Maxkamadda Sare ee Waqooyi Bari Somalia

. Hambalyada Ramadaanka
​Bisha Ramadaan ee Barakaysan waa Bil Cafis iyo Naxariis leh.
​Waxaan hambalyo iyo bogaadin ku aaddan curashada bisha barakaysan ee Ramadaan halkan uga dirayaa dhammaan shacabka Soomaaliyeed, gaar ahaan reer Waqooyi Bari.
​Alle ha inaga dhigo kuwii ka faa'iidaysta fadliga bishan, oo laga aqbalo Soonka, Salaadda iyo camalka suuban. Aan is cafino, isna caawino inta lagu guda jiro maalmaha iyo habeenada barakaysan.
​Ramadaan Kariim.

​Guddoomiyaha Maxkamadda Sare ee Waqooyi Bari
Sheikh Abdinasir Hajji Maxamed Faraaid

Maxkamadda Sare oo Laashay Dacwad u Dhaxaysay Wasaaradda Caddaaladda W.Bari iyo Labada Garyaqaan oo Dadwad ka Gudbiyey.
=====================

Maxkamadda Sare ee Dawlad-Goboleedka Waqooyi Bari Soomaaliya ayaa 16-kii Febraayo 2026 soo saartay go’aan rasmi ah oo ku saabsan dacwad maamul oo u dhaxaysay laba Garyaqaan, Maxamed Aadan Cumar iyo Maxamed Axmed Olol, iyo Wasaaradda Caddaaladda, Arrimaha Diinta & Dastuurka D.W.B.

Dacwaddan ayaa salka ku haysay arrimo la xiriira ruqsad-siinta iyo diiwaangelinta qareennada, iyadoo maxkamaddu tixraacday qodobo ka mid ah Dastuurka Dawlad-Goboleedka, gaar ahaan qodobada 65-aad, 86-aad, 87-aad iyo 126-aad.

Garsoorayaasha Maxkamadda Sare oo uu guddoominayay Gudoomiyaha Maxkamada Sare Mud.Sh. Cabdinaasir X. Maxamed Cali (Faraa’id) ayaa si wadajir ah u soo saaray go’aanka, kaddib marka ay qiimeeyeen cabashada, jawaabaha wasaaradda iyo dhammaan dukumentiyada la xiriira kiiska.

Maxkamadda Sare ee Dawlad-Goboleedka Waqooyi Bari Soomaaliya ayaa si rasmi ah u diidday dacwaddii ay soo gudbiyeen labada garyaqaan, iyadoo ku caddeysay in go’aanka lagu gaaray ku saleysan yahay qodobbada dastuurka iyo habraacyada sharci ee jira.