Dowlada Hoose Ee Degmada Afmadow

Directions

Dowlada Hoose Ee Degmada Afmadow Contact information, map and directions, contact form, opening hours, services, ratings, photos, videos and announcements from Dowlada Hoose Ee Degmada Afmadow, Government Organization, Afmadow.

Dowladda Hoose ee dagmada Afmadow waxa ay ka shaqeysaa horrumarinta Adeegyada aas-aasiga u ah bulshada; caafimaadka, waxbarashada, nadaafadda, kaabeyaasha dhaqaalaha iyo Amniga degmada - iyadoona si siman u gaarsiisa Bulshada.

01/10/2026

Guddoomiyaha Degmada Afmadow ahna Duqa Magaalada, Cabdiraxmaan Macallin (Cali Xaaji Maaji), oo ay weheliyaan madaxa Maaliyadda iyo Taliyaha Nabadd-sugida Degmada, ayaa kormeer ku tegay dhammaan marinada laga dheera, halkaas oo ay ka socoto shaqo baaxad leh.

WARBIXIN: FURISTA MARINNADA BIYAHA EE MAGAALADA AFMADOWAfmadow, 30 Sebtembar 2026 – Guddoomiyaha Degmada Afmadow ahna Du...
30/09/2026

WARBIXIN: FURISTA MARINNADA BIYAHA EE MAGAALADA AFMADOW

Afmadow, 30 Sebtembar 2026 – Guddoomiyaha Degmada Afmadow ahna Duqa Magaalada, ayaa maanta si rasmi ah u bilaabay hawlo lagu furayo laguna nadiifinayo marinnada biyaha ee gudaha magaalada Afmadow.

Tallaabadan ayaa qeyb ka ah dadaallada Maamulka Degmada Afmadow uu ugu diyaar-garowayo roobabka la filayo, iyadoo ujeeddadu tahay in biyaha roobka ay si habsami leh uga gudbaan gudaha magaalada, lana yareeyo khatarta fatahaadaha iyo biyo fariisiga.

Guddoomiyaha ayaa kormeer ku sameeyay goobaha ay marinnada biyuhu xanniban yihiin, isagoo faray in la dardar-geliyo shaqada nadiifinta iyo furista marinnada muhiimka ah, gaar ahaan meelaha ay biyuhu ku badan yihiin iyo goobaha ay bulshada degan tahay.

Maamulka Degmada Afmadow wuxuu bulshada ugu baaqayaa inay ka fogaadaan in qashinka lagu shubo marinnada biyaha, isla markaana ay si wadajir ah uga qeybqaataan ilaalinta iyo nadiifinta goobaha biyuhu maraan.
Howshan ayaa sidoo kale qeyb ka ah qorshaha diyaar-garowga degmada ee la xiriira roobabka xooggan iyo xaaladaha cimilada, iyadoo Maamulka Degmadu uu sii wadi doono kormeerka iyo tallaabooyinka looga hortagayo waxyeellada ka dhalan karta fatahaadaha.

Maamulka Degmada Afmadow wuxuu uga mahadcelinayaa bulshada iyo dhammaan dhinacyada ka qeybqaadanaya hawshan, wuxuuna ku boorrinayaa bulshada inay si dhow ula shaqeeyaan maamulka si loo xaqiijiyo badbaadada magaalada iyo dadka ku nool.

07/09/2026

Guddoomiye Abdirahman Moalim Ali (Xaaji Maaji )oo khudbad ka jeediyay bannaanbaxa ayaa si adag u cambaareeyay dhacdadii ka dhacday magaalada Doolow ee gobolka Gedo, isagoo Dowladda Federaalka Soomaaliya ku eedeeyay inay qayb ka ahayd duqeynta lagu bartilmaameedsaday Dadkii shacabka iyo guriga Taliye Mahad Cabdiraxmaan Aadan (Shub).

In ka badan kumannaan qof oo ka tirsan bulshada degmada Afmadow ee gobolka Jubbada Hoose ayaa isugu soo baxay bannaanbax...
06/09/2026

In ka badan kumannaan qof oo ka tirsan bulshada degmada Afmadow ee gobolka Jubbada Hoose ayaa isugu soo baxay bannaanbax ay kaga soo horjeedaan waxa ay ku tilmaameen faragelin iyo ku lug lahaanshaha Turkiga ee arrimaha gudaha Soomaaliya.

Dibadbaxayaasha ayaa si cad u muujiyay mowqifkooda ku aaddan waxa ay sheegeen inay yihiin tallaabooyin ay Turkiga iyo kooxo kale oo ay garab siinayaan ka wadaan qeybo ka mid ah dalka, iyagoo ku baaqay in la dhowro madax-bannaanida iyo midnimada Soomaaliya.

Bulshada banaanbaxa ka qaybgalay ayaa sidoo kale sheegay in arrimaha gudaha Soomaaliya ay tahay in Soomaalidu si madax-bannaan uga tashato, ayna muhiim tahay in la ilaaliyo rabitaanka iyo go'aanka shacabka Soomaaliyeed.

Bannaanbaxan ayaa kusoo beegmaya xilli dood xooggan ay ka taagan tahay doorka Turkiga ee Soomaaliya. Ankara iyo Muqdisho ayaa leh xiriir dhow oo ay ku jiraan iskaashi dhinacyada amniga iyo difaaca, halka heshiisyada labada dal ay sidoo kale dhaleeceyn iyo taageero kala duwan ka dhex abuureen bulshada Soomaaliyeed.

Wafdi heer caalami ah oo ka socday hay’adda World Vision International iyo hay’adaha bah-wadaagta ah ayaa gaaray degmada...
02/09/2026

Wafdi heer caalami ah oo ka socday hay’adda World Vision International iyo hay’adaha bah-wadaagta ah ayaa gaaray degmada Afmadow ee gobolka Jubbada Hoose, halkaas oo ay si diirran ugu soo dhoweeyeen maamulka degmada.

Guddoomiyaha degmada Afmadow, Cabdiraxmaan Macallin (Xaaji Maaji), ayaa xafiiskiisa ku qaabilay wafdigan, waxaana halkaasi lagu yeeshay kulan muhiim ah oo looga hadlay xaaladda adeegyada bulshada, gaar ahaan dhinacyada gargaarka iyo caafimaadka.

Intii ay wafdigu ku sugnaayeen magaalada Afmadow, waxay booqdeen xarumaha caafimaadka degmada, iyagoo u kuurgalay adeegyada caafimaad ee halkaasi ka socda iyo adeegyada cusub ee lagu soo kordhiyey.

Wafdigu waxay sidoo kale warbixinno ka dhagaysteen maamulka degmada Afmadow, gaar ahaan xaaladda guud ee bulshada iyo baahiyaha jira. Kulamada ayaa sidoo kale diiradda lagu saaray sidii loo xoojin lahaa iskaashiga u dhexeeya maamulka degmada iyo hay’adaha samafalka, gaar ahaan howlaha gargaarka, caafimaadka iyo taageerada bulshada.

Booqashada wafdigan ayaa loo arkaa mid muhiim u ah xoojinta iskaashiga hay’adaha caalamiga ah iyo maamulka degmada Afmadow, iyadoo la filayo in wada-shaqayntu ay gacan ka geysato horumarinta adeegyada aasaasiga ah ee bulshada.

06/07/2026

Soodhawenta maanta gudoomiyaha lagu soo dhaweeyay waxaa kamid ahaa ciyaar dhaqameedka Waamo (Diisow).

Afmadow, Jubbada HooseGuddoomiyaha Degmada Afmadow ahna duqa magalada ayaa maanta si diirran loogu soo dhaweeyay Degmada...
06/07/2026

Afmadow, Jubbada Hoose

Guddoomiyaha Degmada Afmadow ahna duqa magalada ayaa maanta si diirran loogu soo dhaweeyay Degmada, kadib safar shaqo oo uu muddo ku maqnaa xarunta kumeel gaar ah ee kismaayo. Soo dhoweynta ayaa ka dhacday banaanka degmada, iyadoo ay ka qayb qaateen qaybaha kala duwan ee bulshada.

Guddoomiyaha waxaa si weyn u soo dhaweeyay dhalinyarada, haweenka, odayaasha dhaqanka, waxgaradka iyo masuuliyiin ka tirsan maamulka degmada, kuwaas oo muujiyay farxaddooda ku aaddan dib ugu soo laabashadiisa iyo sii wadista howlaha horumarinta degmada.

Intii lagu guda jiray munaasabadda soo dhoweynta, masuuliyiintii iyo bulshada hadallada jeediyay waxay ku ammaaneen guddoomiyaha dadaallada uu ku bixiyo horumarinta Afmadow, adkaynta amniga, kobcinta wada shaqeynta bulshada iyo maamulka, iyo u adeegidda shacabka degmada.

Guddoomiyuhu, isagoo la hadlay bulshada, ayaa uga mahadceliyay shacabka reer Afmadow soo dhoweynta diirran ee ay u sameeyeen. Wuxuu sheegay in safarkiisu uu la xiriiray dardargelinta howlaha shaqo iyo danaha degmada, isla markaana uu sii laba jibbaari doono dadaallada lagu horumarinayo adeegyada bulshada, xoojinta nabadda, amniga iyo mashaariicda horumarineed.

Sidoo kale, guddoomiyuhu wuxuu ugu baaqay dhammaan bulshada reer Afmadow inay sii xoojiyaan wadajirka, isgarab istaagga maamulka iyo ka shaqeynta nabadda iyo horumarka degmada, isagoo xusay in horumar dhab ah lagu gaari karo iskaashi iyo midnimo.

Gabagabadii, munaasabadda soo dhoweynta ayaa ku soo idlaatay jawi farxad iyo isxilqaan leh, iyadoo bulshada degmada ay muujisay kalsooni iyo taageero ay u hayaan maamulka degmada, isla markaana ay rajo wanaagsan ka muujiyeen sii socoshada dadaallada lagu horumarinayo Degmada Afmadow.

Gudoomiyaha golaha deeganka ahna duqa magalada afmadow mudane Abdirahman Moalim ali (haaji maaji) ayaa maanta booqday Wa...
30/06/2026

Gudoomiyaha golaha deeganka ahna duqa magalada afmadow mudane Abdirahman Moalim ali (haaji maaji) ayaa maanta booqday Wasaaradda Tamarta & Kheyraadka Biyaha Dowladda Jubaland, waxaana si diiran usoo dhaweeya Mudane wasiir Ahmed Hussein Baraki, oo ay wehliyaan qaar kamid ah masuuliyiinta Wasaaradda, ayaa maanta xarunta Wasaaradda ku qaabilan Guddoomiyaha Degmada Afmadow.

Kulanka ayaa ahaa mid diiradda lagu saaray xaaladda adeegyada biyaha ee degmada Afmadow, iyadoo si gaar ah looga wada hadlay baahiyaha biyo ee degmada iyo sidii loo dardargelin lahaa dadaallada lagu horumarinayo adeegyadaasi, si bulshada deegaanka loo gaarsiiyo adeeg biyo oo tayo sare leh.

Gudoomiyaha ayaa ku booriyay wasarada shaqada afmadow ay ka haysoo in ay sii lawa jibaraan. Wuxuuna u sheegay in afmadow waqtigan u baahantahay ceel riig ah si bulshada afmadow ay oga baxdoo baaxida biyaha ah madama ay tahay biyaha baahiya ogu badan ee degmada kajiraa marwalbana soo laablaabta.

Guddoomiyaha dagmada Afmadow ahna duqa magaalada Cabdiraxmaan macallin Cali (Xaji maji)oo ay wehliyaan bahda waxbarashad...
13/06/2026

Guddoomiyaha dagmada Afmadow ahna duqa magaalada Cabdiraxmaan macallin Cali (Xaji maji)oo ay wehliyaan bahda waxbarashada Jubbaland ayaa maanta si rasmi ah u daah-furay imtixaanaadka shahaadiga ee fasalka 8aad, kaasi oo ay qaadeyso Wasaaradda Waxbarashada hiddaha iyo tacliinta sare ee dowladda Jubbaland.

In ka badan 150 arday oo ka kala yimid deeganka Qooqaani iyo Afmadow ayaa u fariistay imtixaanka sanad dugsiyeedkan oo guud ahaan saaka loog fariistay Jubbaland.

Guddoomiyaha dagmada Afmadow Cabdiraxmaan Macallin Cali (Xaaji Maaji) ayaa kelmado dhiirigalin ah u soo jeediyay ardayda, isagoona u rajeeyay natiijo wanaagsan iney ka gaaraan imtixaanaadka shahaadiga ee fasalka 8aad.

Wafdi uu hoggaaminayo Wasiirka Wasaaradda Gargaarka iyo Maareynta Masiibooyinka Dowladda Jubbaland, Mudane Cabdiraxmaan ...
29/03/2026

Wafdi uu hoggaaminayo Wasiirka Wasaaradda Gargaarka iyo Maareynta Masiibooyinka Dowladda Jubbaland, Mudane Cabdiraxmaan Maxamed Dhiiriq, oo ay wehliyaan Wasiirka Wasaaradda Biyaha Mudane Axmed Xuseen Baraki (Zubeer) ayaa safar shaqo ku soo gaaray Degmada Afmadow

Wafdigan waxaa si diirran ugu soo dhoweeyey maamulka iyo qaybaha kala duwan ee Dowladda Hoose ee Degmada Afmadow kuwaas oo muujiyey muhiimadda ay booqashadani u leedahay xoojinta adeegyada gargaarka iyo horumarinta bulshada.

Ujeedka safarka wafdiga ayaa ahaa
Deeq raashin ah oo laso garsiye dadka danyarta ah ee kunool dagmada dhobley iyo Tuloyinka ku teedsan

Ugu dambeyn, maamulka Degmada Afmadow waxay si weyn ugu mahadcelinayaan wafdiga heer wasiir ee soo booqday degmada, iyagoo bogaadinaya dadaalkooda iyo sida ay uga go’an tahay horumarinta adeegyada bulshada iyo garab istaagga shacabka.

Address

Afmadow

Website

Alerts

Be the first to know and let us send you an email when Dowlada Hoose Ee Degmada Afmadow posts news and promotions. Your email address will not be used for any other purpose, and you can unsubscribe at any time.

Shortcuts

Share

Category