Revival Belarus

Wskazówki dojazdu Strona internetowa

Revival Belarus Афіцыйная старонка Прадстаўніцтва па нацыянальным адраджэнні

Частка пераходнага кабінета Беларусі. З 2022 года займаемся развіццём беларускай культуры, навукі і адукацыі.

Наша галоўная мэта зараз - укараненне Стратэгіі Нацыянальнага Адраджэння і развіцця для ўмацавання нацыянальнай ідэнтычнасці. Праглядзець стратэгію вы можаце на нашым сайце па спасылцы ў шапцы профіля.


Далучайцеся да нас, падтрымлівайце нашы ідэі! Разам мы будзем фармаваць будучыню!

🔹 Сёння, 8 верасня, — Дзень беларускай вайсковай славы.У гэты дзень мы ўзгадваем Аршанскую бітву 1514 года — перамогу аб...
08/09/2026

🔹 Сёння, 8 верасня, — Дзень беларускай вайсковай славы.

У гэты дзень мы ўзгадваем Аршанскую бітву 1514 года — перамогу аб’яднаных войскаў Вялікага Княства Літоўскага і Каралеўства Польскага над войскам Вялікага Княства Маскоўскага. Войска ВКЛ і Польшчы ўзначальваў вялікі гетман літоўскі Канстанцін Астрожскі.

— Бітва пад Воршай — гэта прыклад таго, як народы ВКЛ — беларусы, украінцы, літоўцы, палякі — мужна і разам змагаліся супраць імперскай агрэсіі ўсходняга суседа, здолеўшы атрымаць перамогу не столькі сілай, колькі розумам. І гэта добры напамін і прыклад для нас сённяшніх, як варта гэтую перамогу здабываць. Разам мы здольныя абараняць нашу свабоду і незалежнасць — гэта наша агульная справа! Дзень беларускай вайсковай славы — гэта таксама і дзень братэрства па зброі з нашымі суседзямі, якія гатовыя абараняць сваё права людзьмі звацца.

Павел Баркоўскі.
Прадстаўнік па нацыянальным адраджэнні

🔹 Адукацыя – адзін з галоўных чыннікаў канструявання ідэнтычнасці і фарміравання асобы, ад якой залежыць самавызначэнне ...
01/09/2026

🔹 Адукацыя – адзін з галоўных чыннікаў канструявання ідэнтычнасці і фарміравання асобы, ад якой залежыць самавызначэнне грамадства і краіны. Менавіта таму нашыя імкненні і надзеі звязаныя з адукацыяй і светам ведаў — за імі будучыня.

На жаль, сёння адукацыя ў Беларусі ўсё больш становіцца інструментам дзяржаўнага кантролю, індактрынацыі і мілітарызацыі моладзі. Ваенная тэматыка, «патрыятычнае выхаванне» і патрабаванне палітычнай лаяльнасці паступова становяцца звычайнай часткай адукацыйнага працэсу.

Найбольш моцна ад гэтага пацярпела вышэйшая адукацыя — праз рэпрэсіі супраць выкладчыкаў і студэнтаў, ізаляцыю ад міжнароднай акадэмічнай супольнасці і адток кадраў. Адначасова прафесійная адукацыя ўсё больш падладжваецца пад патрэбы дэфіцытнага рынку працы і ваенізаванай эканомікі.

Але для больш адэкватнага разумення сітуацыі важна задаваць яшчэ адно пытанне: наколькі глыбока гэтыя ідэі рэальна прымаюцца дзецьмі, бацькамі і настаўнікамі?

Мы добра бачым, што дзяржава ўкараняе ў адукацыйную сістэму. Значна менш мы ведаем пра тое, як гэта ўспрымаецца самім грамадствам. Таму разам з захаваннем свабодных адукацыйных прастораў крытычна важна даследаваць не толькі што дзяржава навязвае, але і як гэтыя наратывы засвойваюцца, прымаюцца ці адхіляюцца грамадствам.

Андрэй Лаўрухін
Намеснік прадстаўніка па нацыянальным адраджэнні ў пытаннях адукацыі і навукі

🔹 25 жніўня — Дзень Незалежнасці Беларусі.Чаму менавіта 25 жніўня, калі раней беларусы адзначалі Дзень Незалежнасці 27 л...
25/08/2026

🔹 25 жніўня — Дзень Незалежнасці Беларусі.

Чаму менавіта 25 жніўня, калі раней беларусы адзначалі Дзень Незалежнасці 27 ліпеня?

27 ліпеня 1990 года Вярхоўны Савет БССР прыняў Дэкларацыю аб дзяржаўным суверэнітэце. А 25 жніўня 1991 года, пасля правалу путчу ў Маскве, Дэкларацыі быў нададзены статус канстытуцыйнага закона. Гэты крок фактычна азначаў аднаўленне поўнай дзяржаўнай незалежнасці Беларусі.
Таму 25 жніўня — гэта не проста яшчэ адна дата ў календары. Гэта дзень, калі незалежнасць Беларусі атрымала рэальнае палітычна-прававое ўвасабленне.

🔹 Дзень Незалежнасці – важная свята для кожнай нацыі, асабліва гэта тычыцца народаў Украіны і Беларусі, якія аднавілі ўласную незалежнасць у 1991 г. Цяпер яднае разуменне той каштоўнасці і цаны, якую даводзіцца плаціць за сапраўдную, а не дэкларатыўную незалежнасць.
Давайце прыгадаем словы нашага вядомага пісьменніка і гісторыка Уладзіміра Арлова, які таксама сёння святкуе свае Народзіны:
«Незалежнасьць — гэта калі ад нараджэньня да скону пачуваесся сваім чалавекам на сваёй зямлі. Я веру, што калі-небудзь так будзе. Бо іначай проста ня варта жыць».
Нам усім варта кіравацца гэтымі словамі, як і час ад часу перачытваць яго эсэ «Незалежнасць — гэта...», каб зразумець, што не так пакуль з гэтым святам, які беларусы адзначаюць з болем у сэрцы, але і з верай у будучыню.

З Днём Незалежнасці, Беларусь!

Павел Баркоўскі,
Прадстаўнік па нацыянальным адраджэнні

Апошнія тры дні мінулага тыдня выдаліся для Прадстаўніцтва па нацыянальным адраджэнні вельмі насычанымі.🔹 Сайд-івент «Мо...
10/08/2026

Апошнія тры дні мінулага тыдня выдаліся для Прадстаўніцтва па нацыянальным адраджэнні вельмі насычанымі.

🔹 Сайд-івент «Мова, культура, адукацыя і медыя: нябачны фронт за Беларусь»:
Прэзентацыя нашых аналітычных даследаванняў і рэкамендацый у фармаце policy paper выклікала шмат цікаўнасці ў наведнікаў і журналістаў. Было шмат пытанняў, каментароў і парад. Натхняе, што людзі не застаюцца абыякавымі да сваёй мовы, адукацыі і культуры і шукаюць шляхі, як палепшыць сітуацыю на фоне маштабнага крызісу.

🔹 Канферэнцыя «Новая Беларусь» 2026:
Як удзельнікі аргкамітэта мы ўкладаліся ў распрацоўку праграмы, запрашэнне спікераў і традыцыйна адказвалі за цырымонію ўзнагароджання. Канферэнцыя спарадзіла шмат гарачых абмеркаванняў, новых праектаў і смелых планаў на будучыню.
Андрэй Лаўрухін, спікер ад Прадстаўніцтва, падчас адной з панэляў акрэсліў меры для ўзмацнення патэнцыялу адукацыйных праектаў, падтрымкі паўстання нацыянальнага ўніверсітэту і пераўтварэння беларускай адукацыйнай супольнасці ў міжнародна суб’ектную.

🔹 Акцыя да Дня Годнасці ў цэнтры Варшавы:
Дзякуем усім партнёрам, найперш уладам Варшавы, за салідарнасць і падтрымку — падсвятленне Палаца навукі і культуры ў колеры нашага сцяга і абвесткі ў грамадскім транспарце. Дзякуй калегам з дэмакратычных сіл і грамадзянскай супольнасці і ўсім беларусам, якія падтрымалі нас сваім прыходам і данатамі.

Гэта была яскравая беларуская культурніцкая дыпламатыя і напамін усяму свету, што Беларусь жыве.

Павел Баркоўскі
Прадстаўнік па нацыянальным адраджэнні

9 жніўня ў Варшаве адзначаць Дзень Годнасці.Шэсць гадоў таму Беларусь перажыла падзеі, якія змянілі яе гісторыю. Дзень Г...
05/08/2026

9 жніўня ў Варшаве адзначаць Дзень Годнасці.

Шэсць гадоў таму Беларусь перажыла падзеі, якія змянілі яе гісторыю. Дзень Годнасці — гэта магчымасць сабрацца разам, успомніць жнівень 2020 года і падтрымаць тых, хто працягвае змагацца за свабоду Беларусі.

У праграме — выступы Святланы Ціханоўскай, Паўла Латушкі, Паўла Севярынца, Паліны Шарэнды-Панасюк ды іншых прадстаўнікоў беларускіх дэмакратычных сіл, а таксама замежных дзеячаў.

Таксама на сцэне:
🎶 Вольны Хор
🎶 Kriwi
🎶 Аляксей Шкурапацкі
🔥 Javaryna Fire Show.

✔️ Падтрымаць правядзенне Дня Годнасці можна праз збор на BySol.

Далучайцеся да івэнту! Бо салідарнасць, свабода і годнасць — гэта тое, што нас аб’ядноўвае.

📅 9 жніўня
🕕 18:00
📍 Помнік Мікалаю Каперніку, Варшава

Жыве Беларусь! 🤍❤️🤍

9 жніўня ў Варшаве адзначаць Дзень Годнасці.Шэсць гадоў таму Беларусь перажыла падзеі, якія змянілі яе гісторыю. Дзень Г...
05/08/2026

9 жніўня ў Варшаве адзначаць Дзень Годнасці.

Шэсць гадоў таму Беларусь перажыла падзеі, якія змянілі яе гісторыю. Дзень Годнасці — гэта магчымасць сабрацца разам, успомніць жнівень 2020 года і падтрымаць тых, хто працягвае змагацца за свабоду Беларусі.

У праграме — выступы Святланы Ціханоўскай, Паўла Латушкі, Паўла Севярынца, Паліны Шарэнды-Панасюк ды іншых прадстаўнікоў беларускіх дэмакратычных сіл, а таксама замежных дзеячаў.

Таксама на сцэне:
🎶 Вольны Хор
🎶 Kriwi
🎶 Аляксей Шкурапацкі
🔥 Javaryna Fire Show.

✔️ Падтрымаць правядзенне Дня Годнасці можна праз збор на BYSOL.

Далучайцеся да івэнту! Бо салідарнасць, свабода і годнасць — гэта тое, што нас аб’ядноўвае.

📅 9 жніўня
🕕 18:00
📍 Помнік Мікалаю Каперніку, Варшава

Жыве Беларусь! 🤍❤️🤍

Хто мы без сваёй мовы, культуры і памяці?Беларуская мова, культура, адукацыя і медыя — гэта не проста сферы грамадскага ...
04/08/2026

Хто мы без сваёй мовы, культуры і памяці?

Беларуская мова, культура, адукацыя і медыя — гэта не проста сферы грамадскага жыцця. Гэта аснова існавання беларускай нацыі. І сёння яна пад пагрозай.

Як не страціць сваю ідэнтычнасць? Якія рашэнні патрэбныя ўжо цяпер? Пра гэта — на сайд-івэнце «Мова, культура, адукацыя і медыя: нябачны фронт за Беларусь», які адбудзецца ў межах канферэнцыі «Новая Беларусь».

Будуць прэзентаваныя policy papers па чатырох ключавых напрамках:
▪️ мова
▪️ адукацыя і навука
▪️ культура
▪️ інфармацыйна-камунікацыйная палітыка

🎤 Выступоўцы: Павел Баркоўскі, Ірэна Кацяловіч, Андрэй Лаўрухін, Ксенія.

📅 7 жніўня | 🕚 11:00–12:30
📍 Варшава (канферэнцыя «Новая Беларусь»)

Удзел бясплатны, але патрабуецца папярэдняя рэгістрацыя: https://surl.lt/bwdxnc

Як гучыць Беларусь, у якой хочацца жыць?Прадстаўніцтва па нацыянальным адраджэнні збірае песні Новай Беларусі — плэйліст...
14/07/2026

Як гучыць Беларусь, у якой хочацца жыць?

Прадстаўніцтва па нацыянальным адраджэнні збірае песні Новай Беларусі — плэйліст пра тое, якой беларусы бачаць сваю краіну. Кожны і кожная могуць прапанаваць адну кампазіцыю, у якой для яго ці яе гучыць Новая Беларусь, і расказаць чаму. З сабранага зробім агульны плэйліст і выкладзем у Spotify для агульнага карыстання. А таксама гэтыя трэкі прагучаць падчас Канферэнцыі Новая Беларусь 2026.

Далучайцеся па спасылцы ў сторыз ці апісанні профіля

07/07/2026

Мы радыя, што ў новым беларускім календары замацоўваецца Дзень беларускай культуры і спадзяемся, што калісьці 7 ліпеня мы зможам сказаць, што нашая краіна робіць для развіцця культуры ўсё патрэбнае і нават больш.

Adres

Warsaw

Strona internetowa

Powiadomienia

Bądź na bieżąco: wyślemy Ci e-mail, gdy Revival Belarus opublikuje nowości i promocje. Twój adres e-mail nie zostanie wykorzystany do żadnego innego celu, a subskrypcję możesz anulować w dowolnym momencie.

Skróty

Udostępnij

Kategoria