Caddaani Ahmed Diiqoow

04/07/2026

Xafiiska Guddoomiyaha Degmada Marka wuxuu si cad oo aan mugdi ku jirin u beeninayaa qoraal lagu faafiyey baraha bulshada oo si sharci-darro ah loogu adeegsaday magaca Guddoomiyaha Degmada Marka Caddaani Ahmed Diiqoow

Xafiisku wuxuu caddeynayaa in qoraalkaasi uusan ka soo bixin Guddoomiyaha Degmada Marka, isla markaana uusan sinaba u matalin mowqifka rasmiga ah ee Guddoomiyaha ama Xafiiskiisa.

Waa qoraal been abuur ah oo loogu talagalay marin-habaabinta bulshada.

Sidaas darteed, shacabka waxaa looga digayaa inay ka feejignaadaan bogagga iyo akoonnada been abuurka ah ee ku hadla magaca Guddoomiyaha, isla markaana ay ku kalsoonaadaan oo keliya wararka iyo qoraallada ka soo baxa ilaha rasmiga ah ee Xafiiska Guddoomiyaha Degmada Marka.

Ugu dambeyn, Xafiiska Guddoomiyaha Degmada Marka wuxuu xaqiijinayaa in cid kasta oo ku lug yeelata sameynta, maamulka ama faafinta bogag been abuur ah iyo ku takri-falka magaca Guddoomiyaha laga qaadi doono tallaabooyin waafaqsan sharciga.

23/06/2026

Waxaan hambalyo u dirayaa G/le Osmaan muuse oo loo magacaabay Taliyaha Guutada 14-ka Oktoobar. Alle ha ku garab galo xilka loo igmaday.

Sidoo kale waxaan uga mahadcelinayaa G/le Dhexe Cabdiraxiin Maxamed Muunye dadaalkii iyo shaqadii wanaagsanayd ee uu soo qabtay.

Maamulka Degmada Marka oo uu hoggaaminayo Duqa Magaalada Mudane Caddaani Ahmed Diiqoow ayaa hambalyo u diraya G/le Osman Muse Daqarre oo loo magacaabay Taliyaha cusub ee Guutada 14-ka Oktoobar ee Ciidanka Xoogga Dalka Soomaaliyeed.

Waxaan Alle uga baryeynaa inuu ku garab galo xilka loo igmaday, kuna guuleysto hoggaaminta iyo sugidda amniga dalka.

Sidoo kale waxaan u mahadcelineynaa Taliyihii h**e G/le Dhexe Cabdiraxiin Maxamed Muunye dadaalkii iyo shaqadii wanaagsanayd ee uu soo qabtay.

22/06/2026

Waxaan hambalyo u dirayaa Suldaan Ibraahim Cali Xaaji iyo dhammaan xubnaha cusub ee Golaha Dhaqanka iyo Midnimada Beelaha Direed ee lagu doortay shirweynaha beesha.

Waxaan u rajeynayaa guul iyo inay si hufan uga soo baxaan mas'uuliyadda loo igmaday, kana shaqeeyaan midnimada iyo horumarka bulshada.

15/06/2026

Guushu Waxay Raacdaa Dadaalka iyo Dulqaadka Kalsooni Ku Gala Imtixaanka.

15/06/2026

Waxaan maanta Magaalada Marka ka daah-furnay imtixaanka shahaadiga ah ee fasalka 8-aad.

Ardaydeena waxaan u rajeynayaa guul, halka macallimiinta iyo waalidiinta aan uga mahadcelinayo dadaalka ay ku bixiyeen diyaarinta jiilka maanta imtixaanka u fariistay.

Guusha ardaydu waa guusha bulshada oo dhan.

10/06/2026

Waxaan hambalyo diirran u dirayaa Madaxweynaha cusub ee Dowlad Goboleedka Koonfur Galbeed Sheekh Aadan Maxamed Nuur Madoobe, oo maanta loo doortay hoggaanka Dowlad Goboleedka Koonfur Galbeed.

Waxaan kuu rajeynayaa guul, hoggaan wanaagsan iyo in aad shacabka Koonfur Galbeed ku hoggaamiso nabad, horumar iyo midnimo.

Alle ha kuu fududeeyo masuuliyadda laguu doortay, hana ku waafajiyo wax kasta oo khayr u ah shacabka iyo dalka Soomaaliyeed.

09/05/2026

Maanta waxaan booqashooyin ugu tagnay qeybaha kala duwan ee bulshada magaalada Marka aniga oo ay ila socdeen Wasiirka Cadaaladda, Xildhibaanno iyo masuuliyiin kale oo ka tirsan Urur Siyaasadeedka Cadaaladda iyo Wadajirka (JSP).

Waxaan shacabka ku dhiirrigelinay inay si weyn uga qeyb qaataan doorashada berri dhaceysa, islamarkaana ay codkooda u dhiibtaan si nabad ah oo masuuliyad leh. Codka muwaadinka waa awoodda shacabka iyo jidka lagu doorto hoggaanka mustaqbalka.

12/04/2026

Waxaan hambalyo u dirayaa dhammaan Ciidamada Xoogga Dalka Soomaaliyeed iyo qoysaskooda, munaasabadda 66-guurada ka soo wareegtay aasaaskooda ee 12-ka Abriil.

Ciidamadu waa laf-dhabarta difaaca dalka, iyagoo mar walba u taagan ilaalinta amniga, midnimada iyo karaamada shacabka Soomaaliyeed.

Waxaan si gaar ah u xusuusaneynaa halyeeyadii naftooda u huray dalka, una mahadcelinaynaa kuwa maanta heeganka u ah sugidda amniga.

Maamulka Degmada Marka wuxuu garab taagan yahay ciidamadeenna geesiyaasha ah.
Hambalyo mar kale! 🇸🇴

09/04/2026

Waxaan maanta soo qaatay kaarkeega codeynta si aan u guto xaqa dastuuriga ah ee aan u leeyahay ka qeybgalka doorashooyinka, Waxaan shacabka reer Marka ku dhiirrigelinayaa inay tagaan goobaha lagu bixinayo kaararka codeynta, si aysan uga baaqan doorashooyinka muhiimka ah ee dhici doona 28-ka bishan, haddii Alle idmo.”

30/03/2026