Ciidanka Booliska Dowlad Goboleedka Waqooyi Bari

Ciidanka Booliska Waqooyi Bari Taliskiisa Qaybta Booliska ee Gobolka Sool ayaa Gacanta kusoo dhigay eedaysane C/risaaq Maxamed warsame Ina canab carab maxamed 36jiir kaasi oo Been abuur,aflagaado,kicin dadweyne iyo Sumcad dil ciidan ku kacay.

Ciidanka booliska qaybtiisa Gobolka Sool ee uu hogaaminayo Taliyaha qaybta G-dhexe
Khadar Maxamed faarax oo 24kii saac ee lasoo dhaafay ku raad joogay eedaysanahay ayaa gacanta kusoo dhigay waxaana la hor gayn doona laamaha garsoorka ee Dowladda Waqooyi bari

Laascaanood, 26 March 2026

Shirka Khamiislaha ah ee Taliska Booliiska Dawladda Woqooyi Bari Soomaaliya

Taliyaha Ciidanka Booliiska Dawladda Woqooyi Bari, G/Sare Siciid Xasan Faarax, ayaa shir guddoomiyay shirka khamiislaha ah ee Taliska Guud ee Ciidanka Booliiska Woqooyi Bari, isaga oo ay weheliyaan Taliye Ku-xigeenka Ciidanka Booliiska, Cismaan Ibraahim Ducaale (Gadhle), iyo Agaasimaha Guud ee Wasaaradda Amniga Dawladda Woqooyi Bari, Mudane Jaamac Cabdisalaam Nuur.

Shirka waxaa ka qayb galay taliyeyaasha saldhigyada booliiska iyo saraakiisha laamaha amniga ee kala duwan, waxaana diiradda lagu saaray adkaynta amniga, la-dagaalanka mukhaadaraadka, xakamaynta hubka, iyo xoojinta adeegga bulshada.

Agaasimaha Guud ee Wasaaradda Amniga ayaa uga mahadceliyey saraakiisha ka soo qayb gashay shirka shaqada adag ee ay u hayaan dawladda iyo shacabka, isaga oo ku booriyey taliyeyaasha laamaha amniga inay laba jibbaaraan dadaalkooda, isla markaana si hufan oo daacadnimo leh ugu adeegaan bulshada.

C I I D W A N A A G S A N
Taliyaha ciidanka Booliska Waqooyi Bari G/Sare Siciid Xasan Faarax wuxuu hambalyo iyo duco u dirayaa dhammaan ummadda soomaaliyeed,shacabka reer waqooyi bari iyo guud ahaan ciidanka booliska waqooyi bari . Ilaahay ha inaga aqbalo Acmaashii wanaagsanayd ee bisha barakaysan ciidkan ciidkiisana barwaaqo caafimaad iyo Nabad ha inagu gaadhsiiyo.

Taliyaha Ciidanka Booliska G/Sare Siciid Xasan Faarax oo ay weheliyaan Wasiir kuxigeenka Amniga Hogaano iyo Saraakiil ka tirsan Booliska Waqooyi Bari iyo Masuuliyiinta Caasimadda ayaa kormeeray suuqyadda Magaaladda Laascaanood ee Caasimadda Dowladda Waqooyi Bari.

Suuqyadda Magaaladda Laascaanood ayaa wakhtigan ku jira mashquul aad u weyn waxaana bulshadda Caasimaddu isu diyaarinayaa Munaasabadda Ciida.