IMC - Puntland

𝐖𝐀𝐑-𝐒𝐀𝐗𝐀𝐀𝐅𝐀𝐃𝐄𝐄𝐃

Taariikh: 13-May-2026, Garoowe , Puntland , Somalia

𝐖𝐚𝐬𝐚𝐚𝐫𝐚𝐝𝐝𝐚 𝐆𝐚𝐫𝐠𝐚𝐚𝐫𝐤𝐚 𝐢𝐲𝐨 𝐌𝐚𝐚𝐫𝐞𝐲𝐧𝐭𝐚 𝐌𝐚𝐬𝐢𝐢𝐛𝐨𝐨𝐲𝐢𝐧𝐤𝐚 iyo 𝐗𝐚𝐫𝐮𝐧𝐭𝐚 𝐌𝐚𝐚𝐫𝐞𝐲𝐧𝐭𝐚 𝐗𝐨𝐠𝐚𝐡𝐚 𝐊𝐡𝐚𝐲𝐫𝐚𝐚𝐝𝐤𝐚 𝐁𝐢𝐲𝐚𝐡𝐚 𝐢𝐲𝐨 𝐃𝐡𝐮𝐥𝐤𝐚 𝐃𝐚𝐰𝐥𝐚𝐝𝐝𝐚 𝐏𝐮𝐧𝐭𝐥𝐚𝐧𝐝 waxay si wadajir ah u beeninayaan warqad digniin ah oo lagu faafiyey baraha bulshada kana soo baxday Hay’adda Maareynta Musiibooyinka ee Soomaaliya (𝐒𝐎𝐃𝐌𝐀) taas oo lagu sheegay in duufaano iyo roobab culus ay ku wajahan yihiin gobollo ka tirsan Puntland iyo qaybo kamid ah deegaanada xeebaha muddada u dhaxaysa 𝟏𝟐-𝟏𝟕 𝐌𝐚𝐲 𝟐𝟎𝟐𝟔.

Kadib markii la sameeyay hubin rasmi ah, waxaan xaqiijinaynaa in xogtaasi aysan ahayn mid rasmi ah laguna go’aan qaadan karo.

Waxaa sidoo kale nasiib daro ah in xog aan tixraac iyo raad lahayn lala wadaago bulshada reer Puntland.

Haddaba bahda-warbaahinta iyo bulsho weynta reer Puntland waxaa lagu wargelinayaa inay ka feejignaadaan faafinta xogo aan la hubin oo keeni kara cabsi iyo jahawareer bulsho.

Wasaaradda Gargaarka iyo Maareynta Masiibooyinka iyo Xarunta Maareynta Xogaha Khayraadka Biyaha iyo Dhulka Dawladda Puntland waxay bulshadooda ku wargelinaysaa in dhammaan digniinaha cimilada iyo xaaladaha Khataraha degdegga ah ay kala socdaan:
• Mareegaha rasmiga ah ee Wasaaradda iyo Xarunta.
• Bogagga rasmiga ah ee baraha bulshada ee Wasaaradda iyo Xarunta.
• Warbaahinta dowladda iyo bahwadaagta la shaqeeya mareegohooda rasmiga ah.

Ugu dambeyn, Wasaaradda iyo Xaruntu waxay si joogta ah ula soconayaan xaaladaha cimilada iyo bixinta xogaha saxda ah waqtiga ku haboon.

— DHAMMAAD —

🌧️ 𝐒𝐀𝐀𝐃𝐀𝐀𝐒𝐇𝐀 𝐑𝐎𝐎𝐁𝐊𝐀 𝐄𝐄 𝐓𝐎𝐃𝐃𝐎𝐁𝐀𝐀𝐃𝐊𝐀 𝟏𝟎-𝟏𝟔 𝐌𝐀𝐘 𝟐𝟎𝟐𝟔:

Sida ay muujinayso khariiradda saadaasha roobka ee toddobaadkan, guud ahaan roobabka laga filayo deegaanada Puntland waxay ahaan doonaan kuwo dhexdhexaad ah.

📍Qaybo kamid ah deegaanada 𝐆𝐚𝐚𝐥𝐤𝐚𝐜𝐲𝐨, 𝐁𝐮𝐫𝐭𝐢𝐧𝐥𝐞, 𝐗𝐚𝐫𝐟𝐨, 𝐉𝐚𝐫𝐢𝐢𝐛𝐚𝐧, 𝐁𝐮𝐫𝐬𝐚𝐚𝐥𝐚𝐱, 𝐆𝐚𝐥𝐝𝐨𝐠𝐨𝐛, 𝐋𝐚𝐚𝐬𝐜𝐚𝐚𝐧𝐨𝐨𝐝, 𝐁𝐮𝐮𝐡𝐨𝐨𝐝𝐥𝐞, 𝐁𝐨𝐨𝐜𝐚𝐦𝐞, 𝐃𝐚𝐧𝐠𝐨𝐫𝐚𝐲𝐨, iyo 𝐑𝐚𝐤𝐨 ayaa la filayaa inay helaan roobab dhexdhexaad ah inta lagu jiro muddadan.

⚠️ Bulshada ku nool meelaha la saadaaliyay roobabka dhexdhexaadka ah waxaa lagula talinayaa inay muujiyaan 𝐟𝐞𝐞𝐣𝐢𝐠𝐧𝐚𝐚𝐧 𝐝𝐡𝐞𝐞𝐫𝐚𝐚𝐝 ah, gaar ahaan inay ka fogaadaan biyo-mareennada, togagga, iyo meelaha dhulka hooseeya, si looga hortago khataraha ka dhalan kara qulqulka biyaha.

Saadaashan roobka waxay isbeddeli kartaa waqti kasta, iyadoo ay saameynayaan duruufaha cimilada ee is rogrogaya. Sidaa darteed, 𝐗𝐚𝐫𝐮𝐧𝐭𝐚 𝐌𝐚𝐜𝐥𝐮𝐮𝐦𝐚𝐚𝐝𝐤𝐚 𝐊𝐡𝐚𝐲𝐫𝐚𝐚𝐝𝐤𝐚 𝐁𝐢𝐲𝐚𝐡𝐚 𝐢𝐲𝐨 𝐃𝐡𝐮𝐥𝐤𝐚 𝐞𝐞 𝐃𝐨𝐰𝐥𝐚𝐝𝐝𝐚 𝐏𝐮𝐧𝐭𝐥𝐚𝐧𝐝 waxay si joogto ah ula socotaa isbeddelada cimilada si loo helo xog sax ah oo waqtigeeda la jaanqaadaysa.

🌧️ SAADAASHA ROOBKA EE TODDOBAADKA 03–09 MAY 2026

Saadaasha roobka ee maalmaha 03-09 may ayaa ah mid dhexdhexaad ah.

📍Qaybo kamid ah deegaanada hoos taga Ceerigaabo, Burtinle, Godobjiiraan, Galdogob, iyo Carmo ayaa la filayaa inay helaan roobab dhexdhexaad ah oo xaddigoodu gaari karo 50–100 mm.
Sidoo kale, deegaanada Garoowe, Laascaanood, Xarfo, Bursaalax, Laasqoray, Badhan, Dhahar, Rako, Iskushuban, Eyl, Ufayn, Taleex, Buuhoodle, Jariiban, iyo Gaalkacyo ayaa laga filayaa roobab u dhexeeya 10–40 mm.

⚠️ Bulshada ku nool deegaanada la filayo roobabka dhexdhexaadka ah waxaa lagula talinayaa inay muujiyaan feejignaan dheeraad ah, gaar ahaan inay ka fogaadaan biyo-mareennada, togagga, iyo meelaha dhulka hooseeya, si loo yareeyo khataraha ka dhalan kara qulqulka biyaha.

Saadaashan roobka waxay isbeddeli kartaa waqti kasta, iyadoo ay saameynayaan duruufaha cimilada ee is rogrogaya. Sidaa darteed, Xarunta Macluumaadka Khayraadka Biyaha iyo Dhulka ee Dowladda Puntland waxay si joogto ah ula socotaa isbeddelada cimilada si loo helo xog sax ah oo waqtigeeda la jaanqaadaysa.

🌧️ SAADAASHA ROOBKA EE TODDOBAADKAN (26 APRIL – 02 MAY 2026)

Sida ay muujinayso khariiradda saadaasha roobka ee toddobaadkan, guud ahaan ixtimaalka roobabka laga filayo deegaannada Puntland waxay ahaan doonaan kuwo hooseeya ixtimaal ahaan.

📍Magaalooyinka ay ka mid yihiin Gaalkacyo, Goldogob, Garoowe, Taleex, Xudun, Ceerigaabo, Laasqoray, Laascaanood, Ufayn, iyo Baargaal ayaa la filayaa inay helaan roobab u dhexeeya qiyaastii 10–50 mm.

⚠️ Maadaama roobabka la saadaaliyay ay yihiin kuwo xaddidan oo aan si buuxda u dabooli karin baahiyaha biyaha ee deegaanka, waxaan bulshada ku baraarujinaynaa in la muujiyo feejignaan isla markaana la sameeyo qorshayn h**e oo ku aaddan isticmaalka biyaha.

🌦️ Waa muhiim in la ogaado in saadaashan roobka ay isbeddeli karto xilli kasta, iyadoo ay ku xiran tahay duruufaha cimilada ee is-rogrogaya. Sidaa darteed, Xarunta Macluumaadka Khayraadka Biyaha iyo Dhulka ee Dowladda Puntland waxay si joogto ah oo dhow ula socotaa isbeddelada cimilada, gaar ahaan xilligan roobaadka, si aan bulshada ula wadaagno xog sax ah oo waqtigeeda la jaanqaadaysa.

SAADAASHA ROOBKA EE SITIMAANKA 01 - 06 APRIL 2026:

Toddobaadkii la soo dhaafay, roob beegayaasha ayaa diiwaangeliyay roobab xaddi ahaan ah:

Carmo (32.7 mm), Uusguure (14 mm), Dhahar (22.4 mm), Widhwidh (3 mm), Ufayn (3.7 mm), Buran (20 mm), Banderbayla (4 mm), Qardho (96 mm), Galdogob (2 mm), Garowe (3.4 mm), Burtinle (1.6 mm), Eyl (50 mm), Badhan (8.8 mm), Laas’anod (31 mm), Taleex (6.2 mm), Buuhoodle (17.2 mm), Shaxda (5 mm), Godobjiiraan (27 mm) iyo Xingalool (32 mm).

Khariiradda saadaasha roobka ee usbuuca 01- 06 April 2026 waxay muujinaysaa in roobabku guud ahaan ay ahaan doonaan kuwo hooseeya inta badan deegaanada Puntland.

Si kastaba ha ahaatee, qaybo ka mid ah deegaanada hoos taga Ceerigaabo, Laasqoray iyo Waaciye ayaa la filayaa inay helaan roobab yar.

Waxaa xusid mudan in saadaasha roobku ay isbeddeli karto waqti kasta, iyadoo Xarunta khayraadka Biyaha iyo Dhulka ee Dowladda Puntland ay si dhow ula socoto xaaladaha cimilada inta lagu gudo jiro xili roobaadka.

Garoowe: 02 Abriil 2026

Agaasimaha Guud ee Xarunta maareynta xogaha khayraadka biyaha iyo dhulka Puntland Mudane Abdinur Rage ayaa ka qaybgalay kulanka madasha dardargelinta iyo dib-ueegista mashaariicda u adkeysiga iyo xalka waara (Resilience Progarams Review) ee ka socda Puntland.
‎
‎Shirka oo ay soo qaban-qaabisey Wasaaradda Qorsheyntu waxaa looga wada-hadlay dardar-gelinta, dib u eegista, guulaha la gaarey, caqabadaha jira iyo qorsheyaasha u deggan mashaariicda u adkaysiga ee deegaanada iyo degmooyinka dowladda Puntland.
‎

𝐔𝐧𝐥𝐨𝐜𝐤 𝐡𝐢𝐠𝐡-𝐩𝐫𝐞𝐜𝐢𝐬𝐢𝐨𝐧 𝐚𝐞𝐫𝐢𝐚𝐥 𝐝𝐚𝐭𝐚 𝐰𝐢𝐭𝐡 𝐈𝐌𝐂 𝐏𝐮𝐧𝐭𝐥𝐚𝐧𝐝 𝐃𝐫𝐨𝐧𝐞 𝐒𝐞𝐫𝐯𝐢𝐜𝐞𝐬! 🚁🌍

The Information Management Center (IMC) Puntland provides advanced UAV technology for environmental, infrastructure, and humanitarian applications. Our drone and sensors deliver centimeter-level accuracy for your most critical projects.

𝐎𝐮𝐫 𝐏𝐚𝐬𝐭 𝐄𝐱𝐩𝐞𝐫𝐢𝐞𝐧𝐜𝐞:

- Qardho 𝐟𝐥𝐨𝐨𝐝 𝐦𝐨𝐝𝐞𝐥𝐢𝐧𝐠 to support early warning decisions and the 𝐐𝐚𝐫𝐝𝐡𝐨 𝐌𝐚𝐬𝐭𝐞𝐫𝐩𝐥𝐚𝐧.
- Puntland 𝐃𝐚𝐭𝐞 𝐏𝐚𝐥𝐦 𝐦𝐚𝐩𝐩𝐢𝐧𝐠 using machine learning for accurate tree counting and detection.
- Jibagalle 𝐋𝐚𝐧𝐝𝐜𝐨𝐯𝐞𝐫 𝐦𝐚𝐩𝐩𝐢𝐧𝐠.
- 𝐏𝐫𝐨𝐬𝐨𝐩𝐢𝐬 𝐦𝐚𝐩𝐩𝐢𝐧𝐠 in Cado-dheero, Garowe.
- A 174km servey 𝐋𝐈𝐃𝐀𝐑 and 𝐩𝐡𝐨𝐭𝐨𝐠𝐫𝐚𝐦𝐦𝐞𝐭𝐫𝐲 mapping from Kala-bayr to Iskushuban road.

📍 Visit us at Ministries Road, Garowe, Puntland Somalia.
📧 Email: [email protected] 🌐 Learn more: www.imcpuntland.so

Garoowe: 25 Maarso 2026

Waxaa si guul iyo qurux badan kusoo xirmay tababarkii muhiimka ahaa ee mudada labada maalmood ah magaalada Garoowe uga socday Xarunta Khayraadka Biyaha iyo Dhulka ee dowladda Puntland (IMC - Puntland) iyo wariyeyaasha ka socday Ururka Warbaahinta Puntland ee MAP.

Maxsuulka Tababarka: Qodobka ugu muhiimsan ee shirkan gunaanadka u ahaa ayaa ah in si buuxda la isula qaatay wada-shaqeyn dhow iyo iskaashi dhab ah oo dhexmara Xarunta IMC iyo Warbaahinta Puntland. 🤝
Iskaashigan ayaa xaqiijin doona in xogaha cimilada, digniinaha abaaraha iyo fatahaadaha si degdeg ah, hufan, oo joogto ah bulshada loogu gaarsiiyo.

Badbaadada iyo wacyigelinta bulshadu waa mudnaanteena koowaad! 🌍📻📺

U mahadcelin gaar ah dhammaan wariyeyaasha iyo mas'uuliyiinta ka qeyb qaatay guusha tababarkan.

#

Garoowe: 24 Maarso 2026 📍

Waxaa Xarunta Khayraadka Biyaha iyo Dhulka ee dowladda Puntland (IMC - Puntland), oo kaashanaysa Ururka Warbaahinta Puntland ee MAP, ay magaalada Garoowe ku qabatay tababar muhiim ah oo ku saabsan iskaashiga warbaahinta madaxabannaan iyo xarunta ee dhanka baahinta iyo isticmaalka xogaha Cimilada. 📊

Tababarkan ayaa diiradda lagu saaray qodobbo asaas u ah badbaadada iyo wacyigelinta bulshada:

1️⃣ Fahamka Cimilada: Kor u qaadista aqoonta wariyeyaasha ee arrimaha cimilada iyo xogaha saxda ah ee ay xaruntu soo saarto. 🌍

2️⃣ Wadashaqayn Fududaysa Xogta: Xoojinta iskaashiga Xarunta iyo Warbaahinta Puntland si bulshada si hufan loogu gaarsiiyo xogaha cimilada.

3️⃣ Digniinaha Degdegga ah: Joogtaynta wacyigelinta bulshada iyo ka digista khataraha abaaraha, fatahaadaha, iyo xilliyada ay jiraan xaaladaha degdegga ah. ⚠️🌧️

Warbaahintu waa buundada isku xirta xogta muhiimka ah iyo badbaadada bulshada! 🌉