عمار للخدمات Ammar for Services

▪مع دخول الخريف تكثر مشاكل الكهرباء واليوم نضع لك كل الحلول
..
محمد بكري
فني كهرباء

تعالو أوصف ليكم حاجات صغيرة مهمه
مشاكل الكهرباء المتكررة مع الخريف وعربات الطوارئ الما بتجي بي سرعه
في أعطال ممكن الزول يعالجها براه ويوفر على نفسو زمن ومجهود

أول حاجه في شئ إسمو تامبر
يلا العداد الفي العمود فوق دا مرات بتدخلو مويه مطرة ..( لأنو أغلب العلب فاتحه )..العداد بقوم يأمن وبفصل الكهرباء طوالي.. الشاشه جوه البيت بتكون شغاله بس بتظهر فيها علامة لمبه صغيرونه كدة أسفل يمين الشاشه ..تحت أرقام الكيلومترات طوالي
في الحاله دي ولا تبلغ الكهرباء زاتو ..تمشي براك المكتب وتقيف في الكاونتر زي العايز تشتري كهرباء ..تقول للموظف أديني تامبر في رقم العداد دا ..بديك 20 رقم ( مجاناً ) ..تمشي البيت تنزلها زي ما قاعد تنزل الكهرباء ..ومبروك مقدماً رجوع الكهرباء
العطل دا ممكن يتكرر كم مرة وكل ما تجي مطرة ..بس كل مرة بتطلب منك أرقام تامبر جديدة ..وبرضو مجانيه
العطل دا في الغالب بظهر أيام الخريف بس

2
علامة الكهرباء الظاهرة في الشاشه ..علامه عامله كيف كيف كدة ..بتشبه حرف الEo7 المقلوب كدة
المهم العلامه بتكون ظاهرة مرات والكهرباء قاطعه ..العلامه دي معناها الكهرباء من العداد الفوق دا واصله ..المشكله معناها في رخاوة في الزاويه أو في التأمين الداخلي للبيت
لو عندك خبرة في الكهرباء أعمل تيست براك للزاويه أو الفيوز أو مخرج الكيبل ( بي لمبة البيان )
لو لقيت الكهرباء واصله معناها العطل داخل البيت و دا داخل في دائرة إختصاصك ..والكهرباء ما عندها بيهو شغله
ولو ما عندك خبرة جيب كهربجي يخليهو يعمل الحركه ويحدد ليك العطل حقك ولا حق ناس الكهرباء
طبعاً عادي ممكن زول يكون قاطع يومين وفي النهايه العطل يطلع داخلي ..
3
مرات الشاشه بتعمل خطوط متقطعه ..و دا معناها في حموله زايدة ...المطلوب منك تفصل الأجهزة الكهربائيه كلها داخل البيت وتخليها كم دقيقه (5 دقايق مثلاً ) وتبدأ تشغل الأجهزة حقتك واحدة واحدة ..و يا حبذا لو شغلت الضروريه والقدر حوجتك بس
ولو المشكله ما إتحلت نزل أرقام التنشيط دي
56493153725450313471
الأرقام دي أرقام تيست للعداد ..بتنشط العداد وبتختبرو ..ولو ما نجحت الحركة دي معناها العداد معطل ومفروض عربية الطوارئ تجي تعالج ليك المشكله
شاشة لما تكون عاملة علامة صح وساعة تجيب موس وتفرغ سلك الشاشة

السجانة لمواد البناء

www.alsajana.com

خدمة تحديث الأسعار مواد البناء بصورة مستمرة

اذا كنت تعاني من الصرف في عداد الكهرباء فهذا المقال يهمك

‏Brown out
ما هو براون آوت؟

إن انقطاع التيار الكهربائي هو انخفاض مؤقت وجزئي مفاجئ في مستوى الجهد يعقبه انتعاش سريع. إنه عكس زيادة الطاقة وفي هذه الحالة لا تعمل بعض المحركات الكهربائية وتكون أضواء الغرفة أضعف من المعتاد. يشير هذا إلى أن الطلب على الطاقة كان أكبر لحظيًا من العرض ، مما أدى إلى انخفاض الجهد ، وهو ناتج عن ارتفاع الطلب على الكهرباء الذي يقترب من أو يزيد عن الطاقة الإنتاجية لنظام شبكة الطاقة.
اضرار انخفاض الجهد المتعمد
1-استهلاك غير طبيعي في عداد الكهرباء
2-تلف الاجهزه الكهربائية
3-تعطل اللمبات بعد تغييرها بفترة وجيزة
المشاكل الرئيسية المتعلقة بانخفاض الجهد هي
4-يمكن أن يتسبب Brown Out في تسخين المحركات أو الضواغط في مكيف الهواء أو الثلاجة. يزيد الجهد المنخفض أيضًا من الاستهلاك الحالي في هذه الأجهزة لتعويض انخفاض الجهد. تولد المصابيح المتوهجة قدرًا كبيرًا من الحرارة في الجهد المنخفض.
5-ستعمل القوة الميكانيكية للمحركات بسرعة منخفضة وعزم دوران في ظروف براون. سوف يسحب المحرك مزيدًا من التيار بسبب انخفاض قيمة emf الخلفية التي تتطور عند سرعة المحرك المنخفضة. قد يؤدي هذا إلى تلف دائم في المحرك بسبب الاحتراق.
*ببساطة امام شركات الكهرباء حلين اما خفض الجهد او قطع الكهرباء عن مناطق حتي يستقر الجهد

مهندس كهرباء
0121721734

اهلا وسهلا

مرحبا الاحباب

يوجد لدينا سباك وكهربائي جوال يصلك في مكانك

أرضيات ثلاثية الأبعاد جديد خدماتنا

اهلا عميلنا العزيز وكل عام وانتم بخير