Forlanini Public Hospital FMOH

𝐌𝐚𝐚𝐦𝐮𝐥𝐤𝐚 𝐬𝐚𝐫𝐞 𝐞𝐞 𝐈𝐬𝐛𝐢𝐭𝐚𝐚𝐥 𝐌𝐚𝐝𝐢𝐢𝐧𝐚 𝐨𝐨 𝐛𝐨𝐨𝐪𝐚𝐬𝐡𝐨 𝐤𝐮 𝐲𝐢𝐦𝐢𝐝 𝐈𝐬𝐛𝐢𝐭𝐚𝐚𝐥𝐤𝐚 𝐃𝐚𝐝𝐰𝐞𝐲𝐧𝐚𝐚 𝐞𝐞 𝐅𝐨𝐫𝐥𝐚𝐧𝐢𝐧𝐢/𝐥𝐚𝐳𝐳𝐚𝐫𝐫𝐞𝐭𝐨.

Agaasimaha Guud Isbitaalka Dadweynaha Forlanini Mohamed Jafar Ali ayaa xafiiskiisa kusoo dhaweeyay Maamulka sare Isbitaalka weyn ee Madiina ee uu hor kacaayo Agaasimaha Isbitaalka 𝐃𝐫 𝐌𝐨𝐡𝐚𝐦𝐞𝐝 𝐂𝐚𝐛𝐝𝐢 𝐉𝐚𝐚𝐦𝐚𝐜 (𝐏𝐨𝐫𝐭𝐮𝐠𝐚𝐥) iyagoo ay ku wehliyeen agaasimaha Caafimaadka Isbitaal Madiina Dr Gaalkacyo, iyo Dr Khaliifa.

Ujeedada kulanka ayaa ahaa Iskaashi dhex mara laba Isbitaal iyadoo ay iska kaashan doonaan Cilmi baaris, sare uqaadista karaanka shaqaalaha, in la xoojiyo habka xawilitaanka bukaanka (Referral System), sare u qaadista waciyga bulshada ku xiran labada isbitaal, iyo heshiisyo Iskaashi ku saabsan sidii looga wada shaqeyn lahaa in la xoojiyo wada shaqeynta labada Isbitaal.

Agaasimaha Isbitaalka ayaa uga mahadceliyay booqashadooda, wuxuuna kusoo wareejiyay qeybaha Isbitaalka iyadoo ay uga mahadceliyeen soo dhaweyntiisa.

-𝐝𝐡𝐚𝐦𝐚𝐚𝐝-

𝐀𝐠𝐚𝐚𝐬𝐢𝐦𝐚𝐡𝐚 𝐆𝐮𝐮𝐝 𝐞𝐞 𝐈𝐬𝐛𝐢𝐭𝐚𝐚𝐥𝐤𝐚 𝐃𝐚𝐝𝐰𝐞𝐲𝐧𝐚𝐡𝐚 𝐅𝐨𝐫𝐥𝐚𝐧𝐢𝐧𝐢 𝐋𝐚𝐳𝐳𝐚𝐫𝐞𝐭𝐨 𝐌𝐨𝐡𝐚𝐦𝐞𝐝 𝐉𝐚𝐟𝐚𝐫 𝐀𝐥𝐢 𝐨𝐨 𝐆𝐚𝐚𝐫𝐢 𝐀𝐦𝐛𝐥𝐮𝐧𝐜𝐞 𝐚𝐡 𝐤𝐚 𝐠𝐮𝐝𝐨𝐨𝐦𝐚𝐲 𝐀𝐠𝐚𝐚𝐬𝐢𝐦𝐚𝐡𝐚 𝐆𝐮𝐮𝐝 𝐖𝐚𝐬𝐚𝐚𝐫𝐚𝐝𝐚 𝐂𝐚𝐚𝐟𝐢𝐦𝐚𝐚𝐝𝐤𝐚 𝐗𝐮𝐤𝐮𝐮𝐦𝐚𝐝𝐚 𝐅𝐞𝐝𝐞𝐫𝐚𝐚𝐥𝐤𝐚 𝐒𝐨𝐨𝐦𝐚𝐚𝐥𝐢𝐲𝐚 𝐃𝐫 𝐆𝐮𝐮𝐥𝐞𝐝 𝐀𝐛𝐝𝐢𝐣𝐚𝐥𝐢 𝐒𝐡𝐞𝐢𝐤𝐡 𝐂𝐚𝐥𝐢.

Agaasimaha Guud Wasaarada Caafimaadka Dr Guuleed Abdijalil Sheikh Cali ayaa gaari amblunce ah ku wareejiyay Agaasimaha Guud Isbitaalka Forlanini Mohamed Jafar Ali iyadoo loogu adeegi doono dadweynaha ku xiraj Isbitaalka.

Agaasime Mohamed Jafar Ali ayaa uga mahadceliyay agaasimaha guud wasaarada caafimaadka iyo Wasaarada Caafimaadka XFS dib uhowlgalinta iyo garab istaaga joogtada ah ee lagarab joogto Wasaarada Caafimaadka.

-dhamaad-

𝐆𝐨𝐥𝐚𝐡𝐚 𝐌𝐢𝐡𝐧𝐚𝐝𝐥𝐚𝐲𝐚𝐚𝐬𝐡𝐚 𝐂𝐚𝐚𝐟𝐢𝐦𝐚𝐚𝐝𝐤𝐚 𝐐𝐚𝐫𝐚𝐧𝐤𝐚 𝐨𝐨 𝐝𝐨𝐨𝐫𝐭𝐚𝐲 𝐇𝐨𝐠𝐚𝐚𝐧𝐤𝐚 𝐆𝐨𝐥𝐚𝐡𝐚.

Muqdisho 21, December 2025; Wasiirka Wasaaradda Caafimaadka iyo Daryeelka Bulshada, Dr. Ali Haji Adam, ayaa maanta ka qayb galay kulanka 2aad ee xubnaha Golaha Mihnadlayaasha Caafimaadka Qaranka, kaas oo ujeeddadiisu ahayd doorashada hoggaanka Golaha iyo ansixinta xeer-hoosaadka anshaxa iyo hab-raaca shaqo ee Golaha.

Kulanka ayaa sidoo kale waxaa ka soo qayb galay hoggaanka sare ee Wasaaradda Caafimaadka iyo Daryeelka Bulshada, oo uu ka mid yahay Dr. Guuleed Cabdijalil, Agaasimaha Guud ee Wasaaradda. Mas’uuliyiintu waxay adkeeyeen doorka muhiimka ah ee Golaha Mihnadlayaasha Caafimaadka Qaranka ka qaadanayo ilaalinta anshaxa mihnadda, tayeynta xirfadlayaasha caafimaadka, iyo horumarinta adeegyada caafimaadka dalka.

Intaas kaddib, xubnaha Golaha ayaa u gudbay geeddi-socodka doorashada hoggaanka Golaha, iyadoo hawsha doorashada loo xilsaaray guddi ka kooban saddex xubnood, oo uu hoggaaminayay Guddoomiyaha Dalladda Bulshada Rayidka ah, isla markaana xubin ka ah Golaha, Osman Tahlil Shaatax, kaas oo faahfaahiyay habraaca iyo nidaamka doorashada.

Kadib doorasho si hufan, xor ah, isla markaana wada-ogol ah u dhacday, xubnaha Golaha ee kulanka joogay ayaa si wadajir ah u codeeyay, waxaana natiijadu noqotay:
• 𝐃𝐫. 𝐂𝐚𝐛𝐝𝐢𝐥𝐚𝐝𝐢𝐟 𝐔𝐠𝐚𝐚𝐬 𝐁𝐢𝐥𝐞 – Guddoomiyaha Golaha Mihnadlayaasha Caafimaadka Qaranka
• 𝐂𝐢𝐦𝐫𝐚𝐚𝐧 𝐀𝐱𝐦𝐞𝐝 𝐂𝐚𝐛𝐝𝐮𝐥𝐤𝐚𝐚𝐝𝐢𝐫 – Guddoomiye Ku-xigeenka Golaha

Natiijada doorashada waxaa si rasmi ah u shaaciyay Guddoomiyaha Guddiga Doorashada, Osman Tahlil Shaatax.

Ugu dambayn, Golaha ayaa sidoo kale ansixiyey Xoghayaha guud ee Golaha mihnadlayaasha Caafimaadka Qaranka NHPC Mudane 𝐌𝐨𝐡𝐚𝐦𝐞𝐝 𝐌𝐨𝐡𝐚𝐦𝐮𝐝 𝐀𝐝𝐝𝐨𝐰 iyo Marwo 𝐀𝐦𝐢𝐧𝐚 𝐇𝐚𝐬𝐬𝐚𝐧 𝐇𝐮𝐬𝐬𝐞𝐢𝐧 agaasime ku xigeenka Golaha, intaasi ka dib hoggaanka cusub ee la doortay ayaa u mahadceliyay xubnaha Golaha kalsoonida ay siiyeen, iyaga oo ballanqaaday inay ka shaqayn doonaan xoojinta midnimada Golaha, ilaalinta anshaxa mihnadda caafimaadka, iyo horumarinta adeegyada caafimaadka dalka.

----------------
𝐃𝐇𝐀𝐌𝐌𝐀𝐀𝐃

𝐗𝐨𝐠𝐡𝐚𝐲𝐚𝐡𝐚 𝐆𝐮𝐮𝐝 𝐆𝐨𝐥𝐚𝐡𝐚 𝐌𝐢𝐡𝐧𝐚𝐝𝐥𝐚𝐲𝐚𝐚𝐬𝐡𝐚 𝐂𝐚𝐚𝐟𝐢𝐦𝐚𝐚𝐝𝐤𝐚 𝐐𝐚𝐫𝐚𝐧𝐤𝐚 𝐒𝐨𝐨𝐦𝐚𝐚𝐥𝐢𝐲𝐚 𝐨𝐨 𝐛𝐨𝐨𝐪𝐚𝐬𝐡𝐨 𝐢𝐲𝐨 𝐤𝐨𝐫𝐦𝐞𝐞𝐫 𝐤𝐮 𝐲𝐢𝐦𝐢𝐝 𝐈𝐬𝐛𝐢𝐭𝐚𝐚𝐥𝐤𝐚 𝐃𝐚𝐝𝐰𝐞𝐲𝐧𝐚𝐡𝐚 𝐞𝐞 𝐅𝐨𝐫𝐥𝐚𝐧𝐢𝐧i/𝐋𝐚𝐳𝐳𝐚𝐫𝐞𝐭𝐨.

Xoghaya Guud Golaha Mihnadlayaasha Caafimaadka Qaranka 𝐃𝐫 𝐌𝐨𝐡𝐚𝐦𝐞𝐝 𝐌𝐨𝐡𝐚𝐦𝐮𝐝 𝐀𝐝𝐨𝐰 oo kormeer iyo booqasho ku yimid Isbitaalka ayaa waxaa kusoo dhaweeyay Agaasimaha Guud Isbitaalka 𝐌𝐨𝐡𝐚𝐦𝐞𝐝 𝐉𝐚𝐟𝐚𝐫 𝐀𝐥𝐢.

Xogahayaha Guud ee golaha ayaa mid mid u kormeeray qeybaha Isbitaalka sida:-

1. Qeybta Hooyada iyo Dhallanka
2. QeybtaQuudinta Caruurta
3. Qeybta Adkeysiga Qaaxada
4. Qeybta Dhimirka Ragga
5. Qeybta Dhimirka Haweenka ( Dhawaan la furi doono)
6. Qeybta Gurmadka Gar Gaarka Degdega (Dhisme ku socda)
7. Qeybta Tallaalka Qaranka (Dhisma ka socda)

Kormeerka kidib Xoghaye Adow ayaa shir la yeeshay madax qeebeedyada Isbitaalka isagoo war bixin ka dhageestay dhamaan madax qeybeedyada, wuxuuna ka mahadceliyay shaqada wanaagsan ee ka socota Isbitaalka iyo horumarka dhanka dhismaha ee ku tallaabsaday Isbitaalka.

-𝐃𝐡𝐚𝐦𝐚𝐚𝐝-

Xafiiska Xiriirka Warbaahinta iyo la falgalka Dadweynaha.

𝐒𝐚𝐟𝐢𝐢𝐫𝐤𝐚 𝐃𝐨𝐰𝐥𝐚𝐝𝐚 𝐓𝐚𝐥𝐢𝐲𝐚𝐚𝐧𝐢𝐠𝐚 𝐞𝐞 𝐒𝐨𝐦𝐚𝐚𝐥𝐢𝐲𝐚 𝐢𝐲𝐨 𝐇𝐚𝐲’𝐚𝐝𝐚 𝐈𝐭𝐚𝐥𝐢𝐚𝐧 𝐂𝐨𝐨𝐩𝐞𝐫𝐚𝐭𝐢𝐨𝐧 𝐀𝐠𝐞𝐧𝐜𝐲 𝐨𝐨 𝐛𝐨𝐨𝐪𝐚𝐬𝐡𝐨 𝐫𝐚𝐬𝐦𝐢 𝐚𝐡 𝐤𝐮 𝐲𝐢𝐦𝐢𝐝 𝐈𝐬𝐛𝐢𝐭𝐚𝐚𝐥𝐤𝐚 𝐃𝐚𝐝𝐰𝐞𝐲𝐧𝐚𝐡𝐚 𝐅𝐨𝐫𝐥𝐚𝐧𝐢𝐧𝐢/𝐋𝐚𝐧𝐳𝐚𝐫𝐫𝐞𝐭𝐨.

Wasiirka Wasaarada Caafimaadka & Daryeelka Bulshada Dr. Ali Haji Adam ayaa maanta kusoo dhaweeyay Isbitaalka Dadweynaha Forlanini/Lanzarreto Safiirka Dowlada Taliyaaniga ee Soomaaliya Ambassador Pier Mario Decco Copi iyo Hay’ada Italian Cooperation Agency oo booqasho rasmi ah ku yimid Isbitaalka, waxaan ku wehliyay Agaasimaha Guud Isbitaalka Mohamed Jafar Ali.

Booqashadaan ayaa daarneed Dowlada Taliyaaniga oo qeyb ka ahayd dib udhiska iyo howlgalinta Isbitaalka iyadoo ay dhiseen Qeybta Dhimirka Haweenka oo loogu tala galay haweenka ka xanuusan dhimirka.

Wasiirka iyo safiirka ayaa booqday xarumaha Isbitaalka gaar ahaan xarunta cusub ee dhimirka haweenka iyadoo uu balan qaaday safiirku inuu dhisi doono qeybo kale iyo qalabeynta xarumaha qaar sida xarunta dhimirka haweenka.

Wasiirka ayaa uga mahadceliyay safiirka booqashadiisa iyo taageeradiisa ku aadan dib u dhiska iyo casriyeynta Isbitaalka.

-dhamaad-

𝐖𝐚𝐬𝐢𝐢𝐫𝐤𝐚 𝐖𝐚𝐬𝐚𝐚𝐫𝐚𝐝𝐚 𝐂𝐚𝐚𝐟𝐢𝐦𝐚𝐚𝐝𝐤𝐚 & 𝐃𝐚𝐫𝐲𝐞𝐞𝐥𝐤𝐚 𝐁𝐮𝐥𝐬𝐡𝐚𝐝𝐚 𝐗𝐅𝐒 𝐃𝐫 𝐀𝐥𝐢 𝐇𝐚𝐣𝐢 𝐀𝐝𝐚𝐦 𝐀𝐛𝐮𝐛𝐚𝐤𝐚𝐫 𝐨𝐨 𝐤𝐨𝐫𝐦𝐞𝐞𝐫 𝐬𝐡𝐚𝐪𝐨 𝐤𝐮 𝐲𝐢𝐦𝐢𝐝 𝐈𝐬𝐛𝐢𝐭𝐚𝐚𝐥𝐤𝐚 𝐅𝐨𝐫𝐥𝐚𝐧𝐢𝐧𝐢/𝐋𝐚𝐧𝐬𝐚𝐥𝐞𝐭𝐢 𝐨𝐨 𝐝𝐢𝐛 𝐮𝐝𝐡𝐢𝐬 𝐁𝐚𝐥𝐚𝐚𝐫𝐚𝐧 𝐤𝐚 𝐬𝐨𝐜𝐝𝐚.

Muqdisho 15 November 2025; Wasiirka Caafimaadka & Daryeelka Bulshada XFS, H.E. Dr. Ali Haji Adam, ayaa maanta kormeeray mashaariic dhismo oo muhiim u ah kaabayaasha caafimaadka dalka, kuwaas oo ay Wasaaraddu ka hirgalinayso Caasimada Dalka.

Wasiirka ayaa kormeeray Isbitaalka Forlanini, halkaas oo ay ka socoto ballaarin iyo dhismo casri ah oo lagu kordhinayo qaybo cusub sida Qaybta Hooyada & Dhallaanka iyo Qaybta Gar-gaarka Deg Dega & Dhaawacyada Culus, kuwaas oo sare u qaadi doona adeegyada caafimaad ee isbitaalka.

Sidoo kale, Wasiirka ayaa booqday Dhismaha Kaydka Talaalka Qaranka, oo markii ugu horreysay muddo ku dhow 30 sano kabadan uu dalku yeelan doono goob casri ah oo lagu kaydiyo tallaalka gudaha dalka, taas oo qeyb ka ah yoolka Qaran ee isku filnaanshaha tallaalka lagana dhisaayo Isbitaalka gudihiisa.

Dhammaan mashaariicdan caafimaad ayaa maraya heer gabagabo ah, iyagoo qayb ka ah Dadaalada Xukuumada Danqaran ee tayaynta adeegyada Dalka.

----------------
𝐃𝐇𝐀𝐌𝐌𝐀𝐀𝐃