Maamulka Gobolka Mudug

Call Directions Website Contact the organization

Maamulka Gobolka Mudug Waa Page-ka Saxdaa ee Maamulka Gobolka Mudug.

07/10/2026

Galkacyo: Guddoomiyaha Gobolka Mudug, Mudane Cabdiweli Jibriil Bayle, oo uu wehelinayo Guddoomiye Ku-xigeenka 1-aad ee Gobolka, Mudane Cabdiqaadir Warsame Kooshin, ayaa maanta shir-guddoomiyey kulan ay yeesheen Golaha Horumarinta Gobolka.
‎
‎Kulanka ayaa waxaa ka soo qaybgalay dhammaan xubnaha Golaha Horumarinta Gobolka, waxaana looga hadlay arrimo la xiriira horumarinta gobolka, isku-duwidda qorshayaasha horumarineed iyo sidii loo xoojin lahaa wada-shaqeynta xubnaha Golaha.
‎
‎Guddoomiyaha Gobolka ayaa kulanka ka jeediyey warbixin iyo tilmaamo ku aaddan muhiimadda ay leedahay iskaashi iyo isku-duubni lagu dardargelinayo howlaha horumarineed ee Gobolka Mudug.
‎
‎-DHAMAAD-
‎
‎AGAASINKA WARFAAFINTA IYO XIRIIRKA DADWEYNAHA EE MAAMULKA GOBOLKA MUDUG

GUDDOOMIYE KU-XIGEENKA 2-AAD EE GOBOLKA OO DAAHFURAY DHISMAHA MARMARKA XAAFADDA GORSOOR‎‎Gaalkacyo: Guddoomiye Ku-xigeen...
06/10/2026

GUDDOOMIYE KU-XIGEENKA 2-AAD EE GOBOLKA OO DAAHFURAY DHISMAHA MARMARKA XAAFADDA GORSOOR
‎
‎Gaalkacyo: Guddoomiye Ku-xigeenka 2-aad ee Gobolka Mudug, Mudane Mukhtaar Cabdikariin Cilmi, oo ay wehelinayaan Ku-xigeenka Duqa Degmada Gaalkacyo iyo mas’uuliyiin kale, ayaa maanta si rasmi ah u daahfuray hawlgalka dhismaha iyo rakibidda marmarka ee lagu hagaajinayo bilicda iyo muuqaalka Xaafadda Garsoor ee magaalada Gaalkacyo.
‎
‎Mashruucan ayaa qeyb ka ah dadaallada lagu horumarinayo bilicda magaalada, iyadoo marmarka lagu dhisayo laguna qurxinayo suuqyada, hareeraha waddooyinka, goobaha ganacsiga iyo meelaha ku dhow laamiyada, si loo helo deegaan nadiif ah, qurux badan oo habeysan.
‎
‎Mas’uuliyiinta ayaa sheegay in mashruucu muhiim u yahay horumarinta bilicda iyo nadaafadda Xaafadda Garsoor, iyagoo bulshada ugu baaqay inay ka qeyb qaataan ilaalinta iyo daryeelka goobaha la qurxiyo, si loo ilaaliyo muuqaalka wanaagsan ee magaalada.
‎
‎Maamulka Gobolka Mudug iyo kan Degmada Gaalkacyo ayaa sheegay inay sii wadi doonaan dadaallada lagu horumarinayo bilicda iyo adeegyada bulshada ee magaalada.
‎
‎-DHAMAAD-
‎
‎AGAASINKA WARFAAFINTA IYO XIRIIRKA DADWEYNAHA EE MAAMULKA GOBOLKA MUDUG
‎

GUDDOOMIYAHA GOBOLKA OO KULAN LA QAATAY MAAMULKA DEEGAANKA GARACAD‎‎Garacad, Mudug: Guddoomiyaha Gobolka Mudug, Mudane C...
03/10/2026

GUDDOOMIYAHA GOBOLKA OO KULAN LA QAATAY MAAMULKA DEEGAANKA GARACAD
‎
‎Garacad, Mudug: Guddoomiyaha Gobolka Mudug, Mudane Cabdiweli Jibriil Bayle, oo ay wehelinayaan Isuduwaha Wasaaradda Arrimaha Gudaha, Federaalka iyo Dimuqraadiyeynta Dowladda Puntland iyo Xoghayaha Dowladda Hoose ee Degmada Jariiban, ayaa maanta kulan kula qaatay xafiiskooda Maamulka deegaanka Garacad ee Degmada Jariiban.
‎
‎Kulanka ayaa diiradda lagu saaray xaaladda guud ee deegaanka, arrimaha maamulka, amniga, adeegyada bulshada iyo sidii loo xoojin lahaa wada-shaqeynta u dhexeysa Maamulka Gobolka Mudug, Dowladda Hoose ee Jariiban iyo Maamulka deegaanka Garacad.
‎
‎Mas’uuliyiinta ayaa sidoo kale ka wada hadlay sidii loo dardargelin lahaa howlaha horumarineed iyo adeegyada muhiimka ah ee bulshada deegaanka, iyadoo la adkeynayo iskaashiga iyo isku-duwidda hay’adaha dowladda iyo bulshada.
‎
‎Guddoomiyaha Gobolka Mudug ayaa maamulka iyo shacabka Garacad ku dhiirrigeliyey inay sii xoojiyaan wada-shaqeynta, nabadda iyo ka-qaybqaadashada horumarka deegaanka.
‎
‎-DHAMAAD-
‎
‎AGAASINKA WARFAAFINTA IYO XIRIIRKA DADWEYNAHA EE MAAMULKA GOBOLKA MUDUG

03/10/2026

Gudoomiye ku-xigeenka 1aad ee gobolka mudane Abdiqadir Warsame Koshin ayaa saakey ka qaybgalay Munaasabada saxiixa iyo dhagax dhiga biyo saarka Gaalkacyo ayaa taas oo ay goob-joog ahaayeen mas'uuliyiinta dowladda oo ay ka mid yihiin wasiiro, xildhibaano, shirkadda TTN, iyo Guddiga Horumarinta Gaalkacyo.
‎
‎Munaasabada oo ka dhacaysa Hotel Al Jazeera, ayaa lagu casumay Bulshada Ree Gaalkacyo oo door muuqda ku leh mashruuca biyo saarka.

GUDDOOMIYAHA GOBOLKA OO KULAN LQ QAATAY WAXGARADKA DEEGAANKA GARACAD ‎‎Garacad: Guddoomiyaha Gobolka Mudug, Mudane Cabdi...
02/10/2026

GUDDOOMIYAHA GOBOLKA OO KULAN LQ QAATAY WAXGARADKA DEEGAANKA GARACAD
‎
‎Garacad: Guddoomiyaha Gobolka Mudug, Mudane Cabdiweli Jibriil Bayle, oo ay wehliyaan Isuduwaha Wasaaradda Arrimaha Gudaha, Federaalka iyo Dimuqraadiyeynta Dowladda Puntland iyo Duqa Degmada Jariiban, ayaa galabta deegaanka xeebeedka Garacad kulan kula qaatay qaar ka mid ah waxgaradka iyo odayaasha deegaanka.
‎
‎Kulanka ayaa looga hadlay xaaladda deegaanka, wacyigelinta bulshada, xoojinta amniga iyo ka hortagga falalka la xiriira burcad-badeedda, iyadoo lagu adkeeyay muhiimadda wada-shaqeynta maamulka iyo bulshada si loo ilaaliyo nabadda iyo xasilloonida deegaanka taas oo qayb ka ah howlaha shaqo ee mas’uuliyiintu ka wadaan bariga Gobolka Mudug.
‎
‎-DHAMAAD-
‎
‎AGAASINKA WARFAAFINTA IYO XIRIIRKA DADWEYNAHA EE MAAMULKA GOBOLKA MUDUG

Maamulka Gobolka mudug ayaa amar ku bixiyay joojinta shirarka iyo kulamada ay Peace Development Forum ku qabanayso Gobol...
30/09/2026

Maamulka Gobolka mudug ayaa amar ku bixiyay joojinta shirarka iyo kulamada ay Peace Development Forum ku qabanayso Gobolka Mudug iyo degmooyinkiisa.
‎
‎Waxaa Lagu wargelinayaa Taliyaha Qaybta Booliiska Gobolka, Guddoomiyeyaasha Degmooyinka iyo hoteellada galkacyo iyo Gobolka Mudug in aan la qaban ama la martigelin karin shirarka iyo kulamada ay Peace Development Forum qabanayso.
‎
‎Amarkan waxaa soo saaray Xafiiska Guddoomiyaha Gobolka Mudug, Mudane Cabdiweli Jibriil Bayle, waxaana uu ku taariikhaysan yahay 28-ka Sebtembar 2026.
‎
‎-DHAMAAD-
‎
‎AGAASINKA WARFAAFINTA IYO XIRIIRKA DADWEYNAHA EE MAAMULKA GOBOLKA MUDUG

WASIIRRO IYO MAS’UULIYIIN KA TIRSAN DOWLADDA PUNTLAND OO KULAN LA QAATAY GUDDIGA AMNIGA GOBOLKA‎‎GAALKACYO — 29 Sebtemba...
29/09/2026

WASIIRRO IYO MAS’UULIYIIN KA TIRSAN DOWLADDA PUNTLAND OO KULAN LA QAATAY GUDDIGA AMNIGA GOBOLKA
‎
‎GAALKACYO — 29 Sebtembar 2026: Xubno ka tirsan Golaha Wasiirrada Xildhimaano, iyo mas’uuliyiin ka tirsan Dowladda Puntland ayaa maanta kulan la qaatay Guddiga Amniga Gobolka Mudug, kaas oo looga hadlay xaaladda guud ee amniga Gobolka, iyadoo sidoo kale lagu sameeyay kala xog-qaadasho ku saabsan xaaladda amni ee deegaanada gobolka iyo arrimaha mudnaanta u leh xoojinta amniga iyo nabadgelyada bulshada sidii loo wajihi lahaa.
‎
‎Mas’uuliyiinta kulanka ka qaybgalay ayaa is dhaafsaday warbixinno ku saabsan xaaladda amniga, waxaana xoogga la saaray sidii loo sii xoojin lahaa wada-shaqeynta hay’adaha amniga iyo maamulka gobolka.
‎
‎-DHAMAAD-
‎
‎AGAASINKA WARFAAFINTA IYO XIRIIRKA DADWEYNAHA EE MAAMULKA GOBOLKA

‎GAAKACYO OO LAGA DAAH-FURAY MASHRUUCA DHIREYNTA IYO IFTIIMINTA DEGMADA‎‎GAAKACYO — 28 Sebtembar 2026: Guddoomiyaha Gobo...
28/09/2026

‎GAAKACYO OO LAGA DAAH-FURAY MASHRUUCA DHIREYNTA IYO IFTIIMINTA DEGMADA
‎
‎GAAKACYO — 28 Sebtembar 2026: Guddoomiyaha Gobolka Mudug, Mudane Cabdiweli Jibriil Bayle, oo uu wehliyo Guddoomiye Ku-xigeenka 1-aad ee Gobolka, Mudane Cabdiqadir Warsame Kooshin, ayaa maanta ka qaybgalay munaasabadda daah-furka mashruuca dhireynta, iftiiminta iyo horumarinta bilicda magaalada Gaalkacyo.
‎
‎Mashruucan waxaa iska kaashanaya Golaha Bilicda Gaalkacyo (BGF), Maamulka Degmada Gaalkacyo iyo Shirkadda Korontada NEPCO, waxaana loogu talagalay in lagu kordhiyo dhirta, lagu horumariyo nalalka waddooyinka, isla markaana lagu hagaajiyo bilicda iyo nadaafadda magaalada.
‎
‎Munaasabadda waxaa ka qaybgalay mas’uuliyiin ka tirsan Dowladda Puntland, maamulka Gobolka Mudug iyo kan Degmada Gaalkacyo, xildhibaanno, isimmo, nabaddoonno, culimo, dhakhaatiir, ganacsato, haween, dhallinyaro iyo qeybaha kala duwan ee bulshada.
‎
‎Guddoomiyaha Gobolka Mudug, Mudane Cabdiweli Jibriil Bayle, ayaa bogaadiyay dadaallada lagu horumarinayo bilicda magaalada, isagoo xusay muhiimadda ay leedahay iskaashiga ka dhexeeya maamulka, bulshada iyo ganacsatada si loo horumariyo deegaanka iyo adeegyada bulshada.
‎
‎Mashruucu wuxuu xoogga saarayaa dhireynta, iftiiminta waddooyinka iyo bilic-soocelinta magaalada, iyadoo bulshada lagu dhiirrigelinayo ilaalinta deegaanka iyo ka qaybqaadashada horumarinta muuqaalka magaalada.
‎
‎Golaha Bilicda Gaalkacyo (BGF) ayaa hormuud ka ah mashruucan, waxaana la sheegay in golaha ay aas-aaseen gabdho qurbo-joog u badan oo asal ahaan ka soo jeeda Gobolka Mudug, kuwaas oo u istaagay inay ka qaybqaataan horumarinta magaalada Gaalkacyo.
‎
‎Mashruucan ayaa lagu wadaa inuu noqdo tallaabo lagu xoojinayo iskaashiga bulshada, maamulka iyo ganacsatada, si Gaalkacyo looga dhigo magaalo cagaaran, bilic wanaagsan leh, isla markaana leh iftiin ku filan.
‎
‎-DHAMAAD-
‎
‎AGAASINKA WARFAAFINTA IYO XIRIIRKA DADWEYNAHA EE MAAMULKA GOBOLKA MUDUG

27/09/2026

GUDDOOMIYAHA GOBOLKA OO MAANTA KORMEER SHAQO KU TAGAY DEEGAANKA ROOX
‎
‎ROOX — 27 Sebtembar 2026: Guddoomiyaha Gobolka Mudug, Mudane Cabdiweli Jibriil Bayle, oo ay wehliyaan saraakiisha amniga Gobolka, ayaa maanta kormeer shaqo ku tagay deegaanka Roox, halkaas oo ay ku sugan yihiin ciidamo amni oo loo geeyey xoojinta amniga deegaanka.
‎
‎Kormeerka ayaa ujeeddadiisu ahayd in si dhow loo qiimeeyo xaaladda amni ee deegaanka iyo deegaanada ku xeeran. Guddoomiyaha iyo saraakiisha amniga ayaa kulamo la yeeshay ciidamada iyo bulshada deegaanka, iyagoo ku boorriyey bulshada inay si dhow ula shaqeeyaan hay’adaha amniga, kana qayb qaataan sugidda nabadgelyada iyo xasilloonida.
‎
‎Maamulka Gobolka Mudug ayaa sidoo kale muhiimad gaar ah siinaya isu-soo-dhawaynta bulshada reer miyiga ah si loo xoojiyo wada-shaqaynta, kalsoonida iyo nabadgelyada guud ee deegaanka.
‎
‎-DHAMAAD-
‎
‎AGAASINKA WARFAAFINTA IYO XIRIIRKA DADWEYNAHA EE MAAMULKA GOBOLKA MUDUG

26/09/2026

BURSAALAX: Guddoomiyaha Gobolka Mudug, Mudane Cabdiweli Jibriil Bayle, ayaa maanta ka qaybgalay munaasabadda daah-furka habka tamarta qorraxda ee korontada laga hirgeliyey degmada Bursaalax, taas oo qayb ka ah dadaallada lagu horumarinayo adeegyada korontada iyo helitaanka tamar nadiif ah.

Address

Gaalkacyo
57395

Telephone

+252905209848

Website

Alerts

Be the first to know and let us send you an email when Maamulka Gobolka Mudug posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Maamulka Gobolka Mudug:

Shortcuts

Share

Category