07/10/2026
𝐌𝐔𝐐𝐃𝐈𝐒𝐇𝐎, 𝐒𝐎𝐌𝐀𝐋𝐈𝐀: Agaasimaha Guud ee Wasaaradda Haweenka iyo Xuquuqda Aadanaha Hirshabeelle Eng. Cabdirisaaq Xasan Cali oo uu wehliyo Safiirka IGAD u fadhiya Soomaaliya ayaa soo xiray kulan ballaaran oo isugu jiray wacyigelin iyo tababar, kaas oo diiradda lagu saarayay xoojinta doorka haweenka, awoodda hoggaamiyeyaasha haweenka iyo guddiyada nabadda ee xallinta khilaafaadka, nabad-dhisidda iyo ka-qaybgalka haweenka ee geeddi-socodka nabadda.
Kulanka oo socday muddo shan maalmood ah, waxaa ka qaybgalay 𝐡𝐨𝐠𝐠𝐚𝐚𝐧𝐤𝐚 𝐡𝐚𝐰𝐞𝐞𝐧𝐤𝐚 𝐇𝐢𝐫𝐬𝐡𝐚𝐛𝐞𝐞𝐥𝐥𝐞 𝐢𝐲𝐨 𝐮𝐫𝐮𝐫𝐫𝐚𝐝𝐚 𝐛𝐮𝐥𝐬𝐡𝐚𝐝𝐚 𝐫𝐚𝐲𝐢𝐝𝐤𝐚 𝐚𝐡, iyadoo ay si wadajir ah u soo qabanqaabiyeen IGAD, Wasaaradda Qoyska iyo Xuquuqda Aadanaha DFS, iyo Wasaaradda Haweenka Hirshabeelle.
Intii uu socday kulanka, ka-qaybgalayaashu waxay si qoto dheer uga wada hadleen mowduucyo ay ka mid yihiin:
- Doorka haweenka ee nabad-dhisidda iyo xallinta khilaafaadka;
- Ka-qaybgalka haweenka ee go’aan-qaadashada iyo hoggaaminta;
- Wacyigelinta bulshada iyo ka-hortagga khilaafaadka;
- Dhisidda awoodda guddiyada nabadda iyo hoggaamiyeyaasha haweenka;
- Xoojinta iskaashiga hay’adaha dowladda, bulshada rayidka ah iyo bulshada deegaanka.
Agaasime Cabdirisaaq Xasan Cali ayaa bogaadiyay IGAD iyo dhammaan hay’adihii iyo bah-wadaagtii ka qaybqaadatay hirgelinta tababarkan, isagoo adkeeyay sida ay Wasaaraddu uga go’an tahay xoojinta doorka haweenka ee nabad-dhisidda, horumarka, caddaaladda iyo ilaalinta xuquuqda aadanaha.
Agaasimaha ayaa madasha ka yiri “𝐇𝐚𝐰𝐞𝐞𝐧𝐤𝐮 𝐰𝐚𝐚 𝐚𝐰𝐨𝐨𝐝𝐝𝐚 𝐚𝐚𝐧 𝐥𝐚𝐠𝐚 𝐦𝐚𝐚𝐫𝐦𝐢 𝐤𝐚𝐫𝐢𝐧 𝐞𝐞 𝐧𝐚𝐛𝐚𝐝-𝐝𝐡𝐢𝐬𝐢𝐝𝐝𝐚, 𝐜𝐨𝐝𝐤𝐨𝐨𝐝𝐚, 𝐡𝐨𝐠𝐠𝐚𝐚𝐧𝐤𝐨𝐨𝐝𝐚 𝐢𝐲𝐨 𝐤𝐚-𝐪𝐚𝐲𝐛𝐠𝐚𝐥𝐤𝐚 𝐠𝐨’𝐚𝐚𝐧-𝐪𝐚𝐚𝐝𝐚𝐬𝐡𝐚𝐝𝐮𝐧𝐚 𝐰𝐚𝐚 𝐟𝐮𝐫𝐚𝐡𝐚 𝐱𝐚𝐥𝐥𝐢𝐧𝐭𝐚 𝐤𝐡𝐢𝐥𝐚𝐚𝐟𝐚𝐚𝐝𝐤𝐚 𝐢𝐲𝐨 𝐱𝐚𝐪𝐢𝐢𝐣𝐢𝐧𝐭𝐚 𝐧𝐚𝐛𝐚𝐝 𝐰𝐚𝐚𝐫𝐭𝐚.”
