Guddiga Hirgalinta Doorashooyinka heer Dowlad Goboleed ee Jubaland

Gudigga Madaxa banaan ee Xuduudaha iyo Doorashooyinka Jubaaland ayaa shaaciyay liiska xubnaha cusub ee Golaha Wakiilada Jubaland.

SHAQADA GUDDIGA XUDDUUDAHA IYO DOORASHOOYINKA JUBBALAND OO SI HABSI LEH U SOCOTA

Shaqooyinka Guddiga Xudduudaha iyo Doorashooyinka Jubaland ayaa maanta si habsami leh u socda, Salaadiinta dhaqanka Jubaland ayaa ka shaqeynaya soo gudbinta xubnaha ka mid noqon doona Golaha Wakiilada Saddexaad ee Jubbaland, iyadoo beel kasta loogu talogalay inay usoo xulato hal mudane oo matala kursigeeda.

Sida ku cad habraaca doorashada Odayaasha dhaqanku waxay si toos ah masuul oga yihiin soo xulista xubnaha Golaha Wakiilada, iyagoo la tashanaya nabadoonnada jifooyinka hoose ee leh qoondada kursiga.

Habkan wada-tashiga ku saleysan ayaa lagu wadaa inuu hubiyo matalaad dhab ah oo waafaqsan nidaamka dhaqanka iyo wada-jirka bulshada Jubbaland.

Tallaabadan ayaa u gogol xaaraysa in Golaha sharci-dajinta cusub uu noqdo mid ka tarjumaya rabitaanka shacabka Jubbaland, islamarkaana diyaar u ah inuu ka shaqeeyo horumarinta Dowladnimada iyo adeegyada bulshada.

………………………….DHAMMAAAD………………………………

Ogeysiis:

Dhammaan daneeyayaasha arrimaha doorashooyinka Jubaland, waxaan idin ogeysiinaynaa in bogga rasmiga ah ee aad kala socon kartaan wararka iyo xogta doorashooyinka uu yahay page kan hoose ( Guddiga xudduudaha iyo Doorashooyinka Jubaland.)

Fadlan la soco boggan si aad ula socotaan xogaha cusub ee doorashooyinkan Jubaland.

https://www.facebook.com/jibecjubaland?mibextid=LQQJ4d.

Guddiga madaxa banan ee Xudduudaha iyo Doorashooyinka Jubaland ayaa doorasho gacan taag ah ku doortay Gudoomiyaha Guddiga oo loo doortay Mursal Siyaad Maxamed sidoo kale Gudoomiye ku xigeenka Guddiga ayaa loo doortay Warfaa Maxamed Jaamac halka xog-hayaha Guddiga loo doortay Ahmed Xaaji Cabdi.

Xubnaha Guddiga Madaxa banaan ee Xudduudaha iyo Doorashooyinka Jubaland.

Ansixinta xubnaha Guddiga Xudduudaha iyo Doorashooyinka Jubaland.

Madaxweynaha Dowladda Jubaland Mudane Axmed Maxamed Islaam ayaa Magacaabay Guddiga Madaxa banaan ee Xudduudaha iyo Doorashooyinka Jubaland.