جو سنجاوی بائی پاس سے ہوتی ہوئی پرانے سنجاوی پہنچی، جہاں سے مرکزی بازار سے گزرتے ہوئے دوبارہ اسسٹنٹ کمشنر آفس پہنچ کر اختتام پذیر ہوئی۔ریلی میں شہریوں، طلبہ، سول سوسائٹی کے نمائندوں اور مختلف مکاتبِ فکر سے تعلق رکھنے والے افراد نے بڑی تعداد میں شرکت کی۔ شرکاء نے قومی پرچم اٹھائے ہوئے "پاکستان زندہ باد" اور "پاک فوج زندہ باد" کے نعرے بلند کیے اور ملکی سلامتی، قومی اتحاد اور یکجہتی کے ساتھ اپنی وابستگی کا اظہار کیا۔اس موقع پر سنجاوی کے قبائلی عمائدین، سرداروں اور ملک صاحبان کے ساتھ ایک خصوصی اجلاس بھی منعقد کیا گیا۔ اجلاس میں قبائلی عمائدین نے پاک فوج کے ساتھ مکمل یکجہتی کا اظہار کرتے ہوئے علاقے میں امن و امان کے قیام، قومی اتحاد، بھائی چارے اور باہمی ہم آہنگی کے فروغ کے لیے اپنے بھرپور تعاون کے عزم کا اعادہ کیا۔
اسسٹنٹ کمشنر سنجاوی شیر شاہ غلزئی نے ریلی میں عوام، طلبہ، سول سوسائٹی اور قبائلی عمائدین کی بھرپور شرکت کو سراہتے ہوئے کہا کہ سنجاوی کے عوام نے ہمیشہ امن، قومی اتحاد اور ملکی استحکام کے لیے مثبت کردار ادا کیا ہے۔ عوام اور ریاستی اداروں کے درمیان باہمی تعاون اور اعتماد ہی ملک کی ترقی، استحکام اور خوشحالی کی بنیاد ہے۔انہوں نے کہا کہ پاک فوج اور دیگر سیکیورٹی ادارے ملکی سلامتی اور عوام کے تحفظ کے لیے اپنی ذمہ داریاں انجام دے رہے ہیں، جبکہ سنجاوی کے عوام امن و استحکام کے فروغ کے لیے ان کے ساتھ بھرپور تعاون جاری رکھیں گے۔ریلی کے اختتام پر ملکی سلامتی، امن، استحکام اور خوشحالی کے لیے خصوصی دعا بھی کی گئی۔

07/10/2026

زیارت خبرنامہ — 7 اکتوبر 2026
*ڈپٹی کمشنر عبدالقدوس اچکزئی کی جانب سےزیارت میں پاک فوج سے اظہارِ یکجہتی کے لیے شاندار ریلی کا انعقاد* پاک فوج سے اظہارِ یکجہتی، قومی اتحاد اور ملکی سلامتی کے عزم کے اظہار کے لیے ڈپٹی کمشنر زیارت عبدالقدوس اچکزئی کی زیرِ صدارت پیدل، موٹر کار اور موٹر سائیکل ریلی کا انعقاد کیا گیا۔ریلی کا آغاز ڈپٹی کمشنر آفس زیارت سے ہوا، جو شہر کی مختلف شاہراہوں سے ہوتی ہوئی واپس ڈپٹی کمشنر آفس پہنچ کر اختتام پذیر ہوئی۔ ریلی میں ضلعی انتظامیہ، ایف سی، پولیس، مختلف سرکاری محکموں کے افسران و اہلکاروں، اسکول کے طلباء اور مختلف مکاتبِ فکر سے تعلق رکھنے والے افراد نے بھرپور شرکت کی۔ریلی کے شرکاء نے "پاک فوج زندہ باد"، "پاکستان زندہ باد"، "پاک فوج ہمارا فخر ہے" اور "پاکستان اور پاک فوج یک جان" کے پرجوش نعرے بلند کیے۔ شرکاء نے قومی پرچم لہراتے ہوئے پاک فوج کے ساتھ اپنی بھرپور یکجہتی اور حمایت کا اظہار کیا۔
اس موقع پر ڈپٹی کمشنر زیارت عبدالقدوس اچکزئی نے اسکول کے بچوں اور مختلف مکاتبِ فکر سے تعلق رکھنے والے افراد میں مٹھائی تقسیم کی۔ انہوں نے کہا کہ پاک فوج ملک کی جغرافیائی اور نظریاتی سرحدوں کی حفاظت کے لیے بے مثال خدمات انجام دے رہی ہے۔ قوم کو اپنی بہادر افواج کی قربانیوں، پیشہ ورانہ صلاحیتوں اور حب الوطنی پر فخر ہے۔
ڈپٹی کمشنر نے کہا کہ پاک فوج اور عوام کے درمیان محبت، اعتماد اور یکجہتی کا مضبوط رشتہ قائم ہے۔ ملک کی سلامتی، خودمختاری اور دفاع کے لیے پوری قوم اپنی بہادر افواج کے شانہ بشانہ کھڑی ہے۔ پاک فوج نے ہر مشکل گھڑی میں ملک و قوم کے تحفظ کے لیے قابلِ قدر کردار ادا کیا ہے۔
بعد ازاں ڈپٹی کمشنر عبدالقدوس اچکزئی کی جانب سے پاک فوج سے اظہارِ یکجہتی کے لیے اپنے دفتر میں اجلاس بھی منعقد کیا گیا، جس میں قومی یکجہتی، ملکی سلامتی اور پاک فوج کے ساتھ مکمل اظہارِ یکجہتی کے عزم کا اعادہ کیا گیا۔
اس موقع پر ایف سی 155 ونگ کے کرنل ذیشان، ڈسٹرکٹ پولیس آفیسر عبدالمالک درانی، اسسٹنٹ کمشنر زیارت حبیب الرحمن کاکڑمیونسپل کمیٹی سنجاوی کے چئیرمن حاجی خان محمد دمڑسمیت ضلعی افسران اور دیگر متعلقہ حکام موجود تھے۔

02/10/2026

30/09/2026

زیارت خبرنامہ — 30 ستمبر 2026
*نئے تعینات اسسٹنٹ کمشنر حبیب الرحمن کاکڑ کے اعزاز میں ڈپٹی کمشنرعبدالقدوس اچکزئی کی جانب سے ڈی سی آفس زیارت میں ٹی پارٹی کا انعقاد*
ڈپٹی کمشنر عبدالقدوس اچکزئی کی جانب سے نئے تعینات ہونے والے اسسٹنٹ کمشنر حبیب الرحمن کاکڑ کے اعزاز میں ڈپٹی کمشنر آفس زیارت میں ایک پروقار ٹی پارٹی کا اہتمام کیا گیا۔تقریب میں ڈپٹی کمشنر زیارت عبدالقدوس اچکزئی، ڈسٹرکٹ پولیس آفیسر عبدالمالک درانی، ایف سی 155 ونگ کے میجر عامر، اسسٹنٹ کمشنر حبیب الرحمن کاکڑ، تحصیلدار نور احمد کاکڑ، کلرکس ایسوسی ایشن کے عہدیداران اور ڈپٹی کمشنر آفس کے افسران و اہلکاروں نے شرکت کی۔اس موقع پر ڈپٹی کمشنر زیارت عبدالقدوس اچکزئی نے اسسٹنٹ کمشنر حبیب الرحمن کاکڑ کو نئی ذمہ داریاں سنبھالنے پر مبارکباد پیش کرتے ہوئے نیک خواہشات کا اظہار کیا۔ انہوں نے کہا کہ ضلعی انتظامیہ کی اولین ترجیح عوام کو بروقت اور مؤثر خدمات کی فراہمی، سرکاری امور میں شفافیت اور اداروں کے درمیان باہمی تعاون کو مزید فروغ دینا ہے۔ڈپٹی کمشنر نے کہا کہ تمام افسران اور اہلکار باہمی رابطے اور ٹیم ورک کے جذبے کے تحت اپنی ذمہ داریاں احسن انداز میں انجام دیں تاکہ عوامی مسائل کے حل اور ضلع کی مجموعی ترقی کے عمل کو مزید مؤثر بنایا جا سکے۔
اس موقع پر شرکاء نے نئے تعینات اسسٹنٹ کمشنر حبیب الرحمن کاکڑ کے لیے نیک تمناؤں کا اظہار کیا اور ضلعی انتظامیہ کے ساتھ بھرپور تعاون کے عزم کا اعادہ کیا۔

29/09/2026

زیارت، 23 اپریل 2026
ڈپٹی کمشنر زیارت عبدالقدوس اچکزئی کی زیر صدارت ڈسٹرکٹ واٹر بورڈ کمیٹی کا اجلاس منعقد ہوا۔
اجلاس میں محکمہ ایریگیشن کے محمد ہاشم سارنگزئی، محکمہ پبلک ہیلتھ کے سب انجینئر عبدالغنی، واپڈا کے لائن سپرنٹنڈنٹ خدائے نور، زمیندار ایکشن کمیٹی کے محمد نعیم پانیزئی سمیت دیگر متعلقہ افسران اور عہدیداران نے شرکت کی
ڈپٹی کمشنر عبدالقدوس اچکزئی نے ہدایت کی کہ اجلاس میں ہونے والے فیصلوں پر عملدرآمد یقینی بنایا جائے اور تمام امور میرٹ پر نمٹائے جائیں۔ انہوں نے کہا کہ رِگ بور/برمہ کی تنصیب کے لیے عدم اعتراض سرٹیفکیٹ (NOC) اس وقت تک جاری نہیں کیا جائے گا جب تک محکمہ ایریگیشن اور پبلک ہیلتھ انجینئرنگ کی ٹیکنیکل رپورٹس موصول نہ ہوں۔
اجلاس میں زمینداران کے حق میں این او سی کے حوالے سے ریونیو اسٹاف کی رپورٹس منظور کر لی گئیں۔
انہوں نے مزید کہا کہ پانی ایک قیمتی نعمت ہے اور زمینداروں کو باغات کی آبپاشی کے لیے پانی کیح فراہمی حکومت کی ذمہ داری ہے۔ اس سلسلے میں مؤثر اقدامات کیے جا رہے ہیں۔ عوام کو پانی سمیت بنیادی سہولیات کی فراہمی ہماری اولین ترجیح ہے اور اس میں کسی قسم کی غفلت برداشت نہیں کی جائے گی۔

28/09/2026

ضلع زیارت
مورخہ: 27 ستمبر 2026ء
موضوع: تحصیل زیارت کے علاقہ وام سرانہ کے صنوبر کے جنگلات میں آتشزدگی کے واقعہ کی تازہ رپورٹ

تحصیل زیارت کے پہاڑی علاقہ کِلی وام سرانہ کے صنوبر کے جنگلات میں 25ستمبر2026 کو لگی آگ کی شدت میں کمی واقع ہوئی تھی، تاہم آج دوبارہ آگ بھڑک اٹھی ہے۔
ابتدائی طور پر آگ سے متاثرہ رقبہ تقریباً دو ایکڑ بتایا گیا تھا۔ اس حوالے سے آج ڈپٹی کمشنر آفس زیارت میں ہنگامی اجلاس منعقد ہوئی۔ جس میں ڈپٹی کمشنر زیارت عبدالقدوس اچکزئی، سپرنٹینڈنٹ آف پولیس زیارت عبدالمالک درانی، میجر عامر ایف سی 155ونگ، حبیب الرحمٰن کاکڑاسسٹنٹ کمشنر زیارت، عبد الحسیب کاکڑڈپٹی کنزرویٹر جنگلات زیارت، عبد المجید ڈسٹرکٹ آفیسر سی ٹی ڈی، سپیشل برانچ، انٹیلیجنس ایجنسیز ، نمائندہ پی ڈی ایم اے اور لائن ڈیپارٹمنٹس کے افسران نے شرکت کی۔
چونکہ علاقہ پہاڑی اور حساس نوعیت کا ہے، اس لیے محکمہ جنگلات کے عملہ اور دیگر متعلقہ اداروں کی جانب سے کارروائی کو سیکیورٹی صورتحال کو مدنظر رکھتے ہوئے مربوط کیا جا رہا ہے۔
ضلعی انتظامیہ زیارت کی جانب سے محکمہ جنگلات، پولیس، ایف سی، پی ڈی ایم اے اور دیگر متعلقہ حکام کے ساتھ مسلسل قریبی رابطہ اور باہمی تعاون جاری ہے، جبکہ صورتحال پر مسلسل نظر رکھی جا رہی ہے اور معاملہ کے جلد مؤثر حل کے لیے حکمت عملی کی جارہی ہے۔
ضلعی انتظامیہ زیارت

25/09/2026

ضلع زیارت
مورخہ: 25 ستمبر 2026ء
موضوع: تحصیل زیارت کے علاقہ وام سرانہ کے صنوبر کے جنگلات میں آتشزدگی کے واقعہ کی رپورٹ

آج بروز 25 ستمبر 2026ء تقریباً شام 04:00 بجے تحصیل زیارت کے پہاڑی علاقہ کِلی وام کے صنوبر کے جنگلات میں اچانک آگ بھڑک اٹھی، جو زیارت کے مانگی کے علاقہ کی جانب پھیل گئی۔ ابتدائی اندازے کے مطابق آگ سے متاثرہ رقبہ تقریباً دو ایکڑ پر مشتمل ہے۔
اطلاع موصول ہونے پر ڈپٹی کنزرویٹر جنگلات زیارت نے فوری طور پر محکمہ جنگلات کے عملہ کو جائے وقوعہ پر روانہ کیا، جہاں عملہ کو معلوم ہوا کہ علاقہ میں تقریباً 30 سے 40 مسلح افراد/دہشت گردوں کی موجودگی ہے۔ چنانچہ ضلعی انتظامیہ نے عملہ کی جان و مال کے تحفظ کے پیش نظر انہیں فوری طور پر واپس آنے کی ہدایت کی۔
صورتحال کا جائزہ لینے اور آگ کی شدت و پیش رفت کی نگرانی کے لیے ڈپٹی کمشنر آفس زیارت میں ایک ہنگامی اجلاس طلب کیا گیا، جس میں ڈپٹی کمشنر زیارت عبدالقدوس اچکزئی، عبدالمالک درانی ایس پی زیارت، عبد الحسیب کاکڑڈپٹی کنزرویٹر جنگلات زیارت، میجر عامر او سی 155 ونگ زیارت ایف سی اور حبیب الرحمٰن کاکڑاسسٹنٹ کمشنر زیارت موجود تھے۔
ضلعی انتظامیہ کی جانب سے ایڈیشنل چیف سیکرٹری ہوم و قبائلی امور، سیکرٹری جنگلات و جنگلی حیات، پی ڈی ایم اے، پولیس اور ایف سی کے متعلقہ حکام کے ساتھ مسلسل قریبی رابطہ اور باہمی تعاون جاری ہے۔
ضلعی انتظامیہ زیارت