Wasaaradda Maaliyadda Jubaland

Ogayssis Ogaysiis.

Dhamaan mulkiilayaasha gaadiidka iyo darawalada waxaa lagu wargalinyaa in labilaabayo cashuurta wada marista laba bilaabo 01 may 2026.

Wasaaradda Maaliyadda Dowladda Jubbaland ayaa maanta waxaa kormeer shaqo ku yimid Madaxweynaha Dowladda Jubbaland, Mudane Axmed Maxamed Islaam, kaas oo ujeedkiisu ahaa qiimeynta habsami u socodka shaqada iyo dadaallada lagu horumarinayo nidaamka maaliyadeed ee dowladda.

Intii uu kormeerku socday, masuuliyiinta Wasaaradda ayaa Madaxweynaha siiyey warbixin faahfaahsan oo ku saabsan howlaha socda iyo horumarka laga gaaray maamulka maaliyadda.

Wasaaradda Maaliyadda ayaa xustay in ay ka go’an tahay xoojinta hufnaanta, isla xisaabtanka iyo kor u qaadidda hawlaha shaqo, si loo gaaro horumar maaliyadeed oo waara oo u adeega bulshada Jubbaland.

Wasaaradda Maaliyadda Jubbaland iyo Guddiga Shaqaalaha Rayidka Dowladda Jubbaland ayaa maanta magaalada Kismaayo ku wada qabtay shir muhiim ah oo ku saabsan dib-u-habeynta nidaamka mushaar bixinta shaqaalaha dowladda.

Shirka waxaa ka qeyb galay masuuliyiin ka kala socday hay’adaha Dowladda Jubbaland, iyadoo Wasaaradda Maaliyadda ay uga qeyb galeen Agaasimaha Guud iyo Agaasimayaasha kala ah Shaqada iyo Shaqaalaha, mashaariicda dibada iyo dakhliga.

Kulanka ayaa diiradda lagu saaray mideynta habraaca mushaar bixinta si loo xaqiijiyo hufnaan, caddaalad, iyo joogteynta mushaaraadka shaqaalaha dowladda.

Wasaaradda Maaliyadda Jubbaland waxay ogsoon tahay muhiimadda ay leedahay horumarinta nidaamka maaliyadeed iyo maamulka shaqaalaha, si loo xoojiyo tayada adeegyada dowladda.

‎Agaasimaha Guud ee Wasaaradda Maaliyadda Dowlad Goboleedka Jubbaland, Mudane Nuur Cumar Shaale, ayaa maanta magaalada Kismaayo ku soo xiray aqoon-is-weydaarsi looga hadlayay xoojinta iyo isku-dubaridka habraacyada miisaaniyadda dalka.
‎
‎Aqoon-is-weydaarsigan oo u dhexeeyay waaxaha miisaaniyadda ee Dowladda Federaalka Soomaaliya iyo Dowladaha xubnaha ka ah Dowladda Federaalka, ayaa lagu gorfeeyay sidii loo xoojin lahaa iskaashiga iyo wada shaqeynta joogtada ah ee u dhaxeysa labada dhinac, si loo mideeyo habraacyada miisaaniyadda dalka.

‎Ugu dambeyn, Agaasimaha Guud ee Wasaaradda Maaliyadda Jubbaland, Mudane Nuur Cumar Shaale, ayaa si rasmi ah u soo xiray aqoon-is-weydaarsiga, isagoo ku bogaadiyay ka qeybgalayaasha dadaalkooda iyo doorkooda ku aaddan horumarinta nidaamka maaliyadeed ee dalka.

Wixii faahfaahin ah, fadlan kala xiriir;

Xafiiska Warfaafinta & Xiriirka Warbaahinta,

Facebook: https://www.facebook.com/mofjubaland

Twitter: https://twitter.com/mofjubaland

http://Jubbalandmof.so

Wasaaradda Maaliyadda iyo Horumarinta Dhaqaalaha Dowladda Jubaland ayaa qabatay aqoon-is-weydaarsi muhiim ah oo u dhexeeya waaxaha miisaaniyadda ee Dowladda Federaalka Soomaaliya (DFS) iyo Dowlad Goboleedyada xubnaha ka ah Dowladda Federaalka (DXDFS), kaas oo ay soo qabanqaabisay hay’adda FCDO, gaar ahaan mashruuca PFRC.

Aqoon-is-weydaarsigan ayaa ujeedkiisu ahaa xoojinta iskaashiga iyo isku-dubbaridka joogtada ah ee u dhexeeya DFS iyo DXDFS, si loo mideeyo habraacyada miisaaniyadda dalka.

Tallaabadan ayaa loo arkaa mid muhiim u ah horumarinta nidaamka maaliyadeed ee Soomaaliya iyo in la helo hannaan miisaaniyadeed oo isku waafaqsan heer qaran.

Intii uu socday kulanka, waxaa si gaar ah diiradda loo saaray sidii loo gaari lahaa is-waafajin buuxda oo ku saabsan diyaarinta miisaaniyadda dalka, iyadoo la hubinayo in dowlad-goboleedyadu ay si firfircoon uga qayb qaataan qorsheynta iyo fulinta miisaaniyadda guud ee qaranka.

Kulanka waxaa si rasmi ah u furay Agaasime Guud Nuur Shale, Agaasimaha Guud ee Wasaaradda Maaliyadda iyo Horumarinta Dhaqaalaha Dowladda Jubaland, isagoo carrabka ku adkeeyay muhiimadda ay leedahay iskaashi iyo wada-shaqeyn joogto ah oo lagu xoojinayo nidaamka maaliyadeed ee dalka.

Wixii faahfaahin ah, fadlan kala xiriir;
Xafiiska Warfaafinta & Xiriirka Warbaahinta,

Facebook: https://www.facebook.com/mofjubaland
Twitter: https://twitter.com/mofjubaland
http://Jubbalandmof.so