Mareero State House

MADAXWAYNHA DOWLADA MAREERO OO HAMBALYO UDIRAY MADAXWAYNAHA DIB LOO DOORTEY EE KOONFUR GALBEED

Dhahar: Maarso 28, 2026: Madaxweynaha Dowladda Mareero, Mudane Jeylaani Mohamed Ahmed, ayaa hambalyo iyo duco u diray Madaxweynaha dib loo doortay ee Dowlad-goboleedka Koonfur Galbeed, Mudane Cabdicasiis Xasan Maxamed.

Madaxweyne Jeylaani ayaa ku bogaadiyey guusha doorashada, isaga oo xusay in hoggaanka cusub ee Koonfur Galbeed ay horyaallaan waajibaadyo muhiim ah oo ay ka mid yihiin dardar-gelinta dib u heshiisiinta bulshada, dhammaystirka xoreynta deegaannada ay weli ku sugan yihiin kooxaha argagixisada, iyo horumarinta adeegyada aasaasiga ah ee ay bulshada u baahan tahay.

Sidoo kale, Madaxweynaha Dowladda Mareero ayaa carrabka ku adkeeyey muhiimadda ay leeyihiin doorashooyinka iyo hannaanka dimuqraadiyadeed ee dowlad-goboleedyada, isaga oo tilmaamay in ay yihiin tiir-dhexaad u ah xasilloonida siyaasadeed iyo horumarinta nidaamka Federaalka ee dalka. Wuxuu ku baaqay in dowlad-goboleedyada muddo dhaafka ah ay si degdeg ah u qabtaan doorashooyinka laga sugayo.

Ugu dambayn, Madaxweynaha Dowladda Mareero ayaa Alle uga baryey Madaxweynaha dib loo doortay ee Koonfur Galbeed in uu ku guuleeyo waajibaadka culus ee loo igmaday, gaar ahaan sugidda amniga, adkeynta midnimada, iyo horumarinta bulshada Koonfur Galbeed.

DHAMMAAD

XAFIISKA WARFAAFINTA MADAXTOOYADA DOWLADDA MAREERO

MADAXWAYNHA DOWLADA MAREERO OO SHACABKIISA KULA CIIDAY DEGMADDA DHAHAR.

MADAXWEYNAHA DOWLADDA MAREERO OO HAMBALYO CIIDUL FIDRI U DIRAY SHACABKA SOOMAALIYEED, GAAR AHAAN BULSHADA REER MAREERO

Dhahar, Maarso 19, 2026: Madaxweynaha Dowladda Mareero, Mudane Jeylaani Mohamed Ahmed, ayaa hambalyo ku aaddan munaasabadda barakeysan ee Ciidul Fidriga u diray dhammaan ummadda Muslimiinta ah, gaar ahaan shacabka Soomaaliyeed iyo bulshada sharafta leh ee reer Mareero.

Madaxweynaha ayaa sheegay in munaasabaddan qiimaha badan ay tahay fursad lagu muujiyo midnimo, walaaltinimo iyo is-garab istaag, isaga oo shacabka ku booriyay inay xoojiyaan isku duubnidooda, isla markaana ay garab istaagaan dadka danyarta ah si farxadda Ciidda loo wada gaarsiiyo dhammaan bulshada.

Sidoo kale, Madaxweynaha ayaa Eebbe uga baryay ummadda Soomaaliyeed in uu ka aqbalo cibaadooyinkii bishii barakeysnayd ee Ramadaan, sida Soonka, Salaadaha Taraawiixda, Tahajudka, akhriska Qur’aanka Kariimka ah iyo sadaqooyinka, isla markaana uu ku gaarsiiyo bisha Ramadaan ee soo socota nabad, caafimaad iyo barwaaqo.

Madaxweynaha ayaa xusay muhiimadda ay leedahay ilaalinta nabadda, wadajirka bulshada iyo horumarinta dalka, isagoo ugu dambeyn shacabka u rajeeyay Ciid farxad leh oo ku dheehan nabad iyo barwaaqo.

“تقبل الله منا ومنكم صالح الأعمال”

— DHAMMAAD —
Xafiiska Warfaafinta Madaxtooyada Dowladda Mareero

DOWLADA MAREERO OO BULSHADEDA U CADENAYSANA IN 30KA LA BUUXIYO BISHA BARAKAYSAN.

MADAXWEYNAHA DOWLADDA MAREERO OO BOGAADIYAY DASTUURKA CUSUB EE JAMHUURIYADDA FEDERAALKA SOOMAALIYA

Boosaaso, Maarso 08, 2026: Madaxweynaha Dowladda Mareero, Mudane Jeylaani Mohamed Ahmed, ayaa si rasmi ah u bogaadiyey Dastuurka cusub ee Jamhuuriyadda Federaalka Soomaaliya oo ay ansixiyeen Labada Aqal ee Baarlamaanka Federaalka Soomaaliya.

Madaxweynaha ayaa sidoo kale ku bogaadiyey Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, dadaalka iyo hoggaaminta uu ku gaaray meel marinta dastuurkan muhiimka ah.

Madaxweynaha Dowladda Mareero ayaa sheegay in dastuurkan cusub uu saldhig u noqon doono xoojinta hay’adaha dowladda, ilaalinta xuquuqda muwaadiniinta iyo horumarinta nidaamka dimuqraadiyadeed ee dalka.

Sidoo kale, Madaxweynaha ayaa ugu baaqay shacabka reer Mareero inay ixtiraamaan, ilaaliyaan isla markaana ku dhaqmaan dastuurka cusub ee dalka.

— DHAMMAAD —

XAFIISKA WARFAAFINTA MADAXTOOYADA DOWLADDA MAREERO.

SOON WANAAGSAN SHACABKAYGA.

Waxa aan hambalyo u dirayaa dhammaan Ummaddayda Soomaliyeed gaar ahaan Shacb-wayanha reer Mareero, gudaha iyo dibeddaba, iyo ummada Muslimiinta ah ee ku kala nool daafaha dunida, Munaasibadda Curashada Bisha Barakeysan ee Soon awgeed.

Waxa aan dhammaan Ummadda reer Mareero ku boorinayaa in ay ka faa'iidaystaan fursaddan qaaliga ah ee Bisha Barakeysan ee Soon-ka, isla markaana la yimaaddaan cibaado, isa-saamaxaad, samafal, iyo isu naxariisasho badan, taas oo xoojinaysa Midnimada iyo Wadajirka dadkeenna.

Bishan oo ku suntan naxariis, cibaado iyo is-cafis waxa ay fursad inoo ku tahay in aynu u istaagno taakulaynta dadkeenna danyarta ah, kana fududayno culayska nolasha.

Sida oo kale, waxa aan dhammaan Ummadda Muslimiinta ah gaar ahaan ummada somaliyeed Allah-SWT uga baryayaa in uu ka aqbalo Soonka, Salaadda, iyo Acmaasha wanaagsan ee ay la yimaaddaan inta lagu jiro Bisha Barakeysan ee Soon-ka, isla markaana uu ka dulqaado dhibaatooyinka iyo caqabadaha haysta Ummadda Muslimiinta ah oo idil.

MADAXWAYNHA DOWLADA MAREERO OO MAGACAABAY AFHAYEENKA DOWLADA MAREERO

Bosaso: Febraayo, 01 2026: Madaxweynaha Dowladda Mareero ayaa maanta soo saaray digreeto madaxweyne oo uu si rasmi ah ugu magacaabay
Mudane Maxamed Faysal Maxamed
in uu noqdo Afhayeenka Dowladda Mareero.

Markuu tixgeliyey:

•Dastuurka Dowladda Mareero;
•Baahida loo qabo in la helo Afhayeen rasmi ah oo matala Dowladda;
•Kartida, aqoonta iyo waayo-aragnimada uu leeyahay Mudane Maxamed Faysal Maxamed;

Wuxuu digreetadan ku magacaabay:

Mudane Maxamed Faysal Maxamed
in uu noqdo Afhayeenka Dowladda Mareero, laga bilaabo Maanta.

Digreetadan waxay dhaqan-galaysaa marka uu Madaxweynuhu saxiixo.

Waxaana lagu saxiixay Xarunta Madaxtooyada Dowladda Mareero.

Waxaan u rajeyneynaa Afhayeenka cusub guul iyo horumar inta uu gudanayo waajibaadkiisa qaran.

— DHAMMAAD —

MADAXWAYNHA DOWLADA MAREERO OO BULSHADIISA MAR DHAW LA HADLI DOONA.

DOWLADDA MAREERO WAXAY WADAA ABAABUL LAGU CIRIBTIRAYO RAGGA HORJOOGE DENI KA AMAR QAATA OO KUSUGAN GUDAHA DALKA.

MADAXWAYNHA DOWLADA MAREERO OO SAFAR UGU AMBABAXAY CAASIMADA LAASCANOOD

Bosaso: 15 Janayo, 2026; Madaxweynaha Dowladda Mareero, oo hoggaaminaya wafdi ballaaran oo isugu jira mas’uuliyiin sare iyo xubno ka tirsan hay’adaha kala duwan ee dowladda, ayaa safar rasmi ah ugu ambabaxaya caasimadda Waqooyi-bari ee Laascaanood.

Safarkan ayaa ku saleysan casuumaad rasmi ah oo uu Madaxweynaha Waqooyi-bari, Mudane Cabdulqaadir Axmed Aw Cali (Firdhiye), u fidiyay Madaxweynaha Dowladda Mareero, taas oo uu si rasmi ah u aqbalay. Ujeeddada safarkan ayaa ah Caleema-saarka Madaxwaynaha iyo xoojinta xiriirka walaaltinimo, wadatashi siyaasadeed, iyo iskaashi ku saleysan danaha guud ee bulshada.

Inta uu safarku socdo, labada Madaxweyne iyo wafdiyadooda ayaa ka wada hadli doona arrimo la xiriira nabadda, amniga, horumarinta adeegyada bulshada, iyo adkeynta wada-shaqeynta labada dhinac.

Dowladda Mareero waxay caddeyneysaa in safarkan uu yahay mid ku saleysan is-ixtiraam, wadashaqeyn, iyo danta guud ee shacabka, iyada oo mar walba mudnaanta la siinayo xasilloonida iyo horumarka gobolka.

DHAMMAAD

Xafiiska Warfaafinta
Madaxweynaha Dowladda Mareero.

WAR-SAXAAFADEED

Madaxweynaha Dowladda Mareero oo Taageeray Mowqifka Dowladda Federaalka Soomaaliya.

MADAXWAYNAHA DOWLADDA MAREERO OO HADDA SHIR DEGDEG AH GALAY.