فزعة السودان Sudan Fazaa

وما الحربُ إلَّا ما علمتُم وذقتُمُ
وما هو عنها بالحديث الْمُرَجَّمِ
متى تبعثوها تبعثوها ذميمةً
وتضري إذا أضريتموها فتضرم
فتعرككم عركَ الرَّحى بثِفالِها
وتَلقَحْ كِشافًا ثمَّ تُنتَجْ فتُتْئِمِ

🛑 بلغوا تجار الأزمات
إنه الكفن ما فيه جيوب

❌

السلام عليكم ورحمة الله وبركاته.
أهلنا و احبابنا في السودان إن شاء الله ربنا يلطف بسودانا و تنتهي هذه الحرب اللعينة في أقرب وقت.
لحدي ما تقيف الحرب دي في كتير من الناس حاليا محتاجين وقفتنا معاهم.. و أقل و ابسط حاجة نقدر نوفرها ليهم المعلومات الصحيحة و الإرشادات الطبية لاصحاب الأمراض المزمنة و الإصابات العشوائية البتحصل يوميا..
في نزوح كتير حاصل و الناس بتحتاج لاساسيات الحياة (سكن - اكل و شراب).
نحمد الله انه الخير و المروءة و الشهامة حاجات ربونا عليها أهلنا.
و ببساطة كدا كل المطلوب مننا انه نشوف منو البقدر يوفر حاجة من الاحتياجات دي و ندله على الناس البستحقوها.
دكتور فاضي يقدر يساعد.
شخص بيته كبير و واسع بقدر يستضيف أسرة.
زول عايز يساعد بماله نشوف ليه ناس محتاجة للمال ده.
شباب بضراعهم عايزين يساعدوا زول مصاب او شخص ما قادر يتحرك من مكانه نسبة لاشتباك حاصل نشوف ليه طريق آمن و هكذا.
همتكم معانا و ربنا يصلح حالنا و حال بلادنا.
تحياتي 🌹