25/09/2026
Dugsiga Tababarka Ciidanka Difaaca Puntland ee Gen. Green badhan
Dugsiga Tababarka Ciidanka Difaaca Puntland ee Gen. Green waxaa si habsami leh uga socda tababarka Ciidanka Difaaca Puntland, iyadoo si joogto ah loo xoojinayo aqoonta, xirfadda iyo anshaxa ciidanka.
Tababarka ayaa u socda si nidaamsan, waxaana ciidamada lagu barayaa aqoon iyo xirfado ciidan oo muhiim u ah gudashada waajibaadkooda. Waxaa xoogga la saarayaa anshaxa ciidanka, kala dambaynta, hoggaaminta, tabaha iyo farsamooyinka casriga ah ee ciidanka, iyo diyaarinta ciidamada si ay si hufan ugu gutaan waajibaadka loo igmaday.
Maamulka iyo macallimiinta Dugsiga Gen. Green ayaa si dhow ula socda habsami-u-socodka tababarka, iyadoo la hubinayo in askartu helaan duruus iyo tababar isku dheelli tiran oo isugu jira aqoon-fasaleed iyo layliyo ciidan.
Sidoo kale, waxaa muuqata dadaal iyo firfircooni ay muujinayaan ciidamada tababarka qaadanaya, kuwaas oo si wanaagsan uga qayb qaadanaya casharrada iyo hawlaha tababarka.
Hoggaanka Tababarka Ciidanka Difaaca Puntland, S/Guuto Cabdiqani Ismaaciil Cismaan, ayaa muhiimad gaar ah siinaya tayeynta ciidamada iyo horumarinta xarumaha tababarka, si loo helo ciidan leh aqoon, anshax, xirfad iyo diyaargarow ciidan oo ku filan gudashada waajibaadkooda.
Guud ahaan, tababarka ka socda Dugsiga Gen. Green wuxuu ku socdaa habsami, nidaam iyo kala dambayn, waxaana la filayaa in tababarkani uu qayb muhiim ah ka qaato tayeynta iyo horumarinta Ciidanka Difaaca Puntland.
Hoggaanka Tababarka Ciidanka Difaaca Puntland
S/Guuto Cabdiqani Ismaaciil Cismaan
