Loujain Ghalawinji

في اليوم العالمي للعمل الإنساني، أسترجع رحلة بدأت من ٢٠١٢ سنوات كنت فيها على أرض الواقع بين اللاجئين، الأيتام، الأرامل، وذوي الإعاقة، أرافق وجعهم وأتعلّم من صبرهم.
ثم تابعت طريقي في العمل عن بعد ، لأبقى قريبة من كل قلب يحتاج كلمة، حضن معنوي، أو يد تمسكه وسط العتمة.
واليوم، أكمل عملي وتطوعي مع الناجين والناجيات من الاعتقال والتعذيب… كل حكاية منهم جرح وضياء، ألم وصمود، وجسر يُعيد تعريف معنى الإنسانية.
💜 القلوب التي تنبض بالعطاء لا تهزم… ففي كل فعل إنساني يولد نور، لا يخبو مهما اشتد الظلام.
في عتمة الألم، يولد نور الإنسانية الذي لا يخبو.

حاسّة إنك مستنزفة كل يوم؟
حاسّة إنك عم تعطي من طاقتك أكتر من اللازم؟
السبب بسيط…
لأنك شايلة الدنيا لوحدك، وبتحاولي تكوني "الأم الخارقة" طول الوقت.
اللي دايمًا جاهزة، ودايمًا صاحية، وما بتغلط.
بس خليني أقولك الحقيقة:
ما في شي اسمه أم مثالية…
في أم متعبة، وبتحاول، وبتحتاج دعم.
وهذا مو ضعف… هذا طبيعي جدًا.

🎯 جربي هالخطوات الصغيرة، رح تفرق معك كتير:
1. خصصي لنفسك وقت يوميًا، حتى لو ١٠ دقايق
سكرّي الباب، اشربي شي بتحبيه، خدي نفس… جسمك وعقلك بيستحقوا يرتاحوا
2. ما تردّي فورًا على كل طلب
مو ضروري تتركي كل شي أول ما تسمعي "ماما"
علميهم ينتظروا شوي… هاد مهم لإلك وإلهم.
3. وزّعي المهام حسب عمر الطفل
حتى الصغير فيهم فيه يعمل شي بسيط… لمّ لعبه أو يحط صحنه بالمجلى.
4. خففي تحكمك بكل التفاصيل
مو لازم كل شي يكون مثالي… لو لبسوا شي ما بيلبق، أو عملوا شوية فوضى… عادي. اختاري معاركك، ووفّري طاقتك.
5. خصصي مكان هادي إلك
حتى لو كرسي جنب شباك، خليه ملجأك… ترتاحي، تشربي شي، تتنفسي.
6. نظّمي اليوم بحدود واضحة
وقت للعب، للأكل، للنوم… هيك الكل بيرتاح، وانتي بتقدري تلتقطي أنفاسك.
أنتِ قوية، بس مو مضطرة تكوني قوية لحالك 💛
#

بدك ولادك يطلعوا اقوياء وقد هالحياة واختباراتها؟

قوّي أمهم

إذا مرتك مكسورة جوّا بيتها، إذا صوتها ملغى وكرامتها مهانة، لا تتفاجأ إذا شفت ولادك بالمستقبل مكسورين وضعاف قدّام الحياة.

ما في بيت قوي من دون امرأة قوية، وما في مجتمع محترم من دون رجال بيحترموا نسائهم.

قوّوا بعض لتقووا أولادكم.

🎨 فرصة مميزة للأهالي!
هل تساءلت يومًا ماذا تعني رسومات طفلك؟ 🖍️
ماذا يخفي خلف تلك الألوان والخطوط؟ ما هي الرسائل التي لا يستطيع التعبير عنها بالكلمات؟

🧠 كأخصائية اجتماعية، أُعلن عن مبادرة خاصة:
📌 سأختار ٥ رسومات لأطفال لتحليلها مجانًا!
يتبع التحليل جلسة خاصة مع الأهل لمناقشة ما تعنيه الرسمة وما تعكسه من مشاعر واحتياجات اجتماعية وسلوكية لطفلكم.

👩‍🏫 التحليل يتم بطريقة علمية وعاطفية في آنٍ واحد، هدفه مساعدتكم على فهم أعمق لعالم طفلكم الداخلي 💬💗

🔹 مَن يستطيع المشاركة؟
كل من يرسل رسمة لطفله/طفلته بعمر بين 4 و12 سنة.

🔹 كيف أشارك؟
ارفقوا صورة واضحة لرسمة الطفل على المنشور، مع كتابة الاسم والعمر.

📍تابعوني لمعرفة النتائج واكتشاف عالم الطفولة من زاوية جديدة ومُلهمة!

معكم دائمًا،
الأخصائية الاجتماعية: لجين غلاونجي 🌼

❗️العنف ضد الأطفال في سوريا مو مجرد حالة... صاير ظاهرة مرعبة!
المؤلم إنو العنف ما عاد سلوك فردي، صار نتيجة مجتمع مقموع، مكبوت، تربى إنو القوي بيستقوي على الضعيف، لأنو بيعرف إنو القوي ما بينمس، فبيفرغ كل عنفه وجبروته على أضعف حلقة بالمجتمع: الأطفال.

بغياب أي جهة رسمية تحمي الطفل أو تدافع عن حقوقه، صار الطفل هو ضحية فشة الخلق، والغضب، والحرمان، والتفكك...
والدولة؟!
بتتحرك بس لما تصير القصة "ترند"!
وحتى بعد الترند؟ بتحقيق شكلي، عشر دقايق، وبينطوى الملف!

تتذكروا قصة الطفل إبراهيم وأخته؟
أخته هربانة من أشهر الى الميتم من تعنيف بيت عمها حكتلهم عن عنف العم، بس ولا حدا تحرك، ولما إبراهيم هرب رجعوه لنفس الجحيم، وتعرض لتعذيب بشع، وما تحرك شيء إلا بعد ما نزل فيديو وانشهرت القصة!

تخيلوا!
العم كان يصور تعذيب الطفل ويحط الفيديو بحالة واتساب... وما حدا اتحرك!
وين الإنسانية؟ ليش لازم القصص توصل للترند لحتى نصير نحس؟
ليش ما في نظام بيحمي الطفل قبل ما يصير ضحية جديدة؟

كم طفل مثل إبراهيم عم يتعنف بهدوء، بصمت، بعيد عن الكاميرات؟
كم طفل ما حدا عم يسمع صراخه؟

سوريا ما بحاجة بس لإعادة إعمار حجر... بدها إعادة بناء "إنسان"، أخلاق، ضمير، قانون، أمان.
والأطفال لازم يكونوا الأولوية... مش آخر هم.
بس تشوف طفل معنف لا تنطر روح واشتكي وانقذ هالطفل

ابراهيم ب الاستغاثة وقت كان عم يترجى عمه كان عم يقلهم ارحموني تعبت روحي اديش حاسس بالتعب والظلم حتى طلع معه هيك حكي وبالمشفى حكالهم لا تتركونا
لساتو خايف يرجعوا هو واخته عند عمه
🖤 لا تتركونا... 🖤
من فم طفل نال من الاضطهاد كلّه: نفسيّاً، جسدياً، عائليّاً، وعاطفياً، خرجت الكلمة الحقيقية الصادقة
👦🏼 مثلُه كمثل آلاف الأطفال الذين يعانون بعيداً عن الشاشات وبعيداً عن الأضواء.
هؤلاء الذين خسروا طفولتهم، حنيّة الأب، ودفء الأسرة... ومع ذلك، ما زالوا خاسرين لانتباه الدولة والحكومة.

⚠️ المطلوب اليوم:
إنشاء إدارة مستقلة تحت اسم:
"إدارة الدعم لأطفال الشهداء، والأيتام، والأطفال المعنّفين."

مهامها:
✅ الدعم المادي
✅ الدعم النفسي
✅ الرعاية الاجتماعية والأسرية
✅ التأهيل التعليمي
✅ تمكينهم للوصول إلى مواقع قيادية في مستقبل سوريا

✊🏼 هؤلاء الأطفال هم بذور من ضحوا وقُتلوا في سبيل الكرامة... وهم استحقاق واجب على كل سلطة حقيقية، كعربون وفاء لشهدائنا الأبرار.

🔁 شارك المنشور... علّ صوتهم يصل.

الي عم تصور الفيديو زوجة المجرم هي معلمة في مدرسة انو كيف كان الها قلب تصور وتسمع استغاثات طفل عم يقلهم بالحرف ارحموني روحي تعبت كيف ممكن نأمن نبعت أطفالنا ع مدرسة فيها معلمات مجرمات متل هي ولو مالفيديو انتضر اديش كان ضل ابراهيم عم يتعذب وكم ابراهيم عنا بسوريا
وكم ضحية متل ابراهيم بدنا لنفعل قانون يجرم العنف ضد الاطفال وتأسيس جمعية مستقلة تعنى بحماية الاطفال
القصة الي تم تداولها انو ابراهيم طفل من الرقة يتيم الام والاب بسبب قصف روسي بيت جده اخدوه هو واخته عمه الي بالرقة صار يشغلهم بتنظيف تواليتات وياخد المصاري ويحرمهم الاكل وبعدين بعتهم عند عمهم الي بحماه هو ومرته الي آنسة بالمدرسة تخيلو آنسة ومجرمة وعم تصور زوجها عم يضرب الطفل ويحرقه بالملعقة والطفل يبكي ويستغيث ةيقلهم ارحموني انا تعبت روحي والعم يقول ل زوجته صوري صوري انا عم اضربه التصوير كان لاذلال الطفل وإرسال الفيديو للعائلة وذل الطفل وتهديده اذا هرب مرة تانية رح ينعمل فيه نفس الشي الأخت هربت عالميتيم بسبب ظلم العم راح الطفل قدر يهرب وراح عند اخته عالميتم ولسبب غير معروف تم إرجاع الطفل لبيت العم وصار فيديو التعذيب الي انتشر بسبب بنت من العيلة الله يجزيها الخير هي الي سربت الفيديو من تلفون الست
يعني لو ما انتشر الفيديو كان الطفل كل يوم عم يتعذب لهيك بدنا قانون رادع وباجرم تعنيف الأطفال وبدنا كمان محاسبة كل العائلة الي ساكته عن تعنيف اطفال أيتام اطفال شهداء بالثورة بدل مايكونو أمانة وكمان محاسبة ومسألة الميتم الي ما سأل عن طلب الأخت وترجيها انو الأخ يضل عندها وانو كيف يعني استقبلتو طفلة وسنعتو القصه وتركتوا العم هيك بدون إبلاغ للشرطة هاد اسمه إهمال وفوقا الطفل هرب ورجعتو
شارك المنشور... علّ صوتهم يصل.

كأخصائية اجتماعية، بدي شارككم اليوم مفهوم مهم بيأثر على تربية أطفالنا بشكل كبير:

سمعتوا عن مصطلح "image management parenting"؟
هو لما الأهل يعملوا أشياء نيابة عن الطفل ليبدو وكأنه قام فيها بنفسه، بس ليحافظوا على صورة مثالية إله (وأحياناً لأنفسهم كمان!).
وهو جزء من نمط تاني اسمه "lawnmower parenting"، يعني الأهل بيشيّلوا كل العقبات من طريق الطفل ليعيش براحة ونجاح دائم، وهاد الشي بمنعه يتعلم من التحديات الطبيعية ويكبر من خلالها.
هاي الأنماط من التربية ممكن تضعف ثقة الطفل بنفسه، وتخليه يحس إنه غير قادر على النجاح لحاله، وبتأثر على بناء مهاراته الحياتية.
هي رسومات بسيطة من ريان، يمكن مش بيرفكت، بس هي تعبير صادق منه وبتعكس مستواه الحقيقي، وهون جمالها!
خلونا نشجع أطفالنا يعبروا عن حالهم بطريقتهم، مو بطريقتنا.

سؤال مرعب لكل الاهالي وبيجيني كتير
متى يشعر الطفل بالرغبة الجنسية؟؟؟

"التربية الجنسية للطفل تبدأ من سن مبكر، وهي ضرورية لتوعيته وتوجيهه بشكل صحيح. الطفل لا يُولد برغبة جنسية مثل البالغين، لكنه يُولد بطاقة جسدية وعاطفية ونفسية تتطور على مراحل، وكل مرحلة لها نوع معين من الفضول والاكتشاف.

الطفل يبدأ في إدراك جسده من سن مبكر جدًا، ومع البلوغ يبدأ في الشعور بالرغبة الجنسية تدريجيًا. كل مرحلة عمرية لها طريقة توعية مناسبة، وكل تجاهل من الوالدين قد يفتح بابًا لخطر صامت.

لماذا هذا الموضوع حساس ومهم؟ لأن التجاهل يجعل الطفل يبحث عن المعلومة في أماكن خاطئة، ولأن الترهيب يجعله يشعر بالذنب والخجل من شيء طبيعي يحتاج للتوجيه لا التوبيخ. التربية الجنسية الوقائية هي الحصن الحقيقي للطفل، ولا يحتاج الطفل إلى أسرار، بل إلى أم وأب يعرفان متى يتكلمان، وماذا يقولان، وبأي أسلوب."
#الوعي

شغلة مهمة التربية الجنسية للاطفال مو عيب و لا خدش حياء وماحدا يقلي ليكو جيلنا وجيل اهلنا ماحدا حكالنا شي وما صار علينا شي مشان الله التربية هلا والوقت هلا تغير يا انتي وانت ك اهل بيكونوا مصدر المعلومات لاطفالكن يا اما رح ياخد معلومات من غير مصدر والله بيعلم شو هالمصدر
التربية الجنسية لا تقتصر عالمفهوم الضيق الي عاملينو المجتمع بعبع التربية الجنسية علم وحماية ل اطفالك
التربية الجنسية مو ترف ولا هي متل مو الناس بتفكر انو بدنا نفتح عيون ولادنا ع شغلات ما منتبهين عليها التربية الجنسية لازم تكون إلزامية للأهل قبل الأطفال وخاصة بعصر السوشل ميديا المخيف
التربية الجنسية يعني علم ولادي انو حدود جسمهم ملكية خاصه الهم ممنوع حدا يقرب عليها شو يعني حدود وشو يعني لمسة صحيحة ولمسة خاطئة علمهم انو من حقهم يقولوا لا وما اجبرهم يبوسوا عمو وخالو وخالتو وخالو وابن عمي وابن خالي
علمهم انو هاد جسمهم من حقهم ماحدا يضمهم اذا ما بدهم مو نقلهم عيب هيك الناس مارح تحبك
نعلمهم مايخافوا ويجو يحكولنا كل شي نكون السند والامان الي بيحميهم دايما ومو نخاف من كلام الناس ونظرة المجتمع
#الوعي

"كأخصائية اجتماعية، بأكد على أهمية دعم الأطفال الذين يتعرضون للتحرش أو الاعتداء. يجب على الأهل أن يكونوا مصدر الدعم والقوة لأطفالهم، دون خوف من نظرة المجتمع أو كلام الناس. الأم التي تقف بجانب ابنها وتسعى لتحقيق العدالة له هي رمز للقوة والشجاعة. يجب أن نكون جميعًا مستعدين للدفاع عن حقوق أطفالنا وحمايتهم من أي خطر قد يهددهم."
ياسين راح مع أمه عالمحكمة وهو لابس سبايدر مان وعم يقول ل امه ( هحبس الوحش مش كده )
ام ياسين ماخافت وقالت ليش لافضح حالي وابني راحت وخبرت زوجها واخدوا قرار مشترك انو رح ياخدو حق ابنهم بالقانون
القصة اخدت سنة كاملة والمعركة القضائية ما كانت سهلة لانو صار فيها محاولات للرشوى ودفع مبالغ كبيرة لأهل ياسين بس اهل ياسين اختاروا صحه طفلهم النفسية والاجتماعية وماخافوا
و للاسف بعض من كادر المدرسة نفسها كان على دراية بالقصه وسكتوا وحتى حاولوا يقلبوا الحقايق
ياسين هو سبايدر مان وأم ياسين هي البطلة كمان بهي القصه
لا تخافوا من نظرة مجتمع لا تخافوا من كلام الناس اذا أطفالكم اتعرضوا لهيك قصة كونوا قد ثقتهم كونوا جيشهم القوي الي راح يدافع عنهم دايما

قضية الطفل ياسين
الي عمره ٥ سنين وكان بالمدرسة وتم الاعتداء عليه في حمام المدرسة من قبل شخص بيشتغل بالمدرسة وعمره ٧٩ سنة وهتك عرضه
طفل بهاد العمر بهاد المكان الي مفروض يكون أمن وأمان وبيت الطفل التاني بتم هيك جريمة بشعه فيه
والطفل فوقها بضل حابس جواته هالوجع والخوف لانو خاف يحكي لانو المجرم هدده. يقتل امه وابوه اذا حكى
الام لاحظت تصرفات غريبة من ابنها وخوف من دخول الحمام وعصبية مفاجأة وزايدة ما قالت عادي طفل بمر بتغيرات ضلت ورا ابنها لعرفت القصة ولأنها بطلة وبتهما صحة ابنها النفسية ماخافت وسكتت ولانو ابوه ماخاف من كلام الناس ونظرة المجتمع راح وقدم شكوى حاربوا سنة كاملة لقدروا ياخدو حق ابنهم اوعى تخافوا ويهمكم حكي وكلام المجتمع كونوا أبطال متل ياسين واهله
"حماية الأطفال من التحرش مسؤوليتنا جميعًا! يجب أن نعلم أطفالنا حدودهم الشخصية وكيفية التعبير عن مشاعرهم وخياراتهم بكل حرية. فلنكن لهم مصدر المعلومات الآمن والموثوق، ولنحميهم من أي خطر قد يهددهم.
بهمكم نحكي عن التربية الجنسية للاطفال وطرق الوقاية ونصائح ل حماية أطفالنا؟؟


"