𝐍𝐚𝐚𝐝𝐢𝐠𝐚 𝐀𝐤𝐡𝐫𝐢𝐬𝐤𝐚 & 𝐐𝐨𝐫𝐚𝐚𝐥𝐤𝐚 𝐁𝐚𝐚𝐲

𝐄𝐢𝐝 𝐌𝐮𝐛𝐚𝐫𝐚𝐤.

Waxaan guud ahaan umadda Islaamka ugu hambalyeynaynnaa, gaar ahaan umadda Soomaaliyeed farxadda 𝐂𝐢𝐢𝐝𝐮𝐥-𝐟𝐢𝐭𝐫𝐢.

تقبل ألله منا ومنكم صالح ألأعمال🤲
Waxaan isu rajeynaynaa caafimaad iyo farxad inaan kuwada ciidno ehel iyo asxaab.

Soonka iyo Fadiilada uu Leeyahay

Soonku: waa cibaado weyn oo ka mid ah tiirarka Islaamka, gaar ahaan bisha barakeysan ee Ramadaan. Waa waajib uu Alle ku faral yeelay muslimiinta, si ay u gaaraan cabsida Alle (taqwo), naftoodana u tarbiyeeyaan.
1. Soonku Waa Amar Alle
Alle wuxuu Qur’aanka ku yiri in soonku uu ku waajibay muslimiinta sida uu ugu waajibay kuwii ka horreeyey. Tani waxay muujinaysaa in soonku yahay cibaado qadiim ah oo qiimo weyn leh. Ujeeddadiisu waa in qofku barto sabar, adkaysi, iyo Alle ka cabsi.
2. Dambi Dhaaf iyo Nadiifin
Soonku wuxuu sabab u noqdaa in dambiyada la dhaafo. Nebigeenna Muxammad (NNKH) wuxuu sheegay in qofkii sooma Ramadaan isagoo iimaan iyo ajar rajeynaya dambiyadiisii h**e la dhaafo. Sidaas darteed, waa fursad dahabi ah oo qofku ku nadiifin karo qalbigiisa.
3. Barbaarinta Nafta
Marka qofku ka fogaado cuntada, cabbitaanka, iyo waxyaabaha kale ee soonka jebiya, wuxuu baranayaa is-xakameyn. Tani waxay ka caawisaa inuu ka dheeraado xumaanta sida been, xanaaq, iyo hadal xun.
4. Midnimo iyo Walaaltinimo
Bisha Ramadaan muslimiintu waxay wadaagaan dareen isku mid ah—gaajo, harraad, iyo cibaado. Tani waxay xoojisaa jacaylka iyo isku duubnida bulshada dhexdeeda, waxayna kobcisaa sadaqada iyo caawinta masaakiinta.
5. Abaalmarin Weyn
Soonku wuxuu leeyahay ajar gaar ah. Alle wuxuu xadiis Qudsi ku sheegay in soonku isaga u gaar yahay, isaguna uu ka abaalmarinayo si gaar ah. Tani waxay muujinaysaa fadliga iyo qiimaha sare ee cibaadadan.

Gunaanad:
Soonku ma aha oo keliya in laga fogaado cunto iyo cabbid, balse waa safar ruuxi ah oo qofka u horseeda daahirnimo, sabar, iyo taqwo. Qofkii si dhab ah u sooma, wuxuu helaa dambi dhaaf, qalbi nadiif ah, iyo ajar aan la qiyaasi karin.

Soonqaad wanaagsan, dhamaan umadda Muslimiinta. Illaahay waxaan ka baryeynnaa inuu naga yeelo kuwii ka faaideysta bishaan kheyrka leh.

𝐍𝐚𝐚𝐝𝐢𝐠𝐚 𝐀𝐤𝐡𝐫𝐢𝐬𝐤𝐚 & 𝐐𝐨𝐫𝐚𝐚𝐥𝐤𝐚 𝐁𝐚𝐚𝐲 🖊️

Waxaan aad u bogaadinaynnaa shaqadaa quruxda badan dhalinta isku howshay. Waxay qabteen howl looga baahnaa umad dhan.

𝐃𝐨𝐜𝐮𝐦𝐞𝐧𝐭𝐚𝐫𝐲-𝐠𝐚𝐚𝐬𝐢 waxaa uu kulansaday noloshii halyeeynimo iyo dhaqan ee uu sheekhu ku suntanaa.

Aanu kawada faaideysanno insha Allah.

𝐍𝐚𝐚𝐝𝐢𝐠𝐚 𝐀𝐤𝐡𝐫𝐢𝐬𝐤𝐚 & 𝐐𝐨𝐫𝐚𝐚𝐥𝐤𝐚 𝐁𝐚𝐚𝐲 🖊️

𝟕 𝐂𝐚𝐬𝐡𝐚𝐫 𝐨𝐨 𝐚𝐚𝐧 𝐤𝐚 𝐛𝐚𝐫𝐭𝐚𝐲 𝐛𝐮𝐮𝐠𝐚 “𝐇𝐨𝐰 𝐭𝐨 𝐋𝐞𝐚𝐝 𝐒𝐦𝐚𝐫𝐭 𝐏𝐞𝐨𝐩𝐥𝐞: 𝐋𝐞𝐚𝐝𝐞𝐫𝐬𝐡𝐢𝐩 𝐟𝐨𝐫 𝐏𝐫𝐨𝐟𝐞𝐬𝐬𝐢𝐨𝐧𝐚𝐥𝐬”
(𝐪𝐨𝐫𝐞𝐲𝐚𝐚𝐥: 𝐀𝐫𝐮𝐧 𝐒𝐢𝐧𝐠𝐡 𝐢𝐲𝐨 𝐌𝐢𝐤𝐞 𝐌𝐢𝐬𝐭𝐞𝐫):

𝟏-𝐐𝐚𝐚𝐝𝐨 𝐇𝐨𝐠𝐠𝐚𝐚𝐧 𝐖𝐚𝐝𝐚-𝐬𝐡𝐚𝐪𝐚𝐲𝐧 𝐊𝐮 𝐒𝐚𝐥𝐚𝐲𝐬𝐚𝐧:

Qorayaashu waxay adkaynayaan muhiimadda wada-shaqaynta ee hoggaaminta, gaar ahaan marka la maamulayo dad isku heer ah. Hoggaamiyeyaasha wax ku oolka ah waxay abuuraan jawi ay xubnaha kooxdu isku arkaan kuwo la qiimeeyo, laguna dhiirrigeliyo inay soo bandhigaan fikradahooda iyo khibraddooda.

𝟐 𝐇𝐨𝐫𝐮𝐦𝐚𝐫𝐢 𝐆𝐚𝐫𝐚𝐚𝐝𝐤𝐚 𝐃𝐚𝐫𝐞𝐞𝐧𝐤𝐚 (𝐄𝐦𝐨𝐭𝐢𝐨𝐧𝐚𝐥 𝐈𝐧𝐭𝐞𝐥𝐥𝐢𝐠𝐞𝐧𝐜𝐞):

Fahamka iyo maareynta dareenka—kuwaaga iyo kuwa xubnaha kooxda—waa arrin aad u muhiim ah. Buuggu wuxuu muujinayaa in garaadka dareenku uu xoojiyo isgaarsiinta, dhiso kalsoonida, isla markaana hagaajiyo wada-shaqaynta kooxda, taas oo ka dhigaysa xirfad lama huraan u ah hoggaamiyeyaasha.

𝟑 𝐈𝐬𝐠𝐚𝐚𝐫𝐬𝐢𝐢 𝐒𝐢 𝐂𝐚𝐝 𝐨𝐨 𝐖𝐚𝐱-𝐤𝐮-𝐨𝐨𝐥 𝐚𝐡:

Isgaarsiin cad waa tiir muhiim u ah hoggaan guul leh. 𝐒𝐢𝐧𝐠𝐡 𝐢𝐲𝐨 𝐌𝐢𝐬𝐭𝐞𝐫 waxay adkaynayaan baahida hoggaamiyeyaashu u qabaan inay si cad u muujiyaan aragtidooda iyo waxa laga filayo, si loo hubiyo in dhammaan xubnaha kooxdu isku ujeeddo yihiin isla markaana fahmaan doorarkooda.

𝟒 𝐊𝐮 𝐇𝐨𝐠𝐠𝐚𝐚𝐦𝐢 𝐓𝐮𝐬𝐚𝐚𝐥𝐞 𝐖𝐚𝐧𝐚𝐚𝐠𝐬𝐚𝐧:

Qorayaashu waxay ku boorrinayaan hoggaamiyeyaasha inay muujiyaan dabeecadda ay rabaan inay ku arkaan kooxdooda. Marka hoggaamiyuhu tuso daacadnimo, isla-xisaabtan, iyo anshax shaqo oo adag, wuxuu ku dhiirrigelin karaa xubnaha kooxda inay qaataan qiyam iyo dabeecado la mid ah.

𝟓 𝐃𝐡𝐢𝐢𝐫𝐫𝐢𝐠𝐞𝐥𝐢 𝐖𝐚𝐱 𝐁𝐚𝐫𝐚𝐬𝐡𝐨 𝐉𝐨𝐨𝐠𝐭𝐨 𝐚𝐡:

Kobcinta dhaqan wax barasho joogto ah waa mid aad muhiim ugu ah horumarinta kooxda. Buuggu wuxuu ku dhiirrigelinayaa hoggaamiyeyaasha inay taageeraan koritaanka xirfadeed iyagoo bixinaya fursado tababar, hagid (mentorship), iyo horumarinta xirfadaha, taas oo kor u qaadi karta waxqabadka kooxda.

𝟔 𝐃𝐡𝐢𝐬 𝐃𝐡𝐚𝐪𝐚𝐧 𝐊𝐨𝐨𝐱𝐞𝐞𝐝 𝐖𝐚𝐧𝐚𝐚𝐠𝐬𝐚𝐧:

Abuurista dhaqan kooxeed oo wanaagsan oo loo dhan yahay waa lama huraan si loo helo ka-qaybgal iyo wax-soo-saar sare. Qorayaashu waxay soo jeedinayaan in hoggaamiyeyaashu si firfircoon uga shaqeeyaan dhisidda jawi taageero leh, halkaas oo xubnaha kooxdu ay ku dareemaan ammaan inay cabbiraan fikradahooda isla markaana ay qaataan halis.

𝟕 𝐋𝐚 𝐐𝐚𝐛𝐬𝐨 𝐐𝐚𝐚𝐛𝐤𝐚𝐚𝐠𝐚 𝐇𝐨𝐠𝐠𝐚𝐚𝐦𝐢𝐧𝐞𝐞𝐝:

Buuggu wuxuu adkaynayaa muhiimadda dabacsanaanta ee qaababka hoggaaminta. Xaalado kala duwan iyo isdhexgalka kooxda ayaa u baahan kara habab kala geddisan, hoggaamiyeyaasha wax ku oolka ahna waa kuwa awood u leh inay la qabsadaan qaabkooda hoggaamineed si ay ula jaanqaadaan baahiyaha kooxdooda iyo caqabadaha ay wajahayaan.

Casharradan waxay bixiyaan hagid qiimo leh oo loogu talagalay xirfadlayaasha doonaya inay horumariyaan xirfadahooda hoggaamineed isla markaana si wax ku ool ah u maareeyaan kooxo ay xubnahoodu isku heer yihiin.

Tarjamaad 𝐆𝐨𝐛 𝐦𝐞𝐞𝐭𝐬

𝐎𝐠𝐞𝐲𝐬𝐢𝐢𝐬 𝐦𝐮𝐡𝐢𝐢𝐦 𝐚𝐡📢📣📍.

Dhamaan dadkii ka qeyb galay tababarkaasi waxaan u sheegaynaa in 𝐛𝐮𝐮𝐠𝐚𝐚𝐠𝐭𝐢𝐢 𝐪𝐨𝐫𝐬𝐡𝐞𝐲𝐧𝐭𝐚 𝐣𝐚𝐝𝐰𝐚𝐥𝐚𝐝𝐚 diyaar yihiin, waxaadna kala xiriiri kartaan nambarada hoose👇
𝟎𝟔𝟏𝟐𝟖𝟏𝟏𝟓𝟖𝟗- 𝟎𝟔𝟏𝟓𝟔𝟗𝟓𝟕𝟏𝟕 𝐖𝐚𝐭𝐭𝐬𝐀𝐩𝐩

Waxaan mahadsanid leennahay ustaad Abdurasak Isack Bulle .

Balanteennu waa dhisida wacyiga bulshada 🖊️

𝟖 𝐂𝐚𝐬𝐡𝐚𝐫 𝐞𝐞 𝐚𝐚𝐧 𝐤𝐚 𝐛𝐚𝐫𝐭𝐚𝐲 𝐛𝐮𝐮𝐠𝐚 " 𝐉𝐨𝐨𝐣𝐢 𝐛𝐞𝐞𝐧 𝐮 𝐬𝐡𝐞𝐞𝐠𝐢𝐝𝐚 𝐧𝐚𝐟𝐭𝐚𝐚𝐝𝐚" 𝐞𝐞 𝐮𝐮 𝐪𝐨𝐫𝐚𝐲 𝐒𝐢𝐦𝐨𝐧 𝐆𝐢𝐥𝐡𝐚𝐦 .

𝟏-𝐍𝐀𝐅𝐓𝐀𝐀𝐃𝐀 𝐔 𝐃𝐀𝐀𝐂𝐀𝐃 𝐍𝐎𝐐𝐎:
Casharka ugu muhiimsan ee ku jira buuga waa baahida ah daacadnimo nafeed. Gilham wuxuu xoog u tilmaamayaa in koriimada qofku ay ka bilaabato inaan garwaaqsano qaladaadkeenna iyo inaan wajahno xaqiiqada ama runta nolosheenna qusaysa. Inaan nafteena udaacad noqono waxay keenaysaa inaan fahanno dhinacyada aan ubaahannahay inaan ka hormarno iyo talaabooyinka aan qaadayno si uu is bedal u dhaco.

𝟐-𝐉𝐎𝐎𝐉𝐈 𝐂𝐔𝐃𝐔𝐑-𝐃𝐀𝐀𝐑𝐊𝐀:
Cudurdaarku had iyo jeer waxaan u isticmaalnaa inaan marmarsiyo u helno guul darooyinkeenna iyo inaan ka fogaanno mas,uuliyad qaadasho. Gilham wuxuu akhristayaashu ku dhiiro gelinayaa inay joojiyaan cudur daarka iyo inay qaataan mas,uuliyada lahaanshaha naftooda. Waajahida caqabadaha ina horyaala, waxaa ku hormaro adkeysigii iyo go,aan qaadashadii lagu gaari lahaa guusha.

𝟑.𝐊𝐀 𝐗𝐎𝐑𝐎𝐎𝐖 𝐀𝐀𝐌𝐈𝐍𝐀𝐀𝐃𝐀𝐇𝐀 𝐗𝐀𝐃𝐈𝐃𝐀𝐍
Wax badan oo kamid ah aaminaadaha xadidaya nafta waxaa ay ka imaadeen dhacdooyin h**e ama fariimo taban oo ka imanaya dadka kale. Gilham wuxuu xujo ugu xirayaa akhristayaasha in ay su,aal iska waydiiyaan aaminaadaas iyo inay ku bedeshaan kuwo kale oo taban lehna awood siin badan. Waxaan furan karnaa awoodaheenna oo buuxa waana gaari karnaa yoolasheenna.

𝟒-𝐐𝐀𝐀𝐃𝐎 𝐌𝐀'𝐒 𝐔𝐔𝐋𝐈𝐘𝐀𝐃𝐀 𝐅𝐈𝐂𝐈𝐋𝐋𝐀𝐃𝐀𝐀𝐃𝐀:
Ficilladeennu waa kuwo ka turjumaya waxa aan aaminsannahay iyo qiyamkanaga. Gilham wuxuu xooga saarayaa muhiimada ay leedahay qaadashada ma's uuliyada ficiladeenna iyo cawaaqibtooda. Inaan qaadanno lahaanshiyaha qaladaadkeenna waxay muhiim utahay inaan wax ka barano iyo inaan u korno shakhsi ahaan.

𝟓-𝐁𝐀𝐍𝐀𝐀𝐍𝐊𝐀 𝐔𝐆𝐀 𝐒𝐎𝐎 𝐁𝐀𝐗 𝐀𝐀𝐆𝐀 𝐍𝐀𝐒𝐈𝐈𝐍𝐀𝐃𝐀:
Koriimada shakhsigu waxay u baahantahay inaad banaanka uga baxdid aaga nasiinada iyo inaad qaadato halisaha. Qoraaga buuga wuxuu akhristayaasha ku dhiirogelinayaa inay qaataan caqabadaha iskuna dayaan wax-yaalo cusub. Inagoo nafteenna ka riixayna xadadka, waxaannu balaarin karnaa aragtideenna waxaa kaloo ikhtiraaci karnaa fursado cusub.

𝟔-𝐗𝐎𝐎𝐆𝐀 𝐒𝐀𝐀𝐑 𝐖𝐀𝐗𝐀 𝐗𝐀𝐀𝐃𝐈𝐑𝐊𝐀 𝐀𝐇:
Ku noolaanshaha ama qoomamada wax h**e iyo ka walwalida waxa Soo socda waxay innaga hor istaagayaan inaan si dhameystiran ugu noolaanno waxa xaadirka taagan. Gilham wuxuu xoojinayaa muhiimada ay leedahay diktoonida iyo diirada inaan saarno goobtan iyo hadda. Ku noolaanshaha waqtiga la joogo waxaan ka heli karnaa quruxda nolosha, waxayna yareynaysaa walwalka iyo walbahaarka.

𝟕- 𝐍𝐀𝐅𝐓𝐀𝐀𝐃𝐔 𝐖𝐀𝐀 𝐈𝐍 𝐀𝐘 𝐊𝐔 𝐗𝐄𝐄𝐑𝐍𝐀𝐀𝐃𝐀𝐀𝐍 𝐃𝐀𝐃𝐊𝐀 𝐋𝐄𝐇 𝐒𝐀𝐀𝐌𝐄𝐘𝐍𝐓𝐀 𝐓𝐎𝐆𝐀𝐍:
Dadka innagu xeeran waxay nafteena ku leeyihiin saameyn weyn. Qoraagu wuxuu dhiira gelinayaa in lala saaxiibo dadka leh saameynta togan, dadka taageerada badan kuwaa oo ku dhiiro geliya. Inaan ka fogaano saameeynta taban waxaan ku abuuri karnaa wax badan oo togan iyo deegaan hormar oo buuxa.

𝟖-𝐑𝐔𝐌𝐄𝐘𝐒𝐎 𝐍𝐀𝐅𝐓𝐀𝐀𝐃𝐀:
Aaminaada nafteennu waxay aasaas utahay inaanu gaarno hadafyadeenna. Gilham wuxuu xoojinayaa muhiimada ay leedahay aaminaada nafta iyo kalsoonida nafta. Inaynu aaminno nafafkeenna waxaan uga gudbi karnaa caqabadaha, waxay innaga ilaalisaa dib udhaca, iyo ugu dambeyntii waxaynu gaareynaa riyooyinkeenna.

Tarjamaad:Göb Meets.🖊️

𝐍𝐚𝐚𝐝𝐢𝐠𝐚 𝐀𝐤𝐡𝐫𝐢𝐬𝐤𝐚 & 𝐐𝐨𝐫𝐚𝐚𝐥𝐤𝐚 𝐁𝐚𝐚𝐲 🖊️

𝐍𝐚𝐚𝐝𝐢𝐠𝐚 𝐀𝐤𝐡𝐫𝐢𝐬𝐤𝐚 & 𝐐𝐨𝐫𝐚𝐚𝐥𝐤𝐚 𝐁𝐚𝐚𝐲 iyo Gārsā platform ayaa galabnimadii maanta waxaa ay Baydhabo ugu qabteen bahda waxbarashada qeybaheeda kala duwan iyo bulshada kale ee magaalada.

Tababarkaan oo lagu baranaayey 𝐏𝐞𝐫𝐬𝐨𝐧𝐚𝐥 𝐒𝐭𝐫𝐚𝐭𝐞𝐠𝐢𝐜 𝐏𝐥𝐚𝐧 ayaa waxaa bixinaayey ustaad Abdurasak Isack Bulle oo kamid ah barayaasha deegaanada 𝐊𝐨𝐨𝐧𝐟𝐮𝐫𝐠𝐚𝐥𝐛𝐞𝐞𝐝 aadka looga yaqaano.

Waxaan u mahad naqeynnaa dhamaan ka soo qeybgalayaashii soo xaadirey madasha tababarka iyo bahda warbaahinta oo ay u h**eeyaan Janaay HD 👏👏.

Balanteennu waa dhisida wacyiga bulshada 🖊️