Guddida Tacliinta Sare JSL

Hargeysa, 06 April 2026

Guddida Tacliinta Sare iyo Wasaaradda Shaqada iyo Arrimaha Bulshada ayaa si wadajir ah u qabtay kulan wada-tashi ah (Consultation Meeting) oo ay ka soo qayb galeen jaamacadaha dhiga Faculty of Social Work ee dalka.
Kulankan ayaa si gaar ah diiradda loogu saaray laba module oo la doonayo in jaamacadaha dhiga Faculty of Social Work ay ku daraan core curriculum-ka ay ardaydu dhigtaan. Ujeeddada kulanka waxay ahayd in laga tashado sidii modules-kan loogu hirgelin lahaa sannad waxbarasheedka 2026-2027.

Intii uu kulanku socday, waxa si qoto dheer looga dooday arrimo muhiim ah oo ay ka mid yihiin semester-ka ku habboon ee lagu dari karo modules-kan, iyo sidoo kale wakhtiga iyo habraaca fulinta.

Ugu dambayn, waxa la isla qaatay in la dardargeliyo hirgelinta qorshahan, iyadoo la isku raacay jihada iyo talaabooyinka lagu fulinayo.
Sidoo kale, kulanku wuxuu muhiim u ahaa xoojinta iskaashiga ka dhexeeya hay’adaha dawladda iyo jaamacadaha, si loo hubiyo in manhajka waxbarashada daryeelka bulshada uu noqdo mid casri ah, tayo leh, isla markaana si buuxda uga jawaabaya baahiyaha bulshada.
Kulankan ayaa muujinaya dadaalka joogtada ah ee lagu horumarinayo waxbarashada sare, gaar ahaan dhinaca daryeelka bulshada, si loo soo saaro aqoonyahanno leh xirfad iyo karti ku filan oo ka qayb qaata horumarka dalka.

=Wabillaahi Tawfiiq=

XAFIISKA WARBAHINTA IYO XIDHIDHADA

Hargeysa 05 April, 2026-{KQTS}-

Guddoomiyaha Gudida Tacliinta sare iyo Guddoomiyaha Caymiska Qaranka oo ay wehelinayaan Labbada agaasime guud iyo waaxyaha kala duwan ee labbada haayadood ayaa kulan muhiim ah uga qabsoomay xafiiska KTS.

Gudoomiyaha KTS ayaa soo dhoweeyey masuuliyiinta Haayada Caymiska iyagoo si qoto dheer uga dooday doorka caymisku ku leeyahay horumarinta bulshada iyo mudnaan siinta kor uqaadista wacyiga ardayda jaamacadaha dalka.

Waxaa si gaar ah diiradda loo saaray sidii ardayda loogu wacyigelin lahaa muhiimadda caymiska, loona fahamsiin lahaa faa’iidooyinka uu u leeyahay qofka iyo qarankaba, sida ilaalinta mustaqbalka caafimaad iyo dhaqaale.

Sidoo kale, kulanku wuxuu hoosta ka xarriiqay baahida loo qabo in caymiska lagu daro barnaamijyada wacyigelinta ee jaamacadaha, si loo helo jiil fahamsan muhiimaddiisa.

Ugu danbayn labbada haayadood ayaa wada dhisay guddi farsamo oo ka shaqayndoona diyaarinta qorshaha iskaashi iyo muhiimad siinta hirgelinta qorshayaasha raaca koobaad.

=Wabillaahi Tawfiiq=

Xafiiska Xidhiidhka Dadweynaha.

Waxa ka qabsoomay xarunta Komishanka Tacliinta Sare kulan udhaxeeyey masuuliyiinta ugu sareysa komishanka oo ay wehelinayaan waaxaha kala duwan ee KTS iyo Proff Eric Herring oo ka socday jaamacada Bristol UK.

Proff Erick oo muddo dheer ka shaqaynayey Tacliinta Sare ayaa ku dheeraaday khibradiisa ku saabsan feild-kan Tacliinta Sare iyo sida loo horumarin karo iyadoo masuuliyiinta KTS ay la wadaageen shaqada komishanka, muddada uu shaqaynayey iyo waxyaabaha mudnaanta u leh ee ay hiigsanayaan.

Kulankan oo ahaa isbarasho iyo bilowga safar wada shaqayneed oo ay yeelanaayaan Proff Eric, KTS iyo haayada Transparency solutions ayaa kusoo dhamaaday is-afgarad buuxa iyo wada-shaqeyn midho dhal ah.

Waxa maanta ka qabsoomay xafiiska Komishanka Tacliinta Sare kulan muhiim ah oo u dhexeeyay madaxda sare ee Komishanka iyo Wasaaradda Shaqada, Arrimaha Bulshada iyo Qoyska.

Ujeeddada kulankan ayaa ahayd horumarinta iyo dhamaystirka laba kooras oo ku saabsan daryeelka bulshada (Social Protection Modules), isla markaana lagu dari doono manhajka jaamacadaha bixiya Bachelor of Social Work.

Labadan kooras ayaa si gaar ah diiradda u saaraya baahiyaha bulshada ee Somaliland, iyaga oo ka tarjumaya xaaladaha dhabta ah ee dalka, si loo helo aqoon iyo xirfad ku habboon ardayda baranaysa cilmiga shaqada bulshada. Tani waxay qayb ka tahay dadaal ballaadhan oo lagu xoojinayo tayada waxbarashada iyo xirfadaha la xidhiidha daryeelka bulshada.

Kulankan ayaa kusoo dhammaaday is-afgarad buuxa oo ku saabsan dhamaystirka barnaamijkan, kaas oo muddo ay si wadajir ah uga shaqeynayeen Komishanka iyo Wasaaradda, iyaga oo kaashanaya hay’adda UNICEF. Waxaa sidoo kale la isla meel dhigay dariiqa hawlqabadka iyo tallaabooyinka xiga ee lagu hirgelinayo koorasyadan cusub si ay uga mid noqdaan manhajka Jaamacadaha dalka.

Waxaa si rasmi ah maanta loo soo gabagabeeyay Tartan Aqooneedka Daljir ee Fahamka Waddaniyadda iyo Dastuurka JSL, Barnaamijkan oo ay soo qabanqaabisay Wasaaradda Xidhiidhka Goleyaasha iyo Arrimaha Dastuurka iyadoo kaashanaysa Guddida Tacliinta Sare JSL ayaa lagu soo afmeeray munaasibad si heer sare ah loo agaasimay, taas oo ay ka soo qayb galeen masuuliyiin kala duwan, maamulka jaamacadaha, guddida garsoorka, iyo ardayda jaamacadaha ku tartamaysay.

Tartanka oo soo maray marxalado kala duwan ayaa ugu dambayn waxa isku soo hadhay saddex jaamacadood, kuwaas oo soo bandhigay aqoon, dadaal iyo faham qoto dheer oo ku saabsan waddaniyadda iyo dastuurka Jamhuuriyadda Somaliland. Tartanka ayaa ujeeddadiisu ahayd kor u qaadista wacyiga dhalinyarada jaamacadaha ee ku saabsan qiyamka waddaniyadda, nidaamka dowladeed iyo fahamka dastuurka.

Guddoomiyaha Guddida Tacliinta Sare Prof Xasan Cumar Halas oo madasha hadal ka jeediyay ayaa si weyn u bogaadiyay barnaamijka Tartan Aqooneedka Daljir. Waxa uu sheegay in tartankani uu yahay mid kor u qaadaya tayada waxbarashada sare isla markaana dhiirrigelinaya tartanka aqoonta ee ka dhex abuurma ardayda Jaamacadaha.

Guddoomiyuhu waxa uu tilmaamay in ardayda ka qayb gashay tartanku ay muujiyeen karti, aqoon iyo faham qoto dheer oo ku saabsan waddaniyadda iyo dastuurka dalka, taas oo muujinaysa horumarka ay sameeyeen Jaamacadaha dalku. Waxa uu sidoo kale ku amaanay Wasaaradda Xidhiidhka Goleyaasha iyo Arrimaha Dastuurka JSL dadaalka ay ku bixisay hirgelinta barnaamijkan muhiimka ah, isaga oo xusay in Guddida Tacliinta Sare ay diyaar u tahay sii xoojinta iskaashiga barnaamijyada kor u qaadaya aqoonta ardayda.

𝗚𝘂𝘂𝗹𝗮𝘆𝘀𝘁𝗮𝗵𝗮 𝗪𝗮𝗿𝗲𝗲𝗴𝗮 𝟰𝗮𝗮𝗱 𝗲𝗲 𝗚𝗮𝗯𝗼𝗴𝗲𝗯𝗮𝗱𝗮 𝗧𝗮𝗿𝘁𝗮𝗻 𝗔𝗾𝗼𝗼𝗻𝗲𝗲𝗱𝗸𝗮 𝗗𝗮𝗹𝗷𝗶𝗿 𝗲𝗲 𝗳𝗮𝗵𝗮𝗺𝗸𝗮 𝗗𝗮𝘀𝘂𝘂𝗿𝗸𝗮 𝗶𝘆𝗼 𝗕𝗮𝗿𝗮𝘀𝗵𝗮𝗱𝗮 𝗪𝗮𝗱𝗱𝗮𝗻𝗶𝘆𝗮𝗱𝗮 𝗲𝗲 𝗔𝗿𝗱𝗮𝘆𝗱𝗮 𝗝𝗮𝗮𝗺𝗮𝗰𝗮𝗱𝗮𝗵𝗮 𝗚𝗼𝗯𝗼𝗹𝗸𝗮 𝗠𝗮𝗿𝗼𝗼𝗱𝗶-𝗝𝗲𝗲𝘅.

𝗞𝘂𝗹𝗮𝗻𝗸𝗮 𝗚𝗮𝗯𝗼𝗴𝗮𝗯𝗮𝗱𝗮 𝗧𝗮𝗿𝘁𝗮𝗻 𝗔𝗾𝗼𝗼𝗻𝗲𝗲𝗱𝗸𝗮 𝗗𝗮𝗹𝗷𝗶𝗿 𝗲𝗲 𝗙𝗮𝗵𝗮𝗺𝗸𝗮 𝗗𝗮𝘀𝘁𝘂𝘂𝗿𝗸𝗮 𝗶𝘆𝗼 𝗕𝗮𝗿𝗮𝘀𝗵𝗮𝗱𝗮 𝗪𝗮𝗱𝗱𝗮𝗻𝗶𝘆𝗮𝗱𝗮 𝗲𝗲 𝗔𝗿𝗱𝗮𝘆𝗱𝗮 𝗝𝗮𝗮𝗺𝗮𝗰𝗮𝗱𝗮𝗵𝗮 𝗚𝗼𝗯𝗼𝗹𝗸𝗮 𝗠𝗮𝗿𝗼𝗼𝗱𝗶-𝗝𝗲𝗲𝘅.

Culimada Wasaaradda Diinta iyo Awqaafta Somaliland ayaa maanta Barnaamij Wacyigelin Diini ah u qabtay Shaqaalaha Guddida Tacliinta Sare JSL.

𝗚𝘂𝘂𝗹𝗮𝘆𝘀𝘁𝗮𝘆𝗮𝗮𝘀𝗵𝗮 𝗪𝗮𝗿𝗲𝗲𝗴𝗮 𝟯𝗮𝗮𝗱 - 𝗞𝘂𝗹𝗮𝗻𝗸𝗶𝗶 𝟭𝗮𝗮𝗱 𝗶𝘆𝗼 𝟮𝗮𝗮𝗱 𝗲𝗲 𝗧𝗮𝗿𝘁𝗮𝗻 𝗔𝗾𝗼𝗼𝗻𝗲𝗲𝗱𝗸𝗮 𝗗𝗮𝗹𝗷𝗶𝗿 𝗲𝗲 𝗳𝗮𝗵𝗮𝗺𝗸𝗮 𝗗𝗮𝘀𝘁𝘂𝘂𝗿𝗸𝗮 𝗶𝘆𝗼 𝗕𝗮𝗿𝗮𝘀𝗵𝗮𝗱𝗮 𝗪𝗮𝗱𝗱𝗮𝗻𝗶𝘆𝗮𝗱𝗮 𝗲𝗲 𝗔𝗿𝗱𝗮𝘆𝗱𝗮 𝗝𝗮𝗮𝗺𝗮𝗰𝗮𝗱𝗮𝗵𝗮 𝗚𝗼𝗯𝗼𝗹𝗸𝗮 𝗠𝗮𝗿𝗼𝗼𝗱𝗶-𝗝𝗲𝗲𝘅.

𝗪𝗮𝗿𝗲𝗲𝗴𝗮 𝟯𝗮𝗮𝗱 - 𝗧𝗮𝗿𝘁𝗮𝗻 𝗔𝗾𝗼𝗼𝗻𝗲𝗲𝗱𝗸𝗮 𝗗𝗮𝗹𝗷𝗶𝗿 𝗲𝗲 𝗳𝗮𝗵𝗮𝗺𝗸𝗮 𝗗𝗮𝘀𝘁𝘂𝘂𝗿𝗸𝗮 𝗶𝘆𝗼 𝗕𝗮𝗿𝗮𝘀𝗵𝗮𝗱𝗮 𝗪𝗮𝗱𝗱𝗮𝗻𝗶𝘆𝗮𝗱𝗮 𝗲𝗲 𝗔𝗿𝗱𝗮𝘆𝗱𝗮 𝗝𝗮𝗮𝗺𝗮𝗰𝗮𝗱𝗮𝗵𝗮 𝗚𝗼𝗯𝗼𝗹𝗸𝗮 𝗠𝗮𝗿𝗼𝗼𝗱𝗶-𝗝𝗲𝗲𝘅.

𝗞𝘂𝗹𝗮𝗻𝗸𝗮 𝟭𝗮𝗮𝗱:
𝑼𝒏𝒊𝒗𝒆𝒓𝒔𝒊𝒕𝒚 𝒐𝒇 𝑯𝒂𝒓𝒈𝒆𝒊𝒔𝒂
𝗩𝗦
𝑩𝒆𝒅𝒆𝒓 𝑰𝒏𝒕𝒆𝒓𝒏𝒂𝒕𝒊𝒐𝒏𝒂𝒍 𝑼𝒏𝒊𝒗𝒆𝒓𝒔𝒊𝒕𝒚

𝗞𝘂𝗹𝗮𝗻𝗸𝗮 𝟮𝗮𝗮𝗱:
𝑼𝒏𝒊𝒗𝒆𝒓𝒔𝒊𝒕𝒚 𝒐𝒇 𝑯𝒐𝒍𝒚 𝑸𝒖𝒓𝒂𝒏 𝒂𝒏𝒅 𝑰𝒔𝒍𝒂𝒎𝒊𝒄 𝒔𝒄𝒊𝒆𝒏𝒄𝒆
𝗩𝗦
𝑨𝒃𝒂𝒂𝒓𝒔𝒐 𝑻𝒆𝒄𝒉 𝑼𝒏𝒊𝒗𝒆𝒓𝒔𝒊𝒕𝒚